壹火鍋

营业中

休息中

唔經唔覺，天氣又開始轉涼，最適合約埋一群知己好友一齊打邊爐。由於大家居住地區唔同，又要返工，所以今次揀了在出名多野食既旺角兆萬中心，見呢間餐廳主打唔同菜式既任食火鍋。餐廳入面個環境唔錯，我地坐個卡位望落有d似泰國d特式小船。見到凍飲櫃有唔同野飲，一定迎合一群唔同口味既爐友需要。唔知有冇人同我一樣，打邊爐鍾意落唔同醬料落豉油度。呢度既火鍋醬料非常豐富，非常滿意。差d忘記講，除了露營必須酒，其實火鍋都必須酒架。令人感到花多眼亂既餐牌傳統火鍋食物質素不過不失，總算可以過過火鍋口癮。鍾意食放題既朋友唔使分兩餐，相信呢度都可以滿足埋朋友們對日本刺身的渴求。最後一定要推介既就係呢個海鮮拼盤，名貴既食材，竟然叫一盤仲要每人一隻，有螺有龍蝦有蚌仲有鮑魚。唯一美中不足係餐廳對任食時間要求較嚴，剛好友人因公事遲到，本來打算加錢可以加鐘慢慢品嚐，但職員見時限一到即時把未食完的各美食倒去，以方便清桌。這次未有機會吃的食物，唯有留待下次去品嚐。

每逢放假都行開旺角，買嘢購物放鬆，食嚟食去都係嗰幾間，大家又有冇諗過喺登打士街個頭，原來仲有一棟兆萬中心開滿曬好多大家平時冇留意嘅餐廳呢？  大家都淨係識聚焦喺對面街嘅小食當中，如果唔係朋友介紹都唔知，有一間咁出色嘅自助火鍋。  最鍾意佢嘅地方就係可以有唔同嘅套餐揀 ，可以揀食椰子雞又得食雞煲亦都得，正式嘅一煲幾食~  例牌嘅大家都係用紙落單啦，除咗大家平時喺自助火鍋食開嘅肥牛、各式丸類 等等之外 仲加咗好多平時冇食開嘅食材 ：章魚腳、牛展……啱曬唔同人嘅口味。  如果覺得唔夠喉？仲可以upgrade令到你呢餐更加豐富；  首先第一樣要講嘅就係可以加任食刺身，三文魚故之然係例牌啦，呢度仲有好多平時自助餐冇嘅油甘魚馬刀貝等等刺身 ，成餐自助火鍋當堂豐富曬，仲抵過食放題！  如果覺得仲未夠，仲可以加一個海鮮拼盤。 大家可以喺相片中睇到，有手掌咁大嘅龍蝦、 各式海鮮例如 ：鮑魚、生蠔、翡翠螺、珊瑚蚌等等等等……大家仲可以試下做大廚諗下點樣去處理呢啲高級食材~  食飽咗之後 ，仲有好幾款雪糕甜品畀你食添。我最鍾意嘅就係平時冇乜點見嘅榴槤雪條~~幫你難得嘅假期做一個完美作結。 

「已經唔記得食過幾多次」，點解咁講？因為好少搵到間又可以食刺身又可以打邊爐既地方。同時啲野食仲要係好食既。真心嬲！凳都未坐暖就放低碟刺身。全部都係我鐘意食既野：甜蝦、三文魚、希靈魚、蟹棒、螺肉......啦客氣啦！打邊爐就打邊爐啦，仲有埋雞煲，想點呀！打邊爐最怕等水滾，等完水滾都仲要等啲野熟。但有咗雞煲就唔怕等，可以慢慢淥唔洗急。你諗住任食質素就會差？錯哂！佢既雞煲微辣肉多，肉質嫩不特止仲好入味，食到停唔到。完成，「加湯呀。唔該！」肥肉已經超越咗凍肉舖級數，無論叫幾多碟質素依然不變。牛肉真係咁平？哩個誇張豬，有spotlight、又有煙幕既海鮮船。上面都係新鮮海鮮，又鮑魚又龍蝦又象拔蚌咁，唔貴唔食。真心講哩間野十分抵食，希望佢會keep住越做越好啦。

