塚田農場 (已結業)

啱啱離開環境都幾舒適，地方幾闊落 不過 餐廳梗係食物因素最重要啦.佢嘅食物質素還可以，但價錢似乎偏貴!唔係好抵 伏推介係梳乎厘，熱辣辣幾好味，又唔貴上枱之前專登反一反個鑊畀你睇，幾個隱另外嗰啲 三文治三文魚親子丼都幾好味 尤其是個蟹肉丼，值得推薦但係啲刺身簡直係伏中之伏成三百蚊 得十件都唔夠最重要係 望落去啲三文魚唔新鮮薄餅還可以，好脆口但係真係好快食完好似冇食成一樣其餘食品我覺得買 賣相 可以但係味道一般價錢昂貴總括嚟講，我覺得apm有其他更好嘅選擇

喜歡尋找不同美食，試新嘢⋯⋯吸引我入去係因為見到佢哋近店鋪門口排列整齊嘅醬油、各式各樣飲品、汽水！疫情期間，俾到食客安心飲食嘅信心👍🏻前菜的意式帆立貝柚子胡椒汁，帆立貝刺身新鮮，配柚子汁，更突出鮮味美人鍋套餐有齊$168：骨膠原湯，淨睇個名就知道好啱各位女仕啦，幾時都要補一補😍雞肉，原來仲係雞髀肉，大件好滑，豚腩肉，肥瘦均勻，肥肉食落完全唔覺得肥膩，爽滑😋明太子芝士免治肉，鮮甜香滑都幾彈牙添跟住嘅蔬菜盛盒，齋睇已經賞心悅目，新鮮嫩綠👍🏻👍🏻👍🏻店員教我哋將最後嘅意大利飯放落骨膠原湯，加多少少芝士，嘩⋯⋯每一口飯都食到香、滑、濃😜😜

餐廳：塚田農場 (觀塘)地址：觀塘觀塘道418號創紀之城五期(apm)3樓L3-L13號舖呢間嚟自日本宮崎嘅連鎖居酒屋——塚田農場 @tsukadanojo_hk 喺全日本有超過150間店舖，而喺香港就開咗4間分店，今次都喺第一次去觀塘呢間開咗接近2年嘅分店食嘢😋呢間居酒屋喺日本響噹噹，食物理念以健康同新鮮為主，其中以美人鍋同雞料理為必試菜式🤤，部分食材仲喺由日本直送，作為一個鍾意食日本料理嘅人緊係唔可以錯過✝️意式車厘茄多士 $58餐廳沿用Oisix呢間主要搜羅高品質日本食材嘅網上超市貨源🇯🇵，以佢哋新鮮清爽嘅意式車厘茄粒放上迷你多士，車厘茄香甜爆汁💦，配埋微脆嘅多士仔喺一款清新開胃嘅前菜小食😌✝️免治雞肉蛋炒飯 $88將免治雞肉同雞肉粒堆放喺自家製醬油炒飯上面帶嚟雙重口感 🐓，上枱後店員喺飯嘅周圍倒入蛋漿，當中仲有啲枝豆，蛋漿透過鐵板嘅熱力慢慢凝固變成蛋塊🔥，再撈勻炒飯嚟食，成個炒飯香而不膩，醬油惹味而唔會好濃味，幾啱我口味👍✝️疏乎厘鰻魚玉子燒 $88平時玉子燒就食得多，今次第一次試塚田農場獨家嘅疏乎厘玉子燒，可以揀加入唔同餡料，我就叫咗鰻魚，不過得幾粒鰻魚粒喺入面。玉子燒同餐牌上面嘅

