影片
更多
2017-02-08
11444 浏览
見到隔黎枱隻巨型海鮮船，嘩嘩嘩，我都要跟!!! 每人加$59就有海鮮船，有龍蝦、鮮鮑魚、生蠔、粉絲扇貝、大蜆、龍躉、大白鱔、墨魚! 八款海鮮都好新鮮呀!!!龍蝦好多蝦膏，湧出黎咁:肉質鮮甜彈牙，真係好新鮮，可惜二人得半隻:新鮮鮑魚，招積到要用刀黎食~大蜆，超級鮮味:龍躉同生蠔都好厚肉，但我最愛既係白鱔。新鮮之餘仲好好好彈牙，朋友唔食鱔，我一人獨食晒兩件呢個海鮮船，個人認為好超值，必點之選! 自己去街市買都唔止呢個價錢。 兆萬真係好多野食，喺樓下比較完之後揀左呢間壹火鍋。上到黎全場爆滿，大約等左十分鐘先有位。餐廳好熱鬧，地方較為狹窄，但多人食，應該好食既。每位$199連任食刺身。唔食刺身仲抵，$169咋。見個個都叫刺身，又幾新鮮喎。湯底揀左清湯蘿白牛腩:幾特式，蘿白幾清甜，好多材料:飲品竟然有青島啤酒，但紅色罐，有咩分別呢?火鍋料都幾多選擇:醬料幾多選擇:海蝦特別新鮮，冇一隻係黑頭:雪花肥牛，有圖有真相，睇相已經知掂! 最難得係佢碟碟都保持水準，唔係第一碟就靚，唔會越叫越差!豚肉片，都好大片，肉質彈牙!是日海鮮係蜆，隻隻都開晒口，新
每人加$59就有海鮮船，有龍蝦、鮮鮑魚、生蠔、粉絲扇貝、大蜆、龍躉、大白鱔、墨魚! 八款海鮮都好新鮮呀!!!龍蝦好多蝦膏，湧出黎咁:
肉質鮮甜彈牙，真係好新鮮，可惜二人得半隻:
新鮮鮑魚，招積到要用刀黎食~
大蜆，超級鮮味:
龍躉同生蠔都好厚肉，但我最愛既係白鱔。新鮮之餘仲好好好彈牙，朋友唔食鱔，我一人獨食晒兩件呢個海鮮船，個人認為好超值，必點之選! 自己去街市買都唔止呢個價錢。
兆萬真係好多野食，喺樓下比較完之後揀左呢間壹火鍋。上到黎全場爆滿，大約等左十分鐘先有位。餐廳好熱鬧，地方較為狹窄，但多人食，應該好食既。
每位$199連任食刺身。唔食刺身仲抵，$169咋。見個個都叫刺身，又幾新鮮喎。
湯底揀左清湯蘿白牛腩:
幾特式，蘿白幾清甜，好多材料:
飲品竟然有青島啤酒，但紅色罐，有咩分別呢?
火鍋料都幾多選擇:
醬料幾多選擇:
海蝦特別新鮮，冇一隻係黑頭:
雪花肥牛，有圖有真相，睇相已經知掂! 最難得係佢碟碟都保持水準，唔係第一碟就靚，唔會越叫越差!
豚肉片，都好大片，肉質彈牙!
是日海鮮係蜆，隻隻都開晒口，新鮮~
脆脘片好大片，啖啖肉!
蒜蓉雞翼，用黎打邊爐幾特別，好重蒜蓉味:
火鍋好少見到既黃鱔，女士補血最啱，出奇地大件同厚肉，仲好爽彈!
蟹子墨魚滑唔太彈牙，係今日唯一失水準之作。
雖然店員都好繁忙，但都不斷為我換碟、收碟同加湯。其中一個女店員，見我食海鮮雞手鴨腳，主動問我駛唔駛刀同較剪，仲用熱水洗乾淨先俾我，到手時用具係熱既，好細心，抵讚甜品只有雪糕同雪米糍，如果有我至愛既心太軟，咁真完美!!
任食放題黎講，呢度真係超高水準，會再黎~~
张贴
