坤記糕品專家 (已結業)

女人既野真係要氹，但又吾可以成日氹。上次咬左個包冇佢份，即刻受苦幾日。好喇！今日去左深水埗做野，做完野見到坤記。本來想買砵仔糕俾佢，但那時已很晚了。只係見到芝麻糕，同白糖糕還有其他吾知咩糕。費事煩就買 "芝麻糕同白糖糕" 啦。女人見到後隻眼又發光了。女人話：芝麻糕：很香很濃郁芝麻味，不太甜，不太霖身，吾貼口，齒頰留香。白糖糕：沒有酸味，香韌、柔軟。不太甜。兩個都好好食，跟住又問點解吾買多幾個呀！那時我真係想.................，不過算喇女人。

其實要係百幾個好評上加一個好似冇太大分別但係食左幾年都冇寫一次就有D過份幾年前第一次食已經令人難忘, 因為本身唔係住果邊, 買既原因為路過 (去黃金買GAMES)加上有小朋友之後, 已經冇咩打機, 所以有一年冇食過今日去左睇鏡頭, 突然想起就一口氣買左兩件芝麻一件馬碲同一件紅豆依稀記得紅豆做得好好, 當然再食完全冇懷疑紅豆足料, 糕的口感少少彈加上紅豆"粉"的感覺, 很PERFECT馬碲糕清甜, 就算食飽左晚餐, 都仍然忍唔住要食左去反而芝麻糕好似一般左D (仲買兩件...寧願買多個馬碲啦)每年 $8, 大大件好抵食 (一盒四件要分兩晚食)買既時候, 個阿姐仲加句 "食唔晒記得放入雪櫃"我都唔記得佢地咁好SERVICE (當年人頭湧湧, 佢地D TONE 唔太好)

今日同事係附近買左D砵仔糕番黎請我地食,不過岩岩過左lunch時間,仲係有D少少飽肚,唯有雪係公司等晏少少先再一齊食,HAHAHA點知大家唔記得左食就放左工,所以就放到第二朝,番到去見到先記得,所以就即時就左佢,雪左一日應該都無咁好食嫁喇,不過睇落去,個樣真係好靚,而且佢仲有好多紅豆嫁,食落去糕身味道好幾好,正常唔會話太甜,雪左一日都重食到有少少彈性同咬口,,紅豆質惑岩岩好同唔算太甜,成個夾埋都好好食之後仲有依個9層芝麻糕，依個既賣相真係唔算話太多,有少少一舊野既感覺,同埋加埋黑黑地色睇落仲唔好討好,不過食落就好有改變,咬落去真係有好香既芝麻味，加埋唔太甜，兩樣味道岩岩好，而且口感仲有d粒粒芝麻係度，食落沙沙地咁幾正 

白糖糕，甜中帶酸香，入口咬落鬆化軟糯以上係我對一件白糖糕應有既期望不過。。。。。。。今次買左件硬到一忽忽甩出來，乾身一入口吸曬所有口水既所謂"白糖糕"味道又唔係好甜，但無香味總之係我想要既背道而馳，因為有期望所以失望

青蛙又到深水埗覓食,每次的指定動作,都會在最後吃個黃糖砵仔糕才收手!!說實話, 雖然這店在區內有名氣,但青蛙覺得它的黃糖砵仔糕質素穩定性不高。以是次為例, 青蛙今次吃砵仔糕有點狼狽~砵仔糕一如以往早早就入了袋,但因為它實在太黏稠, 砵仔糕整個黏附在膠袋,而由因為省略了兩枝竹簽的原固,只要大力一點點把糕往上推, 就令砵仔糕的邊邊與整體分離,邊邊完全黏在膠袋上....記得上一次的砵仔糕仍可以用煙韌核形容,但今次絕對與其售賣的紅豆糕無異,口感同樣黏黏稠稠的。不知是否今次只有極少量紅豆的關係,所以欠缺了中和度, 感覺糕較甜。雖然這店的黃糖砵仔糕已大不如前,但就是因為習慣, 青蛙仍而會繼續買來吃。。。

以前住在深水埗常會幫襯買一兩件芝麻糕或砵仔糕滿足吓自己餵食的確本能,很久也沒有光顧過這家店,今天到深水埗閒逛,順便買件久違了的芝麻糕或砵仔糕,但卻十分失望。以前是買糕時才會把糕放入膠袋內,今天我買的時候,店員很快手便將兩件糕給了我,我到附近的麵店吃麵,順便瞄一瞄我買的兩件糕,看了看,心已一沉,那件芝麻糕比以前的淺色,而且形狀極不規則,有完全塌下的感覺。個砵仔糕理應是圓形的,但邊緣位'岩岩蠶蠶',賣相極不吸引。很後悔買了兩件'醜陋'的糕點,但又不能不吃。芝麻糕完全嚐不到有芝麻味,我以為是自己吃得太大口,或者是太快,但慢慢食都吃不出有什麼芝麻味,還有那些'稔bat bat'的質感,一點也不可口。接著是那個砵仔糕,邊位略硬的,糕也是實實的,跟以前軟稔的口感真的相差得太遠了。兩件糕共14元,價錢比以前貴了很多,但體積郤比以前小了,味道更是出奇的差。這間店的砵仔糕是我唯一喜歡吃的,但以後都不用再光顧這間店了買芝麻糕或砵仔糕了,真可惜。