以前讀中學既時候成日都食放題，平平地百幾蚊就得，但今時今日既放題越黎越貴，想食返d正常質素既起碼都要二百幾。行過兆萬既人都知，地下果層會好多人派宣傳單張，而我就係咁樣比人吸引左過去。餐廳基本上係爆滿，好彩門口有沙發比人坐下。星期一都爆成咁，好難想象周末係點。餐廳食物選擇非常豐富，雞煲/火鍋、刺身、甜品、飲品都係任食。原味重慶麻辣雞d waiter係好好人咁會幫你睇住個爐，夠鐘會行過黎幫你開蓋，所以一定係煮到岩岩好，我個人非常欣賞呢點。由於同行有人唔太食得辣，所以我地揀左BB辣。咁對於食得辣既我黎講，BB辣當然係唔夠辣，但係d雞麻味非常重，好正。洋蔥等配菜吸收曬d麻辣味道又夠淋，超正。d雞食完唔夠仲可以添，食到夠為止。刺身種類都唔算少，基本款式一定有。百幾蚊既放題我覺得質素還可以，而且唔會好似其他平價放題咁，你寫10件先比5件你，而且上菜速度好快。另外加幾十蚊就可以叫埋個海鮮船，海鮮船上有10款海鮮，非常足料，其實係好抵叫。聖子、蝦、象拔蚌係有手掌咁大，龍蝦仲幫我地整碎左少少個殼，食既時候非常方便。其實基本既火鍋料都有齊，連雪花肥牛都有。雖然放題既雪花肥牛都唔好諗到係好靚，但我覺得呢個價

今晚收工已經是半夜11時有多, 一大班人去食飯, 未曾試過深夜還在食火鍋放題, 這裡還可加錢轉為刺身火鍋, 但大家感已時間不早, 留待下次有機會罷!由晚上11:55 任食2小時, 我們一行8 人, 可食至零晨2:56PM, 但未到2時大家已飲包食醉離開了.任選免費湯底, 我們兩底都叫了鴛鴦鍋, 沙爹湯+香茜皮蛋湯, 沙爹湯+骨膠豚骨湯, 自己走到自助醬料專檯取配料與醬油, 啤酒汽水飲品雪糕也是自助.叫了多款蔬菜, 一般食店到了晚上, 蔬菜的葉子會有破爛, 起锈, 但這裡沒有, 只是有些食品點了沒有到, 待應姐姐有說過一些食品已沒有了, 我們就是記不起她說哪些!大家都十分肚餓, 所以來不及拍照, 先醫肚, 牛肉即淥即食, 牛肉下了7-8碟單, 每次不會另人失望, 基本上試過的食物都重點多1-2次, 只有花膠我未試到, 但大家說不好食, 所以只點了一次, 鵝腸來了很多, 只點了一轉, 蟹子墨魚滑較蝦滑較為彈牙, 雲吞都OK.

