夏麵館 (始創中心)

营业中

休息中

小朋友嘅時候好鍾意到屋企樓下嘅上海舖食晚飯，飲我最喜歡嘅酸辣湯，食上海炒粗同埋小籠包。上海舖結業之後，嗰種懷舊嘅味道同埋周圍都有，上次食過夏麵館，感覺味道有7分上次相似，所以久不久放工會專程搭車到太子吃碗酸辣湯。《酸辣湯》酸辣湯辣緊要個酸，這裏的酸辣度控制得好平衡，而且用了豐富，每一口都有咬感，暖胃又實在。《夏味燻蛋》很有懷舊的味道，煙燻味濃郁，蛋做到流心的感覺，十分美味。《鮮肉小籠包》我個人推介的美食，小鮮肉果然肥美多汁，皮薄喊靚，熱辣辣即叫即做，入口小心小籠包的湯汁會噴出來。《牛肉生煎包》生煎包就食得多，以牛肉作餡料的都是新嘗試，肉味濃郁多汁，包底煎得夠香脆。《排骨擔擔麵》這裏的擔擔湯底也是非常出色，濃郁的花生香味，麵條爽口彈牙，掛汁能力高，上海炸排骨更加是外脆內軟，食到停唔到口。《川味口水雞麵》川味口水雞的雞肉嫩滑，醬汁麻辣，冷盤來說口味十分惹火，辣得好刺激。

今晚突然好想食上海菜，就同左男友去夏麵館😅因為太肚餓所以叫咗勁多飽肚嘅嘢😂 包括雞絲粉皮，黃魚煨淮山麵，糖醋魚塊配菜飯同百葉小棠菜苗～雞絲粉皮嘅粉皮韌度適中，豐富嘅花生醬味，配埋爽口消暑既青瓜好開胃👍黃魚煨淮山麵叫左少麵都超大份😱 個湯有少少奶白湯嘅味，幾香幾好飲🙊啲魚好滑，清淡得黎好味😋糖醋魚塊係新鮮炸起，酸同甜既味道剛剛好，送飯一流👍👍百葉小棠菜苗煮得啱啱好，菜爽口， 有啲金華火腿既咸香味，同樣清得黎幾正👏坐得幾舒服，價錢唔貴，可以再黎😁

我係旺角做完facial揾朋友食飯，都夜啦，朋友揀咗始創方便大家小巴返屋企。今晚唔想食熱氣野，揀左中餐夏麵館。天花板好似狗仔手印咁，幾新穎。醉香豬手 $62花雕酒滿一碗湯咁，豬手份量都唔少。花雕酒好濃味，入哂豬手既皮、根位、有少少少少肉。根位好出色，晶瑩剔透得靚深入花雕酒硬得嚟係咬到既，唔係軟骨個隻。豬皮比根位薄會更入味爽口，最重要無毛！唔錯。花雕酒都飲咗半，哈哈。蒜香四季豆 $34冷盤色澤鮮艷，有綠有白有紅。蒜香幾重，辣就唔辣。鮮肉小籠包 $38多汁，樣見皮厚身，但食落唔會太重粉底。加薑加醋重味d，又熱又「辣」。多肉多湯，熱湯慢慢流入口。之後再食肉，幾大舊半肥瘦豬肉。蔥油蝦米拌麵 $42蔥黑晒帶甜，蝦米就鮮，混合拌麵。拌麵無湯以為會好咸，又ok喎。反而湯麵有d咸。夏味鱔糊麵 $70湯麵係話陽春麵呀，有d咸。見佢麵底仲大個拌麵咁，算啦。鱔糊就味道唔咸岩岩好，鱔糊絲肉質甜勁夠又夠實，再加爽「脆」酸筍蔥花，整體好實淨既菜。酒釀丸子 $30桂花酒釀花香甜甜，打左個大獻咁結結地。

好耐冇來夏麵館，真系好卦住佢d特色懷山麵，出面真系好似未見過有呢種麵食，好特別的口感，又特別健康。餐廳環境時尚又不失古典韻味，很有上海茶樓特色。大細卡位舒適，適合一家大細。多款上海小菜選擇很多，淨系麵就有十幾款，只是加返幾蚊就可揀擔擔麵湯底，更可選擇懷山麵。我地揀左擔擔麵湯底的排骨懷山麵，價錢系70蚊。跟埋酥炸排骨，真系好抵食。麵身爽口，口感好特別，配上擔擔麵湯底，麻醬香口。酥炸排骨金黃香酥，肉質鮮嫩。熏魚很有上海特色，溫熱的口感新鮮。肉厚又夠味。上海醬鴨的醬味十足，咸香正宗，鴨肉肥瘦適中，好味！

