堅信號上海生煎皇 (形點 II)

营业中

休息中

今日同女友黎左元朗行街, 發現yoho已經將幾個商場打通晒變成左一個城寨仔咁.. 變得好方便好好行， 我地行到有d攰就去左揾野食.. 就發現呢間堅信號呢期出左d類似小丸子卡通咁既公仔既食物， 實在太可愛，咁女友就二話不說拉左我入去試啦~.. 我地入到去就叫左個永澤同學包餐，跟杯熱豆漿，一碟上海生煎包，一個回鍋肉，一個上海粗炒麵，一個蟲草花雲吞雞同一個酸辣湯. 我想講個永澤同學包好得意,食落都好好味，d函好濃郁, 飲啖豆漿食個包既感覺真係一絕, 之後食返d喊野就係個生煎包, 佢多汁到我唔洗咬就咁一夾已經必汁, 味道都唔錯好鮮, 之後飲埋個酸辣湯辣味剛好同好香, 女友人亦好滿意個雲吞雞湯同上海粗炒佢話好夠火候好入味同足料, 我就一個人食晒成碟回鍋肉。超飽.. 整體黎講呢間堅信做得幾好..

今期堅信號同永澤同學玩crossover，以永澤同學做賣相整左得意造既包，一於同屋企人去食。午市已經人山人海，所以想食就早d，唔駛排隊。叫左午市套餐堅信號秘製厚切豬扒湯麵($48)，配堅信號上海生煎包2個($15)，凍豆漿(加$2)，迷利蟲草花雲吞雞盅(加$18)，永澤同學套餐($32)。湯麵軟硬適中，仲有生菜伴碟。主角豬扒一大塊，真心厚切，而且件件都係啖啖肉，冇骨，醃得入味。套餐必需A及B各選一款，所以小食揀左招牌生煎包2個。生煎包外層沾有芝麻、蔥，外皮底部煎到脆。先撕開少少皮，吸d肉汁，再大啖咬，非常juicy。內餡既肉大大舊，香口。可惜當日冇小籠包提供，但生煎包真心唔錯，係必食。雖然係迷利盅湯，但一d都唔馬虎。一盅有一件雞，2粒雲吞。雞肉軟滑唔鞋口，雲吞大大粒肉質包滿。雞湯清甜唔油膩，一啖接一啖。永澤同學套戲有2款蒸包，配凍/熱豆漿。每款包既餡料多，而且幼滑，唔會過甜。抹茶豆沙包既豆沙餡好有驚喜，紅豆味濃郁，仲食到好似有棗/山楂味/陳皮味(?)，可能食錯，不過同紅豆味好夾。奶皇包有香濃既蛋黃味，食落口甜味帶出。整體，生煎包脆口多汁，必食。侍應服務有禮，一入座亦為客人提供紙袋及餐具

運動前兩個鐘吃點東西....點知一個餐就K.O.左我了，好飽好飽...吃不完!!叫左個set A,擔擔麵，生煎包，麻辣鳳爪同埋一杯豆漿！價值$69。抵食！生煎包冇我輸..要小心噴汁，擔擔麵個人認為花生醬味再濃少少較好，麻辣鳳爪好似食緊酸辣鳳爪咁！豆漿豆味濃..不錯

店舖喺商場入面，環境好寬敞舒適～食物款式都好多下，可惜今晚無小籠包食。黎到就試左個上海生煎包先，咬開入面超多湯，湯汁好濃味！男友人一咬就爆哂啲汁過對面，好在無坐喺佢對面啫，另外個皮煎到有少少脆咁，都做到小楊生煎嘅8成，一試無妨～我地仲叫左一人一碗湯，酸辣湯同蟲草花雲呑雞湯，個湯好足料，有齊蟲草花，雲呑同雞脾，而且味道好濃郁！好味～我地仲試左個永澤同學餐，賣相好得意，分別係奶皇包同抹茶紅豆包，個包都幾軟熟，而且唔太甜，跟餐嘅豆漿都幾好味，豆味好濃郁。京汁茄子就味道淡啲，整體一般。上海粗炒，炒得好惹味好香，烏冬都好挺身，不過就偏甜同有啲油。回鍋肉都好有水準，好有上海風味！兩碟都好大碟，差啲就食唔哂～

