夏麵館 (始創中心)

营业中

休息中

又想食大閘蟹，但又唔想自己動手拆蟹，這個11道矝貴蟹粉宴就最適合不過！這個蟹粉宴用上100%手拆江蘇蟹粉，配合不同的材料，做出多款不同口味的蟹粉菜式，定必能夠滿足一眾「蟹粉」的慾望！十一道矝貴蟹粉宴 (HK$356/兩位）原價 HK$712/兩位，我們預先在網上訂購， 便可享有限時優惠，以一位價錢HK$356 就可以享用兩位的11道矝貴蟹粉宴，人均$178，價錢十分優惠。五小碟這個前菜五小碟，單點都要$115，所以這個套餐真是十分之抵食。五款涼菜包括糖醋小排、雞絲粉皮、鎮江水晶肉、蒜香四季豆和虎皮素鵝。酸辣湯食完五度涼菜小吃，飲一個暖心的酸辣湯，酸酸辣辣的味道正好為以下的蟹粉菜式作一個醒胃的開始！多唻咪多唻咪（DoReMi) 即是一両蟹黃、二両蟹粉、三両河蝦。清甜的河蝦，配以濃郁的蟹黃蟹粉，令河蝦的味道從而提升，亦令整個菜式增添層次口感。烏金蟹粉拌麵用上手工的墨魚汁切麵，加入手拆江蘇大閘蟹粉，金黃的蟹粉和烏黑的麵條，顏色形成強烈的對比，拌勻後，每條麵條都沾滿蟹粉，令麵條味道更出色。蟹粉小籠包小籠包載満蟹粉鮮肉和湯汁，豬肉的鮮甜和蟹粉的惹味，再加入少許醋和薑絲，滋味無窮。生拆蟹肉蟹粉菜心

上星期工作忙碌，時間過得特別快，轉眼又到星期五，Happy Friday當然要食得豐富d，相約友人去夏麵館食蟹粉宴。當中包括:🌾前菜五小碟🌾酸辣湯🌾多唻咪(名人張曼玉提名，生拆蟹肉蟹粉蝦仁)🌾烏金蟹粉拌麵🌾蟹粉小籠包（2粒）🌾生拆蟹肉蟹粉菜心🌾薑茶湯丸前菜五小碟有我愛食的雞絲粉皮和腐皮卷，幾開胃。酸辣湯生拆蟹肉蟹粉蝦仁蟹粉份量吾少，再加上爽口蝦仁，雙重口感。蟹粉小籠包一上枱即食，饀料肉料算幾多，吾會太乾身。烏金蟹粉拌麵麵質軟硬適中，與蟹粉幾夾。生拆蟹肉蟹粉菜心最後食番杯薑茶湯丸，暖一暖胃，感覺舒服。整個套餐份量吾少，足夠兩個人食。最重要係蟹粉份量比我想像中，啱曬愛食蟹粉的朋友。

準備入秋喇🍁又到食蟹🦀嘅季節～～同老公去咗食11道菜矜貴蟹粉宴😋 中意食蟹又唔想拆蟹嘅話呢個蟹粉宴就岩哂～11道菜包括前菜五小碟﹑酸辣湯🌶️﹑多唻咪 （名人張曼玉提名，生拆蟹肉蟹粉蝦仁🦐）﹑烏金蟹粉拌麵﹑蟹粉小籠包（2粒）﹑生拆蟹肉蟹粉菜心及薑茶湯丸🥣所有蟹粉均採用江蘇蟹粉製作～每啖都充滿著又香又濃的蟹膏味😋 當中我比較喜歡蟹粉小籠包同生拆蟹肉蟹粉菜心～真係食到好多蟹肉好足料😋👍 而喜愛濃味嘅老公就好中意食多唻咪，最愛食埋薑茶湯丸份量岩岩好～