係觀塘又唔知食乜好，係APM行行下見到呢間「塚田農場」下午茶時段大大隻字寫住放題，有個丼飯🍚加沙律同飲品Bar放題都係幾十蚊，結果當然又伏左啦🤣————————————————🥇飲品同沙律吧放題👍🏻飲品選擇都幾多，有多款罐裝同紙包飲品(有可樂、忌廉、檸檬茶等等）仲有多款果汁同特製果茶 🍹🥈照燒雞及免治雞肉碎丼（$68）🥉炙燒豚肉丼（$68）👌🏻見我寫沙律吧先就知d 丼飯無咩好討論🤣好老實就其實兩款都麻麻地，如果夾硬要揀就雞飯好食d，起碼有塊小扒同有d雞肉碎😌有d燒汁無咁寡豚肉就真心一般，燒得比較老，口感麻麻，不過份量足嘅，下午茶時段接近6點食可以當晚飯，夠飽🤗———————————————— 💡 當日5點幾6點食，食左一輪沙律吧就收檔，不過飲品就無收，飲左3/4 round ps: 唔好當佢真係放題，當飲品任飲會開心d🤣注意，設加一服務費📍 塚田農場：觀塘觀塘道418號創紀之城五期(apm)3樓L3-L13號舖

這間位於觀塘APM的餐廳，下午茶時間主打丼飯，另外還包括任食沙律及飲品吧，女士們high tea最啱。沙律吧沙律吧有盤雜菜、番茄及粟米等，配上芝麻醬、柚子汁等等，沙侓菜爽脆健康。飲品吧除了有咖啡、茶外，還有多款自家調製的健康美顏飲品，可以每樣都試齊。鰻魚忌廉芝士卷鰻魚卷帶點燒汁香味，忌廉芝士很creamy。南蠻炸雞炸至金黃香脆，外膽粉漿不會太厚，雞肉juicy。炙燒三文魚牛油果丼三文魚燒至表面全熟帶焦，中間還有點刺身狀，加上牛油果幼滑獨特香味，丼飯份量都不小。炙燒豚肉丼豚肉切成薄薄一片，半肥瘦腩部位，入口帶點爽口，燒汁配搭一起，送飯一流。最後食返個綠茶及焙茶雪糕，焙茶茶味濃郁。

每次到觀塘APM都經過塚田農場， 今次朋友提議入去試下， 中午大約兩點到達， 店內環境舒適，餐廳主打日式火鍋， 都幾吸引，但原來午市有定食套餐🍱， 我就點了鰻魚玉子丼$98、 鹽麴大蒜燒天然豚里肌肉定食$168 (已經包括自助飲品🥤和沙律吧🥗) 。 🔸飲品🥤 ～ 自助飲品區有幾款選擇， 我揀西瓜紅莓茉莉花茶和甘筍蘋果美人水， 兩款都是清清地， 我喜歡飲品不太甜。 🔸沙律吧🥗 ～ 沙律菜新鮮， 清新醒胃。 🔸鰻魚玉子丼🍱 ～ 鰻魚玉子丼大大碗，份量多， 鰻魚肥美， 配上一碗熱辣辣的麵豉湯， 美味的午餐。 🔸鹽麴大蒜燒天然豚里肌肉定食🍱～ 定食配沙律、冷豆腐、魚生片和麵豉湯， 豚肉🥓保持原汁原味， 厚切有口感。 喜歡午市定食有自助區可以選擇自己喜歡的飲品和沙律， 期待下次再來吃美人鍋🥘。

喺商場行咗兩圈，最後揀從未光顧過嘅日式料理餐廳，正值六時，餐廳冇客人。-餐廳以白木色日系設計，門口設有醬料區同自助飲品吧，有自家製飲品，餐牌有日式火鍋同壽司，亦有西日式融合菜，款式小，多元化。-三人行，兩位友人點美人套餐，剩低一人被迫加錢買自助飲品吧，覺得唔抵。-美人套餐 $418包括兩款湯底、兩款免治雞肉、兩款飯或麵、兩款肉、美人春卷、美人意式冷盤、蔬菜盛合、自助飲品吧-壽喜燒湯底剛呈上嗰陣有白色啫喱狀物體，溶掉後湯底變淺啡色，不好吃，淡，冇醬油香。-忌廉蕃茄湯底有蕃茄味，輕微忌廉香，似較淡嘅罐頭湯味道，唔錯。-鰻魚忌廉芝士美人卷用水晶皮包椰菜、鰻魚、忌廉芝士、芒果。配搭奇怪，唔好食，分開好食啲。-烏冬 +$18有紫菜碎做裝飾，份量少，味道正常。-雞肉 +$28份量多，好吃。-自助飲品吧 +$38美人果茶淡。-雙拼年糕薄餅 $88雙拼係明太子同雞肉，餅底係年糕，年糕黏牙，明太子味道惹味，似零食嘅調味粉，雞肉味道普通。-額外稱讚醬料區，款式多，特別，試咗咖喱、蕃茄、芝麻醬油，三款用嚟撈烏冬都好食。-其他冇食冇寫，整體而言，美人套餐兩個唔夠食，性價比低，店員服務一般，欠主動，上菜速度快，

