塚田農場 (已結業)

雖然有點小貴，他們家飯真的是一絕了，目前在香港吃過最喜歡的米飯，口感真好，白米和糯米都好吃。二次惠顧點了同一樣套餐。半自助套餐，沙律，甜品，飲料任食。牛油果三文魚拌飯和美人筐飯強推，芥末和薑末都好吃。

湯底普通 嗌過一人套餐食菜多個食肉 淡而無味肉又唔新鮮壽司又唔好食壽司飯林嘅 跟住個薄餅真係薄餅上面得兩舊肉 價錢又貴真係食吉野家好過喺呢度食 一啲都唔親民 總括而言呢間野我真係接受唔到

塚田農場舖位好闊落坐得好舒服，呢晚去到apm都比較早，6點半就食晚餐所以唔洗等位。特別想讚下環境非常整潔同埋店員腳務態度都好好其實呢間應該主要食美人鍋，見好多枱都有嗌，但我地反道而行，嗌左幾款鍋以外嘅野食。美人框飯，大概一個手掌大小嘅飯，聞落好香，唔係用平時日本野嘅珍珠米，而係糯米，食落好軟熟香口。嗌左個幾得意嘅炸魚糕，係鹿兒島名物呀！手工製嘅果然係有咬口啲，得三舊好唔夠喉呀雙拼年糕薄餅，呢個pizza係薄批黎架，食落好脆口，我地幾欣賞呢個好特別嘅pizza配年糕crossover，雙拼分別有走地雞年糕同明太子年糕。甜品係焙茶芭菲🍨茶味夠濃呀呢個雪糕！蕨餅、紅豆、栗子等等嘅小配料，令成個芭菲好豐富，賣相亦都唔錯

👧🏻👧🏻👧🏻👧🏻今次黎到主打美人系列食品嘅塚田農場🌟見menu上嘅食物賣相唔錯，就按住吸睛嘅程度揀咗幾款食物share😎唔知食完有冇真係變到美人呢🤪✧✧✧✧✧✧✧✧✧✧✧✧✧✧✧✧✧✧✧✧ 口渴又或者鍾意咩都試下嘅朋友仔，可以加HK$38享用佢地嘅飲品吧🤪有佢哋特調嘅飲品之外仲有盒裝罐裝野飲選擇！👧🏻就覺得特調嘅嘢飲味道較淡，會偏向commercial嘅野飲多啲🤣1）美人卷盛合 HK$118美人卷盛合就包括三款唔同味道嘅美人卷😋分別就係海老牛油果美人卷、鰻魚忌廉芝士美人卷同埋三文魚牛油果美人卷😎三款美人卷有啲似fusion咗嘅米紙卷咁，新奇得黎又幾好食😋當中特別推介鰻魚忌廉芝士味！😍賣相：🌕🌕🌕🌕🌗😋味道：🌕🌕🌕🌕🌑2）框飯 HK$45 @一碗今次叫咗三款框飯，分別係照燒雞框飯、蟹肉三文魚籽框飯同埋三文魚框飯😋份量比較細，食幾啖就食完🤣值得一提嘅係啲飯選用咗預先撈咗汁嘅糯米而唔係就咁白飯，甜甜地又煙煙韌韌，令到口感更加豐富😎😍賣相：🌕🌕🌕🌕🌑😋味道：🌕🌕🌕🌕🌑3）焙菜餡蜜芭菲 HK$68睇賣相就覺得好豐富😍香濃焙茶雪糕配上紅豆、餅乾同蕨餅，再淋上糖漿，啱晒一眾甜品控！食完心情都好啲呀😚

之前食過塚田農場嘅下午茶餐，覺得抵食同埋好食，今日去apm，諗唔到食乜，又去咗呢間。呢間分店竟然有自助沙律吧同嘢飲，仲要勁多選擇，有汽水、果汁、茶(好多款美人茶)仲有咖啡。。。清酒銀雪魚定食，$168今次食啲唔同嘅嘢，要咗銀雪魚美人定食，銀雪魚煎得好好味，層皮勁脆，啲肉好滑好多汁，一啲都唔乾，唔錯，不過就食唔出清酒嘅味。定食仲有兩塊魚生加少少沙律，同埋有個好滑嘅豆腐，仲有味噌湯。無論係午餐定係下午茶餐都可以任食出面嘅沙律同埋嘢飲，幾抵。火炙牛油果三文魚飯，$78三文魚燒到三成熟，所以口感係偏刺身嘅，好滑好冧，而牛油果亦都係熟度啱啱好，三文魚加牛油果加飯再加wasabi 一啖過食，口感豐富，好味😋啤酒，$58 half真係服咗朋友，下午茶都要飲啤酒🤪見佢飲得咁開心，應該好飲掛，我就試咗幾款美人茶，個人認為最好飲係西瓜茉莉茶，柑桔美人茶都可以，幾種茶都唔會太甜，啱晒我。另外我自製嘅沙律都唔錯，整得幾靚🤣

