坤記糕品專家 (已結業)

聞名深水多年，住客和常出入朋友幾乎無人不識的坤記糕品專家，在近年多番在傳媒反覆登場後，已經是全港級的名店。多年來，除了每件糕品大小好像略有變化，其他變化不大，個人最喜歡還是兩款：白糖糕和芝麻糕。今天吃以費功夫聞名的九層芝麻糕，側邊可以看到是一層一層，記憶中多年前，曾聽老闆說過製作非常費時，所以市面上亦沒什麼人做。九層芝麻糕除了層數多外，質感比較黏稠有點漿感，芝麻味濃，雖然小小一件，但因為密度高，十分飽肚，非常老派。

聽聞這裡的糕點很出色買完電腦零件就順便來一件結果令人失望買了砵仔糕和馬蹄糕砵仔糕:紅豆確實比出面一般的多豆，但整個口感是糊狀，一定是開粉的時候爲了平，粉太小水太多口感絕差，這樣的口感我爲什麽不吃熱糕點?完全沒有一件冷糕點的彈牙口感,而且價錢$6件，這樣的價錢那樣的品質，差馬蹄糕:有些少馬蹄，不過真的些少，而且很碎，味道清甜，吃下去就覺得這次有正常糕點的水準，不錯吃，不過價錢有些貴$8件整體來説是一間價錢偏貴的糕點店，味道和出面其他店比不算特別出色，不過價錢方面確實令人一試難忘，總括來説是一間可以一試不過不會再試的店

差，引唔住要出第一次食評呢間坤記剛有少少名氣既時候食過幾次，質素未算好但叫中上但今次真係離晒譜，永久黑名單今次買左紅豆糕同埋砵仔糕紅豆糕八蚊，砵仔糕六蚊，已經貴過其他店兩三成紅豆糕完全變左大砵仔糕，根本唔係紅豆糕即係變左一般啡底加紅豆粒（砵仔糕）而唔係紅豆沙糕底加紅豆粒，以前係全底都好紅豆味不在話下，不成糕形，係漿糊咁既質地切既時候已經見到係痴晒盤底唔離食既時候一 PAT，個膠袋痴晒 D 漿糊（正常既糕應該完整形狀唔應該分離痴邊）砵仔糕又一樣係漿糊，不過情況好過紅豆糕少少全部加晒價係食過咁多間糕品店中最貴而又係最差唔知關唔關出左名事如果食砵仔糕個人都係推砵仔王，有記…紅豆糕就砵仔王，海發，鴻發其次補充：以前食過白糖糕第一次 OK 第二次酸

路過阿媽想買紅包拜神，另加一件芝麻糕，不嬲知紅包六蚊個，但唔知芝麻糕加到几錢，甘收錢佢就話38，件糕咪成14蚊，問佢件糕几錢，佢即刻答:呀，總共32！！ 無講唔好意思計錯，無道歉~唔講價錢，大家睇下張相，同你講話係一件糕點，我相信大家都要諗一陣，邊似呀？！的確佢只是似一pat野，軟淋淋甘撻係袋入面，味道只有丁點芝麻味，我只覺得買左一pat好核突，無乜芝麻味既芝麻醬返黎！！

見到好多人排隊 我又好鍾意食糕點 咁就諗住買黎試下啦聽到好多人都買紅豆糕 芝麻糕 同糯米糍 咁我就買左紅豆糯米糍同芝麻糕紅豆糯米糍有塊葉包住 打開個陣仲有陣葉香 食落去煙煙Un Un 都幾好食但係件芝麻糕就真係好失望 食落去一pat野咁 好似係結左加凍左既芝麻糊咁 仲要賣成8蚊 咁既價錢同我expect差好遠😡下次會再買糯米糍 但其他既應該都唔會想試!

9-12-2012(日)是日下午，約了兩位朋友在深水埗及太子一帶「掃街」。接著來到「坤記糕品專家」。糕點真的很出色，口感鬆軟，吃起來「甜而不膩」，能達到兼顧健康與美味的效果。但價錢比同區老字號「鴻發」昂貴很多 ，而且份量也很小！

