城中小閣 (已結業)

經常在油尖旺一帶岀沒, 如非有朋友介紹也不知道這裡有家中菜館, 位於柯士甸道其實也算方便。是晚點了數個前菜及小菜。前菜選了海蜇和雞絲粉皮。海蜇爽脆, 富麻油香。雞絲粉皮不夠凍但味道不錯。小菜選了以下數款:椒鹽豆腐粒: 豆腐一口一粒, 夠熱夠脆也夠滑海蝦粉絲煲: 海蝦夠爽口和新鮮, 粉絲才是精髓, 很入味而且帶黑椒香。蒜蓉蒸象拔蚌: 晚市精選其中一寶, 只有4隻我沒有吃, 友人評價不錯招牌海珊骨: 聽名字想像不到味道, 原來是南乳口味, 肉及南乳很香, 但此部位豬肉個人認為肥了一點。上湯腐竹浸白菜仔: 清新之選荷葉飯: 選了個飯作為主食, 內有蝦粒叉燒粒, 飯量很多, 味道不錯。壽包: 同行友人生日, 就叫了半打壽包, 這是沒有蛋黃的壽包, 蓮蓉不會過甜, 不錯!這裡環境不錯, 夠靜, 食物質素亦佳, 但每碟份量相對較細, 人多要多叫幾個菜才夠吃。聽說這裡燉湯很岀名, 下次有機會要來一試。

是日和爸爸慶生，在云云中菜館中挑了這家少人知道的地方試試。城中小閣位於柯士甸道，剛好立於尖沙咀和佐敦交界，從佐敦地鐵站D出口來，相對地近。星期四午飯時間到來，人流不算太多，但卡座需要預訂才能坐得到。3人點選了店家的2人套餐（$298），內容包括前菜小碟、燒味（是日燒肉售畢，店家大方改轉為咕嚕肉）、湯2碗、石鍋斑腩煲、蕃茄湯浸菜和湯水（是日為紅棗雪耳糖水）。先來的小碟是涼拌黑木耳及青瓜。鎮江醋調制的醋汁酸性重，沒有明顯甜味，而是重重的蒜泥味道，開胃。剁成碎粒的蒜頭避不免與木耳同吃，相當辛辣。青瓜亦見爽脆，醋味較濃。推薦指數：3/5是日燉湯是蟲草花燉老雞，內裡有雞塊、一點蟲草花和瘦肉。燉湯熱辣呈上，雞味極濃，帶點蟲草花的珍菌味道。沒有味精，舒服好喝！推薦指數：5/5然後再來的是咕嚕肉！單看顏色和醬汁份量，已知對板！炸得香脆，在醬汁拌炒時間快，現在起來還是脆的。而且醬汁調得酸甜並重，還用上新鮮菠蘿令醬汁的酸味，滲著怡人果香，美味！推薦指數：5/5接著來的斑腩煲亦相當出色。魚炸得外脆內軟，輕鬆夾得起。入口是蠔油料酒的香味，鍋中的菇菌亦啫啫得焦脆！連蔥頭吃起來也十分香！整道菜佐飯一流！推薦指數：

之前佐敦返工, 中午成日來開餐, 貪呢度好食又健康, 招呼又好! 轉左新工後, 幾個月無來開飯, 甘啱新年約了親戚, 就揀了來城中小閣。睇下餐牌, 問部長點解最近多咗甘多新菜式, 原來佢地請多左個廚師! 話而家有啲唔貴又正嘅精品美食!第一味係: 小食：燒汁煎焗鮮淮山有少少醬油, 熱食嘅, 煎到外脆內軟! 估唔到可以咁食椎山, 係好健康又好食嘅一味前菜!第2味: 淮陽玉液浸花尾𧄌見到佢按魚的種類重量收費, 心諗應該唔平。但一條龍𧄌只係328蚊! 酒樓清蒸都要啦! 佢仲要炸埋,加鮮腐竹同杞子煮湯, 炸完條魚裏面好嫩, 唔講以為係清蒸! 啲湯係堅係魚湯, 唔係味精湯架! 我地飲哂一滴不漏!第3味: 紅炆牛肋骨牛肉好厚, 但好軟腍腍! 好似西餐食牛扒甘, 鎖住哂啲肉汁喺裏面! 靚牛扒!第4味: 上湯浸時蔬點都要有返碟菜, 清清地, 上面有啲肉碎, 唔錯!第5味: 糖醋金沙骨似係精品嘅糖醋肉排! 好好食!!! 酸酸地好開胃! 肉質又腍!真係想問下佢點整!第6味: 馬蹄糕最後食個甜品才叫完美。諗住就新年叫返個馬蹄糕應下節... 估唔到又有驚喜! 好多馬蹄喺入面, 又唔多糖, 食到馬蹄嘅清甜味! 正

