增煇大排檔 & 增煇藝廚

营业中

休息中

今日又嚟增煇開飯頭抽雞好香同嫩滑椒鹽鮮魷夠乾身豬串骨送酒美食油浸筍壳炸得外脆肉滑椒絲通菜油多咗D開餐途中特然有圍枱起哂哄嘩嘩聲八卦嘅我忍唔住過去睇下發生乜事,咁啱撞到我老友係坐上客,原來佢地叫咗隻乾鮑食,我見到都忍唔住嘩咗聲,不嬲唔影食物相嘅我都要影底.嘩!好鬼大隻呀,點解我嚟幫襯都一段時間啦,係餐牌度未見過有扣乾鮑,D伙計又冇介紹過?一問之下原來係熟客仔先知有得食,最好訂定.唉!搞到我心思思約定腳下次嚟試,睇下佢同包煙盒個比例

不知這裡把名字"修正"了多少次,由平民化的增輝大排檔進化成了現在的增輝廚藝.環境是非常擠迫及嘈吵,這就當是大排檔風味吧!椒鹽鴨舌,椒鹽豆腐及椒鹽九肚魚----一連點叫了數款椒鹽食物,出來的效果也是一般!豆腐及九肚魚表面也是濕濕的不夠乾身,沒有一般吃椒鹽菜式的香口感覺.鴨舌反而炸得太過火每條也乾乾硬硬像柴皮.杞子莧菜浸豬肝----豬肝煮得太老吃得一口是渣.百花釀QQ蛋----蝦膠包著鵪鶉皮蛋來炸這做法不是叫做釀吧！幸好外層的蝦膠彈牙,想不到內裡的皮蛋還帶丁點溏心.碳燒BB豬----訂位時因接聽電話的說,一隻豬只夠四至五人吃,你們起碼要兩隻才夠吃!結果是一來到坐下廚房說立即燒,到吃完所有東西再坐多半小時乳豬才上檯.其它菜起得快是一個問題,在差不多已吃飽的情況下去吃,滋味程度已大減!更何況兩隻豬並排而上,一看外皮已大有分別一隻光皮一隻沙皮.食味亦一隻鹹一隻淡.結果十四人也吃不完八人份量的乳豬.鬼馬炸油條----墨魚膠鮮味彈牙油條吃起來乾身鬆脆,配上酸甜汁來吃效果不錯!鮑汁豬手----豬手頗硬身及不太入味,鮑汁甚杰身及味道頗咸,用爐加熱後感覺更甚.頭抽雞----味道略鹹但雞肉的處理卻做得不錯!

有朋友介紹話依間好好食，所以就同屋企試吓~~原來有2 間鋪，我就選擇咗望落去光猛個間因為訂咗位，加上係平日，所以一到時間就可以坐低點菜:1. 胡椒豬肚浸花甲: 好味!! 本人比較鍾意胡椒既味道，依個湯D胡椒味啱啱好!!! 飲咗一碗就感到全身熱熱的，冬天黎飲一定好正~~D花甲好鮮甜!v2. 招牌頭抽雞: 咁啱可以要半隻，所以一定要試吓啦!! D雞都嫩，我好怕D雞出到黎D骨仲係鮮紅色的，依個冇我最怕個種鮮紅色既骨，不過都可以好嫩~~~但係個味我就唔覺好特別，如果D汁用黎送飯就唔錯~3. 椒鹽軟殼蟹 & 九肚魚: ok啦~~但嫌份量有D少~~4. 豆豉鯪魚油麥菜: D菜新鮮，好好味~!其實可以再試，不過下次要試佢D海鮮~~~

美食團最後一戰又嚟返深水埗增煇,記住book位同訂餸BB豬同鮑參雞唔食得於冇嚟過BB豬香脆熱辣辣唔肥鮑參雞夠入味,記得唔好嘥咗個汁可order個菜同道庭鳥冬煮索埋個汁,正椒監瀨尿蝦手臂咁長肉質鮮甜彈牙花枝釀皮蛋糖心嫁胡椒豬肚花甲湯花甲大隻肥美豬肚爽口胡椒味夠椒監鮮魷夠乾身香口唔油膩炸大腸同金銀蛋莧菜ok