返工咁辛苦, 最好就係放工去享受晚餐。餐廳坐位好寬敞, 枱下面亦有個籃俾客人放個人物品, 好貼心。海老牛油果美人卷用米紙包著生菜絲、紅菜頭絲、蟹柳、玉子、牛油果同蝦, 口感豐富又清新! 美人鍋套餐 $168餐廳好多食材都由品牌喺日本嘅自家農場直送, 品質有信心保證。套餐可自選一款湯底、一款肉類、一款免治雞肉、一款主食, 另包五色蔬菜盛合。湯底都有8款選擇, 真係花多眼亂🤣 壽喜燒湯同樣有震騰騰嘅雞湯膠原啫喱, 配以各種醬汁一齊品嚐, 令湯底鮮味更突出。自選肉類揀咗美國牛小排 (+$68), 大約8片, 肉質鮮嫩, 油花分布均勻👍🏻 特別推介美人鍋追加嘅豚腩肉120g $38, 有差唔多18片😍 可惜個人覺得頗多肥膏😅整體嚟講食物質素好, 性價比高!

雙拼年糕薄餅 $88以宮崎縣出產嘅食材製作呢個雙拼年糕薄餅用宮崎地頭雞地頭雞嘅放養時間比一般地雞長啲 所以肉質軟嫩 口感細膩😋加上粒粒分明又新鮮嘅明太子仲有軟糯年糕 無得輸嘅配搭👌🏻-意式生帆立片 柚子胡椒汁$78海鮮好正 食得出唔係下等貨👌🏻特別推薦醬汁 柚子胡椒好開胃 夏天好適合-美人卷盛合 $118上次黎要左日本年糕油豆腐包 紫菜卷雞肉等 今次食米紙卷 包著素菜 清新自然味道🤤-美人甜卷$48日式嘅甜品都幾多變化

由研究『塚田農場』的『塚』字點讀到行入去間餐廳差唔多發生喺一個鐘頭之内。叫咗『三色刺身定食』和『和風吉列豬扒丼定食』两個餐，咁就包埋飲品及沙律吧。飲品有『粉紅檸檬梳打水』、『柑桔美人水』、『甘荀蘋果美人水』、『橙汁』、『提子汁』10數種，樣樣飲DD，幾得意，感覺非常之健康吖。我哋食嗰陣係lunch time時間，見到除咗飲品和沙律之外，仲有細細件甜品，但到我哋食完呢餐已經到咗tea time時間，沙律就有refill，而甜品就唔見咗，可能下午茶冇咗甜品。两個餐都好正，豆腐嫩滑，刺身新鮮度高，吉列豬扒即炸熱辣辣，表皮卜卜脆，内裡都幾juice，朋友讚不絕口。沙津菜也非常新鮮，平時少食的我都食多咗，又有麻醬和柚子醋加持，好味嘅。