與家人吃普通飯但部長不停推介燉汤! 連餐牌都未看清就不停叫幫我哋寫菜! 寫完後明知你八人就幫你叫足十人嘅菜/全部貴價菜:燉汤, 鷄, 魚, 已説明我们想試的小菜, 但唔会理你, 仲由三千九再改為四千多! 要很不客氣才可以說服佢我地唔係要呢啲! 第一次去當然想試小菜, 但相信係因為要维持利潤故不理客人需要而只向錢看! 呢个晚上呢餐飯令全屋人不悅, 食物一般, 服務更是水平以下, 不喜歡客人叫小菜的話,請索性定每位最低消費五百囉! 一定唔会再去亦冇相值得拍。

其實都係睇openrice先知這間餐廳 我地4個女仔叫左個4人餐 服務好好 d侍應姐姐會主動問質素點 食物好好。唯獨係個粉絲蝦煲太重胡椒味 不過冷氣唔係太足夠 食食下有點覺得熱

本來同朋友一行2人唸住去食附近另一間中菜, 點知無開唯有睇下附近仲有咩中菜食.之後係OPENRICE見到呢間係附近同埋幾多好評於是去試下.餐廳環境好乾淨, 裝修亦好四正, 有高級餐廳既感覺.首先有個杏汁豬肺湯因為近排開始秋風起同好乾,所以唸住叫呢個湯潤下.個人認為好似飲緊杏仁汁咁樣….而湯入面既湯渣都幾足的.味道好唔好就見人見志了…一坐低果時侍應就走黎同我地講有乳豬剛剛燒好,問我地要唔要份例牌試下.講到咁新鮮咪唸住叫份食下.份量黎講都算OK, 但個味道同口感都係一般野無咩特別, 盛惠你 HKD $24X.00冰鎮鮑魚HKD$40/PC 我知40蚊一隻唔算貴但佢真係細得好可憐.一係你就收我貴D比大隻D既我啦…細到咁一啖就無左了…由於第一次黎既關係就當然開OP睇下有咩必食啦, 睇完之後就揀左以下兩款…大蝦胡椒炒粉絲睇D食評講話必食呀好看乜乜乜….我想講佢真係得胡椒味無其他味,可能廚師唔記得落其他調味料…?而佢既大蝦係有少少霉既…上湯莧菜某食評話不知不覺自己食左成碗, 可能佢平時食得比較”清淡”?個上湯係完全無味的(令我更覺母親炒的菜很好吃)埋單每人HKD$400左右, 說實話,這樣的質素我

新派中式小菜，味道不俗，賣相ok。食物唔算太濃味，食完唔會好口渴，其中一道日本南瓜炒豬頸肉，我媽咁難服侍都話好味，個姬松茸燉湯好好飲，想要一盅就要提早訂定。侍應服務態度好，尤其其中一位女職員（貌似經理/部長嗰類），上次佢知道我媽媽生日，幫我哋唱生日歌之餘，仲提我哋4個人叫5個壽包，因為4字唔好意頭，好貼心！席間細佬嗌咗3支細甜酒，職員會主動過嚟幫手酙酒，好醒目。日本南瓜炒豬頸肉冰鎮鮑魚燒味拼盤荷葉飯壽包好味，唔會太甜。

很久沒寫食評了。今天到訪了這間餐館，品嚐過後感覺很好，因此下定決心向大家推介一下。大約十二點到達...店子裝飾時尚，非常舒適。一行三人被安排窗口卡位，不會有種很壓迫的感覺。由前菜開始每道菜的品質均很高⋯雖然用小碟裝飾，但份量卻不少。大家可以嚐嚐拉茶，拉茶味很濃... 下午品嚐不怕晚上睡不著！現在我們身邊太多太多集團式經營的餐館，有點乏味千遍一律。不妨多支持一些別出心裁的菜館。一定會再來！下次嚐嚐燉湯和楊枝甘露！

