塚田農場 (已結業)

塚田農場嚟自宮崎嘅塚田農場除咗美人鍋好出名，佢地選用新鮮運送嘅日本食材都係一大賣點呢! 🌀烤大分縣汐姬蕃茄芝士配免治雞肉朋友話一定要試佢食嘅免治雞肉，果然係唔錯! 免治雞肉有口感，滑嫩juicy而且以鐵板熱住上枱，保持溫度，作為小食或者配飯都一樣適合🌀鰻魚忌廉芝士美人卷美人卷裡面有鰻魚、蘿蔔絲、生菜、玉子及忌廉芝士鰻魚香甜，忌廉芝士味道突出，皮夠薄而煙韌，感覺清新🌀沖繩大島魷魚配豬肉炒麵用上魷魚、豬肉、及椰菜做配料，調味嘅醬汁有點點大阪燒嘅影子，惹味之餘唔會過重口味炒麵係較粗身嘅麵條，食落口感十足🌀美人甜卷最後以輕盈嘅甜品作結，美人甜卷內有抹茶雪糕、白玉及芒果，口感軟糯，加上淡淡黃豆粉，味道更提昇

平時見到呢間餐廳好多人排隊，但係今日經過見到冇乜人，一於入去試吓。〈鰻魚忌廉芝士美人卷〉估唔到鰻魚同埋忌廉芝士都係一個幾夾嘅配搭，再加埋新鮮嘅蔬菜同埋特有嘅醬汁，令人好想再叫多一份，值得推介。〈三文魚親子鹽昆布炒飯〉用熱辣辣嘅鐵板承載住炒飯同埋店員即場打落去嘅新鮮雞蛋，視覺上已經好滿足，炒飯入面嘅三文魚都幾多，再加埋昆布同埋三文魚子，令到口感好豐富。〈雙拼年糕薄餅〉雙拼年糕薄餅包括灸燒走地雞年糕薄餅同埋海苔明太子年糕薄餅，年糕薄餅我都係第一次試，煙煙韌韌咁好特別，我就比較鍾意海苔明太子嗰款，因為明太子鹹鹹地再加埋海苔呢樣百吃不厭嘅配菜，都真係幾唔錯。〈醃銀帶鯡魚茶葉天婦羅〉呢款小食雖然係炸嘅，但係一啲都唔油膩，而呢款魚都好少可喺出邊食到，沾上特製嘅鹽粉，都幾唔錯㗎。

今日開工好攰所以想搵間日本店惠勞自己，去咗APM無意經過呢間日本店舖，喺門口睇佢餐牌都幾吸引，所以入咗去光顧。點左一個相對較貴嘅丼，等緊用餐嘅時候，職員過嚟通知我原來近門口位置有沙律吧，仲有幾款花茶都係隨便享用，於是當然係馬上去拎咗沙律同花茶嚟品嚐，食完一碗沙律🥗之後丼飯馬上就到啦，三文魚同牛油果都係我好鍾意嘅食物，不過呢一個丼嘅三文魚同牛油果都似乎切得比較薄，日本米飯嘅咬口都唔錯不過飯都係唔熱嘅，希望呢樣嘢店家會有改善。

美人套餐啲野好小 碟刺身細碟得幾舊 3款刺身每樣3片極薄 啲肉得兩舊 要加牛肉都要俾錢 唔加錢得豬同雞兩個人食500幾蚊食得3件雞 6片牛6片豬啲春卷又唔好食 扮哂越南春卷咁 但係又無人地個醬野飲得果四五款 汽水都算數不過佢自己整啲野飲好難飲味道唔夠湯底咁多款都無用啦我用4個字食哂啲野啦野食又唔夠多款又唔夠多個餐牌啲相整到鬼咁靚呃人地入嚟食整埋啲日本相入去實質食落百佳質素（可能百佳都好食過佢收我差唔多六舊水 我覺得俾百五蚊就差唔多

經理態度真係好差，經理幫我落order，咁我問佢可唔可以俾杯水，佢好燥咁話後面有，自己攞，以為有約15分鐘會有嘢食，人少少都唔係好多人，點知最後等咗足足30分鐘，忍唔住問侍應可唔可以幫我追單，嗰待應返嚟同我講冇幫我落單，搞到我足足晒咗30分鐘時間