美人鍋套餐 $418見到呢個套餐比起散嗌抵啲，仲要包埋原價每位$38自助飲品區!叫咗招牌骨膠原湯同忌廉蕃茄湯🍅 骨膠原湯上枱時呈果凍狀，加熱後會溶化，飲落去都係黏黏嘅。呢度有好多特色醬油，椰子芫茜汁、果仁芝麻汁、白味噌芝麻汁等。飲品吧除左一般汽水咖啡茶之外，仲有好多有自家製健康飲品，西瓜紅莓茉莉花茶，金橘美人水，排毒健美綠茶，飲住健康果茶打邊爐會減少罪惡感，又可以解膩😆-鰻魚忌廉芝士美人卷-帆立片柚子胡椒汁-兩款肉類 (雞肉&豚腩肉 +$68 牛小排)-兩款免治雞肉 (明太子芝士 + 粟米🌽)-蔬菜盛盒-烏冬 + 寬條麵🍜整體嚟講，肉質幾好，份量偏細，兩個女仔食啱啱好嘅，男仔就未必啦🤭

今日Lunch嚟試下美人鍋湯底。一上鍋湯底係一個半圓形嘅果凍咁，開咗爐之後就會慢慢溶化變成湯底打邊爐。餐廳座位都好寬闊，地方乾淨。外面有沙律吧、飲品吧、醬料區。值得一提係，飲品吧有唔同口味嘅水果飲料，眼數都有5-6款，大家可以每樣試下。食物方面，今次選豚肉+雞肉。肉類都算新鮮，但奇怪嘅係，3塊雞件上菜嗰時就已經熟咗，問過店員點解唔係生雞件，店員無正面回應，只係話雞件即使熟咗都需要下鍋，因為放喺室溫已有一段時間。雖然唔係好理解，不過總括嚟講都可以接受。

塚田農場係apm開左一段時間, 成日都排長龍, 今晚見好似少d人排隊就即刻拎位試下。一入門口見到醬料bar同埋飲品bar, 原來飲品bar係食美人鍋再加$38就可以任飲, 我見都好多款野飲而且仲有果茶, 出面買一杯都$38了, 依度任飲都算好抵。先叫左兩樣小食, 分別係三文魚牛油果美人卷 $42 同埋三文魚蟹肉沙律壽司卷 $78, 美人卷用左好似越式春卷皮黎包, 口感q彈。兩款都叫左三文魚口味, 而三文魚蟹肉沙律壽司卷既蟹肉份量都不少, 入口係有鮮味既, 不錯。 美人鍋套餐 $168揀左麻辣味噌湯, 湯底味道香辣刺激, 套餐既肉食有明太子芝士免治肉, 同埋豚腩肉。 明太子芝士免治肉既明太子香辛味幾突出, 芝士香唔會蓋過肉香, 而豚腩肉份量比想像中多, 有肉香, 配辣湯好惹味!另外仲有蔬菜盛盒同埋橋麥麵, 中意佢個蔬菜盛盒好豐富!而且擺盤賣相都好靚, 整體蔬菜都好新鮮, 食埋個麵飽哂!

今日放假約咗同事同去APM睇早場，然後去咗塚田農場食午餐，第一次嚐試，感覺良好！嘟完安心量體溫後，服務員帶領入坐，坐位環境舒服。叫咗兩個餐，一人一份。我叫咗美人框飯御膳$158，份量也夠，照燒雞飯及蒲燒鰻魚框飯，及照燒三文魚。雖然份量小巧，但勝在豐富，可以試多種口味。

是日同朋友去到哩間食美人鍋的塚田農場食晚飯，佢哋的美人鍋真係好吸引個盆美美的蔬菜盤真係好靚同朋友點左個美人鍋套餐，另外點左個昆布三文魚鹽鐵板炒飯三文魚都多份量，滑旦加埋炒飯真係好正！如果份量多點就更好今次點的美人鍋系骨膠原湯，另外肉就配左豬腩片，明太子芝士免治肉最吸晴系蔬菜盤，真係好靚，款款蔬菜都新鮮，加埋骨膠原湯真係唔錯，晴太子芝士肉極成丸裝都好彈牙，麵食點左日本羽衣麵粗身的麵條加埋湯真係好好食😋粟米免治豬肉朋友另外點左，佢話粟米甜甜地，加埋肉唔錯，同埋自己整都好好玩塚田的食物都好吸晴！打卡一流！