今日行街行到元朗Yoho ，行行吓見到見到永澤同學，就俾佢吸引左，真係覺得好攪笑，食野最緊要係開心，都所以就入左去食😅😅入到店內，有好多小丸子同學，所以都幾多學生嚟食，但嚟到一定係食生煎包啦！剛好中午，有set lunch, 可自選配搭小食，小食都多元化。其實佢地仲有下午茶、晚餐及散叫，唔同傳統嘅面店，每次都一份份叫，一個人又食唔到4粒生煎包，所以每次都太飽，有set叫就最好👍🏿👍🏿生煎包~雖然不大，但一咬就爆汁💦，爆到對面位，好彩未有人坐😝,而且餡肉不少，食落有胡椒味（有驚喜🎉），可減油膩感，皮底煎到脆卜卜，所以會有幾種口感。四川擔擔麵🍜~份量不少，第一啖當然試湯，味道偏少甜，食落有花生粒，最後慢慢後勁覺得有少少辣，層次多左，碎肉偏咸，中和湯底嘅甜，所以成碗食晒都可以，面質剛好，不會太軟身，而且湯底夠熱♨️。豆漿~味道正常，有少少豆味，而且不會太甜😅😅其實入嚟唸住食永澤同學，但最後太飽，都係下次先🤣🤣🤣

每次經過都見很多人等位食上海生煎包，今日同媽咪去超市入貨，順道來試下😋餐牌上的各種菜式都比較多，還有素食，價錢亦很合理👍四川擔擔麵擔擔麵湯底微辣，超濃的花生味，而且味道能深深滲透入拉麵中，超香超可口美味，份量亦不少👍雞絲粉皮涼皮切得好薄，口感幾好，配搭青瓜絲幾清新，醬汁酸酸地幾開胃😋堅信號上海生煎包生煎包外皮煎得微脆，麵包皮薄又軟熟，豬肉餡料好香，亦很多汁😋最後飲番杯冰凍的豆漿，滿足😋

叫外賣糖醋排骨菜飯竟然可以走菜飯，唯一的主食都可以漏左無送到。無心營業不如唔好打開門做生意啦。大家下次叫外賣自己諗清楚～廢事又有人無辜中伏！呢D服務真係累死晒香港餐飲業。

2020/08/06 晚餐呢排好多地方外賣自取都有折扣，堅信號喺門市買正價產品好似有八五折，套餐有六折，但係最平嘅係網上外賣平台外賣自取有5折，買咁多嘢加埋都係$58咋！今日斷食了24小時，肚子餓了，叫多啲野食，要開餐喇四川擔擔湯麵套餐折實後$35.50，有擔擔麵一碗、生煎包2個及紅油抄手4粒，跟餐加$6.5有一碗酸辣湯，川味虎皮尖椒$16生煎包最好食包底脆脆，有肉汁而其他食物都一般般酸辣湯水汪汪，紅油炒手皮厚又實，擔擔麵係一碗辣辣地嘅麵囉，虎皮尖椒係煮熟咗尖椒後加川味醬汁，非常簡單。

🔰午市套餐是A/ B各選一款，然後加錢選飲品、菜類或其他🔰古法扣豬手菜飯$46，豬手軟淋且夠味，入味之餘又不鹹，真的要讚👍，終於遇到好吃又合我胃口的豬手🔰雞絲粉皮$22，這個都不錯，芝麻醬上再灑上黑白芝麻，又不吝嗇芝麻醬的份量少許溫馨提示：這芝麻醬是日式的，不像上海菜用的芝麻醬(或調配後的麻醬)，且味道偏酸，如重手落多了，酸味更重，不是每個人都接受的🔰孜然雞中翼菜飯(這款是較早前有的菜飯)，肉質OK，又有我喜歡的孜然味，再加黑芝麻，不太肚餓時都會選這個

這間餐廳的總店很久之前試過一次，在元朗這間分店又再試一次，我們遲了5分鐘進店下午茶餐完咗啦！唯有食正常餐😚因為疫情期間店員也很貼心俾咗個紙袋放口罩👍🏻我哋當然點了堅信號上海生煎包（外表看起來好硬，咬落去都好Juice）、酸辣湯麵（一般般）堅信號厚切豬扒擔擔麵🍜（我覺得似厚切叉燒多啲，擔擔面味道都唔錯）反而我覺得店員服務態度好好，好主動及禮貌👍🏻值得加分！