去開深水埗，都會去坤記買啲糕點食，八蚊一件雖然貴啲，但勝在口感好，冇所謂啦。點知聖誕節路經該鋪，一肚子氣，不吐不快😠我同個男人（應該係老闆掛）講我要一件紅豆糕，一件芝麻糕，點知兩舊糕一擰上手，件芝麻糕冰冷透心，件紅豆糕一pat嘢，黐住個袋。我懷疑兩件糕都係隔夜，或賣咗好耐，否則如何解釋天寒地凍都放係雪櫃，仲有如果唔係擇得耐，點會軟林林到手指掐一掐就凹入去？至於味道？咬落去舊紅豆糕黐口黏牙，同以前質素相去甚遠。😔😔😔結果，忍唔住攞咗舊凍冰冰嘅芝麻糕同佢地換，佢地仲唔信係凍嘅，摸上手...唔到佢地唔換啦！我想講：一兩舊糕雖然唔係咩錢，但就係因為果十零廿蚊，都要呃呃馿騙，賣唔哂倒咗去都唔係咩嘢錢，竟然咁樣做壞招牌，出咗小小名就亂嚟，我發誓以後唔幫襯，係原則問題，各位唔旨在十幾蚊可以繼續食，斷估佢地賣十盤先有幾件係咁嘅，不過，糕點到到都有，使咩幫襯＂坤記＂呢！

除了去一些舊式冰室或者茶樓，吃一個菠蘿油雞批，嘆番一盅兩件之外，香港亦有具備本土特色的小食，不單單是蛋撻豬仔包雞尾包，還有的就是砵仔榚白糖糕和芝麻糕。還記得七十年代，在下還在舊式公屋居住，不時有位叔叔（當時在下還很小），帶著大型膠盒叫賣白煻糕，老爹就趁機幫叔叔買了幾件白糖糕來吃，在下從此就吃過白糖糕。後來在下長大了以後，便沒有機會再吃過。後來直到在下於葵芳工作，在葵涌廣場見到有砵仔糕和白糕等傳統糕點，才有機會再嚐到兒時吃過的糕點。在下早聞坤記糕點，也見好評如潮，早已想到來試試。在下與女友於上星期日到訪深水埗，也再次與女友嚐試合益泰腸粉及豬蘿蔔，唯在下沒有為上次造訪合益泰寫下食評。今次到深水埗，亦為在下的饞嘴而逛逛深水埗。而在下剛剛在三點心吃過點心後，行返轉頭又到了坤記糕點，原本想點選了砵仔糕白糕和九層芝麻糕，可惜在下忘記了點選芝麻糕，最後只有白糖糕和砵仔糕。坤記的砵仔確實用了很多紅豆做，味道與兒時吃過的差不多，確實好味，這也令在下重回昔日的味道。從使砵仔糕有白色和土黃色，但是在下依然喜愛土黃色的砵仔糕。在下兒時吃過的白糖糕，雖然是有甜味，但是卻有甜中帶酸的味道。現在的白糖糕卻沒有了甜中

中秋節就嚟到了，所以專門走去深水埗買坤記手信。芝麻糕：真係有九層咁多，而且層層分明，芝麻味好香濃！最好嘅就係唔會太甜，食多兩塊都唔膩！缽仔糕：老招牌啦，唔知點解有D人會嫌佢太溼，我反而覺得就係夠moist先好食，之前係其他地方買過D缽仔糕都好乾，但坤記嘅就食落好舒服，好鍾意！紅豆糕：都好好食，分量夠足白糖糕：都唔知點解有人可以將白糖糕做到咁好食！又疏鬆又多孔，咬落嘅口感非常美妙！酒樓D白糖糕同坤記真係無得揮！發糕：同白糖糕俾我嘅感覺差唔多，真嘅好正買佐好多嘢，一共用佐100+蚊，但真嘅覺得太正啦，幾時得閒再嚟過！

深水埗的【坤記】也是老字號了，做的是最最簡單最最傳統的中式糕品，當然無論是口感亦或是口味都極具典型的粵式港式特色，與自己從小吃到大的江浙一帶糕點又是完全不同的（在本文最後會貼上自己最種意的幾款上海糕點，也是最普通最家常的中式糕品）。【坤記】賣的糕品種類不算少，平常一些坊間的港式西餅店偶爾也會做的缽仔糕、白糖糕、鬆糕、紅豆糕之類肯定是有的，但除此之外，也有九層芝麻糕，家鄉糯米糕（茶果），馬蹄糕等等，招牌的當屬那黑乎乎層層疊疊，好似高級餐廳中的千層蛋糕一般的【九層芝麻糕】以及上過電視節目的，傳說中一塊就能吃出50多粒飽滿大紅豆的【缽仔糕】。記得自己第一次幫襯此店是在2010年的一次單獨游港旅行中，那次帶著地圖慕名而來的我在深水埗兜兜轉轉不知幾耐才找到【坤記】，為的就是那塊濃香泗益軟糯中帶有些水晶啫喱口感的芝麻糕；如今要定點搜索到小鋪已是閉著眼睛能辦到的，漸漸習慣佐香港人口味的我故地重遊為的不再是芝麻糕，是次則是沖著【缽仔糕】而來！比起芝麻糕，缽仔糕所孕育的香港情懷要來的更加濃厚。民以食為天的中國悠長飲食歷史中，糕點這一塊從來都是說不盡道不完的，上到皇室貴族的精緻糕點（影視劇集中常常看到的那

