堅信號上海生煎皇 (形點 II)

营业中

休息中

是晚路過，喺商場中庭位置，見到堅信號～一望之下，原來是他～生煎包王子🤴🏻😲，店舖面積不算太大，但光猛整潔💡，見門口餐牌有啲吸引，隨心入去試試🥢我倆被安排坐在卡位🛋，非常好，枱面已放著「堅信號十大龍虎榜」，那麼，我哋就係當中選擇些來試試🥢✅外婆紅燒肉菜飯：肉質夠淋，層皮要肥肥哋先好食，入口嫩滑，唔覺肥膩，有驚喜🤩⭕️上海粗炒：份量都算多，加埋啲豆瓣醬，更加好味，當然鑊氣欠奉，但也不錯✅鎮江肴肉：喜歡啫喱既質感，加上啲肉夠嫩⭕️灌湯小籠包：跟平常吃的差不多✅生煎包：招牌菜，一定要試試，初頭還以為大大個，所以叫了2只，似我在上海老店吃過的差不多，底部煎得好脆，多肉汁，店內也有教食客怎樣品嚐的三步曲，有趣啊！總括來說，是次晚餐不錯，及後發現原來已有好幾間分店，還有會員計分制，可以儲分下次來換食物😋

小妹大概在兩年前看過一次訪問，知道堅信號的起源，感覺是一個很父子情深的故事，令我很想去試一試。最近知道原來元朗已經開了堅信號的分店，當然要去試一試！作為一間在商場內的上海餐館，堅信號的服務和環境絕對令人吸引。餐廳內座位寬闊，枱與枱之間膠板相隔，很聰明地利用膠板展示舖頭招牌菜的廣告，連同枱面上的宣傳，讓食客在點菜前已經可以透過相片得知食物的樣子，吸引食客點餐。餐單選擇繁多，與一般的上海餐館沒有分別。看到他的招牌菜是堅信號上海生煎包($36/4個)，於是我毫不猶豫地點了一客四個的生煎包。另外，餐廳晚市套餐吸引，點主菜便送兩粒小籠包，更可以加錢配小食和飲品。我也點了一下糖醋脆黃魚配湯麵($68)。套餐豐富，首先上菜的是灌湯小籠包。小籠包摺紋工整、皮厚薄適中、湯汁濃。主菜則是較清的湯麵配上開胃的糖醋脆黃魚。黃魚肉嫩。可能是因為多汁的關係，令魚的表面不算酥脆，下次食便應該叫菜飯，並用糖醋汁撈飯。另外我也另加$10 點了一客雞絲粉皮，爽口，多芝麻醬，味道清新；配上套餐加$5 有一杯凍豆漿，食完濃味食物可以清一清口腔吧!晚市套餐外，我也與友人Share數款小食，除了堅信號上海生煎包（4個），還有上海

難得閒日入元朗，行完Yoho就順便同朋友去食堅信號。Menu選擇都算多。我地叫左生煎包，生煎包個底煎到好香脆，香口得嚟咬落肉汁豐富。仲有食用教學添！堅麻辣系列都好正咁，因為朋友唔太好辣，所以只係叫左個麻辣青瓜試下，青瓜好爽口，食落又唔會話好辣。糖醋排骨menu上寫有5件，但上餐見到唔止5件，有成7 、8件，排骨好𣺉，一咬就甩骨，仲酸酸甜甜咁好開胃。堅信號秘製豬扒擔擔麵，欣賞佢豬扒同麵分開上，咁就唔怕秘製豬扒俾啲湯搶左味。一碗擔擔麵份糧算多，個湯好濃味，有少少辣辣地。豬扒醃到好入味，咬落軟硬啱啱好。叫左熱嘅杯桂圓紅棗茶，養生又好飲。走嗰陣時見到都仲有唔少人等外賣，睇返menu都幾抵食咁。

晚上飯聚，朋友話成日見堅信號好多人 想試下於是就去試一試啦!舖位晌中庭，唔係好大，不過勝在裝潢乾淨企理，沒有好多傳統上海食店 老老地 舊舊地的感覺。餐廳服務細心周到，個個客人入到餐廳 一定會聽到 店員會講"堅信號歡迎您"給大家一種日式賓至如歸的感覺。坐低見到桌面寫有得自助手機點餐不過有趣的是 我找不到QR CODE 去掃所以都係剔紙仔吧!   都一樣非常方便。晚市有獨立一張清單，選擇都好豐富。衛生環境令人滿意，餐具也會細心的連熱水奉上。用膳期間也留意到店員除了執枱外，更會用消毒液清潔一番，連地下的小垃圾也會清理。將點菜紙交到職員手上後5分鐘左右已經開始起菜，先上晚市套餐的凍豆漿(跟餐加$5)甜度適中，食上海野不少得。接著套餐包了兩粒灌湯小籠包，皮厚薄適中，肉汁滿滿的，餡料肉味香濃。跟餐加$10便可以食到原價$20 2個的生煎包。作為堅信號的招牌菜，生煎包的肉汁更多，我一個不小心便將肉汁從口內噴出來。加上有芝麻和蔥花的襯托，口感更為豐富。主菜我點了外婆紅燒肉菜飯 ($68)外婆紅燒肉軟腍入味、肥而不膩。份量也沒有因為套餐而變得很少。另外我們也散叫了些灌湯小籠包、糖醋排骨和軟夾包質素也相當