相信大家都知這是「生煎包王子」的餐廳。每個食過既朋友，都只話佢既食物好普通，只有生煎包叫做ok d，想試既試一次就夠。下午茶時段，加上咁啱經過，又未試過「名氣」生煎包，咁就試下全餐廳最好食既生煎包。🤣🤣 果然，不過如此！$28/4隻。正常樣貌。個人覺得同小籠包差不多，裡面都係豬肉同埋有湯汁。只係生煎包的皮再厚d。豬肉饀料很普通，胡椒粉味道過濃，但仍可接受。最不能接受，同減分係個底。底部是這樣的。很硬！很硬！很硬！由於太硬，每咬一口，d湯都噴晒出黎，漏到周圍都係。每食一隻就要清潔一次，根本嚐唔到佢真正既味道。想要一啖放晒入口，試真d個味，無奈太大隻，又做唔到。如果比我評論，我唔會講：「可以只試一次。」我會話：「一次都唔需要試！」我諗我的朋友係中伏過，所以想我都中伏。

疫情嚴重，返工又唔想出去午餐，叫返公司食，今次試下依間一直想試既堅信號上海生煎皇，聽個名都覺得生煎飽係出名，所以點都要試試喇，叫外賣上海排骨菜飯午餐，有兩粒生煎飽，一盒生菜同一杯飲品，仲有一碗酸辣湯麵！等外賣....終於送到黎公司盒生菜真係份量好夠唔落太多蠔油生煎飽一咬爆汁，肉同汁始終唔夠多，冇以前荃灣某間薄皮多汁，都ok呀！排骨菜飯排骨係酸酸甜甜嘅味，口感好似食緊叉燒😂菜飯好奇怪，上海店配珍珠米撈菜飯....口感上好怪酸辣湯麵，配料小得可憐，得個辣字，平時食開某幾間上海店都足料，依度冇左蝦但豆腐絲同肉絲都小得十分可憐總算叫做試過😔生煎飽比較好味啲既！

店員服務態度幾好， 有備口罩紙袋。 我哋基本上叫咗呢間店最出名嘅餸菜， 包括四隻小籠包， 兩個生煎包， 一個雪菜黃魚濃湯拉麵， 同埋一個秘製厚切豬扒菜飯。最好食嘅係小籠包， 皮薄餡靚， 而佢嗰碟草入面都有好多砌得好幼嘅薑絲。但係其他都有啲失望， 例如生煎包個皮好鬼厚， 同埋入面啲肉好似唔係好多， 感覺唔係新鮮即叫即做， 而且個生煎包嘅份量其實好細。我最期待嘅豬扒飯， 大陸豬扒同我哋一般理解嘅煎豬扒或者炸豬扒係完全唔同， 如果要我形容其實根本就係一塊冇切薄片嘅叉燒扒， 係完完全全好似叉燒咁嘅口味， 但其實我想食豬扒，唔係叉燒。 上海菜飯冇乜味， 同埋啲飯唔係好熱。另外嗰個雪菜拉麵記住要撈勻佢， 你們撈勻啲雪菜落個湯度會好淡。魚都還可， 冇乜腥未，都少少脆。

今天嚟到元朗Yoho，試一試呢度聞名已久嘅生煎包。首先，店內環境舒適，店員會先為客人量度體溫才入座，好開心我哋能夠安排到卡位，坐得非常舒服。我們叫了一碟上海生煎包，同男朋友一人一粒，分甘同味，男朋友之前已經提我小心啲湯，點知一咬落去已經爆曬出嚟，真係好多汁好好味，外脆內嫩，肉汁完全封鎖在包內，真係好傑出。我從來未食過咁好食嘅生煎包㗎！！！跟住叫了一碟灌湯小籠包，皮薄汁多，但味道沒有生煎包那麼驚艷，味道尚可。另外，亦叫了一客馳名的厚切豬扒和外婆紅燒肉湯麵。紅燒肉半肥瘦，有啲甜甜酸酸嘅感覺，十分開胃，而厚賜豬扒給我感覺好像叉燒一樣，甜美鬆軟，味道一流👍🏻👍🏻👍🏻

今天中午經過商場，睇吓有咩食🧐就見到堅信號，之前都聽過呢間餐廳名，所以就入去試試午餐，點了擔擔麵、生煎飽、小蘢包。但發現生煎飽入面舊肉有啲怪味🤢不太好食，但店員發現之後都好主動幫我換過小蘢包，態度友善👍🏻😊。豆漿好好飲👍🏻👍🏻