堅信號上海生煎皇 (形點 II)

营业中

休息中

有日放工路過就去睇下有咩食。見到蒜泥白肉就叫左一份外賣，外賣加2蚊，自取9折，埋單$34。點知番到屋企打開見到嘅係6塊肉加埋等於一張收據咁上下大，厚度1至2mm，蒜泥平均每塊肉有幾粒，有粉皮墊底不過似求其放幾條咁，D汁對於唔食得辣嘅人食一塊可能要飲啖水再食下一塊，肉有D韌，個汁同辣油有d蓋過左陣蒜味，生蒜嘅味同辣食唔出。如果你話我知呢間野本身係咁嘅份量，咁只能話係塊肉鑲金。蒜泥白肉的話，商場有好幾間有得買，第一次幫襯，打開個蓋咁有驚喜，呢間冇下次了。

堅信號終於喺Yoho 開分店，店舖同老闆同出一轍，實而不華。星期六中午人流一般，夥計好細心幫每一位客人量度體溫，提供口罩袋，仲每人送一支搓手液。夥計教我如何點選食物，套餐好大份，一個人食唔晒👍。擔擔麵濃濃嘅花生醬及麻辣味道，好特別👍！麵質非常彈牙（🤤正）。輪到生煎包，🤦‍♀️已經根據指引食生煎包，但係都彈到我周身湯汁🤷🏻‍♀️，算啦🤗隻生煎包咁好味！我唔會同你計😪。

厚切秘制豬扒，完全係秘製非常惡劣的豬扒，唔單止凍冰冰，仲柴皮。對於本來好想食一個美味下午餐的客人來說，完全曬我時間。員工唔得閒招呼客人，唔係睇手機就掛住傾偈，連一杯水都冇，包口罩的紙袋也沒有提供。

晚上八時半左右來到了YOHO MALL 二期，很好餐廳差不多打烊，我和朋友便隨意到了最近的餐廳吃晚飯。到達餐廳時已是8點45分，幸好餐廳9點半才關門。 晚市人流不多，不用等位。這裡是主打是上海菜，以生煎包為招牌菜。堅信號生煎包 ($20/兩個)來到這裏當然要試他們的招牌菜生煎包。生煎包很迷你，份量只有掌心四份一。 生煎包的底部沒有焦， 買相算是不錯。 朋友很肚餓，一口變咬下生煎包，沒想到湯汁那麼多，一咬便把湯汁濺到一米外的隔離枱，幸好那位客人不介意，但情境非常尷尬。其實枱上是有提示客人生煎包的食法。看到朋友的尷尬情景，我當然不會重蹈覆轍。吃之前先在生煎包面穿一個小孔飲湯汁。但要記住湯汁十分熱，要小心。以一個迷你生煎包來說，湯汁確是很多。餡料是豬肉餡，跟小籠包的餡料是一樣，味道也不錯。但可惜生煎包的皮太厚了，餡料相對少了，只吃到麵粉的味道，感覺一般，沒有驚喜。糖醋排骨菜飯 ($56)糖醋汁的味道頗濃， 但略嫌酸， 加多一點糖較好。 排骨相當韌，不夠軟。 菜飯一般，味道很淡。雞絲粉皮 ($28)這是我吃過最差的雞絲粉皮！ 雞絲不是一絲絲， 而是一塊塊， 而且味道很淡。 上面的青瓜絲，全部都

昨天大概下午5時去了元朗yoho堅信號生煎王用餐，服務態度還不錯，而且很貼心每個客人會派發一個紙袋裝口罩，但用餐其間看見隔離枱原來叫了小食沒有飯，但侍應出餐上了小食還跟了飯，客人都開始用餐了，但竟然有個穿牛仔恤衫的服務員，說出錯了，但就拿起小食放枱，然後就拿走碗飯，竟然出錯了，客人都正用餐，為何還拿走飯呢？我就說難道還拿回廚房重用？但她就說不會拿回廚房重用，那麼即是掉了！竟然是出錯給客人，而客人亦正用餐了，為何不就給了客人吃呢！感覺那服務員的態度真差勁，看見她穿著應該不是普通服務員吧，完全不董得如何適當地處理事件，令人反感，因此亦令我對這店印象不好，下次也不想再光顧了！

Tried crispy panfried dumplings before in China 小楊生煎包😍 the meat stuffing of crispy panfried soup dumplings is juicy and fatty. The base is crispy but the bun is a bit hard. Xiaolongbao is nice it’s so juicy inside🤪Rice is too moist and soggy

灌湯小籠包熱辣辣🔥皮薄多湯汁，唔會好易穿👍🏻但餡料豬肉味道一般，唔夠鮮味堅信號秘製厚切豬扒擔擔麵🍜豬扒的確有驚喜🤩好好味😋肉質夠淋、好入味👍🏻加上醬汁帶甜味，令豬扒食落香甜惹味擔擔麵就普普通通，麵質都算彈牙雞絲粉皮醬汁較稀，水汪汪咁💦好淡味😔粉皮質地同平時食到的有點不同，好淋👎🏻👎🏻完全唔爽滑😣因為醬汁本身唔夠濃味，份量又唔夠，食食下變左淨食粉皮😖冇味道🤷🏻‍♀️生煎包同小籠包一樣熱辣辣上碟🔥個底煎得好脆👍🏻先咬一細口，入面好多肉汁😋肉汁同餡料都好鮮味😆唔錯👍🏻整體黎講都唔錯，不過服務就麻麻地，可能人手不足？眼見全場只有2個侍應，手忙腳亂🤷🏻‍♀️可能太忙，問佢地野個陣d態度比較差😢