係冒住想打邊爐嘅心而黎見到美人鍋二人餐，包埋飲品吧、美人生春卷、意式冷盤，就即刻叫了～我們分別點左骨膠原湯同忌廉蕃茄湯～食物未到，就決定出去拎飲品同醬油先，有好多選擇！一般火鍋店都係豉油辣椒。。但呢度有好多特別嘅醬油，例如椰子咖喱汁、果仁芝麻汁、柚子昆布醋等等～ 而飲品吧都除了一般嘅汽水咖啡茶之外，有自家製健康嘅飲品，例如甘筍蘋果美人水、排毒健美綠茶～令到整個打邊爐感覺更加健康先上了冷盤，選擇了三文魚牛油果卷同帆立片柚子胡椒汁。而火鍋配料方面，一個選擇了雞肉&豚腩肉，另一個就加錢$68 選擇了美國牛小排如果分量多返小小就更好了～另外再配上免治雞肉，個人認為芝麻免治雞肉，醬油味更加突出，偏好呢個更多！

今日和老公食下午茶，行過塚田，見到下午茶有定食又有甜品又有沙律飲品吧，就入去試試。下午茶這個價位不算平，但勝在有沙律飲品吧，hea足一個下午都值回票價。沙律吧有不同味道的果茶*醃漬吞拿魚刺身丼（$78）吞拿魚比想像中少；漬過的吞拿魚刺身和平常的味道不同，我還是喜歡沒漬過的。*炙燒豚肉丼（$68）老公點的豚肉丼；豚肉的邊燒得很脆口。*抹茶餡蜜芭菲（$78）芭菲的好處是一次過滿足不同的口感；除了雪糕，還有煙韌的白玉、蕨餅、紅豆和餅乾；雪糕較冰感，抹茶味濃。*培茶餡蜜芭菲（$78）比起抹茶，我愛這個培茶多一點。

上個星期五同兩個朋友食飯，因為之前睇食評好似話呢間日本菜唔錯，所以就嚟試吓，雖然睇落好似主打打邊爐，但因為我唔好，所以我地冇打，但眼見10枱有九枱都係打邊爐😅。整體上味道唔錯，但佢嘅份量就真係.......太精緻，適合胃口少又喜歡食唔同款式嘅人。一件一口嘅份量，仲要唔駛口大都冇問題。🤣見食評人人讚，更係要試吓，真係唔錯。😋每邊三件，剛好每人每款一件，煙煙韌韌都唔錯，但都係好細。😅終於嚟個大少少嘅，相比其他，冇乜特別。新鮮炸起，一嚟就聞到茶葉味，但唔知係茶葉定魚本身，佢有少少苦澀味。呢個最得人驚，睇餐牌成個「車輸餅size」，嚟到一睇，又薄又細，味道仲偏鹹。😰

👯‍♀️兩個小鳥胃既女仔夜晚唔想食太多見塚田啲飯既份量幾迷你，就簡左呢間餐廳🍣鰻魚忌廉芝士三文魚籽壽司卷 - $78壽司卷既外層沾滿黑白芝麻面頭有忌廉芝士同三文魚籽忌廉芝士令整體口感更加幼滑好濃芝士味，略嫌有點蓋過咗饅魚既味道🎋照燒雞框飯 & 三文魚框飯 $45呢個飯既size係迷你版，好似竹筒咁細岩晒細食既朋友仔，唔會食到好飽亦都因為咁可以試多啲其他菜式米既口感有似糯米，咬落比較痴同軟身三文魚牛油果美人卷 - $42美人卷比想像中細份，配料主要係蔬菜難怪叫做美人卷🌱啖啖都係健康既感覺外皮煙韌，內裡爽脆，食落好fresh！除左食物外，呢度加$38會有飲品吧飲品種類超多！！有鮮果茶、果汁同紙包飲品