🔺 塚田農場 (觀塘)好多款菜式都好特別好新穎，好多都未見過未食過，黎呢到就可以試下佢地點將日本美食融合成新派菜😛😛🔻蟹肉三文魚籽框飯 ($45)飯粒煙靭軟熟，一啖可以食埋蟹肉同三文魚籽好滋味，三文魚籽好新鮮咬落唔腥，咸咸地好配飯。🔻三文魚框飯 ($45)對比起蟹肉三文魚籽較為遜色，三文魚煎過帶魚香。🔻鰻魚忌廉芝士美人卷 ($42)一條切開四件，外觀似壽司，佢用米紙包住鰻魚，生菜，忌廉芝士，再配埋個酸酸甜甜嘅汁，好似食緊件件裝沙律咁，好開胃～🔻 醃銀帶鯡魚茶葉天婦羅 ($68)魚既天婦羅真係第一次試，外層鬆脆香口，銀帶鯡魚經醃過，食落咸香唔腥，一條接住一條食唔停～🔻雙拼年糕薄餅 ($88)一邊係炙燒走地雞，一邊係海苔明太子，餅底係用燒到脆口既年糕，帶有米香味，面頭冇乜醬汁較為乾身，要靠材料帶味，所以明太子較為出色，因為明太子較為帶咸，所以食落唔會咁淡～總結：店舖好大，坐位好闊落坐得舒服，服務方面店員有禮，不過如果可以再主動d 會更好，例如提供水，收碟等等

又難食又貴，成餐除左玉子燒，其他都好唔掂。個宮崎辛辣湯鹹到不得了、豚肉片好硬好老，個生美人卷仲不如元氣壽司。以前會係openrice根據好評度選擇餐廳，但好多時都中伏

今日去觀塘接A姐收工，再同佢去附近食吓嘢先返屋企啦！嚟到apm嘅塚田農場，呢度真係好多美人架！講緊嘅係呢度最出名嘅日式火鍋：美人湯呀！不過，A姐話唔太想打邊爐，所以我哋就試試塚田農場嘅日本菜先啦！沖繩唐揚魷魚配七味沙律醬 小食叫咗沖繩唐揚魷魚，魷魚即叫即炸，夠晒熱辣辣，而且份量都唔少架！魷魚點埋七味沙律醬，就夠晒惹味。紫菜梳乎厘玉子燒梳乎厘玉子燒大大個，震騰騰，蛋味香濃，又香又滑。紫菜位於玉子燒嘅正中央位置，略嫌紫菜部份鹹咗少少。沖繩大島魷魚配豬肉炒麵係一款大家熟悉嘅醬汁，炒麵放上熱辣辣鐵板上，夠晒乾身，味道香濃。配料有魷魚同豬肉，整體唔錯。蒲燒鰻魚框飯呢個蒲燒鰻魚框飯份量細細，啱晒胃口細細嘅你！鰻魚框飯入面有2小塊鰻魚同蛋絲，加上鰻魚汁，確實係無得輸呀。

相信不少人在日本也試過塚田農場，我就對嫩滑的雞肉印象深刻。幸好在觀塘APM看到塚田農場。完全勾起了日本🇯🇵旅行的回憶，便決定和男朋友進店晚餐。餐廳設計簡約坐得舒適😌，落單店舖招牌菜好有營養價值嘅湯底美人鍋招牌骨膠原湯。湯底是由日本農場直送走地雞熬製8小時無味精，本身湯底以固體啫喱形式奉上，開爐後再慢慢溶化成湯，質感濃稠，奶白色調味道鮮甜。而男朋友所點的檸檬芫荽湯好清新，特別的味道，有芫荽的香加檸檬的酸味中和一下幾特別。火鍋配料轉了蕯摩雞肉及日本豚肩肉之外，還有蔬菜盛盒，有好多食物纖維，色彩繽紛。另外前菜有三文魚牛油果美人卷及帆立貝片柚子胡椒汁，帆立貝好新鮮配上醬汁出奇地好味😋。火鍋完吃吃都減少油膩嘅感覺。

今日黎試一間日本餐廳平日試日本野都係刺身，壽司但呢間主打係日式雞肉前菜揀左沖繩唐揚魷魚配七味沙律醬魷魚炸得好酥脆，配埋沙津醬好惹味再黎係梳乎厘玉子燒鰻魚，平日玉子燒食得多好似梳乎厘咁，咁有空氣感既好少食仲叫左個海老牛油果美人卷，其實即係越式春卷，好d普通可以唔使叫最後叫左個三文魚親子鹽昆布炒飯上台前起你面前倒入蛋漿，如果多D蛋漿會好d個鐵板太熱，令到d蛋熟得太快，變左普通煎蛋下次可以試佢美人鍋比多次機會

每次嚟APM經過見到都好想試，今次係機會喇...揀咗兩個Lunch Set, 原來係半自助放題，沙律．甜品．飲品都是任飲任食。加埋主菜，真係好滿足。「和風吉列豬扒定食 」即叫即製熱辣辣，吉列豬扒外層超級酥脆，炸粉完全唔厚，反而裡面塊豬扒好厚肉，炸完仲保留到新鮮肉汁。「肉味噌雞肉碎炸茄子丼御膳」有齊前菜．豆腐，賣相精緻又好食，呢餐未完，已經諗定下次要帶屋企人再嚟Dinner, 試下美人鍋。今餐食到好飽滿...抵食