在友人介紹下到增輝試試，先是訂位及訂菜，這位員工非常有禮貌地介紹菜式，另我知到我們應點什麼菜式！到達後，當時店內已全滿，但各員工亦非常有禮貌地紹待我們，今我感覺很舒服！冰鎮鮮鮑片鮑篸雞炭燒乳豬花枝皮蛋胡椒蟹煲鮑篸雞必叫，當店員切開雞時，食多鮑魚在雞肉湧出，雞身沾了鮑魚的味道，而汁用在餸飯是一流的享受！

諗住提早同老爺慶祝父親節，點知大家食到一肚氣諗住咁多食家推介都唔差得去邊，點知......失望同難食共冶一爐首先我入到去已經唔想坐，因為佢哋D卡位甩皮甩骨又污漕....我覺得食店環境最緊要係乾淨嘛 至於食物質數就真係......差！我唔係佢哋D同行要寫衰呢間食店，我只係一個普通食客，而呢間舖又真係唔值得推介囉我哋叫咗幾樣嘢，每樣評價如下，大家可以參考吓仲去唔去食囉 (最衰我唔記得影相)~~BB乳鴿 - 講明BB鴿我都冇諗過會係大隻，但都不至於比隻"胚胎鴿"我吖，仲要炸到乾柴咁鬼馬油條 - 係油炸鬼釀咗D墨色滑，炸到好似條腸粉咁幼都唔似油炸鬼.....仲要炸到乾柴咁，好明顯個廚師冇攞個"heart"出嚟煮囉.....糊椒豬肚浸花甲 - 呢個湯又話係佢哋招牌菜，但對唔住食唔出囉首先好明顯D花甲係雪藏嘅，仲要殼多過肉，唔新鮮已經係大忌啦，點做招牌菜呀？仲要成$98蚊......回水呀客家釀豆腐 - 算係咁多樣餸最似樣嘅....但個芡汁唔洗咁"傑"囉炸大腸 - 又係炸到乾柴又清洗得唔乾淨:係咪1間食店做起咗個名就開始粗製濫做呢？我哋冇換到亦冇出聲....因為以上幾樣嘢都咁差，我哋仲點會存希望換

今晚同朋友慶祝生日, 其中一個居住在深水埗的朋友介紹大家去一間不錯0既食店(主要係食小炒, 都算係大排檔吧), 好耐無食過大排檔喇, 於是大家都好有興趣去試吓, 以下係我哋當晚叫0既餸菜: 孜然豬寸骨 - 豬寸骨灑上孜然粉, 外層燒得乾脆, 咬落肉質很軟, 而且仍然保留肉汁, 值得推介 白灼中蝦 – 有蝦羔, 好鮮味, 好彈牙 鬼馬油炸鬼 – 將墨魚膠釀入油條中, 外層炸得好香脆, 但中段墨魚膠部份味道未夠鮮味, 略淡 西蘭花炒班塊 – 西蘭花炒得好有鑊氣, 但班塊唔多新鮮, 有少少腥 豆豉鯪魚炒時菜(油麥菜) – 味道唔錯, 但豆豉鯪魚略嫌少咗d, 多返少少相信會更加惹味 薑葱田雞煲 – 田雞唔夠入味, 反而葱好好味, 醬汁略嫌稠咗d 咸蛋時菜肉片湯 – 味道唔錯, 材料十足 今晚所見, 待應服務態度散慢, 難怪不收加一服務費

我愛香港裏面曾志偉推介既鮑蔘雞 - 開頭以為係人蔘雞, 後來睇咗韜韜介紹, 先知原來呢隻雞嘅做法唔簡單, 用金華火腿, 老雞, 鮑魚同海蔘熬, 再放入去咗骨嘅雞裏面炆, 唔怪得知個汁咁濃同香啦! 鮑魚炆得好腍, 海蔘好滑唔係溶開, 服務員重幫我哋開埋隻雞, 隻雞吸收晒d 醬汁精華, 真係好好味!炭燒BB乳豬 - 呢個就係蔡生介紹嘅! BB乳豬肉嫩, 又無咩肥膏, 而且皮薄, 燒出o黎好脆. 正! 朋友話個乳豬醬味道麻麻同甜咗d, 但我又覺得ok.餃子釀雞翼 - 食落唔似有餃子, 個雞翼炸得乾咗d, 但味道都可以.花枝釀皮蛋 - 薄薄一層嘅炸花枝包住個皮蛋, 好得意. 都唔差.日式冰鎮鮑片 - 用wasabi 點呢個爽口清甜嘅鮑片, 唔錯.砵仔焗魚腸 - 個油條面燶咗d, 所以有d 實同硬, 個魚腸個人覺得腥咗d.豆豉鯪魚油麥菜 - 比較油嘅一個炒菜蒸釀豆腐 - 豆腐唔係特別滑, 不過豆味都ok, 但魚肉就硬咗d.啫啫排骨煲 - 好香嘅一個煲, 不過骨多肉少. 一般.椒鹽瀨尿蝦 - 瀨尿蝦好新鮮, 可惜隻蝦係切開咗先炸, 令到蝦身好乾, 就算個椒鹽做得幾好都無用.蒜茸炒菜芯 - 菜芯老咗

