增煇大排檔 & 增煇藝廚

营业中

休息中

Came to try this place with my friends. Ordered a few dishes. Overall, not bad until we got our steamed fish. It was a "live" fish but when it came, it tasted "mui". We asked the chefs to taste and they said, "nothing is wrong, it tastes fine!!". We then asked the staff to taste it and their response was, "Oh, we don't eat fish". All we wanted was an acknowledgment, it wasn't like we weren't going to pay for the dish. We were offering constructive feedback and they shoved it in our faces. I do

本尊最愛大排檔最值得推介係燒煵仔丫，入囗即溶，半肥瘦又不覺膩...加上一支嘉士百，簡直絕配丫⋯⋯仲有個椒鹽豆腐、炒蟶子更正丫，重點係唔會偷工減料，又冇加一，本尊認為真。低食丫

要食有獲氣嘅小菜,深水埗有唔少選擇,例如增輝!餃子釀雞翼,啖啖肉去左骨,裡面好似食餃子,外層炸得香脆,送啤酒一流胡椒豬肚花甲湯,呢配湯不得了!胡椒味勁重,正!飲到渾身熱血,豬肚夠林,花甲鮮甜,飲到出汗,正椒鹽鮮魷,外脆內嫩,點埋醋食又係啤酒良伴豉油雞,醬油好香濃,可惜隻雞今次唔夠滑,有d部份鞋鞋地蒜蓉炒西蘭花,正常合格香口,好快就俾大家搶食完一班朋友聚腳嘅非常好選擇!

14人，八小菜，一海鮮，一胡椒粉豬肚花甲湯，埋單$4500上菜時間遲，炒碟牛肉等左超過半小時，我哋十四人傾計，所以冇介意，叫碟椒鹽鮮魷，食下發現點解咁硬，之後問伙計，佢即時答可能因為鮮魷賣晒所以俾土魷，咁都算，星期一全場得嗰六成客，各款菜式味唔係太特別，咁嘅價錢真係勁失望

因為得兩個人食飯，叫唔到太多餸。啫啫雞煲，雞煮得幾滑，豬潤唔un,但食到最底好鹹。豆豉鯪魚炒時菜，佢提供幾款菜俾我地揀，好似有白菜，油麥菜同唔記得咩菜。我地揀咗最常見嘅豆豉鯪魚炒油麥菜。如果呢味餸响大排檔食，佢唔算好多油（因為通常大排檔通常搏命落好多油）椒鹽鮮魷，我仲以為會係一條條，但一片片都ok,雖然唔算好脆，但都好惹味, 粉漿算幾薄。伙記都好有禮貌。overall, OK.

溫馨提示：一定要book枱先，因為附近環境都幾差，企多陣都唔係太自然胡椒豬肚湯- 超濃味、好辣、飲咗3碗炸大腸-香趣爽口釀雞翼- 味道麻麻炸魷魚- 爽趣送酒一流咖哩魷魚- 冷盤，咖哩味超正廣島𧐢- 超多汁、食到停唔到口咕嚕肉- 唔會太酸、味道平均砵仔焗魚腸魚香茄子- 送飯一流

一班為食行山友來個新春行大運吸水, 行完山出了一身汗, 最動人時刻當然是開開心心大吃大渴一餐, 然後滿足地回家。這店數年前朋友帶我來吃, 之後吃過數次, 味道不錯, 而且這家店有啲好鬼馬及創新的菜式, 食多幾次也不覺悶, 上次來己是1年多前, 所以今次介紹一行11人來食, 心情有點兒戰戰兢兢, 希望唔好令一班食友爆糟便好了貴價海鮮也有供應化皮BB乳豬 ($488/隻)每日限量10隻, 想食最好訂位時訂埋, 乳豬即叫即燒, SIZE 比想像中細小, 半隻大約只有十多件, 每人配給…..一件, 為食友點夠喉? 辛好我地 5.30PM 開飯, 即場加碼半隻, 乳猪皮燒得好鬆化, 基本上無牙的阿伯也食到, BB猪大細隻, 乳豬肉不多及偏瘦, 但肉質也juicy。 哈哈笑 ($220/斤)招牌頭抽雞 ($338/隻)肉質非常嫩滑, 用新鮮雞浸, 雞味十足, 醬汁惹味非常, 若能減點鹹更完美。鬼馬油炸鬼 $88油炸鬼讓入墨魚滑再炸, 油炸鬼卜卜脆, 墨魚爽口彈牙, 最好是一點油膩感覺也沒有, 非常香脆可口, 小朋友一定愛吃。燒鵝是一位老同學開飯必備之遺, 今次也不例外, 燒鵝中規中矩, 味道是不錯

