增煇大排檔 & 增煇藝廚

营业中

休息中

兩間大排檔拍在一起, 一間”增輝”, 另一間”小菜王”, 這兩間在深水埗區, 無”容記”咁出名, 但生意絕不差於”容記”, 尤其是”容記”出了名後, 其食物和服務水準不及之前, 不過聲明在先, 我已經有幾年無去過, 對上一次去”容記”, 都要數到2009年, 哈哈… 出咗名既名店…. 唔好預我, 又要排隊, 又要食得快, 又要受氣…. 而”增輝”和”小菜王”這兩間, “增輝”又比較出名, 還記得數年前, 電視節目已經看到曾志偉介紹”增輝”. 咁…. 當然就…..坐低, 老友問侍應: “有咩嘢好介紹?”, 我即刻望一望侍應, 又望一望老友, 心諗….. 大佬呀…嚟大排檔, 使鬼人介紹咩, 見餐牌咩嘢啱食就叫啦…哈哈… 侍應答老友話:”蒸筍殼… 三百零蚊…” 老友即時O了咀….哈哈….兩個都係傻佬….加士伯, 大枝裝, 才$23, 超抵, 又夠凍.啫啫田雞煲, 配料夠多, 味道可以, 但欠了一點兒煲氣. 配菜: 豬潤, 略為硬一點, 蔥頭, 好爽口, 夠入味, 還有些菇類, 夠彈牙….. 噢…. 田雞呢… 哈哈… 都可以過得去啦, 田雞肉比較少, 田雞的脾部份最好食, 可惜只有兩三小件.東

近期天氣咁凍食乜最好,當然係打邊爐啦,如果加埋我至愛嘅海鮮就Perfect喇.一諗起食海鮮首選增輝貪佢多新奇選擇,打電話問吓有冇得打邊爐再訂埋位.真係估佢唔到係用炭爐打邊爐 太耐冇見喇重要用舊式尖頂嘅炭爐真有風味,因今次主打海鮮所以用清湯底,當然要食象拔蚌啦十分爽甜,有大大隻九節蝦肉質彈牙,另叫了小見嘅游水墨魚同我見到未見過游水 水晶蟹,蟹肉結實甜美,原本想再叫好似條魚咁大嘅瀨尿蝦,但叫咗大多嘢為有等下次啦.

N年没踩過深水埗這個地方，今次純因有朋友講起食過間好鬼多炸嘢既排檔式食肆，而咁啱大家話唔介意食餐超熱氣既．增輝相距港鐵站只有兩個街口，就算不熟深水埗也不難找．增輝在同一條街面對面有間舖面，聽說訂了枱的在一邊，没訂枱的在另一邊．環境是一般小菜館格局，枱放得很密，但亦不至背貼背，雖然開足空調，不過離開時最終還是吸了一身油煙味．朋友推介冷盤日本芥茉魷魚，說wasabi的味道很搶，不過今次wasabi味冇料到，也幸好如此，冇搶到魷魚的鮮味．點了胡椒豬肚蜆湯，湯很鮮味，豬肚没羶味．餐牌上淨胡椒豬肚湯只要68，加蜆就變128，如果份量一樣，加蜆就很不化算，將來有機會會求証．牡丹蝦有三種size，價錢分別是98, 128, 148，既然有心食，寧願選大隻的，蝦身做剌身，蝦頭椒盬炸．好味！預訂了半隻招牌烤BB豬，每人分得兩片，幾好但不見特出，相比洒店中菜廳價錢，並不算特別抵食．當晚有個朋友喉嚨痛，所以也點了些没那麼熱氣的菜式“蠔仔煎蛋”（没拍照），照道理火喉夠的話，這樣的簡單菜式應該煮得好味，但今晚個蠔仔煎蛋完出帶不出蠔仔的鮮味，也没有蛋香味．炸蟹鉗比較差，最大問題是材料不新鮮．選孜然豬仔脾是因為没有

由於有book位的關係 所以唔需要等位.蝦多士新鮮熱辣出爐 好脆啊隻蝦又大隻喎不過凍左就唔好食喇要趁熱食啊QQ蛋 都是新鮮熱辣出爐的入面是皮蛋的 我不太吃皮蛋的不過吃起來都OK啊有吃到皮蛋是流心的胡椒豬肚浸花甲好胡椒啊!!個湯好好味!!一定要試下!!又多花甲湯的味道岩岩好 唔會好咸焗魚腸 整得好好啊因為食唔到有腥味而且好足料 要trytry鬼馬炸油條真係好鬼馬啊!!中間是有墨魚的成份好彈牙 油條+墨魚又好夾喎煎大蝦 很濃醬油啊炸到連蝦殼都食到啊!!但這裡看起來沒有一斤吧??

