夏麵館 (始創中心)

营业中

休息中

平日下午三點半截單，今日星期六，過左下午三點三都有得食。按門口屏幕取籌，等位等了幾分鐘，留意到：有裝修，西餐設計，(兩個人)除非被安排坐在一邊的卡位，坐位會有點擠，但算乾淨企理。跟 “灣仔369”一樣，不會願意山長水遠走來這裏吃飯。- 兩位茶- 下午茶餐：排骨擔擔麵 + 熱豆漿 + 紅油抄手- 韭黃炒鱔糊- 加一服務費，$189正常排骨跟菜飯的配搭會比擔擔麵好一點，但如果想要飯的話，兩個人可以選蛋白炒飯。

麵館窗旁是四人卡位，其落地窗可看到餐廳外。而餐廳中間有一張高長枱，可容納約十二人。午餐時間頗多人，我們等了約十分鐘才入座。甫坐下即點了四個午市自選套餐，午市套餐包括一款點心/涼菜、 一款主食和一杯飲品。當中以下幾款是我比較喜歡的食物。菜肉餛飩麵($56)，餛飩頗大隻，餛飩皮非常滑，餡料足，所以吃下去很有肉質的口感。湯、麵和餛飩味道都很清淡，麵煙靭彈牙是加分之處。嫩雞煨麵($62)，雞粒非常軟滑。湯底相對餛飩麵濃稠，味道濃郁，麵比較軟稔，能微微掛上湯汁。喜歡吃軟稔麵的人或長者，點這個比較適合。紅油抄手(3隻)，其它餐廳的紅油抄手都很辣，但這裏的紅油抄手只有微辣。皮滑而不會沾上太多油份，相對清淡。蒜香四季豆，最普通的前菜卻是我最喜歡的食物。四季豆非常新鮮爽脆。雖然四季豆拌着稔蒜粒和極少量辣椒粒，仍不會覺得濃味和辣，值到吃下辣椒粒，才會帶出微辣。涼拌粉皮，夏日涼拌小食首選，粉皮滑中帶點煙靭，拌上醬汁，清涼開胃。如果一個人吃完一碟粉皮，便會吃不下主食。四喜烤夫是正宗的上海菜，也與上述其它食物有着不一樣的味道，味道較濃，帶點甜味。蜂窩狀的烤夫軟中帶爽。整體來說份量頗多，五至六個人吃四個餐也可以。

又引證好評唔知點黎太熱懶得去咁遠諗住近近地坐間舒服少少嘅上海野假日2點鐘都有下午茶餐諗住都ok喎賣相都過得去啦 但食落就知伏雪菜肉絲炒年糕，咸到👎🏻👎🏻👎🏻回鍋肉粗炒，普通豆板醬炒👎🏻👎🏻👎🏻👎🏻排骨擔擔麵，個湯稀到無味👎🏻👎🏻👎🏻👎🏻👎🏻已經無心機食落去，生煎包屋企人話都好一般，乾唔juicy。難食到要邊食邊打劣評嘅地步睇住客人一堆接一推咁入經理對客人嘅態度真心一絕，聽到佢以下內容「你係出面等下」（要量體溫都可以客氣少少）「假期得呢啲同呢個 呢個無 你自己諗下啦」即係服務行業嘅態度口吻真係唔應該太掘埋單都有番啲禮貌 但唔足以令我唔滿意呢一餐😤😤😤

夏麵館的出品，勉強可以，只是勝在位置方便，在太子始創中心內，鄰近地鐵站。因為有一位朋友晚來，所以先點了一份生煎飽和小籠包，邊吃邊等。我們是以Eatigo訂座，享有10%折扣，但服務員說只限正價餐牌，套餐沒有優惠。在我們結帳的時候，卻說因為點了套餐，所以全單不能打折，這樣有欠公允。他們的套餐，確實便宜，我們三人點了四人套餐，可能因為晚上8:00多才用餐，大家肚子餓，所以全部光盤行動。整體菜式只是一般，不會太差，但也不是突出，只能說飽肚而矣。題外話，始創中心有做推廣，晚市惠顧$500或以上，送贈$100優惠券，只可到指定餐廳消費時使用。

本身都幾鐘意食上海菜，呢日下午茶時段嚟點左個套餐--小籠包同上海擔擔麵配豆漿，茶錢另計。平時食小籠包一籠最少都4件，少人食既話其他菜就唔可以點咁多。呢度下午茶叫套餐人少少食都得，一次過食鐘意既菜，分量剛剛好。可能太耐冇食上海菜，食完呢餐都幾滿足。