今晚我們去咗深水埗石硤尾街嘅「增煇大排檔 & 增煇藝廚」食晚飯！我們叫咗胡椒豬肚湯、水晶肴肉、砵仔焗魚腸、紅酒燴牛尾、蒜蓉炒豆苗、椒鹽瀨尿蝦、椒鹽九肚魚、鮑汁炆豬手、蠔仔肉鬆煎蛋同招牌頭抽鷄！胡椒豬肚湯嘅湯底味道比較鹹咗少少，豬肚就非常爽滑彈牙！水晶肴肉嘅啫喱好煙韌彈牙，肉質唔會好韌同好實！砵仔焗魚腸嘅魚腸無乜腥味，份量都幾多，表面嘅油炸鬼亦炸得相當香脆！紅酒燴牛尾嘅牛尾炆得好腍好入味，肉質非常鬆軟，紅酒汁亦好惹味！係本人嘅必食推介！蒜蓉炒豆苗炒得鑊氣十足！椒鹽瀨尿蝦嘅肉質非常鮮甜彈牙！椒鹽九肚魚炸得相當外脆內嫩，炸粉唔會太厚，非常惹味！鮑汁炆豬手相當爽口彈牙，亦唔會好油膩！蠔仔肉鬆煎蛋都幾厚身，不過蠔仔嘅份量唔算太多！招牌頭抽鷄醃得相當入味，肉質非常嫩滑，鷄味十足！

十年前住深水埗有食開增輝廚藝！今晚多謝老闆明哥介紹新菜式！冰鎮鮑魚好入味好彈牙10個like！👍🏼👍🏼蝴蝶腩丶wasabi魷魚keep到水腫！呢碟波波好特別！以為係細個食開嘅薯仔波波！原來係蕃薯蓉包住芋蓉炸嘅甜點又5油膩好有城市驚喜！😍😍鬼馬油炸鬼釀嘅係墨魚膠5會係齋粉又係炸得夠乾脆無油係有一手！杞子豬潤浸荳苗個湯好得不過豬潤可以切薄些會更嫰口！薑蔥撈魚皮彈牙5腥！潮式醃C奄？咪比我一個人橫掃咗囉！😆😆

大排檔是香港的美食特產，沒有嘗試過，吃遍天下美食也枉然。增輝大排檔已經光顧多年，環境雖改，但美食依然，依舊出色。冷盤 - 魷魚平時食得魷魚都是熱辣辣的，第一次吃是冷的。但口感比平時更爽脆，更彈牙。醬汁微辣，令人不禁一口又一口接著吃，作為佐酒小食一流！啫啫雞煲廣東最具農家風味的代表作，掀開蓋子的一剎那，滋滋聲伴隨著濃郁的香味撲鼻而來，甚為吸引。尤其欣賞豬膶爽脆而不帶苦澀味，雞肉嫩滑入味，配白飯一流。豉汁豆卜蒸排骨豉汁味重但不鹹，排骨肉質軟身，豆卜吸收了豉汁的味道，非常惹味。鮑汁金菇伊麵伊麵濕滑柔軟，配上爽口的金菇及韭菜，雙重口感，這個極力推介，味道極好，單憑自己就消滅了大半碟。多年水準依然保持，夥計依舊豪爽，實在是開飯好地方。

已經幫襯左好多次，每次大時大節一定系呢到食，個個家人都話好味。個乳豬系即叫即燒，超級脆口，五分中時間我們已經搶食清。乳甲非常香口，味道一流，送酒更是完美呢個吾記得左咩名，有乳甲，飽魚，等等，超入味，用d汁送飯超開胃Wa,呢個龍蝦伊面，啖啖肉，鮮甜。要預訂。。最後呢味，用一半蒸，另一半炒，二種口味。。魚蒸得剛剛好，趁熱食就最好，不然會很浪費。。凍了會變腥喔！很滿足一定繼續支持

臨近中秋同家人做節，大件夾抵食嘅大排檔應該是不錯嘅選擇。深水埗出名多嘢食，增輝附近都已經有「小菜王」同「榕記小菜王」，其實都已經算係不俗，點知今次食增輝真係大失所望。第一道菜是焗魚腸，呢個餸係呢一餐入面算不錯嘅一道，魚腸同魚肝十分足料，而表面亦十分香脆。但之後的：薑蔥撈魚皮、花枝炸皮蛋、燒鰻魚、客家釀豆腐、鮑汁炆豬手同串燒都只係介乎一般或水準以下。特別是最後兩道可以說是差！首先講講「鮑汁炆豬手」，唔知係太好賣補炆唔切定食味本應如此，豬手呈現爽脆色白無味狀態，明顯未有炆夠時間。本以為鮑汁炆豬手應該濃厚軟淋，而所謂鮑汁更加係零入味，唔講以為係白雲豬手，價值$98真係多晒！另外漏單嘅串燒係一絕！除咗雞肉之外，豬肉同牛肉真係咸到難以入口，沙嗲汁亦無花生香味⋯⋯我覺得係如果食增輝可能要揀煎炸嘅食物再配啤酒，因為咸到送酒就差不多⋯⋯而小菜真係可免了。總計我覺得佢算係水準之下（至少我點嘅菜色），如果要改進真係應該減咸！