Semi buffet Lunch basically $168+10% 成個係好支持新鮮同健康感覺1.可以選擇要雞/豚肉..店舖主打係日本直送嘅農場雞不過之前食過其實就唔覺得有特別同雞肉打邊爐始終都係差少少..個人都係比較鍾意食豚肉..豚肉片肥但係識落嘅口感係偏爽口2.選擇不同口味既免治肉選擇咗明太子芝士豚肉..感覺到OK3.選擇火鍋湯底今次揀咗麻辣味增湯湯底就偏向鹹味多啲唔算特別啦都ok..反而啱晒想食辣又唔食到勁辣嘅朋友..養生啲嘅朋友可以揀美人雞湯…係我另一個最愛4.有一個蔬菜藍全部蔬菜都好fresh!!健康up5.選擇麵食有好多選擇包括蕎麥麵..羽衣麵（似刀削麵既fd)..仲有烏冬等等..5.任飲飲品吧超級多飲品選擇包括四項新鮮果汁..3款特飲..有熱咖啡熱茶..仲有一個凍櫃入面有各式罐裝及自包飲品6.沙律吧雖然種類唔太多但係全部生日菜都好新鮮而且有4種沙律醬汁選擇7.醬汁着值得讚嘅係佢有超級超級多日式火鍋醬汁..而且全部調味都非常好..包括有柚子豉油..柚子胡椒..芝麻醬..黑芝麻豉油..蒜片豉油😳..麻辣醬等等全部都做得非常非常出色..個麻辣醬係真係有原粒胡椒係入面..有

打風過後，出左黎觀塘搵食，呢間店8號風球都正常營業。因為岩岩落波，所以去到店舖都未有太多人，但到我差唔多食完個陣，都幾乎滿座了。鰻魚梳乎厘玉子燒 $88呢款菜係職員走到你身邊先會由一個剛焗好既玉子燒倒上碟俾你，第一口食，勁熱辣辣，一個甜蛋既感覺，口感幾特別，呢道菜幾個人share食會比較好。三文魚親子鹽昆布炒飯 $83佢裡面有三文魚肉同三文魚子，職員上枱時先倒蛋漿係飯既周圍，本身預熱左既鐵板就即時煎熱蛋漿，我本身鐘意撈埋黎食，所以蛋差唔多熟個陣，我就炒飯咁炒勻佢，好好食。佢既醬油落得岩岩好，唔會太咸。沖繩唐揚魷魚🦑配七味沙律醬 $58佢炸得岩岩好，炸粉唔厚，魷魚好彈牙，配埋佢個沙律醬，味道唔錯。海老牛油果🥑美人卷 $42每一舊都有大大個蝦，裡面既配料有玉子，蟹柳，牛油果蓉同生菜。食完其他重口味既野，再食下呢個，解下漏既感覺，好Fresh。任飲飲品吧 $38出面既飲品選擇比我想像多，有花茶，養生茶，果汁，岩哂唔同人既口味。

♥️ 塚田農場 來自日本宮崎，是日本受歡的於居酒屋，而香港都已經有幾間分店了，今次來沒有試招牌美人鍋，但就試了多款特色美人小食和主菜～⭐️照燒雞框飯👍🏻⭐️蟹肉三文魚子框飯👍🏻叫左兩個美人框飯🍚 ，好可愛的迷你竹碗飯，比手掌還要少，飯質黏厚軟身，帶有少少鹹味，加上餸菜，配搭好開胃～⭐️海老牛油果美人卷有蝦同牛油果生菜🥬等配料的沙律卷，用料新鮮，偏啖味，不過配有醬汁可點用～⭐️沖繩大島魷魚配豬肉炒麵一上菜時，鐵板上的炒麵，滿煙食物香味，魷魚和豬肉份量足，這款日式炒麵味道濃，不過缺點是麵質偏硬～⭐️任飲水吧多款有營果茶🥤、果汁、咖啡☕️等，試了全部美人茶，當中最喜歡 甘荀蘋果美人茶 和 排毒健美綠茶，果甜味和茶味剛剛好～menu

話說今日媽媽搵我lunch，梗係要帶佢去食好嘢啦！♥️🌸呢度嘅lunch set都係可以享用自助區🥰沙律area:有好多款沙律菜，蕃茄仔都有2款🥰食材新鮮，咁熱嘅天氣食完好refreshing!飲品area:有好多款果茶，飲落唔會太甜👏🏻亦有果汁sss🥰好多選擇👏🏻<清酒結味噌燒鹿兒島天然豚里肌肉定食>豚肉夠哂結實、彈牙🥰煎得好香，份量亦好多！<蒲燒鰻魚框飯>玉子好好食！配紫菜同醬汁正♥️鰻魚唔會太多骨，第一次加wasabi食，原來係好夾👏🏻♥️值得一提係，好中意呢度嘅米飯，食得出係高質米，好有咬口🥰最後，點少得甜品！我地喺自助區，每款都攞咗一件，細細件剛剛好！cream好滑，又唔會太甜♥️