一行6人，7時到達，已經全滿。根據指示，預訂炭燒BB豬，另外再點6個小菜加湯。上菜的次序及速度只是麻麻(跟上菜的次序) 胡椒豬肚浸花甲 ($98) -- 夠熱，胡椒味不算重，咸，飲完好口渴。豬肚份量小，花甲是迷你品種嗎？為什麼跟迷你蜆的size一樣? 金銀蛋肉鬆莧菜 ($53) -- 第一道菜竟然係菜？份量小，皮蛋應該只有1/8 粒鬼馬炸油條 ($58) - 油條好硬唔脆，感覺好熱氣 花枝釀皮蛋 ($48) - 外層唔夠脆偏硬，花枝膠好薄身，皮蛋唔係糖心皮蛋而且幾咸 醬皇撈墨魚鬚($48) -- 少少辣，爽口，大路貨色。椒鹽鮮魷 ($58) -- 好多椒鹽碎，上桌時已軟身唔熱，致命傷係 -- 咸~到~冇~朋~友~ 紅燒斑腩煲 ($68) -- 斑腩是雪貨，這是預料之內，要辟除雪味，所落的調味(或味精？)重手程度絕對是預料之內。真的好咸。。。 炭燒BB豬($388/隻) -- 千呼萬喚，等了差不多1小時，最後一道菜。本來有相當expectation, 畢竟是招牌菜，但是希望愈大，失望愈大。燒豬皮OK香脆，但太油，而且太咸。水準只是一般，唔值$388。6個人，消費$863，唔算平。

公司請食飯老闆之前係電視見曾志偉拉大隊嚟增煇食嘢見食得咁知味就間咗哩度好彩一早訂咗枱及訂咗炭燒BB豬同鮑參雞因係限量供應唔訂定分分鐘冇得食撈墨魚鬚少少辣好爽口鬼馬炸油條外脆內彈口唔油鮑汁豬手雞腳好入味炒聖子夠惹味好爽及D聖子好大隻百花釀皮蛋外層夠脆中層彈口內層夠滑因係糖心皮蛋搖柱扒豆苗搖柱分量好多双蒜牛粒好有肉汁連D双蒜都好好味孜然豬寸骨外層夠乾身內層嫩滑炭燒BB豬熱辣辣好香脆唔肥鮑參雞好入味隻雞起咗骨雞肚放滿鮑魚同海參好鬼正上枱唔夠8分鐘清哂老闆即時再叫多隻好彩重有等45分鐘都抵燒汁花竹蝦好大隻有成7吋長鮮甜彈牙今餐D餸菜好有水準好過好多出名食店佢門口個海鮮缸重好多種類又超級大size鍾意食海鮮一定唔會失望服務好有禮貌但最好訂定位同訂定D限量餸因都幾多人等位

經過一輪搏殺，昨晚終於可以放下工作跟一班好友去食飯，有朋友提議去這間，她說上次同事帶她去，好好食，想再去。於是我們一行8個人一齊去食，去到門口，見到好多海鮮、好大隻鮑魚，由朋友揸主意點菜，叫咗:1.醬皇撈墨魚鬚 好爽脆，小小辣，用來送啤酒最好2. 冰鎮鮑片 起初以為係阿媽平時買那款齋鮑魚，但一食落口既感覺，完全唔同，好有真鮑魚既味道同口感，我們不停食，後來再叫多一碟3. 鬼馬脆油條 平日好少食炸嘢，怕油，但食完這個油炸鬼，又令我改觀，一點也不酒，好脆，中間D花枝膠好彈牙，油炸鬼完全沒有吸油，好好食，差不多半碟俾我食哂4. 鮑汁豬手雞腳 我少食，朋友話好入味5. 炒聖子 聖子爽脆，一D都唔會UN，剛剛好6. 胡椒豬肚花甲湯 平日飲既係用蜆煲，但今次係用花甲，俾蜆更甜，又多黑胡椒，好正7. 百花釀皮蛋 皮蛋竟然可以用來炸，糖芯，超好味8. 西蘭花炒花枝珊瑚蚌 一般，跟其他酒樓沒有太大分別一路食時，聽到隔離枱講蔡瀾係「飲食男女」都介紹過，好似獎門人都係節目介紹佢地個招牌菜「炭燒豬」同「鮑參雞」，今次我們沒有試到，因想試下其他小食，下次一家要叫多幾個男仔一齊來食，咁

