壹火鍋

营业中

休息中

想食雞煲同打邊爐，於是同另一半搵咗呢間任食2小時火鍋，6:00-6:30入席就159蚊一位，另外每人加30蚊嗌和牛食，再加一，每人埋單208蚊。一開始嗌咗中辣嘅九層塔雞煲，好快就上菜，滾左之後侍應會幫你打開，醬汁味道香濃，唔算辣，雞件比較少。食到差唔多就開始嗌和牛同其他火鍋配料，食物質素還好，蔬菜比較新鮮，和牛質素同價錢成正比，丸類比較一般，整體湯底同食物比較鹹。 另外佢哋飲品同雪糕雪條任飲任食，飲品仲有唔少無糖嘅茶，仲有啲放出嚟唔凍嘅俾人選擇，值得一讚。 拎咗沖繩海鹽味嘅雪糕食，但顏色十分化學😂味道還好，唔夠膽食太多。整體而言，呢個價錢任食都不錯，選擇甚多，仲有剌身海鮮加錢選擇！

Happy Friday 緊係要出街食飯啦﹗我就選擇左食火鍋，旺角兆萬中心好多間唔同火鍋店，選左壹火鍋，海鮮船好吸引，每位只需要加$59，2人份量有龍蝦半隻、生蠔、青口、鮑魚、虎蝦、海蜆等等，我數過總共有11款，好扺食，海鮮好新鮮，其他食物種類都多，鴛鴦湯底，豬骨湯及沙嗲，湯底好一般，雪花肥牛，脂肪同肉分明，肉質柔軟，單點青口有驚喜，是藍青口，飲品種類唔算太多，都幾貼心可以選唔凍飲品同冰凍飲品，可共大家選擇，甜品有雪糕同雪糕糯米糍，有D失望，芒果雪糕無味

疫情影響之下，原本習以為常的火鍋，燒烤，唱K等不過就是平凡日子裡的閒情逸致，已經變得莫名珍貴。與兩位知根知底且不怕死的好友，提前結束home office相約到壹火鍋吃早場。一個人絮叨著的是雞煲，一個人期待著的是牛肉火鍋，而另一人心念念的卻是雪糕，沒有關係，壹火鍋可以一次性滿足我們所有願望。本來是有些擔心，萬一在火鍋店中招，事後被同事知道該如何收場。去到店裡面看到店員特別做的防疫安排就放心了很多。進店前仍舊是例行的體溫檢測，由於我哋去得比較早，有卡位給我們坐。座位之間有透明擋板遮擋，入座後職員給我哋酒精搓手液清潔以及提供放置口罩的透明袋子。食材都是需要下單等店員送來，所以不會有直接接觸到食材的情況。由於一個朋友不大能吃辣，所以我哋選擇蜜糖麻辣雞煲。作為嗜辣獸的我本身期望好低，沒想到香味濃郁，甜而不膩，向來討厭雞皮的我，竟然覺得這個蜂蜜調製後的雞皮吃起來也算爽口，讓人大快朵頤。例牌食完雞煲之後就開始落單準備食第二round既火鍋，就當我哋在雞煲中回味無窮的時候，食材真的俾左太大既驚喜啦。海鮮全部都喺鮮活架，插了竹籤既蝦仲喺度手舞足蹈，而花甲都喺度互相用殼鉗製住對方。煮完之後極之鮮甜。而肥