由日本宮崎開到香港塚田農場，依家APM都有分店 呢度主打精緻高質日本料理，包括有美人火鍋同特色料理😋 🐟鰹魚他他佢係一個鰹魚沙律，配有鹿兒島特產的白酸醋汁，酸酸地幾好味，而鰹魚產地係日本指宿，充滿日本風味🎏 🍣鰻魚忌廉芝士三文魚籽壽司卷🍣海老天婦羅壽司卷 鰻魚卷加左大粒芝士及三文魚籽好惹味海老炸香後加牛油果做壽司卷，而外面舖滿蟹籽😋 ✴意式生帆立片 柚子胡椒汁柚子胡椒汁更提升帆立片味道 🍱框飯即係用小木桐盛載熱辣辣嘅糯米飯 ➡️鰻魚框飯鰻魚外皮香脆➡️蟹肉三文魚籽框飯蟹肉鮮甜及有大大粒三文魚籽 抹茶餡料芭菲 最後當然要吃甜品，才是完滿的一餐哦。這個芭菲好豐富，配料和份量勻很豐富。包括: 抹茶雪糕，抹茶厥餠，黑糖厥餠，紅豆，啫喱，栗子，花花曲奇，抹茶味濃，味道很特出。

來自日本宮崎塚田農場，主打日本高質料理，感覺猶如高級居酒屋🎏，而且環境舒適又乾淨，好有空間感 外面設有自助飲品吧🍸🍹，晚餐時段可以加$38係自助飲品吧自由選擇各類飲品，有甘筍蘋果美人水、排毒健美綠茶等，又有各款果汁同冷熱咖啡☕ 除左美人火鍋，呢度有好多日本特色食物，今次就試下佢哋嘅高質美食 🥗鰹魚他他指宿產地嘅鰹魚，配上他他醬，入面加上鹿兒島特產的白酸醋汁，令整個沙律好清新，鰹魚味美😋 🍣鰻魚忌廉芝士三文魚籽壽司卷鰻魚卷上放左大大粒芝士同三文魚籽，令味道更有層次 🍣海老天婦羅壽司卷新鮮炸物海老嘅壽司卷特別好味，入面仲有牛油果，外面舖滿蟹籽 🍽意式生帆立片 柚子胡椒汁 框飯好精緻，用木桐盛載，熱辣辣糯米飯喺木桶裡面好保温 🍱鰻魚框飯鰻魚肉香，外皮香脆🍱蟹肉三文魚籽框飯蟹肉鮮甜，又有大大粒三文魚籽 🍵🧁枺茶餡芭菲飯後食甜品係必然的，芭菲有日本抹茶雪糕、抹茶厥餠、紅豆、啫喱、栗子，還有花花曲奇，再可以加自己喜歡份量嘅抹茶醬，抹茶濃度就剛剛好。 食物好精緻，而且係用心做嘅美食，充滿返鄉下嘅感覺🎏

一直都被這個美人鍋吸引着❤️❤️女士總是想補充一下骨膠原呢😎😎💫美人鍋套餐$168湯底有八款可以選擇，特別推介黃金骨膠原雞湯，凍的時候與啫喱狀一樣，加熱後變成濃濃的雞湯。蔬菜🥬盒顏色鮮艷，有紅色的車厘茄、綠色的青瓜、白色的金菇、橙色的南瓜🎃片等等，擺設非常吸晴。所有材料放進雞湯入面也吸滿了骨膠原雞湯的精華，變成雞湯蔬菜鍋🥬🥦🥒🌶明太子芝士🧀雞肉滑非常彈牙，淡淡的鹹香味。肉類選了雞肉🍗雞肉已熟，只是回鍋翻熱，因此既能夠保持嫩滑的質感且又夠熱。主食選了烏冬，🍜日本烏冬非常彈牙，在骨膠原濃湯中翻熱，每條麵條都掛滿了骨膠原濃湯，這個湯底非常特別，不會太油膩，而且不會過咸。每一啖都是濃濃的雞湯味。💫鰻魚玉子丼$98鰻魚是厚身的，玉子薄薄的一層，鰻魚燒得剛剛好，配合鰻魚汁，整個飯的質素也提升了。兩個套餐均包沙律吧及飲品❤️沙律菜非常新鮮，有紫洋蔥🧅、紅蘿蔔絲、青瓜絲、車厘茄等不同的配料，再加上自己鍾意的醬料，凱撒沙律汁、和風燒汁等，製作出一個獨家的沙律🥗前菜。醬料的選擇也很多，除了一般的豉油和辣椒🌶️，還有蕃茄汁、椰子咖喱汁、果仁芝麻汁等等，每一款也非常特別，不妨一試呢！另外亦設甜品🍮，有4款不同的蛋糕選