如題, 正式的團年飯已早個多星期前聚首一堂。當晚，只得父母跟本人三人簡單地再做節。始終三人能吃下肚的份量有限，只點選了:北菇蒸雞---油勁多(連雞皮蒸嘛)! 雞件亦算多但其中竟有兩隻雞翼尖，北菇極少;白飯魚炒蛋---夠乾身，白飯魚略嫌少;西蘭花炒花枝珊瑚蚌---油多，西蘭花比花枝多，花枝又比珊瑚蚌多。無可否認，食物味道不錯，唯因食肆乃大排檔格局，雖說坐處店內，座位與鄰枱緊貼，故不會太舒適。服務尚可，店員目無表情，幸未影響本人及父母之食慾。

炭燒BB豬($388/隻)增輝招牌，燒豬皮香脆惹味，而且不太油，但份量可以只夠一人兩件左右。胡椒豬肚浸花甲($88)胡椒份量較重，絕對適合叮得辣的人，花甲大隻，豬肚則普通。鬼馬炸油條($58)仍然香脆的油炸鬼入面包住彈牙墨魚膠，入油絕不油膩。椒鹽軟殼蟹($58)炸得乾身，而且不油膩。炸大腸($48)硬身，不會變淋，而且不多肥膏。啫啫鴛鴦雞煲($58)鴛鴦雞分別是田雞和雞件，雞肉較瘦，反而田雞肥美。金銀蒜安格斯牛粒($88)普通，但勝在夠淋。紅燒豆腐煲($48)普通。啤酒($22/支)2枝百威白飯($8/碗)但不足之處是其中一位女侍應未坐好已經推介食物之餘，立即叫我們點食物，我們想留待人齊再點其他，她竟然說：「下次落單有排等」，而且吹左幾次先齊食物，足足食左兩個鐘，希望有改善。

當年還是街邊大排當坐街邊，現在企企理理坐定定，看到OR推介時仍不敢很定是同一間，好彩已電話訂位訂BB猪，數量真係有限架，一個字正，頭抽雞一定要叫，普通豉油雞無得比，還有大大瀨尿虾，味足肉多，叫了個忘記了名稱的並盤，個人特別喜爱當中的皮蛋，糖心的，哈哈，聽老闆說特意到西環訂的，看來此店老闆真的下了很大勞力，今時不同往日！！各位都要勞力呀！....如果店員多一點親切應該更好

深水埗舊區一到晚上，總有幾個街角燈火通明，熱熱鬧鬧，原因當然都係離不開一個食字。呢區除左兩間小菜王之外，增輝大排檔亦都係另一間值得捧場嘅食店。今次經驗，雖然唔會有非吃不可，回味無窮嘅經驗，不過呢類港式風味嘅食店近期幾受我愛戴，所以特此到來紀錄一下，同大家一齊分享...炭燒BB豬($388/隻) - 增輝頭號名物，而且每晚供應有限，要食就一定要預定。一隻BB豬足夠6人份量，至於你話抵唔抵食就見仁見智，但在門外用炭爐即場表演燒豬就絕對係風味十足...燒豬皮燒得香脆好味，咬落去卜卜聲，好味，用黎佐酒真係好爽，不過呢隻BB豬算係幾肥美，瘦肉部份相對較少，怕肥肉嘅朋友可以真係一件起兩件止...胡椒豬肚浸花甲($88) - 如果近期唔係迷上連粵日嘅柚子酒煮花甲的話，增輝嘅胡椒豬肚浸花甲應該會贏取多一點分數。花甲大隻爽甜，湯底胡椒味恰到好處，好味又暖胃。不過豬肚就略嫌較韌，要扣返少少分，所以都係贏取唔到我嘅歡心...哈！鬼馬炸油條($58) - 呢味菜同樣係鎮店之寶，脆口嘅油炸鬼入面，包住彈牙墨魚膠，再落少少甜酸汁，食落既香口又夠開胃，而且又唔覺得油膩，推介！百花釀QQ蛋($68) - 呢個炸皮蛋講