夏麵館 (始創中心)

营业中

休息中

好耐冇食過夏麵館，今日去第一個感覺係好經濟實惠，難怪平日晚市都好爆。*呢度有茶位費（$4）夏味燻蛋（$13）單隻order都幾flexible，味道還好。蟹粉小籠包（$38/2隻）蟹粉小籠包可以order 2隻或4隻，想經濟啲就叫兩隻過下口癮，小籠包包皮唔算好薄，蟹粉餡味道鮮，下次可以食普通版小籠包，睇下邊隻好啲。牛肉生煎包（$30/2隻）牛肉餡都算juicy，但包煎得唔係好夠脆。干扁四季豆（$58）好有鑊氣，四季豆炒得乾身，推介。三鮮煨麵（$60）排骨擔擔麵（$65）碗麵熱辣辣，湯底帶微辣，呢個麵都幾好。

好耐都冇食過夏麵館喇！記得上一次去咗樂富分店食擔擔麵，抵食夾大碗。今次走咗去始創中心睇電腦配件，路過夏麵館見門外推介蟹粉食材，於是同友人走入去試試！今晚點咗蟹粉拌麵、蟹粉小籠包、經典菜式翡翠獅子頭、夏味燻蛋和豆沙鍋餅。蟹粉拌麵 $78蟹粉醬十足，散發出陣陣蟹皇味，拌有蟹肉，味道不會太咸。麵煮得啱啱好，好彈牙！其實不論撈麵或撈炒飯都好夾！蟹粉小籠包 $38（兩隻）真係薄餡靚，餡料味道鮮甜，咬落去仲保留好多湯汁！ 翡翠獅子頭 $82經典招牌菜式，肉質好鬆軟唔覺肥，「入口即化」先係上品！碟邊伴上翠綠小唐菜，健康而又飽肚。夏味燻蛋 $24（兩隻）雞蛋呈溏心效果，有煙燻香氣，蛋白好Q彈！豆沙鍋餅 $36熱辣辣上檯，外表香脆而不油膩，豆沙起沙又唔會太甜，入口軟綿幼細，果然好有水準，絕對值得一試！

心癮起，想吃小籠包。來到始創中心的夏麵館，裝潢走摩登時尚路線，以粉藍色為主調，予人年輕活力之感。先來一個五小碟，裡面五款配菜可自由選擇。蒜香四季豆爽甜，味道不太刺激；涼拌小木耳反而比較辣；海蜇顏色偏深色，味道卻不太濃，爽口彈牙；另外還有鎮江水晶肉和雞絲粉皮，賣相精緻，份量也不少，抵吃前菜之選。然後來一碗鮮魚羹，內有魚肉、筍絲，味道較清淡，可加醋提味。吃過燻蛋後便是我引頸以待的蟹粉小籠包出場了😋即叫即蒸，皮薄有湯汁，肉餡份量亦不少，唯蟹粉可再重一點。最後怎少得甜品呢？一客酒釀丸子帶著桂花與酒釀的微香，為豐盛的一餐畫上句號。

朋友介紹話依間上海嘢好食又抵食今日趁早收工，就同朋友過左嚟食啲嘢又真係幾平喎每款都只係幾十蚊咁四喜烤夫 $38好多汁好入味甜甜地，食到停唔到蒜香四季豆 $34 雖然我唔食豆，但朋友仔話好鐘意食，堅持要嗌佢話好清甜，比想像中淡味有好清新既香蒜味，而且唔算辣見佢真係一個人輕鬆食晒成碟鎮江水晶肉 $55嘻嘻，好鐘意依個唔算太油膩蟹粉小籠包 $38最鐘意既小籠包依個水籠包入面好多汁好味火腿津白 $70又係一道我好鐘意既上海菜津白好清甜食左5樣嘢都只係$267，每人$130今次朋友無介紹左，真係幾抵食又好食