之前也吃過坤記的糕點數次，說話不上很好吃但用來過過懷舊味道不錯。白糖糕：$6一件。size 又更進一步，越來越細件，現在只比某袋裝紙巾略略闊一點點。白糖糕帶點酸味，也比以前的鬆軟度差了。要再回味舊曰的糕點，此店已非選擇之列。(阿姐木口木面，根本不屑做你生意)

朋友話佢媽媽每次黎深水埗次會買返去俾佢食，所以我都買黎試下啦砵仔糕，白糖糕各一，六蚊一細件白糖糕：味道偏酸，欠缺米嘅香味，甜度適中砵仔糕：唔夠彈牙，口感好粉，味道一般呢個價位嘅糕點應該可以做得好啲，不過眼見店員不停將糕點入小袋方便顧客，而亦都真係有唔少人幫襯嘅下次或者試下佢嘅芝麻糕好似多人買啲

很久以前己聽聞坤記的中式糕點十分美味，今天路經深水埗，便點了四款糕點。白糖糕($6)嗅下去而有很強烈的酸味，食下去偏甜，亦帶有酸味。口感亦不夠鬆軟。紅豆糕($8)的確有很多紅豆，不過紅豆的香味不夠濃烈。個人比較喜歡硬身的紅豆糕，奈何這個紅豆糕卻"林枝枝"。馬蹄糕($8)馬蹄太細粒，做不出馬蹄糕應有爽口的口感。糕亦都偏甜，沒有馬蹄糕清香的味道。砵仔糕($6)不過不失，紅豆量是足的，但味道和口感與平日在街邊吃到10蚊3個的砵仔糕無異。服務正常，伙計做事乾淨俐落，十分快手。總括而言，坤記的糕點都偏甜，而且味道不外如是，與坊間一般中式糕點冇過之而有不及。如此取價，性價比實在太低!

每次去開深水埗都必定會黎呢間買白糖榚食，已經成為一個習慣.... 不過...近呢幾次食覺得白糖榚的味道唔同了,偏酸,同埋入面既洞洞少左,變成一舊密度高既榚點,洞洞少了,口感自然變差了.....>.<每件價錢係$6,但份量就越來越細件.....@@砵仔榚方面,紅豆份量仍然充足,是我覺得還可取的優點...

今日出開深水埗,行行下見到坤記,聽講佢歷史由久,又好似好好味咁,同個fd食完公和荳品都心思思要左個 砵仔糕,我fd就要左個白糖糕...個砵仔糕$6,唔煙韌,好削d紅豆夠淋,甜度適中我個fd個白糖糕都係麻麻地,一來太薄,二來冇左白糖糕應有一絲絲既鬆軟質感,食落真係成舊糕咁

前日(10-7-2013 Wed)3:40pm,主管突然拎出o係呢o度買o野砵仔糕請我o地食,原來佢12:30pm出o左去公幹,就特登買返o黎請我o地食.由於我未肚餓,就拎返屋企至食啦,點知男友突然話出街食晚飯,重食到好飽,於是返到屋企放入雪櫃,到尋日(11-7-2013 Thur)朝早食啦.而由於都係唔肚餓,就同本身已經有麵包男友o既男友share食,望落去,紅豆都幾多,食落糕身味道正常唔太甜,重食到有少少彈性,紅豆夠腍同唔太甜,o岩o岩好.

係深水士步非常出名既坤記，地點一啲都唔難搵，一出地鐵站就見到，第一次買回家吃，買左兩件砵仔糕同一件一芝麻糕。要砵仔糕嗰陣想要多豆，個呀姐唔知係撞聾定係心情唔好，應都無應就求期執左兩個俾我，可能係因為我都企左係佢舖頭面前一陣諗緊要買咩。拎到返屋企，先試9層芝麻糕，唔知係咪天氣太熱既關係溶溶地，放返入雪櫃就即刻無左溶溶地一 pat野既感覺，如果唔係賣相真係一d都唔討好。咬落去好香芝麻味，唔太甜，岩岩好，但口感有d粒粒芝麻係度，好似有啲沙咁，個人就真係唔係幾鐘意。至於砵仔糕，太甜，紅豆係底，同一般既不太一樣。幾香幾油滑，但個人喜歡葵芳個間多好多，真係睇下夾唔夾架姐。

2-6-2013(日)是日晚上，回老家探望媽媽，宵夜是媽媽下午在 坤記 買下的 砵仔糕。我經常也幫襯 坤記，但一直感覺它的水準很不穩，真的時好時不好，要賭賭運氣該天買到的素質是如何。之前買過的砵仔糕，曾試過有四分之三的面積是舖著紅豆的，是次的紅豆比平時買到的少， 真的有點失望。吃下一口，砵仔糕是沒味的，連基本的甜味也欠奉；口感較糊狀，明顯是粉下得過少，想減輕成本嗎？而紅豆則可以，算是腍身及有咬口！$ 6 一個這樣素質的砵仔糕，很昂貴呢！

行經深水埗，事前找到此傳統糕點店舖，想買來試試。買了黃糖砵仔糕、馬蹄糕、糯米糍、白糖糕、煎堆和原味蛋糕。在店舖放涼了，在室溫吃下，黃糖砵仔糕的味道十分出色，「咽韌」中亦軟。其他糕點都有彈牙之感，味道清淡。嘗試過蒸熱再吃，比先前鬆軟，味道更明顯，當中以砵仔糕和原味蛋糕最美味。人們口中的傳統美食，有機會的確要試一試。