今晚我們選擇了食任飲任食的壹火鍋。壹火鍋位於旺角最繁華地段，我們上去見到人頭湧湧!!!!火煱醬料又多又整齊乾淨最欣賞佢個胡麻醬， 味道好正，唔通自己調教出嚟><xo醬都有 裏面真係有乾瑤柱仲要好多揸， 真係落重本 刺身🐟：在等火鍋時🔥，先來點刺身吧😋十幾款刺身都係任點任食，甜蝦、鮑魚片、蟹棒……三文魚口感肥美🐟；甜蝦入口鮮甜🦐；款款新鮮彈牙，食落鮮甜味美。😍😍每一款都是鮮味十足👍真時見到都流晒口水 海鮮船🚢：單是賣相，已經贏盡讚嘆聲!LIKE 爆!!船上裝著多款海鮮😲，包括了鮑魚🌊、龍蝦🦐、大蜆🐚、生蠔、大蝦、聖子、帶子、珊瑚蚌……等份量夠，款款新鮮，肉質彈牙!!!!! 海鮮船材料新鮮上乘，每款都是新鮮度十足👍，海鮮控表示非常滿意最讚的是鮑魚，蟶子，龍躉魚片，及波士頓龍蝦。順帶一提 ,每位加$59係好抵!!!我們要了個鴛鴦鍋，沖繩昆布湯底及骨膠豚骨湯底。我非常喜歡骨膠豚骨湯底。即係左邊呢個湯底，味道清甜。 火鍋配料🍲：點了肥牛🐮、羊肉🐑、丸類等選擇繁多，令人花多眼亂😵全部真材實料價錢又合理。值得一提得就是：雪花肥牛入口即溶。 天氣已經開始轉涼，最好的節目就是火鍋了!!!

今早返工地鐵壞車，同事們出盡九牛二虎之力才回到公司，因為遲左開工，大家都趕住做嘢，到放工大家都又攰又餓，有同事提議大家一齊去食放題，天氣開始轉涼，大家想食火鍋，不約而同都提議去旺角兆萬的壹火鍋，因為同事們大部分都去過，火鍋、海鮮和刺身都有，任飲任食，壹火鍋！我們來啦！多款飲品和雪糕雪條任飲任食！火鍋湯底有多款選擇，我選擇惹味的沙嗲湯和濃郁的骨膠豚骨湯。加30元有新鮮刺身，有三文魚、希靈魚、蟹棒、甜蝦等，食一轉已經回本有餘，何況是任食，真是超值！ 加錢每位59蚊，2位起的海鮮船，大約有7一8款海鮮，每天廚師會選最新鮮的海鮮，所以海鮮款式有可能每天不同，真係好抵，今天有有龍蝦，海蝦、龍躉魚肉、帶子、鮑魚、珊瑚蚌、北寄貝、花甲、蠔等。龍蝦和海蝦肉質鮮美又彈牙。龍躉肉厚切，肉質鮮嫩。珊瑚蚌爽口。蜆鮮甜。鮑魚新鮮彈牙。貴妃蚌鮮甜。生蠔夠大隻好新鮮。肥牛新鮮，薄切輕輕灼一灼，口感鮮嫩。青森黑豚肉片：薄切的豚肉片只要灼幾下就熟，質鮮嫩。過百款火鍋配料任點任食，材料新鮮，其中點了海白鱔和豬潤都好爽口，鮮魚頭雲好新鮮又滑溜，鮮蝦雲吞皮薄餡足料，小籠包做火鍋料也很好味！

本上見食評好多like 就滿心歡喜咁去試下Book 左8:30 早左到 但係等左一陣就好快入得 入到去地放唔算太大 枱同枱之間嘅空位好小 有啲迫 枱就一般放題一樣都係偏細我地先食雞煲 雞煲味道不錯 之後加湯打邊爐 醬汁方面選擇幾多 唔錯 食物方面沒有特別 選擇唔算好多 不過一般火窩會有嘅大部分都齊 只係冇咩特別野食而且分量係小得可憐例如個蝦滑 我叫4人分量 上枱嘅時候係得一粒牛丸咁大 姐係每人有4分1粒食 唔好話試味 放左落個湯到都驚佢溶左至於最不滿地方就係侍應嘅態度同埋點左嘅食物數量同上枱嘅根本係兩件事而且同一個食物要點幾次先黎一次