今日同朋友出開太子買野，去咗始創中心覓食，然後我哋揀咗呢間夏麵館。即使今日係平日夜晚，餐廳都有唔少枱客。我地揀左個主食再加幾樣小食share。我哋見佢個蟹粉美食係廚師推介，於是叫咗個蟹粉炒飯。蟹粉同炒飯分開上，蟹粉十分濃味，撈埋炒飯食好惹味。而且上枱時蟹粉同炒飯都熱辣辣，值得一讚。鮮肉小籠包，皮薄餡靚，食落去充滿鮮嫩肉汁，唔錯。紅油抄手，總共有六隻，size比平時食開大粒，由於唔係被辣油浸住，所以味道較淡。夏味燻蛋（兩隻）隻蛋經過煙燻，味道比較特別同吸引，凍凍地，幾開胃。花雕醉雞 ，花雕酒味夠出，雞的份量亦不少，而且煮得入味。餐廳野食價錢便宜，而且每樣嘢食都分量十足，食到好飽都只係每人百零蚊，好抵。

身為一個吃貨咩都會去試下👅而上海菜.四川菜.我都好喜歡今日就去左一間好多人都推介既餐廳夏麵館.聽就聽得多.但真係未試過!.食物方面:⚪️上海醬鴨味道比較濃郁入味.肉質都好嫩滑分量唔算太多.作為涼菜都唔錯😛⚪️蟹粉豆腐煲好香蟹粉味.而且非常足料豆腐好滑.配合蟹粉好夾成煲都可以見到好多蟹肉同蟹膏😊⚪️蟹粉拌麵蟹粉係另上的.一個拌麵跟一碗蟹粉相對上無蟹粉豆腐煲好味🤔拌麵係冇味嘅靠蟹粉嘅味道所以整體都比較淡.蟹粉味唔算好出而且一碗蟹粉唔足夠撈成碗麵.不過不失⚪️鮮肉鍋貼大大隻鍋貼.餡料好足但係略嫌皮厚.煎得唔夠脆但唔算好乾都可以的😌⚪️鮮肉小籠包熱辣辣嘅小籠包充滿湯汁.一咬就流哂出黎.肉味好鮮甜😚整體方面:因為見到有得食蟹粉.本身都好鍾意食所以叫咗兩樣蟹粉嘅菜式蟹粉豆腐煲絕對有驚喜好濃郁😋而且配合豆腐非常夾小籠包都係必食之選建議麵食揀返上海粗炒或者擔擔麵應該會更好食想食上海野都係一個幾好嘅選擇👍🏻

我久唔久想食上海菜就會嚟呢度。食物多元化，價錢大眾化，而且有我喜歡的菜色！《蒜泥白肉》每次去食上海菜必點的菜色。豬肉肥瘦平均，點埋個醬尤其好食。《東波肉》外型和器皿都十分別緻。有一層非常厚的豬皮口感十足。醬油味道十分濃郁，不錯吃！《鮮肉小籠包 4隻》皮薄餡靚，肉味鮮甜加上豐富肉汁，十分好吃。《酥炸雞扒准山麵》雞扒炸得很香，炸粉亦鬆化。淮山麵味道清淡感覺健康，面質彈牙。《牛肉生煎包》 有兩件。麵包做得不錯頗軟熟。裏面的牛肉餡味道濃郁幾好味。《紅油抄手》有六件咁多。味道豐富，又麻又辣。《豆沙鍋餅》即叫即整的！上枱時熱辣辣，紅豆是半融狀態，就像新鮮出爐的麵包，十分之好吃，highly recommended!