這家餐廳不只是食麵，而是吃上海菜菜館。這已不是我們第一次來了，這次我和另外一個朋友過來吃。叫了一碗五小碟。朋友很喜歡食吃酸菜魚，於是也叫了一盤。🍲五小碟海蜇頭、雞絲粉皮、糖醋排骨、腐皮卷、烤麩。分量比我們想的要多，而且很便宜，才$115。如果兩個人來吃，能吃五款小吃，真的滿足了我們這種貪心的小饞嘴。每一款小吃的水準都不錯，挺好吃的。🍲酸菜魚酸菜魚將四川的做法，有很多紅辣椒乾和紅油，桂花魚的魚肉嫩滑，配上了芽菜和唐芹菜，很好吃。

下午茶時間以為無乜人，點知要取籌等位。等咗一陣便有位，入內有很多人在吃，找到個角位坐。下午茶與午飯餐的區別是少了小食，需另加$配上的。選了青菜煨麵，大大碗煨麵加有切碎的小棠菜，湯是奶白色，是湯底加有奶而成的，令煨麵吃時軟滑溜。加$20，鮮肉小籠包4隻，即叫即蒸，都幾大隻，皮唔算太薄，夾起沒有破，一咬內裏很多湯汁，唔太鹹，肉餡鬆軟，不錯。夏伯伯酸梅湯，飲到用酸梅煑出來的味道，但唔太酸，甜度適中。其實以下午茶來計，是否算抵就因人而已。

捱過一星期後終於放假了，今晚又帶左媽咪黎到旺角始創中心「夏麵館」食佢最愛嘅上海菜～晚上七點幾已經座無虛席，好受歡迎呢菜單上嘅選擇好豐富，價錢經濟實惠涼拌小木耳木耳口感爽脆，加咗辣椒仔同酸醋吊味，酸酸微辣頗開胃呢鮮肉鍋貼有三大隻，鍋貼表面不太油膩，底部則金黃香脆，外皮略厚，充滿麵粉香。裏面係新鮮豬肉，肉餡頗肥美香軟，充滿肉汁鮮肉小籠包小籠包外皮厚薄適中，滿載湯汁同juicy豬肉餡，味鮮且鹹香，好出色賽螃蟹蛋白好滑溜，蝦仁新鮮爽彈，兩者比例剛好，味道好夾，仲有少量毛豆同紅椒，送白飯食就啱晒啦高力貓山王榴槤最後又點少得甜品呢，高力豆沙或者香蕉就食得多，呢度竟然有貓山王榴槤！金黃色的外表非常吸引，大小適中，裡面係濃郁香甜的貓山王榴槤蓉，真材實料擂沙湯丸芝麻湯圓好軟糯，口感QQ，有糯米香，內裏係粒粒起沙的黑芝麻餡，甜度適中，好好味啊

今晚同少爺響太子食飯，去左始創中心既夏麵館食野，我地已經接近十年無食過夏麵館。仲記得十幾二十年前? 在element食第一間的夏麵館，果陣真係覺得好好食，果間的夏麵館感覺好elegant, 裝修幾清雅。。之後夏麵館忽然開左好幾間分店，水準亦差左好多，同element店完全吾同! 我地亦沒再幫襯了。始創呢間夏麵館都幾迫，d 枱非常貼勁嘈吓! 叫左鮮肉小籠包($38), 個小籠包係多汁的，但係個皮同我面皮一樣太厚!!鎮江水晶肉 ($55) 呢個水間肉真係好吾掂!!!我本身好鐘意食水晶肉，每次去奧海城金滿庭都會叫，呢度的水晶肉太硬，完全做不到水晶肉應有的林和軟，食完呢度我忍吾住同少爺講：金滿庭做的真係好好食!火腿津白 ($70), 呢個津白做得好林，只係個汁少少咸。排骨擔擔麵($65), 個擔擔麵醬汁做得香濃的，只係麵有d過林，我自己喜歡食有咬口的麵。豬排ok good , 吾鞋如果肥多少少更好!XO醬炒年糕($68)個XO醬幾香口，但年糕片切太厚而且煮得太硬埋單326蚊，餐廳服務係好的，非常多人而且有d迫，但侍應嬸嬸非常殷勤。但係，今日既夏麵館味道真係差左好多，我好懷念element的夏麵

去始創中心取東西，一行出來見到 夏麵館，原來1:45 已開始下午茶時段，看下menu 有好多選擇。叫了一個唐芹水餃麵，加$5 轉了淮山麵，送飲品一杯 選了夏伯伯酸梅湯，另外加了半份豆沙鍋餅。唐芹水餃麵 比較清淡，小小的水餃好袖珍，餡料較淡味，淮山麵幼身，質感唔錯，爽口。豆沙鍋餅就唔得，餅皮硬硬的脆身，不是有蛋香較軟身的皮，失望。