餐牌上面其實算多嘢食嘅好想食上海野 同區呢間算最高分就try try佢啦先黎嘅小食係煙燻蛋$26/2隻溏心程度可以見到側邊有啲熟咗 不過還可以亦食到少少煙燻味鎮江水晶肴肉 $55比例唔均勻 點嘅醋亦提唔到味 冇比較冇傷害 我食過其他更好食嘅 就覺得呢個只屬一般再點左個桂花紅燒肉$88我見到桂花就點咗 點知桂花係得面果點綴嘅桂花唔係桂花煮嘅我成碟冇食好彩朋友肯食 東坡肉同南乳兩樣我都唔食嘅🥲蟹粉小籠包$38 /2蟹粉湯汁比較少 不過個皮我略嫌厚 不試不可惜鮮肉小籠包$38/4原味比較多湯汁 皮比較厚 好難穿 都係唔食唔可惜生煎包$36/3 近年來想食生煎包好食嘅比較少 但每次都會試 真心祥興記生煎包暫時係最好食 呢個生煎包個底係煎過但唔脆 入面亦保留唔到肉汁 失望🥲排骨擔擔麵勁大碗 好似$6x 蚊 算抵食不過排骨又唔算好熱好香脆咁🙃都只係普通個湯唔會好漿好糊口，朋友話好食！但我最怕花生味所以拒絕試食居然見到有貓山王榴槤高力$25/個蛋白鬆軟 不過糖粉咁樣另上就覺得差咗啲中間空心 但有一嚿榴槤餡 都算滿足除咗高力仲有鍋餅揀，我哋叫咗半份$38餡已經爆滿 餅脆唔錯👍🏻仲叫咗個炸銀絲卷$25呢

今天餓壞了，和友人來吃這個，也不是第一次，不過就是很久沒有吃。蔬菜先上，因為太肚餓就先吃，比較鹹，但整體味道不錯。小籠包也是很好吃，有水準。排骨擔擔麵，排骨就是比較多麵粉，炸得很香口。擔擔面的湯比較辣，很容易嗆到咳，但如果喜歡吃辣的朋友是覺得很香，不錯。最後也忘記了要的是什麼骨，但就是好吃😋

今日中午和家人來吃午餐，本身對<夏麵館>的感覺不錯，因為環境尚算坐得舒適，而且之前來吃飯的食物質素一直都不錯，不過今天再來，覺得冇以前甘好味了，水準不再呵～四喜烤麩個味道甜甜地都ok嘅，而且啲冬菇都炆得好入味。呢個蛋都算好食，醬油味道夠濃郁，而且好滑。來到芹菜豬肉餃，個餃子皮厚到爆，入口感覺就是啖啖的麵粉皮，還有一大嚿豬肉餡，沒有芹菜的味道，雖然大大隻，但是感覺做工非常粗糙，實在有點失望。小籠包質素又係好差，小籠包的粉皮又係好厚，入面完全沒有肉汁，但只有一嚿大大的豬肉餡，小籠包本身賣嘅價錢不平，但做出來的感覺就是廉價的小籠包質素，水準不再。蔥油餅薄薄脆脆的，味道還可以吧～津白菜雞絲炒年糕個味道有點兒過鹹，沒有上湯的鮮甜味道，整碟炒年糕只有鹹鹹的味道感覺，失分不少。整體來講，餐廳除了有不錯的環境和坐得舒服之外，食物質素實在比以前下降了不少，不過價錢是依舊沒有比以前便宜到的，實在有點點失望，希望下次再來會有所改善吧！～

突然好想食水煮魚，經過見到呢間餐廳有水煮魚就入咗去食， 見到佢套餐抵食好多就叫個套餐試下，冇記錯三百零蚊有兩個湯，一個主菜，兩個頭盤，一個飯麵，一個甜品。個餐有得揀兩款湯，咁我哋就揀咗一人一款湯 ，一個酸辣湯一個豆腐羹，細細碗兩款都好好飲海蜇雞絲粉皮水煮魚無問我地食幾辣，我諗係統一辣度？佢嘅辣度有出面食開嘅大辣程度如果唔係好食得辣嘅人要留意～～入邊嘅魚係桂花魚冇一舊都好大舊同好厚，雖然唔係原條桂花魚，但入面嘅魚都足夠兩個人食瑤柱蛋白炒飯 炒得好好食絕對冇揸流灘，粒粒分明高力豆沙係稍為甜咗少少同油又得滯同埋有樣嘢唔係咁好嘅就係，呢個甜品佢係第一樣上菜