這裡裝修懷舊有特色，琉璃燈飾加上墻上的鏡片，仿佛時光倒流身處老上海餐館。蒜泥白肉，有別于其它地方的五花肉片，這裡把肉片切得較厚身，醬油和蒜蓉味道唔錯。酥炸雞排麵，這個麵做得非常出色，我喜歡這裡的淮山麵，有咬口又夠滑，炸雞也相當唔錯，外面酥脆，裡面肉汁豐富。鮮肉小籠包，小籠包係上海菜必食，基本上唔會失手，一啖咬落去裡面湯汁飛濺入口腔，十分滿足。豆沙鍋餠，剛煎好熱辣辣食非常香，好味。桂花拉糕，面個D桂花汁好濃烈桂花香味，個糯米糕好煙韌。

響始創行完街，路經此處，響門口見到呢個廣告牌，兩眼發亮，衝着貓山王高力而嚟，正值當季貓山王，又夾我自愛嘅高力，但係今晚嚟到冇貨，有啲失望，差點想走，但係朋友話好肚餓，所以繼續留低～唯有叫其他嘢食啦，見到隔離枱嘅炸黃魚，好似好好味咁，我哋都要一碟... 熱辣辣、外脆、內軟又多汁～炒鱔糊以筍及鱔混和其中，爽口又不失鱔肉嘅香味～叫唔到榴槤高力，就叫其他甜品試吓啦，豆沙鍋餅，滿滿豆沙餡，外皮脆剛好，唔會太燶～酒釀桂花小丸子，上枱熱辣辣又香噴噴，足料，滿滿都係小丸子，夠熟煙韌，恰到好處，桂花、酒香突出～簡單一頓飯，滿足～

今晚陪朋友喺金魚街睇狗狗，行到最尾我哋就去咗 始創中心食夏麵館，因為突然之間好想食上海菜呀。地方幾大，不過最好早啲嚟攞飛啦，因為呢度都好爆場！其中之一個原因我鍾意呢一度，就係呢度啲食物分量唔錯，好似蟹粉小籠包咁，可以只係叫兩粒，啱曬鍾意試唔同野嘅我哋。呢個蟹粉小籠包，來到係熱辣辣，非常皮薄，餡靚！紅油抄手，比起我想像中大粒，唔辣。鱔糊麵， 配擔擔湯底，湯底濃厚非常creamy！ 忍唔住要飲埋個湯底。四喜烤麩，酸酸甜甜，超級開胃！點少得甜品豆沙鍋餅，又脆又香甜！

太子呢間夏麵館都好旺場下, 見咁多人等又見有二人餐就排左陣食下上海野...3個人叫左個二人餐($308)再加左個黑醋話梅骨二人餐的份量是正常的:- 有2碗酸辣湯, 味道不錯酸度剛好..- 仲有個大人細路都like的上海醬鴨涼菜, 用乳鴨食落連骨都軟的, 肉又嫩, 配個甜甜的醬很惹味- 另一個涼菜係四喜烤夫, 其實我都唔知咩味, 因為比我仔食晒, 小朋友都食晒就知應該好合佢口胃啦- 主菜水煮牛肉味夠料足，仲有QQ粉同大量芽菜- 仲包老上海炒麵, 正常剛炒起的好味- 最後個餐有2粒高力豆沙, 等就等耐左少少, 不過上到來熱辣辣, 豆沙夠又唔太甜, 好好味囉~另叫的黑醋話梅骨好入味, 唔係一味食咕嚕肉咁味, 食既時間發現黑醋味濃入晒肉內, 另d汁真係有話梅肉, 真材實料~埋單$42x, 夠晒飽~ 八點半走都仲有不多人等緊位, 小菜都係岩大家食的~

太子始創開左一間夏麵館~~~我記得係其他地方食過d一間餐廳~但今次放工近近地一於就食佢啦~~🤗🤗🤗佢地方都算大有中間一埋大堆枱之餘都有卡位~~~果日好好彩即時入座~~~🎉🎉仲2個人都有卡位坐，舒舒服服~~🤭🤭🤭排骨擔擔麵 ($65) 🍲來上海餐廳擔擔麵~係我會必叫的選項之一~🙂佢有得改做淮山麵~~我地當然會轉下啦~~准淮山麵感覺健康d~😆麵質彈牙有嚼勁~~不會因吸左湯而變成一餅野~湯底好濃厚好香~~吃麵是有少少花生粒粒~~真係擔擔麵的精粹~🥜🥜🥜個麵底份量好多，足夠分做3、4小碗如果一個女仔食，真係會食到好飽😆😆😆而塊排骨就炸到好酥脆~🔥仍保持到內裡的肉汁💦不過稍微有少少炸得油油地如果可以炸得再乾身dd~~可能再可以吃多幾塊都不會膩~~☺水煮桂花魚 ($228 一條)/($128 半條)🐟熱辣辣一大盤魚~~🐟🐟🐟啖啖魚肉都吸左辣味湯汁~~🔥香而不會辣到食唔到~~~盤底有一埋豆芽菜~~🌿吸曬d湯汁~~好香口好好味~~如果不怕太油用來配飯一流~~~🍚貓山王榴槤高力 ($25一個)食飽正餐當然要吃甜品~~見佢話貓山王榴槤高力係全新菜式~~~榴槤愛好者即刻叫左一個食~~🤭🤭🤭上枱時佢漲卜卜外