三文魚親子鹽昆布炒飯$83頂層係三文魚籽，然後就係紫菜，炒飯係用三文魚加鹽昆布炒的，最底層係蛋汁，撈埋個飯一齊食真係好好味😋又香蛋味又令個飯更加滑沖繩大島魷魚配豬肉炒麵$88豬肉食落唔會太韌，魷魚第一下咬落係脆，然後就有啲𡁻口，炒麵嘅質感煙韌，味道不錯美人甜卷(雪糕)$48有抹茶雪糕，黑糖，白玉，黃豆粉➕蛋糕，食落凍凍地，甜甜地，白玉即係好似白色嘅湯圓，但比起湯圓更結實得黎又唔會好黏牙美人甜卷(水果)$48時令水果係士多啤梨🍓加奇異果🥝，配上白玉同埋紅豆，口感豐富

店舖裝修得好靚，好友高級日本餐廳嘅感覺。menu亦整得好有一種文雅日本氣息嘅感覺，選擇亦唔太多以為貴精不貴多，令我幻想到啲嘢應該好好食。仲有自助沙律吧醬汁菜的種類都好足夠。亦有各式各樣嘅汁醬。主餐未黎嘅時候滿心歡喜食沙律。主餐一到。oh no. 賣相幾好，一食，不得了。🤮😪😵😓😓😓雞肉無味，好似乾到比太陽曬左全日咁。🥵🥵d飯太濕，好似飯糕咁，完全不是一粒飯，係一餅飯....😱😱d蛋仲恐怖，好似蒸左十年，又硬又無味，蛋餅咁。d飯係混左落d「蛋餅」度。好明顯係好耐之前煮好，在d蛋仲係滑既時候放在一起先會咁。跟住放在熱櫃keep住heat，先會有咁既成品。😫😫我都唔係d嘴刁既人，但近$100既飯咁既質素，真係忍不住。飛機餐d熱櫃控制仲好過呢度...🤦‍♀️😅🥲最後，我頹廢咁食多碗沙律就算了。人生總要遇到d奇怪的餐廳ge... 注定係今日😬

塚田農場觀塘店最近行過見到有美人鍋套餐，$438 包好多嘢，一於試下係咪真係咁抵😃😃一入門口就見到好大個醬料區同飲品吧，有各款自家製凍飲，另外雪櫃入面嘅紙包飲品同罐裝汽水🧃🍹湯底方面就揀咗骨膠原湯同埋壽喜燒湯，成個jelly咁上好QQ，美人鍋用嘅係雞湯雞味好重，而且無乜味精，幾濃郁，配麵一流，就算不斷加湯都唔會淡。肉類方面就揀咗🐷豚肉&🐔雞肉同🐮美國牛小排。一上枱其實嚇親，冇諗過份量得咁少😅牛肉得四舊但要加$68，不過肉類質素幾好，有肉味，而且肉質軟淋，睇得出各款肉都係高質。四款特製免治雞肉中要咗明太子同芝士免治肉，可以自己玩下幾好，我自己就鍾意食芝士🧀多啲，更有層次。卷物叫左🦐海老牛油果美人卷，半透明的米紙卷， 包住唔同層次、顏色嘅材料，好靚。🥬蔬菜盛合擺得好靚，有金針菇、小蕃茄、黃椒、紅椒、雜菜等，色彩繽紛，而且新鮮翠綠。最後，🍜主食中叫咗烏冬、日本羽衣麵，兩個都好好食。烏冬彈牙，羽衣麵就係一片片咁，比較淋身。其實兩個人都係啱啱夠飽，不過就比較精緻，兩個男人應該唔夠飽😂