已經有一段時間冇食上海嘢又掛住個味道，今次就去咗太子的【夏麵館】。入面嘅上海菜式超多，最後我哋揀咗夏味燻蛋、賽螃蟹、老上海炒飯、鮮肉小籠包、家常煎餅、高力豆沙。燻蛋入面嘅蛋黃超醇厚，做前菜一流。賽螃蟹個味道炒得啱啱好，我連埋個老上海炒飯食感覺新穎，老上海炒飯入面有蝦同埋一d上海配菜，而且鍋氣十足好好味。 鮮肉小籠包點醋及薑絲食提升咗個味道，一咬落去入面d肉汁漏曬出嚟。 家常煎餅就好有上海風味，入面嘅葱絕對提升咗餅嘅味道。高力豆沙就係一個傳統上海甜品，入面嘅豆沙加上熱烘烘嘅表層真係回味無窮。

好耐無去始創中心，原來入面有間夏麵館，呢間裝修幾清新，用晒啲藍色吊燈都幾靚。其他分店我都試過，今次試吓太子分店：。🍜自選涼菜（五小碟） $115佢有8款冷盤，俾你任揀五款嘅，最啱我呢啲想試多啲款式，但係每樣食少少嘅人。。🍜蟹粉炒年糕$98食上海野我鍾意食炒年糕，佢原來有蟹粉配年糕，一定要試啦，呢個用來點銀絲卷同曼頭最正。我最後追加左個銀絲卷配去嗰啲蟹粉。。。🍜夏味燻蛋$13（1隻）。去食上海菜，必點，因為唔係間間有得食，呢個好味。。🍜蟹粉小籠包$38/2隻.皮夠薄，肉汁鮮嫩，好香蟹膏未味，包內有小小湯，做得唔錯。.

雖然我唔係上海人，但我都幾鍾意食上海菜的！呢日再訪有好多分店嘅《夏麵館》，貪佢嘅嘢食價錢夠大眾化，食物水準又有返咁上下！絕對係一個可以長期嚟開飯嘅好地方！👍🏻先點份泡椒鳳爪食住等，呢碟鳳爪肉質超爽口的！而我就最鍾意佢嘅蟹粉系列，所以點左蟹粉小籠包同蟹粉素雞！真係食過都返唔到轉頭咁好味的，蟹粉滿滿又鮮甜，CP值超高！見好耐都冇食過蒸魚，所以點咗姜蒜蒸小黃花魚，小黃花魚出名肉質超滑，只係幼骨比較多，所以食嘅時候要小心啲！雖然食物嘅賣相係平平無奇，但實質係非常之好食！非常之有驚喜的！而且埋單都只係$301，人均百幾蚊可以食到呢個質素真係唔錯！☺️❤️

平日食開屯門分店嘅夏麵館覺得佢哋嘅Set Lunch 好抵食👍🏻今次試埋太子分店嘅晚餐☺️.鍾意食海鮮嘅我當然要叫蟹粉系列嘅菜式😛.🦀蟹粉豆腐煲 $98用鐵鍋上枱熱辣辣🔥濃淳香滑金黃色嘅蟹膏蟹肉同豆腐互相配合😍 送白飯一流🤤🤤 食到唔停口.🦀蟹粉小籠包（ $38兩隻）小籠包外皮雖然唔算好薄但係咬落依然係多汁到爆🤣😛記得要趁熱食🔥.🍗上海醬鴨 $60本身仲諗緊醬鴨會唔會係同甜醬有關🤣原來係一啲都唔甜㗎🤣呢碟菜式唔係熱食 室溫當前菜都不錯味道鹹甜適中 鴨肉鮮嫩😉.🐟糖醋魚塊 $72糖醋魚塊外皮炸得香脆可口🤤魚肉鮮嫩 酸酸甜甜嘅醬汁 愈食愈滋味🤤