清明時節，大家向山上走嘅同時，小妹避開人羣，同老闆享受寧靜午餐，選擇係城中小閣落腳。店內光潔明亮，寧靜舒適，有午市，有單點，亦有套餐，選擇算多。2人冇要套餐或者午市，選擇散點3個小食，1個主食同細份荷葉飯。小食點咗炸豆腐，雲耳同雞絲粉皮， 主食叫了水煮牛加細份荷葉飯。陳醋雲耳帶有wasabi口味，唔太習慣，但可以接受。雞絲粉皮麻醬足夠，達乎標準。炸豆腐香口，亦達標準。水煮牛極之普通，始終唔係川菜牌頭，當然有很大差別。荷葉飯細份都分到3碗，大滿足，最終食唔哂。是次消費總數238, 算唔貴，唔錯，而且部長服務態度非常好，值得讚。

城中小閣，看到招牌，想著一試無防的心態！店子在1/f ，樓底極高，裝修清雅....好運有卡位，可看街景！menu 上點心不多，主要像廣東菜，但有set lunch !點左餃子，腸粉，椒鹽豆腐，一盅湯（湯非常足料）但全部冇影抵海蝦煎麵，蝦鮮甜，不油！好味！最吸引是奶茶！即沖的，茶味香濃，在中歺飲到一杯非常有質素的奶茶！好滿足！有驚喜！下次再來！

小食青瓜：唔記得影，食淨兩條，哈，正常嘢，夠味雲耳：人人話食有益，原來味道都好好，質地爽爽豆腐：椒鹽一口脆豆腐，一口一粒，四個人食就覺得份量不足，不過話明小食啦，哈餃子：即係咁，咁嘅樣係tst，jordan食我就覺得一d都唔掋，味道正常，靠個汁，但一d都唔特別蒸蛋：蝦仁？？一隻原整嘅蝦都冇，帶子都係，瑤柱份量算足，蒸蛋滑滑勁想送飯荷葉飯：味道唔特別XO醬腸粉：賣相okay，味道一般，唔夠入味

雖然係尖沙咀真係好有多食肆不過往往去到呢，又會唔知食咩咁岩係網上面見到有人介紹呢間係佐敦既’城中小閣’食完行番過尖沙咀Shopping都唔係太遠就決定去試一試雖然係平日上去食不過為免會無位/等位小公主下晝都打定電話去book位先平時我最怕打電話去d食中菜既地方因為唔知點解永遠都好無禮貌又要一句重覆好多次先聽到不過今次無事wor，幾好禮貌之餘仲提你要唔要留湯即刻係心底加分呀當日準時上到去係門口已經有待應好有禮貌咁招呼入面裝修好靚，簡單高貴我地2個人安排左坐卡位，坐得好舒服不過食物先係最重要，點菜先椒鹽豆腐粒 ($24)豆腐粒好得骰，係mini版外皮厚薄適中，唔會成口粉咁而且豆腐超滑，調味又好，唔會太咸好快就比我地2個食哂成碟茶樹菇炒牛肉 ($7x)小公主超鍾意食茶樹菇不過係香港唔係間間餐廳都會有所以一見到即刻要叫番碟小炒夠鑊氣，牛肉都好滑味道唔錯，不過係多油左小小剁椒魚頭 ($9x)剁椒好香，又唔會太辣小公主直頭拎黎撈飯食魚頭新鮮，不過有d失望既係唔係用勁大個果D魚頭 (川菜果d呢)所以無乜魚肉食玉盤艷素 ($88)叫菜果時待應好貼心，提醒我地無咩蔬菜所以就叫左呢個玉盤艷素唔單止個名好聽