突然想食雞煲就醒起壹火鍋有任食雞煲。我地6點前入座$149/位，另加一服務費，任食2小時。(註：每位另加$30可任食刺身，每位加$59有海鮮船)雞煲辣度得3個：bb辣、中辣同大辣。擔心bb辣唔夠辣就叫左中辣。我覺得中辣似小辣，不過”友人”都係覺得好辣。雞煲要煮多8分鐘先食得，仲有個計時器倒數。”友人”覺得雞件比較少，覺得隔離遲入座個枱既雞煲雞件比我地多，唔知係錯覺定真係因為隔離枱遲入座收費貴d既緣故。雞件似炸過，肉質ok，雞煲汁幾惹味，挑剔既係雞皮韌到好似橡筋咁，我麻麻。火鍋配料墨魚鬚大舊又爽口，最好食；肥牛幾靚，好食；蟹籽墨魚滑、蝦滑幾好食；”友人”表示，每碟有一隻蝦係新鮮(生猛仲識郁既)，其他都係已經死左，但肉質唔會好霉，幾好食；是日海鮮係蜆，蜆好大隻，不過無論寫幾多，都係俾4隻，總共叫左3轉。第1轉蜆係無沙，好食，但第2、3轉都好高機率有沙，失望；薯粉索哂湯底，夠惹味；蟹柳都唔錯；脆鯇骨腩幾爽口；黃立倉口感夠腍，幾好食。芋絲、花膠、響玲、白鱔、青口、五花肉、羊肉、墨魚春卷(似南記個隻)都正常。黑豚肉片偏韌，麻麻；章魚燒都麻麻；雲吞唔好食，一次就夠。羊牛豬火鍋醬料飲品有凍、有唔凍仲

夜晚收工後和朋友食晚餐，我地選左鴛鴦湯麻辣同昆布，麻辣的話麻麻材料少沒有麻味，昆布湯同豬骨/雞湯粉水沒太大分別鍋底落枱後，個爐慢得緊要，order完其他食物到埋都未滾已較到最大也等了5分鐘有多先終於滾🤦🏻‍♀️🤦🏻‍♀️🤦🏻‍♀️事不宜遲開始食 全餐無論環境衛生，服務態度都係非常一般，但值得一提既係任食雪花肥牛竟然喜出望外還好可惜衛生真係麻麻 當想夾冬瓜片既時候竟然有隻小動物係到郁爬下爬下，九成不是菜蟲。。。圖3是放大的態度方便還是一般 加湯叫了好幾次都沒人理會，可能真是一分錢一分貨 失望

晚上七時想吃火煱，隨機選擇了壹火煱。我地4個女仔walk in 等佐半個鐘就食得。地方較逼但可接受，幸好我們有卡位坐🥰🥰晚市任食二小時每位$168加一，飲品雪糕任拎。我地揀佐鴛鴦湯底：四川麻辣湯+骨膠豚骨湯。四川麻辣湯和海底撈極相似，加薯粉就係酸辣粉！大推骨膠豚骨湯加菜加肉加海鮮都好好食，百搭之選！食材方面都好多選擇，十分新鮮但唔會好似某啲店甘，又有壽司又有海鮮又平價，影響食物質素。唯一不足是點佐既野食會漏，叫佐好多次都未有，可能夜晚人多員工忙，但態度是好的。但整體來說是抵食的

🥢旺角麻辣大蝦雞煲火鍋放題 🥢請支持即刻俾心👍🏻🥢呢間火鍋我又係食過好多次，當飯堂咁食，因為雞煲/湯底選擇好多，共有有22款選擇，8款雞煲，8款中日湯底，麻辣湯，日本昆布湯又有，6 款中式湯底選擇，真係又有選擇困難🥢火鍋放題 $149 起，刺身放題$179 起🥢麻辣大蝦雞煲雞件都算多，而且大大舊好肉地，味道醃到d 雞入曬味，又香又辣，大蝦預先爆香過左架入煲內煮，脆脆地肉質爽口🥢雪花肥牛一片片很薄，涮兩三下就食得，任食牛肉來講算唔錯，食落有牛味軟身無筋🥢游水海蝦上檯時蝦仲生的識跑動，超級新鮮，好少任食火鍋店有游水蝦提供，鐘意食蝦的一定要來呢到女返一兩斤🥢墨魚頭必須點的一項，因為墨魚頭好新鮮，充滿墨魚鮮味，只需灼一兩分鐘就可以，非常爽脆🥢飲品有各種汽水任飲，還有馬來西亞紫米，檔蓮雪條任食🥢9:00-11:00 $169/ 位加一無任何附加費前菜費醬汁費，非常抵食壹火鍋地址: 旺角西洋菜街1號兆萬中心16樓