麻辣雞腎球($48)，將雞腎切出條紋，辣汁可以滲入，辣汁惹果，佐酒佳品。花枝釀皮蛋（$68），味道其實不錯，但花枝太少太薄，被皮蛋味道搶過，如可加多點墨魚滑，味道更佳。胡椒豬肚湯（$68），足料夠味。脆皮炸大腸（$68），食過好多次，今次比平時差太遠，完全無肥膏，又薄又少，食左兩片，真係覺得好過份，同店員講，佢都同意，補返小小比我地。但都係味道普通，以前係真係長長一條，炸到脆脆的，還有肥膏的香（如菜譜），現在已面目全非。招牌頭抽雞（$288），我不肯定係唔係用頭抽，但我肯肯定係好好食，肉嫩，味香，皮也沒有多餘肥膏，連皮也十分吸引，令人回味。除了豬腸令人失望，其他都合格有餘。

其實都經常同屋企人黎深水埗食野，多野揀又唔太貴，而且仲有好多糖水舖。但今次呢間就第一次試! 本身食開隔離o個間，但有次o係附近食糖水，職員都話呢間好食d，所以今次就專登黎試下。豉油雞 - 呢度O既招牌棻，都值得試下，幾入味，而且D肉好滑。鬼馬炸油條 - 好特別，中間釀O左D墨魚滑，味道唔錯但唔太抵食。胡椒豬肚花甲湯 - 好大盤，我地5個人每人飲兩碗都有剩! 都算辣，建議多人先叫呢個~芥蘭煲 - 推介!唔食芥蘭O既我竟然都係咁食，有D肉碎加落去好野味，又香，餸飯食一流!蝴蝶腩 - 人地介紹就試下，冇咩特別，但都算炆得淋。椒鹽大虎蝦 - 好巨型，而且有膏。但都幾貴，兩隻要$5XX~D野都算幾大碟，適合一大班人一齊食。不過最好訂枱，因為都幾爆下。

一大伙要找地方吃飯真的不容易，又要食物美味，又要環境適合大聲笑大聲講就更難。上星期六，朋友介绍了在深水埗的增輝。若睇門面，只是一間普通的飯店，但眼看連續兩間和對面舖都是增輝，應該是食物好、生意好，才會一開再開。 我們一行十三人，可以點很多不同小菜，分別點丁店的招牌菜 : 燒乳豬、八寶鴨、豉油雞，再點了個椒鹽瀨尿蝦、生醃獅蚶……另外還點了花枝皮蛋、炸大腸、孜然燒豬肶、泰式生蝦、粟米魚肚羮、豉油王炒麵，味道尚算ok, 不過沒有太大驚喜，但餐廳氣氛輕鬆，大家可以大聲笑大聲講，氣氛搭夠。

朋友聚餐，找地方吃飯，都幾苦惱。吾係呢個吾食乜，那個吾食物，到最後可能某個人仲放飛機添。所以都幾煩的。今次不同了，朋友約了地方，幾個老朋一起吃飯啦！今次到深水埗的「增輝」！都見到幾多等位。我遲了所以不用等位😅。我們4個人，點了6個菜。先來個白雲豬手：酒香剛好，不太濃。骨肉易離，皮爽肉滑。一流！👍👍👍西蘭花炒雙鱿：呢個就一般喇！勺好晒D食物，變左冇乜味道，叫做有些獲氣。鬼馬虾膠：這個都特別下，虾有鮮味又彈呀，油炸鬼又脆。👍燒鴨：差到不得了。皮不脆，D肉又UN又鞋。吾記的咩湯：記然吾道得，即係冇特別。算啦！金銀旦莧菜：呢個好小輸既。冇驚喜法現。成餐晚飯雖然一般，但價錢不太貴。和一些老朋友聚餐，說說笑笑很開心了幾小時。算是不錯的選擇。

胡椒豬肚湯，飲到全身發滾，夠辣夠濃，連飲三碗~冷盤選擇有豬手仔，算是不錯。釀雞翼炸得略乾，但味道還算不錯。豬膶莧菜，一般。苦瓜炒旦，唔夠火喉，亦無苦瓜味~炸墨魚膠皮旦，皮旦十分溏心，又彈牙，非常好味~辣尤魚...香濃惹味之選，正。

今日是除夕，朋友話我生日快到所以帶我去一間做頭抽雞做得很好的地方。到了後先知道一條街有幾間舖位都是增輝的，心想真是那麼好吃！先來一隻頭抽雞，頭抽香甜，雞也稱得上滑至於雞味～真的吃不出是走地雞百花QQ蛋，是用台灣白鴿皮蛋包上蝦膠炸成，看似特别但吃上去沒有什麼特別，只是脆，沒有皮蛋的獨有味道炸蝦多士，只得脆字，不膩，沒蝦味味菜胡椒豬肚花甲湯，胡椒味濃，花甲鮮甜，豬肚清洗得很乾淨，味菜咸味適中魚腸蒸蛋，這道菜很少吃到，真是不錯，魚腸沒有腥味，還落足本，有很多魚腸呢！冰鎮豬腳仔，一句說完，一點味也沒有炸軟殼蟹，鬆脆，不膩，椒鹽味剛好豉油皇炒麵，太油，太濕，有點難吃雞油豆苗也炒得不錯嫩滑份量夠大，這頓飯因為有朋友的心意在内，所以尚算滿意。