天氣開始轉涼🍂，一早已感到了陣陣秋意🍁，既然如此😎，晚上當然要來一個火鍋夜🔥，暖一暖身子啦😉。地點則選了旺角📍，方便我們回家嘛🚌，餐廳就選我們常去的任食火鍋吧🍲。刺身🐟：在等火鍋的時候🔥，先來點刺身吧😋。每款也點了一些😜，三文魚口感肥美🐟；甜蝦入口鮮甜🦐；每一款都是鮮味十足👍。麻辣花膠雞煲🔥：鍋中裝著滿滿的香料及雞件🐣，再加上了厚厚的花膠片🐣，不但味道濃郁😋，更是滋補養顏之選💃。快快把雞吃完🐔，就可以加湯打邊爐了😍。海鮮船🚢：船上裝著多款海鮮😲，包括了鮑魚🌊、龍蝦🦐、大蜆🐚、生蠔等，每款都是新鮮度十足👍，肉質爽滑彈牙😋，海鮮控人妻🐷表示非常滿意😌。火鍋配料🍲：配料則不多作介紹了😅，點了肥牛🐮、羊肉🐑、丸類🐽等，選擇繁多，令人妻🐷花多眼亂😵，只是點了一些我倆愛吃的😝，已經再吃不下了🤣。總結：這家一直都是我倆愛的任食火鍋😋，喜歡它食物新鮮😍，加上地理位置方便📍，性價比亦很高👍。

同舊同事聚舊 有人提議食劣食之塔 開頭我有懷疑 但食落佢既性價比又幾高 200左右一個人 食材都新鮮 服務態度都好好 唯一唔好係超級逼 等入位果時都逼到企唔到 同埋有啲焗 結論係月尾果時可以翻食

想打邊爐.系openrice太多選擇。最後選了這一家，之前很多朋友推介。服務都好好。食物有好多種類。湯底好正，食材好新鮮。我地選左鴛鴦火鍋。味道十分之🉐濃郁。其他食材都唔差。全部真材實料價錢又合理。環境又好，值得一提得就是雪花肥牛，入口即溶。。又新鮮。果晚我地一家人都食左好多野，味道好好。清湯都好正，適合老人家還有小朋友。麻辣就岩岩好個辣度。好開心的一晚，額服務員態度很好，上菜又十分的快。乾淨舒適。值得一試。

今天天氣已經開始轉涼，最好的節目就是火鍋了。想起很久沒有去壹火鍋，自然再來到。可能過了晚飯時間，所以客人不算太多。飲品選擇多，有冷有熱，又有啤酒。先點些刺身熱下身先，刺身雖然選擇唔算多，不過都算新鮮，都係低食。😋😋😋我們要刺身火鍋，另外+$59升級海鮮船。湯底要藥膳雞鍋底。藥膳雞鍋的雞件另上，等藥膳鍋底滾了，將雞肉放下，再滾多會就先喝碗湯，之後就可以吃雞肉。湯底藥材味道濃郁，喝完覺得好補身。海鮮拼盤成只海鮮船，有半只龍蝦、帶子、大蝦、生蠔、珊瑚蚌、鮑魚、龍躉片、蟶子、貴妃蚌，所有海鮮都好新鮮👍👍👍，我覺得每位加$59係好低。火鍋配料我們點了黑毛豬腩肉、白鱔、蝦、雪花肥牛。我覺得白鱔、肥牛、海中蝦好好味。最後點了腐竹、蔬菜、丸類，作為今晚火鍋的結局。

今日同朋友慶祝生日揀咗喺兆萬嘅壹火鍋之前我曾經睇過新聞話兆萬入邊食嘢，如果發生火燭係會非常危險。我今日終於見識到啦！兆萬入邊每一層嘅鋪位係非常之細，因為依間火鍋放題真係唔錯所以有好多人慕名而來。成個場面就變得非常之擠擁，特別係拎醬油、雪糕同埋飲品嘅位。根本就只可以容納到一個人經過，再多人已經係推推撞撞爭啲撞到落人哋張枱到啦。但係公道啲講句你食嘢嘅都係睇食物質素嘅啫，依度嘅食物的確係唔錯。好似依個火鍋海鮮拼盤咁只係需要加大約每位$50左右就可以食到啦。佢係好新鮮而且我食完返屋企都係冇肚痛嘅。（圖中係六人嘅份量）另外我哋都叫咗一個有刺身食嘅價錢，大約係每人多$30左右。呢個真係可以唔使叫，雖然佢嘅質素都可以但係因為依度係食火鍋放題嘅。已經有個海鮮拼盤再加上其他食物都係任叫所以真係食唔落，呢個真係浪費左啦。最後佢其他火鍋放題嘅配料質素都好高質全部都好乾淨好新鮮嘅。希望呢間店可以搵一個較好啲嘅地方再開業啦。因為呢度嘅環境真係令我覺得好危險坐得好唔舒服呀。因為放題嘅時間已經夠啦，職員就催我哋離開，但係個問題係成個鋪頭已經積滿晒人。我哋想起身都等左好耐先有空間。離開嘅時候等𨋢，因為好多人所以排隊就