天氣轉涼，同事收左工約埋一齊食火鍋，佢地喜歡去兆萬的壹火鍋，火鍋配料新鮮，有雞煲又有刺身，百多元任飲任食真係好抵，交通又方便。一早訂左位，所以來到就可以安排座位。首先揀麻辣雞煲，味道都有好多種，3種辣度。為左就唔食得辣的同事，我們揀了花膠麻辣雞煲和BB辣。雞件已用醬汁煮熟，現在放上芫荽加熱就食得，雞件鮮嫩，花膠滑溜，醬汁濃郁有麻辣味，少少辣啱口味！食完就加湯食火鍋，配料新鮮多選擇。食火鍋少不了肥牛，脂肪分佈均勻，薄切嫩口。海蝦新鮮，見到蝦腳重會郁，味道鮮甜。 小籠包皮薄餡料有湯汁，黃立倉柔嫩鮮美，魚雲滑溜，青口鮮美。每人加30元就可以任食剌身，刺身好新鮮，三文魚、希靈魚、鯛魚鮮美。甜蝦、鮑魚片鮮甜。多款冰涷汽水、啤酒任飲，亦有常温飲品供應。雪糕雪條任食。

我地選擇咗$169火鍋+$59人頭一份海鮮船 🍤🦞我揀咗就咁打邊爐, 因為想試下佢個四川麻辣鍋+骨膠豚骨湯四川麻辣鍋都夠麻夠辣👍🏻滿意海鮮船有鮑魚，龍蝦，聖子，帶子，蠔，翡翠螺，海蝦，珊瑚蚌，青口，花甲每人一份款夠多，但新鮮就一般仲送咗一碟牛肉，肉質不錯另外超喜歡金錢牛展，口感爽脆雪花見牛肉都好吃👍🏻鵝腸比較肥，清得唔係好乾淨是日海鮮係沙白，無沙又清甜🤤其他的配料都不錯呢個價錢值得一食

數數手指，原來我都成年無去打邊爐，今次難得約左中學時期既好朋友食dinner, 緊係要帶佢去食我其中一間好鐘意食既打邊爐餐廳 - 壹火鍋。 餐廳裝修都唔錯 湯底我地要左鴛鴦湯底 - 鮮番茄湯同骨膠豚骨湯。好采我聽朋友講叫蕃茄湯，因為真係比你想像中好味好多。 蕃茄湯又濃又新鮮！！ 必叫！！餐廳裹面既野飲係任飲，我上次黎好似無荔枝烏龍茶飲，落落真係幾好飲，又唔算好甜 😍好大隻蝦 同埋建議大家唔好滾太耐，如果唔係就會無晒口感。肉啊 全部都係肉啊 😍呢個食落真係好有肉味好好味！大家記得肉真係唔使煮太耐，否則會鞋左就無甘好食。刺身拼盤我地叫左三文魚，甜蝦，蟹棒，鮑魚片，榮螺片等等我自己食法係一半食刺身，一半放響湯底煮熟黎食，兩種食法。打邊爐點都要叫d 蔬菜既。 d 蔬菜又係好新鮮！！會變色架 我地叫左海鮮船，因為上次我同fds 食過覺得好正好岩叫黎影相呃likes!! haha龍蝦真係好多肉又新鮮好味！！而且飽魚口感又唔使嚼好耐，岩晒我呢d牙齒唔好既朋友 出面有好多料比你地任意配搭有xo醬，辣椒，炸蒜等

這裡位子舒適，高朋滿座，食物新鮮！而且雞煲的雞十分入味！不得不提！點了一個中辣一個不辣，中辣很夠辣味，不辣的則有甜醬酒味，飲品款式都挺多！可以選擇不同款式！兩小時任食很足夠

今晚約左個好耐無見嘅朋友出嚟打邊爐去左人氣火煱放題之一嘅壹火煱入到去地方幾大喎可以混的醬料好多隨自己喜歡便可飲品款式包羅萬有有凍有唔凍夠曬貼心我地揀左椰子雞火鍋湯底服務員送到的時候已經聞到香噴噴超正頓時令我胃口大開黎呢度打邊爐點可以唔點海鮮船所以我地都點了一個海鮮種類繁多勁豐富兼勁新鮮真係好抵食超讚因為大蝦我地喜歡吃散叫再追加多幾隻除了海鮮我哋還點了牛肉生菜豆腐牛肉又係要狂點因為好好味今次一定肥死之後再點了一盆刺身入口即溶非常鮮食完之後我地仲出去攞甜品食但只吃了一條雪條已經飽到反艇了。服務員多服務態度非常好面帶笑容食飯質素高一定會再幫襯