吃完飯出來閒逛，我本來是想買蛋撻作為飯後甜品的，但不知怎的逛呀逛的竟就來到了坤記的門口，還看見有一些人在購買糕點，我風聞坤記的大名多時，卻一直沒有機會嘗試，於是竟就放棄了買蛋撻的念頭。　　在眾多的糕點中我獨愛缽仔糕，記得在我小學時，放學後會有一個嬸嬸拿著一個載滿了缽仔糕的桶子在校門外擺賣，他她打開桶子的時候，我能看到層層的缽仔糕用一塊白布分隔開，缽仔糕還以碗仔盛載，買的時候，嬸嬸才把缽仔糕用竹籤挖出來刺著，以白色小膠袋包著給我們。　　坤記的缽仔糕在擺放的時候，已經是從碗仔裏挖出來的了，並且以透明膠袋盛載著。體積不算大，卻要５元一個，我真的覺得有點貴。　　紅豆方面，紅豆比較硬身，分量的確不多。而缽仔糕的質地方面，算是比較濕和軟，我個人不喜歡太堅硬，所以覺得可以接受，味道不算太甜，有點黏和煙韌，甚至說得上是偏淡，適合嗜甜卻又怕太膩的人。　　也許是相見不如懷念吧，記憶裏的東西總是最好的，也許問題不在於缽仔糕本身，味道附帶著的，更是和同學一塊放學的情懷，如今一個人獨個品嚐，自是相見不如懷念。　　是次味覺評賞──不過不失吧！

吃過長發的撈麵和綠林的豆腐布甸後，還有點意猶未盡，所以又走到了坤記買了件白糖糕上車吃。坤記的白糖糕可以說是全港其中一間最好的，大部份時間買到的都是清甜的白糖糕，只有極少數機會會買到帶酸的白糖糕。上到巴士打開膠袋便聞到清香的白糖糕味，吃落清甜不酸，而且糕身有彈性不會老實，是一件高質素的白糖糕。這裡的紅豆糕及芝麻糕也很不錯，記得試過早上來到買到還是暖暖的紅豆糕，吃入口充滿紅豆味又且還軟軟的，十分好吃。

又到端午時節............又喺食糉癮起嘅季節..............jun 08 & 13, 12..........分別買咗2款糉回家蒸嚟食 :1) 綠豆蛋黃糉 (hk$25)-正常住家size-拆開時已聞到糉葉香-索價唔平,因為裡面有蝦乾,粟子,肥肉,蛋黃,好多料-以下切開相喺未蒸前影的-質感小軟身-相信佢嘅蝦乾質素好好,我習慣就算食鹹糉都喺+糖,就算+咗糖,佢裡面嘅鹹鮮味仍是好強-蛋黃亦喺有質素的,又大,又橙紅,而且入口唔會實,很綿密,只喺沒有浸出油份啫-肥肉應有混過5香粉,不過喺鹹鮮嘅主流下,唔多食得到-整體嚟講,呢隻糉用料有質素.............尤其啱鍾意有鮮味的朋友-食糉嘅口味很個人同主觀.........而且唔同鄉下就有唔同配料組合...........我嘅標準喺深受兒時食到屋企人所包的味道影響-我所熟悉嘅糉都比較樸實,唔會有海鮮,或多餘的雜肉 (肥肉除外),尤記得嗰份糉葉香,5香粉,肥肉嘅油份,蛋黃同去邊綠豆,口感小挺,所以呢隻糉雖然喺有質素,但唔喺我杯茶,解唔到我嘅癮2) 紅豆糉 (hk$25)-同樣正常住家size-買呢隻紅豆糉,期望會無蝦乾-

每次去都係人頭擁擁的場面，但個個員工都係有磨打手地包糕點給客人，今天我選了必吃的紅豆糕及第一次買的馬蹄糕。急不及待已吃了一半的紅豆糕，依然都係紅豆味香濃又不太甜，但第一次試的馬蹄糕就沒有想像般好吃，糕本身不夠實而且馬蹄味不夠，下次還是吃回芝麻糕算了

同事Paul Paul出深水埗辦事順道買"坤記手信"回Office孝敬我們其他同事要芝麻糕白糖糕我落Order要砵仔糕一口咬下去豆少, 糕濕而不實不是我杯茶快快吃完算數~~