今日去元朗Yoho附近做嘢，收工同同事就近近地係yoho揾野食醫肚。行左一陣見到堅信號就好想食生煎包，於是就決定食呢間。餐具都幾衛生咁用熱水浸住。餐牌好清楚咁分曬類，見到樣樣都好想食。發現佢午餐都幾抵食！自己用電話落單方便快捷，唔洗驚漏單。生煎包梗係要趁熱食，個底煎到金黃食，令人食慾大增。入口熱辣辣好香脆，芝麻同蔥花令到生煎包更加香口，不過食嗰陣就要小心爆汁喇！我哋食完仲encore左一轉。小籠包皮薄饀靚，湯汁超級夠。叫咗碟菜心，菜心好翠綠，上面淋咗啲鮑魚汁，做到提升嘅效果。一坐低見到麻辣酸菜魚個poster就決定食呢個，啲魚份糧好多，魚肉好鮮甜，配埋酸菜同辣椒，令人食上癮！啲薯粉都好煙韌，仲有金針菇同埋芽菜，成碗麵好健康！叫咗杯豆漿解辣，甜度適中，味道好香濃。

599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講2021.2.23食評有✍🏻·堅信號@yoho mall試食指數⭐️⭐️⭐️⭐店舖衛生⭐️⭐️⭐侍應態度⭐️⭐️⭐⭐((每項5⭐️為滿分))·地區嘅重要性我朋友食過安定分店伙記態度同舊時大排檔差無幾今日選了yoho mall分店服務態度真係好好因為反差太大所以我們將好的感覺放大了·食物方面，就用⭐️表達好味程度我們點了主食1️⃣雞扒菜飯⭐️⭐️⭐️/5個汁幾開胃，肉嫩，菜飯香而不太油2️⃣紅燒肉湯麵⭐️⭐️/5湯底略嫌太淡，紅燒肉肥肥部分幾好，但瘦肉部分不夠嫩，汁偏咸·小食3️⃣生煎包⭐️⭐️⭐️⭐️⭐/5真係要『跟住指示食』否則爆汁就好失禮😂4️⃣雞絲粉皮⭐️⭐️⭐️/5正常，不過不失咁·飲品熱茶/NA冇特別，冇評價紅豆豆漿⭐️⭐️⭐️/5紅豆有啲甜，就算豆漿淡，一齊飲都覺偏甜·以午市速食來講算是不錯

今日去Yoho商場超市入貨 之後就食個豐富午餐補充體力呢間餐廳主打生煎包 我同老公揀左兩個午餐 一份主食外再包埋一個小食 （可以選擇生煎包)仲免費包埋杯綠茶店員安排座位時會有善提醒有口罩紙袋 仲話有小籠包可嘗試 我倆都覺得好吸引 因為價錢都唔貴而且我地係湯包愛好者 就叫左兩籠試下 再慢慢睇午餐牌 點左份秘製厚切豬扒湯麵 老公就食擔擔麵 小食配佢嘅主打生煎包小籠包熱辣辣 忍唔住要吸佢一啖汁先 雖然好熱 皮薄又多汁 內裡肉又唔會太老太實 好正 轉頭生煎包送上 內面同樣好多湯汁但係個底就脆 食起嚟兩種唔同口感 建議兩種都要食 哈哈食到呢到都有幾分飽 但秘製豬扒麵送上後又開左我地胃口 豬扒好好味 肥瘦岩岩好 又唔鞋 調味佳老公個擔擔麵都非常唔錯 帶花生味但又唔會傑到一pat醬咁 擔擔麵粗幼剛好 掛滿汁好味道 比好多大型連鎖店好食 飲埋紅豆豆漿簡直畫上完美句號 呢餐非常滿足 推介