與舊同事聚會，其中一位推介了這餐廳，說環境及食物也不錯。我們大約7 時到達，餐廰不算大，但桌與桌之間的距離寬敞，裝修以白灰為主，感覺乾淨舒適，而且這天是平日，人流不多，最適合聚會傾計。我們點了生煎鮮肉包($24)，秘製海珊骨($98)，乾煏海蝦粉絲煲($128)，上湯莧菜，荷葉古法蒸滑雞($108)，芒果布甸($28)，崧化脆麻花($23)及豆沙烤餅($18)。生煎鮮肉包的皮很薄，跟小籠包的皮差不多，一咬開，滿滿的肉汁流出，餡料很多，肉跟汁的比例大概是9:1，湯汁是濃濃的，充滿肉鮮及醬油味。我喜歡先咬一小口，把餡料和湯汁微微吹涼，然後一口把整個吃掉，一次過品嚐所有味道。秘製海珊骨，以南乳調味再炸，肉質嫩滑，而且不覺油膩。乾煏海蝦粉絲煲，以新鮮海蝦製成，一煲也有5隻大蝦，粉絲吸收了蝦的鮮味，乾爽得來不會油膩。上湯莧菜，上湯清甜加上金華火腿調味，我一人不知不覺吃下了大半碗。荷葉古法蒸滑雞，大概有半隻雞的份量，加上紅棗木耳，雞肉嫩滑，不過吃不到荷葉的香味，而且略嫌有點咸。芒果布甸，不過不失。脆炸麻花，個人比較少食的一道甜品，所以覺得有驚喜，麻花顏色偏黃，較為薄身，所以炸起來十分香脆，再淋上糖

常言道，民以食為天。食，當然要講究，今時今日，除了色香味外還要健康，養生，簡直是天方夜譚。但今天，我為大家帶來一個驚喜，一個色香味健康養生再加上價錢公道得可怕的一間尖沙咀中菜館。城中小閣，位於尖沙咀及佐敦交界，柯士甸道與彌敦道之間的中菜館。一聽餐廳名字，就聯想到繁華的城市裡有一閣樓給大家放鬆心情之餘亦品嚐佳餚的地方。餐廳位於一樓，轉入柯士甸後的咖啡店旁有一商廈。在商廈門口只放上一塊板(不算顯眼)電梯打開，給人感覺很清幽，再加上餐廳的落地大玻璃, 陽光直射入內, 令整個環境白色一片, 非常舒適。菜單上寫上＜高雅菜式　家常演繹　天然粗菜　巧手呈現＞這句說話令我想起當年小祖，出入都是家﹑學校﹑補習社。如今，工作已佔用了大部分時間，自己一人生活，回家後空無一人，想要家常小菜﹑滋潤湯水更是困難非常。人大了，自然會珍惜以前，可惜時光這個壞人偏卻冷酷如許……茶是六安茶－一個我完全陌生的茶種，因為成本高，很小茶樓有。不說來歷，一渴茶質不錯，有微微的普洱味，茶水亦十分甘甜。功效更是可以下火﹑消滯及祛濕，最適合捱夜一族。砂窩雲吞雞餐＄１４８／２位用1. 砂窩雲吞雞湯是濃濃的奶白色，一看已經垂涎三尺，二話不

時代進步，有時候難免一些事，一些人總會被冲淡，被淡忘，特別呢幾年，很多小店都因為租金關係關門大吉，一些傳統的食物，特別係心機多而又考功夫的菜式，越來越少，實在沒有辦法。沒有辦法，因為香港係機會之都。大概這是屬於機會主義者的地方，你要抽水夠快，擦鞋夠叻，這個花生滿地的地方只會容納有潮流，有先鋒，你看現在有幾多食韓式九層搭，周街都有醬油蟹，食拉麵多過雲呑麵，這個地方，是不會容納到舊文化舊事物，這也是為什麼我有拒絕再玩的系列，潮流興多花款，同學又愛新鮮，這也是香港已經唔同左舊日嘅香港。香港人現在流行集體回憶，喜歡吃東西的老人家，應該會喜歡這裡，記得上次來到試酒會的還是間西班牙餐廳，轉眼間，這裡就是今天的一間新的中式餐廳，認識的原因係因為蘇絲黃，佢曾經介紹過呢度食物平到笑，而且質素非常有保証，原因係呢度老闆請到了昔日有名嘅大師傅，來到這裡幫手，完全適合呢度嘅主題。"雕闌玉砌應猶在，只是朱顏改", 大概你也記得中學讀過的虞美人，上到黎就覺得呢首宋辭好適合呢個地方，這裡的裝潢都叫了想起舊日的好時光， 李後主何嘗不是留戀那個南唐宮中一切美好的景象，“朱顏”是對從前宮中的美好生活的象徵，這裡有舊日的香