星期三晚去咗呢度食飯，特別鍾意食佢個滷蛋、蟹粉豆腐煲、蟹粉小籠包、同埋高力豆沙。佢呢度都幾近旺角東地鐵站，由地鐵站行過去，都只係需要5分鐘。一坐低嘅時候，我哋第一時間叫咗個前菜，呢味滷蛋，係凍食，除咗有非常之香嘅滷水味之外，更加重要嘅係佢嘅蛋黃流露出非常香嘅醉雞汁，令到個蛋黃同時間都有醬汁嘅感覺。非常晶瑩剔透。之後我哋特別叫咗呢度嘅蟹粉豆腐煲，$98，豆腐煲用熱辣辣嘅砂鍋送上。熱辣辣嘅砂煲，煮住勁濃郁嘅蟹粉湯🦀🍲豆腐好滑嫩，我一啖蟹粉豆腐，一啖雞湯菜飯，非常鮮甜。蟹粉完全溶晒喺個湯度，食完之後口腔內仲保留住一份鮮味👍再之後就食呢度嘅蟹粉小籠包，小籠包嘅肉收藏住粒粒蟹黃，外面一層係包住，略嫌少少厚，但整體嘅味道都唔錯，小籠包亦都多汁。甜品嘅話，就揀咗高力豆沙，豆沙係用油炸過嘅，熱辣辣，裏面包住甜甜嘅紅豆沙餡。完結前，特別想提一提，呢度嘅服務非常之好，店員好親切，加水加茶亦都好頻密。

前排係網上以72折買左夏麵館$100現金卷, 今日放工就同家人去左夏麵館太子分店食返餐。主打上海菜, 正價都唔太貴, 宜家再有72折, 真係抵上加抵!! 【鮮肉小籠包】HK$38小籠包厚薄適中, 含豐富鮮甜湯汁, 饀料鮮味多汁。【紅油抄手】HK$38個汁好夠辣, 饀料有肉香, 但嫌皮過厚, 薄返D會好得多。【酸辣湯麵】HK$52湯底酸辣味平均, 夠杰, 拉麵索左個湯汁令麵質更林, 材料豐富, 整體很有層次.【上海擔擔麵】HK$46湯底夠辣, 有淡淡花生醬味, 食落唔膩, 同樣拉麵索湯令麵質林得黎又入味。【豆沙鍋餅】HK$36嫌煎得未夠香口, 外層很粉, 未夠脆口, 但豆沙饀料很足, 甜甜地。【貓山王榴槤高力】HK$25口感軟熟, 一咬開已經散發陣陣榴槤飄香, 榴槤味甘甘地~【擂沙湯丸】HK$32黃豆粉平均包住湯丸, 咬開芝麻蓉湧出, 甜甜的, 芝麻味香濃。

🌟上海醬鴨🌟排骨擔擔麵🌟津白肉絲炒年糕🌟蟹粉小龍包上海醬鴨上枱温度凍凍地 做前菜幾開胃 醬鴨肉質唔會亁 反而幾易咬開👍🏻排骨擔擔麵湯底濃稠 開頭會食到花生醬味 之後慢慢辣味就會出 湯底濃味令到上海麵都好掛湯 正😋排骨份量都幾多 肉質都厚 不過肉味就可以更重 津白肉絲炒年糕 每次食上海菜都會叫年糕 好中意食煙煙韌韌嘅野🥰年糕質感偏軟身 但炒得幾入味 平時食小龍包就食得多 加蟹粉都係第一次😗個小龍包皮薄薄地幾好 頂部有粒粒蟹粉 食落口有蟹膏香味 蟹粉配肉可以增加到個鮮味～

一直鍾情於上海食物～今晚同媽咪係太子買完嘢經過夏麵館，見座位舒適，就二話不說入去了其實之前都有食開荷李活分店覺得食物都不錯太子分店比荷李活的大，空間咁十足，更有卡位提供，私隱度一流！打開餐牌，見套餐d嘢唔太合胃口，就散叫了，由媽媽發辦！🌟花雕醉雞（$66）酒味十分香濃，份量給兩人食綽綽有餘！可能酒味太濃，所以杞子味就被掩蓋了但都不過不失！🌟鮮肉小籠包（$38）性價比十足略嫌皮有些厚，但肉汁爆滿！🌟夏味鱔糊麵（$70）十分抵食！平時炒鱔糊都較為貴加上一大碗清湯麵！性價比十足！鱔糊加上荀一齊炒十分惹味～值得叫！🌟津白肉絲湯年糕（$50）湯底十分鮮甜，清淡得黎又多菜～健康之選！🌟麻醬拌麵（$36）這道菜冇咩特別只係清淡的麻醬，但有d乾🌟高力豆沙（$36）好味！甜甜的豆沙好好味！🌟🌟🌟🌟🌟🌟🌟性價比不錯！同每位$8茶錢！加上最近做緊promotion，係togetda可以用72折買$100現金巷！🏮夏麵館(始創中心) (太子)地址：太子彌敦道750號始創中心1樓115C號舖