Lunch 時間喺yoho，時間尚早，未多人，終於可以試吓呢間堅信號,午市套餐選擇都唔錯，一個餐6,70，仲可以揀兩隻招牌生煎包，大商場黎講算抵，餐廳亦相當乾淨，原來呢度都可以用電話掃code落單先來係招牌厚切豬扒菜飯，豬扒食落juicy,甜甜地，有啲似叉燒，幾開胃，配上大大碗嘅菜飯，非常好配餐我當然係選招牌嘅生煎包，食落好香口，店員都貼心，講明小心爆汁，食落果然係，同埋大家可以跟佢枱上指引食，慢慢嘆再來講講佢個麻辣酸菜魚，本身已配上薯粉，亦可按個人需要加$6白飯，食落佢隻麻辣又真係幾正，好香，典型川菜麻辣，啲魚都幾彈牙小籠包，蒸得剛好，入面呢肉仲係粉嫩嘅，有一點同生煎包一樣，都係好多汁餐飲紅豆豆漿正呀，紅豆配落去好夾，甜度剛好，忍唔住再叫多杯

這店於旺角分店光顧數次這次經過元朗遇見再去試試當天星期六沒有套餐只可散叫我點了外婆紅燒肉配菜飯＄5️⃣8️⃣及灌湯小籠包＄3️⃣2️⃣1️⃣外婆紅燒肉配菜飯紅燒肉味道有少少酸之前在旺角食過2次都沒酸再食到最低發現有少少飯粒酸味應該是昨晚買不去再返煮菜飯味道不錯只是來到已經不太熱食到最後菜飯已經凍冰冰2️⃣灌湯小籠包坐低時職員推介而點小籠包皮適中，夾起時皮沒有穿～整體來說～平日的套餐價錢包飲品價錢吸引假日只能單點就偏貴旺角分店味道比元朗分店好店員整體服務態度良好

疫情關係仍然在家工作，午飯時間到了家附近的堅信號吃午飯。點了兩個午餐，另外加了四個生煎包。生煎包煎得香脆，內裏湯汁豐富，重點是夠熱，豬肉也沒有羶味，跟我之前在上海吃到的有過之而無不及。趁熱吃最滋味，先小心咬開一小口，再把湯汁啜入口中，之後再慢慢品嚐生煎包，滋味無窮。酸辣鳳爪辣中帶微酸，鳳爪咬下去很爽口，開胃非常。雞絲粉皮味道清爽，作為前菜很適合，清新一下味蕾。招牌雪菜黃魚濃湯拉麵賣相吸引，雪菜帶鹹香，配上鮮甜湯底，口味配搭得剛好。黃魚已經去骨，吃起來啖啖肉很方便，魚皮煎得香脆，魚肉嫩滑。上海粗炒分量多，有不少配料例如菜，冬菇和肉絲，調味得宜，不會太鹹。上海麵粗幼適中，不失口感。其中一個套餐點配了酸辣湯，味道酸酸辣辣夠惹味。雖然是套餐配搭的湯品，配料仍然非常充足，荀絲和木耳絲增添了不少口感。冬天最適合喝熱飲，桂圓紅棗水消滯解膩，不會太甜。店內有酸菜魚宣傳，看起來很吸引，之後再找一次試試看。

去形點行街，搵返間價錢大眾化既餐廳食個LUNCH，就撰咗堅信號。餐廳唔算好大，但尚算骨緻。可以用QR CODE自助下單，方便又快捷。堅信號秘製厚切豬扒菜飯+麻辣無骨鳳爪+熱桂圓紅棗水 $66豬扒好腍，而且好入咪，味道係徧甜，配埋菜飯，好開胃。但如果係唔鍾意食太腍既肉既朋友仔就未必會鍾意食呢款豬扒，所以都要睇返個人口味。無骨鳳爪爽脆又入味，加咗陳醋同辣椒油，好開胃，做前菜就無得頂。招牌雪菜黃魚濃湯拉麵+雞絲粉皮+熱桂圓紅棗水 $75黃魚煎到金黃香脆，味道適中。不過美中不足就係麵相對浸腍咗少少，建議如果叫拉麵要一上就食。堅信號上海生煎包2個 $20包底煎到金黃，未咬開啲汁都快溢出黎，十分多汁，味道尚算不錯。灌湯小籠包4個 $32包皮有少少厚，但內里好多汁，配埋醋食都好唔錯。當然個人都係鍾意食返皮薄既小籠包，哈哈。

