影片
更多
2016-04-16
1970 浏览
今日星期五同幾個朋友食大中華，book枱既時候約左7點，講到明8:30要還枱，咁既然成班人都掛住佢既豬手，咁好啦，個半鐘就個半鐘啦！一坐低諗左一陣食咩，好快就叫左下列菜式：黑椒豬手 必點小菜！ 每次都一定會食，呢度既豬手無得頂，黑椒汁非常惹味，隔離枱都聞到！原隻送上既豬手好容易切開，因為肉質夠嫩滑，而豬皮好肥美而軟綿綿，充滿骨膠原。煮花甲 （$100） 花甲大大粒，因為新鮮既關係只係白烚已經好好食，食到原汁原味既海鮮甜味，旁邊亦有醬汁加以調味。椒鹽鮮魷 必點小菜！鮮魷炸得香脆但食落唔油膩，椒鹽份量剛好食落唔會過咸，而魷魚亦夠彈牙厚肉。糯米飯 $130 餐牌上寫住既皇牌糯米飯, 當我將佢放入自己碗中既時候已經知道佢唔係我杯茶。糯米飯好鬆散，並唔似傳統既糯米飯咁痴埋一齊，而糯米飯中加入好多好大粒既蔥，臘肉，花生。花生可能焗得太耐已經唔脆唔香口，飯煲底有飯焦，但整體味道麻麻，欠糯米飯香同臘肉唔夠惹味。 墨魚餅 墨魚餅內有墨魚粒粒，咬起黎彈牙爽口，旁邊有泰式甜酸醬，點唔點都咁好食食到8:15pm想加餸既時候，被侍應狠狠的拒絕了，仲比左張單我地要埋單，食唔夠飽真係呢一餐既遺憾
一坐低諗左一陣食咩，好快就叫左下列菜式：
黑椒豬手
必點小菜！ 每次都一定會食，呢度既豬手無得頂，黑椒汁非常惹味，隔離枱都聞到！原隻送上既豬手好容易切開，因為肉質夠嫩滑，而豬皮好肥美而軟綿綿，充滿骨膠原。
煮花甲 （$100）
花甲大大粒，因為新鮮既關係只係白烚已經好好食，食到原汁原味既海鮮甜味，旁邊亦有醬汁加以調味。
椒鹽鮮魷
必點小菜！鮮魷炸得香脆但食落唔油膩，椒鹽份量剛好食落唔會過咸，而魷魚亦夠彈牙厚肉。
糯米飯 $130
餐牌上寫住既皇牌糯米飯, 當我將佢放入自己碗中既時候已經知道佢唔係我杯茶。糯米飯好鬆散，並唔似傳統既糯米飯咁痴埋一齊，而糯米飯中加入好多好大粒既蔥，臘肉，花生。花生可能焗得太耐已經唔脆唔香口，飯煲底有飯焦，但整體味道麻麻，欠糯米飯香同臘肉唔夠惹味。
墨魚餅
墨魚餅內有墨魚粒粒，咬起黎彈牙爽口，旁邊有泰式甜酸醬，點唔點都咁好食
食到8:15pm想加餸既時候，被侍應狠狠的拒絕了，仲比左張單我地要埋單，食唔夠飽真係呢一餐既遺憾！如果一班人諗住搵個地方聚下舊吹下水，最好諗定下一場去邊食或者坐，因為你只有個半鐘！
张贴