上海菜也很適合香港人的口味，尤其是小籠包，鍋貼，上海粗炒，酸辣湯等等，都是港人的至愛 。 一向都覺得夏麵館的上海菜做得幾出色， 上星期日睇鄭秀文演唱會之前， 就到了太子始創中心的夏麵館吃晚飯， 點了蔥油開洋拌麵$42， 酸辣湯麵$52轉淮山麵$5， 唐芹鮮肉水餃$38， 豆沙鍋餅$36。 ⭕酸辣湯淮山麵🍜～ 近期很喜歡吃淮山麵感覺比較健康， 酸辣湯味道適中， 帶酸而不太辣，惹味開胃。 ⭕蔥油開洋拌麵🍜～ 蔥油味芬香撲鼻，拌麵煙韌易入囗， 香蔥配麵非常好吃。 ⭕唐芹鮮肉水餃～ 芹菜味清香， 但反而水餃皮比較散和厚身。 ⭕豆沙鍋餅～ 因為趕時間的關係，我們要拎走吃， 豆沙鍋餅的皮脆， 豆沙餡不太甜， 正！每次到夏麵館都可以好好享受一餐上海菜， 非常開心滿足。

平時晏就食中餐多，夜晚食真係少啲，今次難得食～因為本人係糖心蛋終極愛好者，見到中餐館竟然有，即刻試下先！ 佢依隻係燻蛋黎，食落有好濃烈既煙燻味，帶少少不知名既香料味～ 蛋既生熟控制得唔錯，都算係有水準既糖心蛋主食方面我地就叫左酸辣湯麵、蟹粉拌麵同蔥爆牛肉～其實我地係冇諗過佢一碗麵係咁大份，食到我地勁飽！酸辣湯面好足料，酸味較重蟹粉拌麵就分開麵底同蟹粉汁，蟹粉汁係杰身啲既，食得出都幾濃既蟹鮮味～蔥爆牛肉就都有獲氣，配飯應該幾正！另外我地都叫左野飲，美滿既一餐～

去始創中心取東西，一行出來見到 夏麵館，原來1:45 已開始下午茶時段，看下menu 有好多選擇。叫了一個唐芹水餃麵，加$5 轉了淮山麵，送飲品一杯 選了夏伯伯酸梅湯，另外加了半份豆沙鍋餅。唐芹水餃麵 比較清淡，小小的水餃好袖珍，餡料較淡味，淮山麵幼身，質感唔錯，爽口。豆沙鍋餅就唔得，餅皮硬硬的脆身，不是有蛋香較軟身的皮，失望。

銀絲卷新鮮即炸，放上檯時還是熱烘烘，外皮色澤金黃，入面藏著屢屢麵絲，銀絲軟綿油潤，帶淡淡甜味，而外皮亦散發著自然麥香，蘸點甜美的煉奶吃，香脆可口。鮮肉小籠包一客有 4 隻，即叫即蒸，上檯時不斷冒出熱煙，用筷子小心翼翼地夾起其中一隻細看，皮不算很薄，沒透光效果，不過褶紋部份如扇貝，個個大小均勻。輕輕咬開頂部，熱辣湯汁即時流入口腔，非常滋味；而肉餡食落亦鮮香富嚼勁，完全不會過韌，的確有水準。砂鍋雲吞雞內有半邊雞，上湯以原隻靚雞煲成，完全無落味精，味道鮮甜。雲吞大大粒，餡料扎實，菜同豬肉的比例啱啱好，加上吸收咗湯中精華，飽滿又多汁。雞肉仍然保持滑嫩，配埋湯內浸至入味的小唐菜，用料十足。濃湯滑津白， 津白以上湯燜過，吸收了老雞精華，佐以金華火腿，鹹香又鮮甜。另外個濃湯汁亦做得很水準，入口好 Creamy，非常滑溜。

又到食大閘蟹的季節，由於友人不喜歡吃，所以只係點了一隻乸的試試。我想其他食客因為有yahoo 團購的關係點了許多隻。由於蒸的時間需時，所以點了其他食物，食物質素不錯👍🏻喜歡食拼盤。終於等到我的大閘蟹了。大閘蟹與宣傳的圖片差不多，所以覺得都可以。可惜蒸得太熟了😞 而且膏亦相對較少，所以如果$148（未包加一），我覺得性價比一般，所以如果再來，應該不會再點大閘蟹了，其他食物更吸引