我呀媽外賣咗盒堅信號生煎包番黎（係我地第一次食同幫襯）由鋪頭番到屋企大概要30分鐘番到黎個包仲係暖同埋脆架！！！我一啖放入口佢爆汁呀！！！個皮煎到好脆唔太燶！勁Juicy好好味！估佢唔到！係我食過最多汁既生煎包！

元朗形點開了間堅信號上海生煎皇，食物味道有很大改善空間，尤其豬扒、黑椒雞扒飯，令本人覺得味道欠佳，菜飯全冷，豬扒、雞扒很甜。我們一家人點了的紅燒肉，味道怪異，我們還點了這店最出名的生煎包、紅油抄手，味道尚可接受，內裏全含豬肉。唯侍應服務態度還好，有笑容，有主動帶位，很有熱誠感，值得一讚。雖貴餐廳沒有收取加一服務費，但侍應服務態度也很積極; 若缺乏良好的服務態度，食物質素如此欠佳，本人以後也不會考慮到貴餐廳用膳，相信商場一期、二期還有更多更好的選擇。.|

我和家人先來到yoho商場行了一會街，到肚餓慢慢睇岩心水餐廳先停下。今次我們選擇了(堅信號)餐廳，我們座低就開始畫單了。 我們叫了堅信號生煎包兩件，涼菜青瓜，雞絲粉皮，糖醋排骨，外婆紅燒肉菜飯，酸辣湯等。生煎包個底煎得好香脆，一咬係有肉汁的。青瓜酸酸甜甜夠開胃。雞絲粉皮夠凍，個芝麻汁拌勻雞絲夾著粉皮好味。糖醋排骨超淋下飯一流。外婆紅燒肉真係好多層，炆得好入味 但菜飯的飯如多返小小菜就一流。酸辣湯多材料唔太辣。整體都滿意。

見Yoho Mall 有平民價啲嘅上海野 門店都新裝修又乾淨即管一試 都有唔少人等位 但係餐廳上菜好快 所以turnover 都快 唔使等得太耐叫咗小籠包､生煎包､酸辣湯麵🍜 小籠包同生煎包要小心熱辣辣嘅 會爆汁，總括來講性價比高！Side track: 隔離嗰台食食吓生煎包 有粒螺絲係入邊 that’s scary！好彩媽媽幫小朋友剪食物嘅時候睇到。聽到餐廳話waive佢哋張單可以請佢哋再嗌其他食物，服務態度唔錯！ 但真係要留意一下food hygiene and safety!

-堅信號？終於嚟到元朗咁近梗係要試吓佢佢個生煎包好似好出名當然係一定要叫.💫生煎包 （ 18@2 ）我覺得佢平平無奇叫完好快就出到黎應該係已經煎定食嘅時候唔太熱普普通通冇咩可以講.💫上海菜肉雲吞湯麵 $50都係普普通通冇咩特別.💫炸醬拌麵佢似譚仔嗰個炸醬加咗面同譚仔唔同嘅就係譚仔有湯而佢係個撈麵.💫蟹粉鮮蟹肉湯包 （48@2）佢似係小籠包但食落去你會食到蟹肉味都算幾香嘅佢個皮都算薄但唯一唔好就係癡底可能係因為我唔係即刻食————————————————. ღ 堅信號📍元朗形點2期1樓

1.生煎包可能影得唔好，煎嘅時候向上果邊包皮仲係粉嘅，唔熟，本身想叫佢換返，老公話算數，換咗都係俾返同一批你，所以咬咗兩啖就冇食2.小籠包，個皮摸落去微暖，食落口個餡好熱，我覺得應該係叮嘅，因為落咗單冇2分鐘就上枱，點都唔係新鮮蒸，如果係蒸好熱住，冇可能個面係微暖但裡面好熱價錢係幾平，但咁嘅質素，自己都係飲食行業，實在太明白廚房內部嘅運作，唔會再想試第二次。。。

琴日去咗大生圍，趁放假去去親親大自然。去完之後搭返車出元朗，落車喺Yoho附近，所以我哋就諗住食埋夜晚先走。跟住喺商場行行吓，見到呢一間堅信號生煎包。呢間開咗好多分店，一直都想去試吓，而且見到價錢都算合理，於是就入去食。我哋叫咗佢嘅招牌生煎包，佢嘅外皮煎得好香口，而且一咬落去嘅時候好多肉汁，而且熱辣辣，差啲辣親個口，但係不得不讚佢既肉汁好鮮味。果然唔錯。另外主菜方面，我哋就叫咗一個酸辣麵。佢嘅酸辣麵就相比之下失色唔少，比起一般傳統嘅上海酸辣麵，唔夠足料。另外亦都叫咗一個雞扒菜飯，雞扒都算OK唔會太鞋口，不過菜飯就略嫌少咗啲雞油，冇香味，所以就一般般。不過總括來講都算唔錯，因為價錢都好相宜，兩個人埋單先百幾蚊，如果想食個快餐都係一個唔錯嘅選擇。

附近商場開咗一間上海野，一於試吓先。叫左個招牌豬扒菜飯，豬扒出奇地好味，肉質好淋入晒味，醬汁偏甜，小朋友啱晒。另外一個叫左阿婆魯肉菜飯，層肥肉爽口彈牙，同肉嘅比例分布得啱啱好，飲品買另嗌，如有餐會更抵。