在旺角區有好多餐廳選擇，想食得超值又好食，我會推薦兆萬中心「壹火鍋」，有齊刺身、海鮮、火鍋及放題，任飲任食，每位平均200蚊左右，確實抵食。今次同朋友在晚上來到「壹火鍋」， 享用一個刺身火鍋，每位$199另加一服務費，以入座計2小時。可選麻辣雞煲，如不吃雞煲，可揀中日鴛鴦鍋底或中式湯底，雞煲共有8款仲可調整辣度，有BB辣、中辣及大辣，而湯底共有14款選擇。因想打邊爐，所以選擇了四川麻辣湯及芫茜皮蛋湯底，四川麻辣湯底不算太辣夠惹味，而芫茜皮蛋湯清清地，用嚟淥海鮮及蔬菜一流。職員送上湯底後，隨後會送上海鮮拼盤，有龍蝦、帶子、鮑魚、 翡翠螺、青口、海中蝦、蟶子、 鮮脆鯇魚腩等等，樣樣都新鮮，入口甜美，水準不錯。刺身料理都係任食， 包括有三文魚、甜蝦、八爪魚、墨魚片、鮑魚片、章紅魚、刀馬貝、鯛魚、榮螺片、希靈魚、玉子及蟹棒。個人喜歡墨魚片及鮑魚片，因為夠鮮甜彈牙。火鍋配料多款選擇，雪花肥牛紋路清晰，肉質嫩腍，一點都唔肥膩，淥數秒就可馬上食，夠牛味又脆口，好味，大推!蔬菜新鮮， 午餐肉外脆內軟，滑豆腐十分滑溜，海中蝦好食到不停order, 酥炸魚皮及響鈴必吃， 蝦子墨魚滑、鮮田雞、醬爆芝士丸及手

是日聚會 約左呢間有得食雞煲 刺身 打邊爐滿足多人願望店內環境唔算大 位與位之間都可以接受既空間放題本身就可以選雞煲食 有幾款選擇~至於邊爐湯底清湯為主如果要其他味道就要另加60蚊想食刺身既朋友每位需另加30蚊大家簡左花膠雞煲bb辣雞份量多 幾惹味~ 唔錯上雞煲店員會有計時器送上唔洗怕會過時 痴晒底刺身賣相都唔錯 食落都鮮甜甜蝦好食火煱料選擇都多~ 牛肉質素幾好墨魚滑超級好食海中蝦 = 生猛海蝦 上台時仲識郁 幾驚喜另有海鮮船可以加飲品唔太多種類選擇不過任飲既最鍾意係佢既調味bar 幾多味道簡整體上抵食 份量唔差 呢個價錢都好超值地點都方便

今日上咗嚟兆萬中心食壹火鍋嘅火鍋放題，每位$169，依然保持高水準！加$30有刺身任食，都幾多選擇，仲要排到靚一靚，呃like影相一流，正！每人$59就可以升級龍蝦鮑魚海鮮船，每兩位仲有半隻龍蝦，陣容鼎盛，超級抵食！海鮮好新鮮，有啲仲喺度郁添。 有鮑魚、龍蝦、蠔等等，我至愛係龍躉，好香魚味，又滑又肥肥美。雖然係百幾蚊任食火鍋，火鍋料選擇都唔少架。牛肉碟碟都咁正，鮮紅有牛味，ENCORE之選。另一樣必點嘅係海鮮，鮮甜大隻又新鮮，超好食！另一樣要讚係有熱飲櫃，裏面有啲無糖飲品，最推介係牛蒡茶，比較少見又解膩。甜品仲有雪糕雪條壹火鍋依然係性價比好高嘅火鍋放題！