旺角兆萬中心，出名多放題，雖然毁譽參半，但選擇確實多，價錢亦吸引，今晚選定壹火鍋，實行大刷特刷 😋😋。很明顯，得到幸運之神的眷顧，今晚的選擇是正確的。偌大的海鮮船，單是擺盆賣相，已經贏盡鄰桌的讚嘆聲，感覺良好 🤗🤗花甲皇，生蠔，龍躉魚片，珊瑚，活鮑魚，龍蝦，聖子皇，帶子，海蝦，活蜆……陣容鼎盛，先聲奪人……😍😍，全部新鮮，全部靚仔 ，全部都美味😍😍 龍躉片尤其出色，皮肉間脂肪超厚，正爆🖒刺身船，我們沒點太多，生怕浪費；但沒想到擺盆賣相也如此精美，還有幻彩閃燈陪同，令人有點意外雞煲火鍋 - 藥膳湯底美味濃郁😋😋，忍不住連喝幾口 😋😋，依舊老規矩，先嘆湯，再火鍋 😋😋雞煲附有靚雞一碟，一口氣放進湯底，完全將湯底味道提升。濃濃的藥膳，令人再三回味火鍋怎能缺少肥牛，色澤鮮紅，薄身易熟。雖不是頂級的手切牛，味道尚算不錯。淥一淥就可以夾起來，薰點自調的醬料，yummy yummy !😍😍豬腩片肥瘦相間，香而不韌蔬菜籃有生菜、油麥菜、金菇、冬菇、娃娃菜、紅蘿蔔， 算是應有盡有。什菜籃是兩人火鍋的好伴侶，簡簡單單樣樣有，滿足滿足。榴槤綠豆雪條，淡淡榴槤味配綠豆帶沙的口感，火鍋後的佳品。

今年的中秋節屋企人想出去打邊燼，上網搵一搵，見呢間咁多正評就決定試一試佢～係樓下就見到佢地的價錢牌見加$30就有埋刺身放題，決定食埋佢～三文魚好細塊，如果大塊D就好其他刺身的味道都唔錯，幾新鮮～我地揀左2個味，一邊四川麻辣，一邊蕃茄濃湯四川麻辣個邊好麻，愈食愈濃味岩曬D唔太食得辣GE朋友仔而蕃茄湯都不俗，但自覺就可以再重蕃茄味D～佢有好多不同款GE野食，有D好特別的，例如小籠包，墨魚春卷等青口仲任食添佢GE牛同豬都好新鮮，薄薄地，好食熟～巧巧味呀另外仲有D脆朊魚，白鱔片咁，都好新鮮D蝦都好大隻嫁～有新鮮今次打邊燼，掛住食，有好多都無影到好似飲品有好多好多種，有啤酒啦，無糖烏龍茶，道地綠茶等等，最特別的係佢有樽裝水同荔枝味烏龍茶都好好味咁多野食但價錢一D都唔算貴性價比很高，但有漏單同送錯的情況喔！順帶一提，我地岩岩去到個時差少少連𨋢都出唔到好多人等緊位好彩早左訂位，一去到就安排入座了如果有D朋友仔鐘意坐卡位可以留座個時講低，環境唔錯，會再去～