今日喺呢個商場行完街之後見到好多人喺門口等緊就吸引咗我嘅目光睇一睇佢個午餐餐牌其實都幾實惠就決定試下 佢午餐可以配一份主食同埋揀一個小食 仲包埋杯飲品因為喺附近茶餐廳食都要五十幾蚊而家佢連埋所有嘢都係六十幾蚊我覺得非常之超值到我地有位，坐低嘅時候店員話而家有小籠包可以試下 咁我哋就二話不說叫咗一籠試下 再慢慢睇餐牌因為我哋都幾鍾意食小籠 估唔到佢呢度有我就要咗一個秘製厚切豬扒湯麵 而友人就要咗糖醋排骨菜飯 小食當然配佢嘅主打生煎包小籠包冇耐就嚟咗 一碟有4隻熱辣辣蒸起非常之皮薄 建議大家都係夾嗰個小籠包接口位 如果唔係穿左啲湯汁就會飛曬出嚟 入面非常多汁好好食 由於同友人一人只係食得2隻 有啲唔夠喉決定加多一籠等緊嘅期間生煎包就嚟啦就係另一種嘅口感體驗 皮唔會太厚但係冇小籠包咁薄 裏面亦都係好多湯汁但係個底就有啲脆口 食起嚟口感唔同 個人比較鍾意食生煎包 其實兩樣都好味佢主打生煎包 固然好味係唔出奇 但係佢個秘製豬扒估唔到都咁好味 食起嚟有少少似叉燒 但係又冇叉燒咁甜同埋乾身 而且份量唔少 推介另外個糖醋排骨菜飯 本身就係睇中佢個菜飯 比起白飯食得更開胃呢個糖醋排骨酸酸甜甜 排骨唔會太

因為疫情關係要六點前離座，兩個人決定5:00去食個早飯。見到元朗有堅信號未食過就試吓。5:00咁岩仲有午餐因為兩個人太肚餓就叫咗三個餐。堅信號上海生煎包，煎得好香，入邊肉汁超多，咬落去啲汁爆曬出嚟，又熱又好味。麻辣無骨鳳爪，隻麻辣一流，好香口又夠辣，咬落鳳爪度，幾爽，皮唔會太厚，食落好爽好想再食。雞絲粉皮，雞絲好多，成碟夠晒涼，粉皮又夠爽口，成碟連埋麻醬一齊撈，真係好好食，夏天食一流，冬天食都好爽。上海粗炒，唔會太油，份量好多配料都好多，食落好夠獲氣，真係好好食。堅信號秘製厚切豬扒菜飯，依個真係必食！豬扒好多，食落去甜甜地，半肥瘦，真係好正，加埋個菜飯好多菜，一啖甜一啖菜飯咁食真係好好味。芝麻醬五彩伴冷麵，個麵份量好大，配料有好多，麻將撈埋一齊，真係好好食，啱晒夏天啊！迷你蟲草花雲吞雞，其中兩個飲品轉左呢個，果然冇嗌錯，個湯好濃雞味，好鮮甜，雲吞又好大隻，雞鎚都好大隻，入邊仲要有菜，真係好好味。

11點幾去完大棠影楓葉🍁，跟手嚟到Yoho 行一行見到有我最鍾意嘅小丸子嘅同學，永澤同學同呢間店舖做crossover !成間鋪都好有氣氛，充滿童心。 入到嚟店員就好Nice咁樣俾咗口罩套，仲有獨立包裝嘅餐具我哋👍🏼我老公點左芝麻醬五彩拉麵套餐（$60）套餐包括一杯飲品同埋一份小食，我老公梗係要試呢度嘅名物生煎包，真係冇改錯名，真係一口爆汁，而且仲要係好多汁 ❤️餡料十足！我同老公都最鍾意佢呢度嘅生煎包而芝麻醬五彩拉麵個份量真係成座山咁高！而我就點左厚切豬扒湯麵套餐（$62）我就叫咗熱紅豆豆漿😆，豬扒真係非常之厚，而且非常之瘦，我鍾意啊 我老公話個外形有啲似叉燒 豬扒都非常之抵食！呢個餐我哋就叫咗雞絲粉皮，平時雞絲粉皮喺出邊食都要幾十蚊一碟！ 而家跟餐就有得食另外推廣緊永澤同學套餐，有紅豆包同埋奶皇包，仲有一杯飲品 造型非常可愛！（$32）下次再嚟嘅話一定要試吓佢嘅酸菜魚😙

呢間餐廳生煎包已經出曬名 我都係佢嘅常客但呢一次除咗呢個生煎包 見到佢推出咗個新嘅酸菜魚就叫咗嚟試下 再要咗多一碟鎮江肴肉生煎包外皮個底脆口 內裏肉餡juicy 水準一貫非常高 但估唔到個酸菜魚幾有驚喜 個湯夠酸又辣 不過建議提供辣度可選 未必個個食到咁辣 材料唔少 當然魚係必有 唔會太淋同霉 份量又唔少 係我鐘意嘅魚口感 配有寬薯粉 都跟得幾足 好彈牙又有咬口 好正 湯底都好濃郁 見到唔少辣椒乾 整體非常唔錯 而家酸菜魚通常都要一大條 呢個反而一人份岩晒我 唔洗等朋友自己想食都得鎮江肴肉 鐘意食個種啫喱口感 中間又夾有肉 口感特別 午膳時間都好多人等位 不過美食係值得等待 員工有禮貌 唔會忙就態度差 讚