在此吃過很多遍，但最近喜歡了增廚海鮮方面的食品。上次吃過「麵包蟹」之後，今晚特地帶我愛人來品嘗它，結果真知味冇窮 ，Ｄ膏多到舔舔利。全海鮮餐還有長到８吋唔止的蒜蓉蒸「大聖子」 及１２吋的油爆「富貴蝦」 ，真是吃到樂此不疲。不可不提，我叫了豉油皇炒麵，把炒麵沾上「麵包蟹」的牛油汁吃，又把炒麵放在蟹蓋上，讓麵條吸收所有蟹蓋汁，你可想像多好味啦呢 ...以下乃上次吃過的另類刺身「象拔蚌」，都想再吃。但下次我想試阿拉斯加長腳蟹lu，已問好了康來板。我覺得能有這個「街坊增廚」及「街坊增價」餐，真不錯！大酒樓可能要付上五佰元以上呢！

訂左位,去到就有位。開始真的好有期望，見佢門口咁有煱氣同有d食物要預留，仲有'菜生'賣廣告，好似好正但試左隻燒乳豬同頭秋雞隻豬都可以，不過不失但隻雞就超差又肥，家下食肥膏咩!!又吾滑仲要收咁貴，真的名過於實真係吾會有下次

今次第2次來,上次因人少,試食款式較少,今次人較多,試了很多款乳豬 -夠瘦,皮夠脆,保持水準(但係上次去問去拿黃介辣,今之問話無……食呢D野,無介辣係有D唔到味豉油雞 - 肥到非常呢普,有相為証,根本就係食肥膏無分別. 肯定隻雞打針到唔駛痕 (之前訂枱問我留唔留雞,唸住都係$200-300一隻, 又係出名,就訂了. 去到又找唔到隻雞幾錢, 點知埋單先知成$480隻, 真係太太太呢普). 味道只得個甜味,又唔覺好好食.鬼馬炸油條 - ok,上次有食過, 外脆,上面d墨魚肉好彈牙家鄉豆腐 - 麻麻地, 好咸. 家鄉魚腸- 好多魚腸, 好少蛋,面頭有油炸鬼,好脆, 但係太乾身.因為我喜歡多一些蛋,有油滑感會好d魷魚 -味道不錯,脆脆地,不過就細隻d竹苼上素 - 一般素菜花枝釀皮蛋 - 外面包咗墨魚肉, 裏面有隻皮蛋,來炸. 幾好食, 隻皮蛋有些糖心感覺, 外面又脆又爽口咸菜胡椒花甲湯 - 幾鮮味, 如咸菜胡椒多一些更好.燒鵝- 皮脆, 但係d肉無乜味海味雜菜煲 - 所謂海味,就只得幾粒好細既蝦米…..D菜前所未有咁多油……蒜茸炒白菜- 夠獲氣, 但係都係好多油, 而且份量真的太少………..

生日幾條友實在唔知去邊食好, 經朋友介紹去到深水埗增輝, 早2日前已經訂左位, 但可能好早去到, 唔駛等已經即刻有位.淨係叫左4樣餸:金銀蛋莧菜 - 因想食菜關係, 求奇叫左呢樣, 只可以話普普通通無咩特別.花甲胡椒豬肚湯 - 呢樣係這間店招牌菜式之一, 又確實唔錯, 夠晒胡椒味, 我最鐘意, 招牌頭抽雞 - 呢樣亦係這間店招牌菜式之一, 餐牌重要有"蔡欄"推介添, 但唔知係時辰關係, 餸黎到時係好香(香係因為佢有用秘製豉油浸住上), 滑既係個皮同個肉面, 但咬落去一D都唔嫰, 重有小小"鞋"添, 又唔入味, 我唸係蒸過龍.啫啫排骨煲 - 呢個夠晒啫啫味, 重有我喜歡的豬肝食添, 夠晒入味呀.因為叫4樣餸有2樣好味, 另外2樣只係普普通通, 所以我又唔覺得係必食之選既食肆....

特然好想食海鮮,友人介紹可去增輝一試話多選擇.一去到即時俾海鮮缸吸引,居然見到游水嘅牡丹蝦仲要係大大隻急凍嘅牡丹蝦大家都食過啦,游水嘅唔好話食吖,見都未見過啦.心諗係未好貴呢?答案係超抵幾十蚊隻咋同急凍價錢差不多,唔食就傻喇.上枱時重係咁跳,蝦身口感超爽甜,唔食蝦頭嘅我都覺蝦頭好甜,新鮮到冇人有.生奄螄蚶好鮮又爽,個殼白雪雪好乾淨,伙計話係自家奄成個月先食得,唔同其他食店由供應商交貨品質冇保証.燒鵝皮脆肉嫩,唔會過肥,好入味連D骨都好正,俾起中環某名店 X記好食好多價錢重要平成半喎!甜品炸榴槤外脆內軟夠香甜夠滑,但緊記襯熱食正好多.另叫咗兩個普通小菜,冇乜特別唔駛講喇.估唔到深水埗區都有咁多驚喜,下次想食海鮮我首選增輝囉,價錢唔貴,同埋佢地D海鮮Size係超大.