堅信號上海生煎皇 (形點 II)

营业中

休息中

店員服務態度幾好， 有備口罩紙袋。 我哋基本上叫咗呢間店最出名嘅餸菜， 包括四隻小籠包， 兩個生煎包， 一個雪菜黃魚濃湯拉麵， 同埋一個秘製厚切豬扒菜飯。最好食嘅係小籠包， 皮薄餡靚， 而佢嗰碟草入面都有好多砌得好幼嘅薑絲。但係其他都有啲失望， 例如生煎包個皮好鬼厚， 同埋入面啲肉好似唔係好多， 感覺唔係新鮮即叫即做， 而且個生煎包嘅份量其實好細。我最期待嘅豬扒飯， 大陸豬扒同我哋一般理解嘅煎豬扒或者炸豬扒係完全唔同， 如果要我形容其實根本就係一塊冇切薄片嘅叉燒扒， 係完完全全好似叉燒咁嘅口味， 但其實我想食豬扒，唔係叉燒。 上海菜飯冇乜味， 同埋啲飯唔係好熱。另外嗰個雪菜拉麵記住要撈勻佢， 你們撈勻啲雪菜落個湯度會好淡。魚都還可， 冇乜腥未，都少少脆。