我幾喜歡吃上海菜, 尤其是上海點心和包類。這間上海菜館供應很多款式的食物。整體來說, 食物的質素是幾高的, 充滿地道風味。我們點了上海粗炒、炸銀絲卷、韭菜炒蛋、素菜包、高力豆沙來分享。如果要點一款麵類, 我多數都會選擇上海粗炒, 因為味道較為濃味, 幾惹味的。上海粗炒的份量足夠二至三人一起吃。炸銀絲卷會配上煉奶。韭菜炒蛋的份量都幾多, 炒蛋有蛋香, 炒得夠嫩滑, 仍留有蛋汁, 韭菜的份量也不少。素菜包裏面的餡料都算多, 但就偏乾身, 不過麵包是很軟熟的。高力豆沙 - 甜甜的, 是一個不錯的飯後甜品。裏面是豆沙蓉, 很軟熟, 外層有微脆的質感。

今日我同朋友一家去旺角夏麵館食晚飯，首先叫咗個自選涼菜小碟，有四喜烤夫、美味海蜇、雞絲粉皮、鎮江水晶肉和糖醋小排鎮江肉。鎮江水晶肉有層次好有口感，有四件，一人一件，剛剛好。海蜇好爽，糖醋小排就有少少失準，肉質比較硬，但係好入味，雞絲粉皮好味，好 快食曬。我鍾意沙煲雲吞雞，湯好好味，我飲咗三碗。餛飩大粒，餡料足。 雞就比較瘦，唔夠滑。 但係都係水準之作，必點之選。另外有個Do Re Me (哆唻唻)， 係由張曼玉提名，有蟹王，有蟹粉，仲有鮮味嘅蝦仁。 真係好高質素的食材， 我哋用白飯送，我食咗好多飯，食埋今餐要減肥。最後我哋叫咗貓山王榴槤高力，隔離民聞到話有石油氣味， 其實係好正的貓山王榴槤味!

上星期去了魚街買魚，回家前先去始創中心吃個晚飯。餐牌裡的選擇甚多，包羅萬有。熱爆燻魚入口酥脆，帶微微的甜，但魚肉內比較多骨。花雕醉雞每件雞件帶花雕酒味，味道濃，喜歡這種味道的我當然要多吃幾件。川味口水雞與花雕醉雞不同風味的，雞件夠嫰滑，吃起來蠻辣的，非常惹味。蟹粉小籠包一籠四件，餡料十足，咬一口先喝肉汁，幸福的感覺。干煸四季豆炒得夠乾身，肉碎加四季豆非常惹味。嫰雞煨麵吃上海菜最喜歡吃煨麵，每一次都必點的菜色，麵質剛剛好，味道清甜且份量十足。

偶爾也會跟朋友過來這裡食飯門口掛著大大個餐牌，價錢也一目了然餐廳以卡位為主，座得舒適蟹粉小籠包不算皮很薄的，但口感不錯 內裡滿是湯汁，吃得出鮮味川味口水雞，花雕醉雞川味口水雞醬汁調配得剛剛好雞肉也軟嫩不乾柴辣度蠻強的 個人更喜歡後者入味的花雕醉雞干扁四季豆炸過的四季豆來拌炒蔥薑、肉末，煸炒過的肉末鹹香有味油炸過的四季豆清甜軟嫩，口感恰到好處嫩雞煨麵雖然用料簡單，但清甜的湯頭且份量十足旺角彌敦道750號始創中心1樓115C號舖

今次心血來潮想食上海野，朋友就話不如食夏麵館，咁就一齊去左始創食~當晚門口都多人等位，好彩環境都寬敞，好快就入到去~睇完餐牌後，我地就叫左涼伴茄子、酸辣湯、蟹粉小籠包、上湯雲耳勝瓜、唐芹水餃麵和三鮮煨麵~冷盤 涼拌茄子，味道酸酸甜甜辣辣都幾開胃酸辣湯出面d酸辣湯，多數酸多過辣但呢間係小數夠辣既酸辣湯蟹粉小籠包 (4隻)小籠包好食，好多汁唯一有小小美中不足既係小籠包外皮有點厚，如薄番小小就完美了上湯雲耳勝瓜上湯清甜，雲耳勝瓜都好爽口~水餃麵都好大碗下，有4粒水餃d麵真係食極都仲有個份量係一碗麵都夠晒2個女仔食~三鮮煨麵裏面有蝦仁、火腿、雞肉和菜湯底清甜，麵質較粗身，口感十足~食完真係勁飽，叫左咁多野食，2人埋單都唔過300，真係抵食夾大件之選服務員態度有善~