夏麵館出名抵食夾大件，太子這間分店更加係高朋滿座，一般晚飯時間都要等位，因為價錢真係實惠，食物質素又唔差。今晚突然間想食上海菜，放工搭巴士相約屋企人食碗麵。小店裝修感覺小清新，餐牌所見的都是充滿地道風味的上海菜。上海菜招牌又點少得酸辣湯呢？熱辣辣的酸辣湯材料豐富，口感有咬口，味道酸酸辣辣好開胃。美味海蜇，入口爽脆，調味的麻油跟芝麻，更加係香氣撲鼻。紅油炒手，香辣適中，惹味非常。這裏的擔擔面，不能錯過。糖醋蝦球，呢個小菜真係抵食！大大碟，糖醋味道酸酸甜甜，蝦球爽口彈牙，而且仲係大大隻的蝦肉，鮮甜美味。瑤柱蛋白炒飯，瑤柱材料豐富，蛋白香，炒飯粒粒分明，飯桶食到停唔到口。甜品又点可能錯過～經典的上海招牌菜～高力豆沙呢！獨特的飯後甜點甜美得很，入口空氣感十足，十分鬆軟，非常可口。總括而言，我很滿意這頓飯，聽說菜式都由上海師傅親自處理，吃到真正的上海風味！

▪️ 蟹粉小籠包（7/10）💲70/4隻面頭有蟹粉，入面有蟹黃同埋蟹肉，其中有一舊既肉有蟹殼，真係夠曬真材實料🤣小籠包厚薄介乎中間，如果再薄多少少會更吸引，都裝左唔少熱辣辣既湯，配加上薑絲既醋🤓▪️ 酸辣湯（7.5/10）💲65 (例)唔太食得辣既我偏偏好鍾意飲酸辣湯，本身想少辣但係店員話辣度規定左，唔理啦照叫黎試下頂唔頂到😌佢既例牌原來都幾大煲，飲落夠曬酸，同時亦真係頗辣，夠曬過癮😳仲有唔少好爽口既餸，包括筍、豆乾、冬菇、木耳等等▪️ 夏味燻蛋（7.5/10）💲13/隻呢隻蛋幾有驚喜，食落真係有陣陣香濃既煙燻味，再加上熟蛋黃中間帶點流心蛋黃既效果😍▪️ 濃湯滑津白（7/10）💲58個湯有少少稠身，而且都真係濃味既▪️鮮肉鍋貼（6.5/10）💲36/3隻鍋貼個皮略為厚硬，內餡亦都唔係好夠熱😣▪️ 貓山王榴槤高力 （7/10）💲25/1個有時食榴槤好怕臭親隔離檯，好彩今次隔離都係榴槤愛好者，佢哋見我食都即刻話要點🤪榴槤蓉餡其實係頗為濃味，不過口感可以再軟綿一點，同埋糖霜幼細啲會更出色🙈🔎 整體評分（7/10）

在旺角想食好既上海菜，最好就係去夏麵館蟹粉小籠包，鮮肉小籠包皮薄餡靚咬一小口，濃濃的湯汁爆出來，湯汁很好喝，但要小心燙口。加上蟹粉的小籠包鮮味和香味層次再提升了不少。蟹粉炒年糕年糕Q彈，口感不錯，配上蟹粉的鮮味，讓年糕有了高級的味道，還有蟹肉可以吃呀。蘿蔔絲酥餅千層薄薄脆脆的酥皮，包著一絲絲新鮮的蘿蔔絲，是一個簡單但很花功夫的小食，上海擔擔麵很大的一碗擔擔麵，今們這次要求少辣，所以紅油不太多，麵煮得剛好，掛著濃郁的湯，吃起來滿滿的花生香，好吃。香煎南瓜餅今晚的甜品，炸得剛好，有保留淡淡的南瓜香，也有煙韌QQ的餅芯，再加上一點點糖霜，真是喜出望外的甜品。