壹火鍋

营业中

休息中

之前一路想試下蒸煱，咁見到呢到有得蒸又有打邊爐就黎試下。 一黎佢就上左個海鮮蒸煱，下面就粥底 咁海鮮份量都夠，佢應該都係計人頭比。 咁就有龍蝦，蟶子，鮑魚，蝦，蜆，鱔，蠔仲有扇貝。 上面舖左粉絲同蒜蓉，好惹味。 鮑魚都大隻，蒸完都爽口，不過其他就較為細隻，不過不失。 不過龍蝦夾夾，好大隻又多肉，比個讚佢~ 另外仲有刺生任食，都有十幾款選擇。 甜蝦好鮮唔會太細隻，咁其他三文魚 油甘魚都好新鮮。 另外火鍋料選擇都多 肥牛質素都ok 偏向較瘦，冇乜肥膏，但又唔會“鞋”，牛肉味都濃。 另外就係牛舌，我自己未試過打邊爐食牛舌 估唔到又幾夾，切得好簿，肉質爽。 仲有食完蒸煱底個粥，吸左海鮮啲精華。 好鮮甜又綿。 但食埋個粥已經好飽，所以都唔係叫左好多火鍋料食。 另外雪糕都有得食，但款式就唔太多。