雖然過咗農曆年，但係跟朋友團拜的機會陸續有嚟， 因著要就朋友食完再返公司OT, 所以我哋揀咗就腳的始創中心內的夏面館食dinner, 呢間夏麵館裝修比較新淨光猛,而且枱與枱之間相 隔比較闊落,坐得非常舒服,傾計聚腳一流, 我哋叫左自選前菜五小碟， 包括美味海蜇，雞絲粉皮，鎮江水晶肉，糖醋小排， 四喜烤麩， 每份前菜的份量都很多，抵食！ 另外我哋還點了砂鍋雲吞雞 、do、re、mi及 豆漿。 極力推介doremi要撈白飯食， 不經不覺撈咗一大碗飯， 食到舐舐脷

本兔和獅子老公對上海菜的確沒什麼抵抗力。今天就到始創中心的<夏麵館>開飯雖然已經八點鐘，但依然還有非常多人在等位。排咗一陣，終於到我們，內裏採用海藍色，滿有夏天風味的裝修風格，是夏天的麵館。中餐館的設計風格，又帶點時尚，用餐也很舒服。〈鮮肉小籠包（四隻）〉熱辣辣，一蒸好就香噴噴的登場。小籠包的皮非常薄而且口感Q彈，內裏的肉汁也不少，小肉團肉味香濃又好咬口，肥瘦適中，不錯不錯。〈生煎包（三個）〉有小籠包又怎可以有生煎包？？生煎包的外層煎得香脆乾爽，內裏同樣有厚厚的肉糰和豐富的肉汁，正〈蒜泥白肉〉見到滿滿嘅蒜泥鋪起面已經即時心心眼。濃郁嘅蒜味配襯肥瘦適中嘅豬肉，肉質香軟，口感柔滑中卻帶有豬皮的爽，完全毫無違和感。〈濃湯骨津白〉大大塊的津白浸在濃郁得像忌廉般的豬骨湯中，仲有金華火腿絲，味道一啲都唔寡，就算不喜歡吃菜的老公就係覺得不錯〈砂鍋獅子頭擔擔麵〉湯底味道超濃郁的一道菜，一來到的時候已經香氣撲鼻。用肉糰做成的獅子頭真係超大個呢！！獅子頭肉質結實，肥肉不多，真正的啖啖肉。〈麻醬拌麵〉$36呢個價錢真的絕對超值，份量超級的大！！雖然衹是簡單地把濃郁的麻醬加在爽口的麵條中，但正

環境不錯，坐位夠多，雖然樓底比較矮，但一啲都唔侷促，呢到係旺區嘅一個不二之選。虎皮素鵝𥚃面包住嘅係菇菌，本身諗緊會唔會好乾，但一咬落去菇嘅汁中和咗，外脆內軟，所以一啲都唔乾，好好食蟹粉小籠包好掛住大閘蟹嘅味道，忍唔住叫咗4個蟹粉小籠包，上檯熱騰騰，入面餡料以蟹肉，豬肉制作，皮做得唔錯夾起唔會穿，但略嫌蟹粉味唔太出，但咬下去湯汁滿滿嘅，食落都滿口流香干扁四季豆炒得好香，因為呢道菜正常嘅做法係需要油炸四季豆，所以一定會較油，但佢地做得唔錯，食落好香口又唔會滿口油，當小食或送飯都一流麻醬拌麵因為唔太想食飯又唔想食湯麵，所以簡簡單單叫咗拌麵，上檯暖暖嘅，味道香噴噴，一碗兩個人分份量啱啱好豆沙窩餅呢個無論我去邊到食上海菜嘅必食，食到差唔多就要叫服務員上甜品，事關要即食先會熱辣辣，果然不出所料，真係好好味，皮薄餡靚，一咬啲豆沙餡爆出嚟，好幸福呀，真係做得好出色。

