塚田農場 (已結業)

之前食過塚田農場嘅下午茶餐，覺得抵食同埋好食，今日去apm，諗唔到食乜，又去咗呢間。呢間分店竟然有自助沙律吧同嘢飲，仲要勁多選擇，有汽水、果汁、茶(好多款美人茶)仲有咖啡。。。清酒銀雪魚定食，$168今次食啲唔同嘅嘢，要咗銀雪魚美人定食，銀雪魚煎得好好味，層皮勁脆，啲肉好滑好多汁，一啲都唔乾，唔錯，不過就食唔出清酒嘅味。定食仲有兩塊魚生加少少沙律，同埋有個好滑嘅豆腐，仲有味噌湯。無論係午餐定係下午茶餐都可以任食出面嘅沙律同埋嘢飲，幾抵。火炙牛油果三文魚飯，$78三文魚燒到三成熟，所以口感係偏刺身嘅，好滑好冧，而牛油果亦都係熟度啱啱好，三文魚加牛油果加飯再加wasabi 一啖過食，口感豐富，好味😋啤酒，$58 half真係服咗朋友，下午茶都要飲啤酒🤪見佢飲得咁開心，應該好飲掛，我就試咗幾款美人茶，個人認為最好飲係西瓜茉莉茶，柑桔美人茶都可以，幾種茶都唔會太甜，啱晒我。另外我自製嘅沙律都唔錯，整得幾靚🤣