訂左8:30pm，打電話訂時留左隻頭抽雞，入座時問我地隻雞要等45分鐘要唔要起定，我地話好。食左成個半鐘，隻雞仲未黎，一催之下同我地講「雞無哂囉喎」吓?! 我地訂左架喎「雞要訂架喎，無得即刻落架喎」吓?! 我地一早打電話訂左囉喎，入座果陣仲話同我地起架喎。「你地無訂過喎」(check完電腦) 「真係無喎」......「一係你地叫其他野？」......唔係叫其他野補返既問題......訂左都可以無，覆左單都可以無，咁訂黎做咩？openrice話我無講野食質素，麻煩請睇清楚：我地仲叫左個胡椒豬肚浸花甲，未飲已經嗅到好大陣胡椒粉味，飲落口喊到直頭覺得飲完會腎有事同生糖尿......仲有個鬼馬油條，個汁係幾好味既，不過$80兩條油條，會唔會叫就見仁見智，我就睇黎唔會有下次啦。食晚飯黎講呢次體驗都算差，雖然間野感覺係幾乾淨，但野又唔係特別好食，亦唔係特別平，最致命係訂埋起緊既菜都可以話無訂過，真係以後都唔會再有下一次！

連日來病病地，無胃口，連友人約食飯都不想出去......友人見狀問想食什麼，口淡淡下突然超想食瀨尿蝦或濃味的東東，所以友人就提議到增輝，因為未試過，好奇心驅使下引領出關喇！去到見兩邊都有舖，是但入一邊，8點幾不用等都有位。友人都有一段時間無幫襯，但就記得胡椒豬肚花甲湯是招牌之一，HK$148。的確足料又夠味，驅寒一流！花甲都幾多而且不會很老！不過飲飲下愈來愈辣，相信小朋友或不嗜辣的人會受不了，飲到最後特地拍下這圖，很多多多胡椒，但這木桶存熱很好，食到尾湯仍然是暖的。為食菜而叫的金銀蛋浸時菜 HK$78，選了白菜仔，沒有慣常叫的蜆菜那麼稔，菜很爽脆，沒有草青味，又吸了湯的味道，且有雞蛋皮蛋咸蛋，蛋白很滑，連肉碎及湯飲鮮甜好味，很不錯。之後來一個豆腐火腩煲 HK$88，老實說，平日我不會叫這道菜，總覺得火腩(燒腩)應該是脆口乾吃的，煮稔了而且有汁不是很怪嗎？今天起我的觀念要改改，因為這得確很好味，火腩都是五層肉，一層肥一層瘦，好正！豆腐是炸過的，不油膩亦不易散開，配料還有少許冬菇及白菜，那個獻汁才是這道菜的精髓，說不出是什麼味道，總之跟煲份3面的材料就是很配。紅燒乳鴿 HK$78，雖則是大

年初五約老友食晚飯，老友提議食過多次的增輝大排檔，我是第一次到。晚上七點半共兩人到達，無訂位也可即時入座，增輝有室內店舖係門外圓檯，我們選了門外因可吸煙。街邊仍有大排檔炒菜十分有特色，看看餐牌，有蔡瀾推介，點了：1. 金銀蒜安格斯牛粒 - 蒜片大大片牛粒份量亦不小，牛粒入口略嫌美極味太濃偏鹹但夠稔，蒜片炒得很好味。2. 椒鹹腰果雞軟骨 - 很多蒜蓉鋪面，腰果香脆，雞軟骨亦不太硬夠入味，充滿蒜香，送酒一流好味。3. 鬼馬脆油條 - 很有特色的一道菜，用油炸鬼包著蝦膠炸，油炸鬼卜卜脆，蝦膠彈牙，非常特別。4. 冰鎮豬腳仔 - 很細隻的豬腳，入口軟硬適中有口感，豬腳亦夠入味，好吃。另外叫了多支啤酒。增輝整體水準保大排檔風味，小菜亦做得不錯，值得一試，下次叫多些朋友一起可以試更多款式。