夏麵館-經典上海菜最近太子新開的上海菜，又在公司附近，今日決定一試，門面掛著「夏麵館」三字的發光招牌，旁邊配以菜館簡介的燈箱，店內以粉藍色為主，燈光明亮，給人簡潔乾淨的感覺。涼菜五小碟一次滿足五款口味，甘甜軟綿綿的四喜烤夫、爽口涼伴的美味海蜇、花生醬滿滿的雞絲粉皮、香脆可口的虎皮素鵝和腌製得入味非常的糖醋小排。蟹粉小籠包剛蒸好的小籠包，外皮薄，內裡餡料十足，湯汁亦很夠，蟹粉的鮮味加上豬肉的肉味口感，兩者夾得很。雞扒擔擔麵大大塊的酥炸雞扒，炸得金黃色的，脆脆的炸粉包裹著嫩滑的雞扒。擔擔麵的份量非常多，麵身剛好不會過軟，湯底加份辣椒、肉粒、花生醬，愈食愈上癮。蘿蔔絲酥餅一客三件的酥餅，外皮鬆化，內裡蘿蔔一絲一絲，蘿蔔汁溢出，外脆內軟，味道相對比較淡。

之前喺屯門試過夏麵館，今日行太子，原來始創都開左~記得上次食過嘅薰蛋，好好味，蛋黃軟綿綿，咸咸地，口感一流😍今日緊係要再叫啦～推出了一些蟹粉菜式，例如金牌蟹粉生煎包，蟹粉生魚絲，蟹粉拌麵。。。。我選蟹粉小籠包，咬開有湯汁，熱騰騰，小心燙親咀哦😜肉餡鮮嫩甘香，蟹粉令整個小籠包更出色👍上海菜館我最愛的是醃篤鮮，用冬筍、鹹肉、豆腐皮結和鮮豬肉，慢燉而成。有鹹肉和鮮肉，熬煮出來的湯集結了五花肉和鹹肉的精華，有鹹肉的咸鮮味，加上鮮肉的甘甜味，味道是非常鮮美。再加入了鮮筍的清香味，多種風味同融一鍋，湯頭呈奶白色，喝起來濃厚複雜，所以我十分喜愛🤩響油鱔糊，味道濃鬱，鱔鮮盈口，黃鱔的肉質軟糯細膩，加上爽脆嘅筍絲，美味可口😋😋😋上海擔擔麵，這擔擔麵未送入口前已聞到陣陣花生味， 香氣撲鼻，湯頭濃厚帶一點小辛辣，做到掛汁效果👍至於麵底煮得剛好，軟硬適中，份量可不少呢～我地兩個人分享😅坐低就見到與別不同嘅高力豆沙，不是一般嘅餡料，而是用貓山王😍味道微帶酒香、甘香可口的貓山王榴槤，製成金黃鬆軟的高力再配上糖霜，相信榴槤迷一定會喜歡🤗酒釀丸子，有桂花嘅幽香，丸子軟糯，酒香亦恰到好處~食到捧住個肚，咁多嘢都吾使$

同朋友開年飯聚, 好耐無食上海野就選擇呢間夏麵館 地點係始創方便大家,平日晚市人唔算太多, 店面裝飾淺色系藍白茶色為主, 燈光柔和, 比人一種恬靜既感覺坐底打開餐牌好多選擇, 另外仲有2/4/6人套餐餐牌本身已經有心水就好快揀定食咩頭盤先黎 酸辣湯(例牌) + 四喜烤麩酸辣湯好足料, 例牌份量足夠分到4碗, 由於我本身唔係好食得辣覺得有點嗆喉, 但好好味我都食晒成碗:-P烤麩咬落去多汁, 滋味醇厚冷盤醒胃~上海野當然要有鮮肉小籠包 + 蟹粉小籠包小籠包湯汁多肉汁更多, 皮厚適中,而蟹粉版食落去仲多左一份鮮甜味~花雕醉雞就正常既味, 雞件滑, 有酒香亦浸得夠味, 合格~椒鹽小黃魚夠晒惹味, 亦煎得岩岩好, 外脆內軟令人有衝動叫碗白飯配埋食雪菜肉絲炒年糕個人覺得偏淡, 如果雪菜份量多返D就更好高力貓山王榴槤, 呢個係門口見到有牌推介咁特別已決定要叫埋, 係叫起先即刻整出黎熱辣辣咁上枱, 外層蛋白炸到好鬆軟, 一咬開陣榴槤味湧出黎, 食得出真係貓山王黎, 榴槤喜愛者請一定要叫黎食~成餐飯最後食埋呢個甜品係帶著一種滿足感離開~~