坐忘 (已搬遷) 新店位置

近期成日要出街食但其實都想食得健康d👉🏿👈🏿之前聽呢間舖頭係日本人開 堅持一切都以健康為中心對於新界仔黎講真係好遠但點都要去試試佢！佢出名d日式咖哩我嗌左佢冬日限定既廣島蠔雜菇咖哩飯 ($75)飯係用蕃薯南瓜粟米珍珠飯入混合左細細既南瓜粒 淡淡既南瓜香同個飯配合得好好日式既咖哩味好香濃偏甜唔辣 唔會係平時係出面食一舊咖哩磚溶出黎個種入口有種好幸福既感覺 好似食緊日式住家飯咁蠔好新鮮 唔腥 同雜菇呢個組合好夾好正要健康飲食所以有好多蔬菜係入面 有菜有蔥咁 蔥炒得好香另外媽咪嗌左彩菜牛肋照燒汁定食 ($84)蓮藕片炸脆左 炸到脆卜卜可以吸引d小朋友食下菜茄子都係炆得好林 好入味!!牛肉煮得唔老 唔會好鞋口伴菜有沙律菜 果然配合哂均衡飲食爸爸嗌左韓式甜辣蘿蔔牛肋定食 ($76)蘿蔔極林極入味 韓式醬就辣辣地甜甜地好開胃！仲有隻醬汁溏心蛋好味朋友嗌左忌廉湯烤雞野菌烏冬+粟米 ($68+$3)烏冬質感普通 都幾彈牙 不過同平時既烏冬差不多 不過湯底就好濃好大陣牛奶香 好好味烤雞d肉都好嫩滑即使山長水遠 但都會再去！野食質素真係好高不過服務態度有d差 知係日本人主理但d staff黑口黑面 叫落單

小店約有25個位左右很密, 很迫介意者勿進嚕~!是日點餐：招牌7小時豬軟骨飯份量非常足，伴菜為沙律菜豬軟骨很軟腍又可補充骨膠原, 美顏之選不油不膩~~ 好入味番食指數：＊＊＊＊＊

某本專門介紹日本景點日本餐廳既雜誌有一篇文章係報導呢間「坐忘」既，餐廳主打有營咖哩同埋豬軟骨，價錢又親民，咁就當然要嚟一試喇！廣島蠔雜菌咖哩飯咖哩係日本咖哩，偏甜唔辣，但食得出味道有層次，惹味；雜菌有先炒過，有陣陣蒜香味；雖然價錢都幾親民，但都有幾隻廣島蠔係入面，係細隻d架喇，都尚可接受。豬軟骨定食唔知豬軟骨係咪呢間餐廳既招牌菜呢？我望向四周都有為數不少嘅客人食，期待感亦相對提高。一試，果真冇令人失望wo，豬軟骨煮到稔熟，果醋味好濃郁，完全唔痴牙，好好味呀，下次一定會encore!

Generous portions, fair prices, smooth Japanese style curries and super tender, lean meats. If curry isn't your thing, there are a few other choices that are equally good. I think the drink menu needs to be expanded but there is little to complain about here. Great eatery!

一個人天后食咩好🤔要有菜有肉又想坐得舒服啲⋯諗都冇諗沖左黎「坐忘」食家庭飯😬早前同媽媽黎午餐都幾旺埸，估唔到晚巿亦滿座呢！今次叫 •黑芝麻牛肋野菜咖哩飯 $64• 小小一人分量的飯餸，竟然有多達8、9種蔬菜！咖哩牛肋軟淋而且帶點芝麻香，特別得黎又幾夾！呢度菜肉比例平均🥗店員細心有耐性以後又多個健康好味飯堂之選💛

復活節假期最後一天, 我和朋友相約到港島一遊,我提議到這間餐廳,其實早兩個月才光顧過,但實在太喜愛這裡,想再來試別的菜色。這次我點了一日野菜溫烏冬沙律蔬菜包含多種顏色,相當健康,數一數至少有十款蔬菜。平日常食普通的瓜果,廚師用心切成薄片及波浪紋,一切變的不平凡。烏冬彈口,沒有麵粉味。拌的麻醬不油不膩,相當配合👍🏻沙律上桌時微暖,其實可以說是拌烏冬小店人流轉得快,吃完我們便離開,也讓出桌子。好店是比較多人光顧了🙆🏻

2個人去分別點左唔同ge食物。一黎食咗個咖喱炸雞飯， 麻麻哋，果汁唔係特別好味～不過件炸雞真係好大件，都算炸得鬆脆，可惜個咖喱汁真係有啲失望，有啲稀， 同埋冇咩味⋯⋯之後在黎個豬軟骨飯，呢個就真係唔同呀！個豬軟骨煮得好林～個味道亦都好出色，唔會太咸，但係亦都好入味。如果要批評嘅唯一就係啲配菜🙈🙈🙈淡左d，不過淨係食個豬軟骨飯已經好滿足了！lunch time人有d多，上菜時間要等一等不過都可接受呀！

星期六放假，天氣好好，跟MR C 行咗去天后搵嘢食。之前有朋友介紹過呢間餐廳，話佢啲咖哩好正！我哋就決定去排下隊。好彩剛剛有人走，等咗都只不過係大概5分鐘。入去個刻，見到門口好多雜誌訪問，大大隻字寫“多菜少肉”。心諗，大獲。我係一個食肉獸。不過MR C 中意，咁惟有頂硬上。我點咗個西班牙黑豚豬頸肉野菜咖哩烏冬($70+$10飯轉烏冬)MR C就點咗個黑芝麻牛肋野菜咖哩飯($64)我個西班牙黑豚豬頸肉野菜咖哩烏冬先上 。我哋加咗一隻醬汁溏心蛋($5/半只，我半只，Mr C半只)。隻溏心蛋咸咗少少，但係夠溏心。個烏冬咖哩味道好正。好開胃。唯一係個汁少咗D，如果多番D 就再好啦!個麵個質感都好"煙韌"，OK!而且，一開始我怕“多菜少肉”，但發覺原來都唔少肉架！啲豬頸肉份量算OK。我自己唔食zucchini，比曬MR C，都唔覺冇曬送。 另外MR C 點既黑芝麻牛肋野菜咖哩飯，個飯唔係普通既飯黎架！係番薯南瓜粟米珍珠米飯。MR C 好中意，覺得好健康！總括黎講，如果你自己一個人，唔中意多菜少肉。。。就唔好選呢間餐廳。但如果你有個伴（好似MR C）會幫你清咗啲你唔食既蔬菜類，咁就冇問題啦！因爲佢

這間小店從開業到有分店都有一段短時間了,又是一間很想去吃的餐廳,但作為一個新界人,會到港島用餐的機會確實比較少。就有一天,相約了於港島區上班的好友一同晚餐,就決定來這間日式家庭小店吃飯🇯🇵很多報道說餐廳是由日本人開設的,內部裝修舒服,雖然座位比較狹窄,但始終明白香港地租比較貴看看餐牌,再看看食評,其實得知不少人推介這裏要吃的是一日野菜飯以及豬軟骨,我和友人同樣地點了豬軟骨烏冬。🍜嘩!不得了!😍豬軟骨入口即溶,相信是炆了很長時間。糖心蛋亦是我喜愛的食物, 刺穿蛋黃,蛋液流入湯中,烏冬瞬間由湯麵可以變成沾面。湯麵還配有相當鮮甜的椰菜絲以及木魚碎。最重要是吃完這碗烏冬,沒有任何口渴的感覺,因為我對味精非常敏感,很怕吃日本拉麵後那種極度乾涸的感覺。店員友善的態度,食物質素以及價錢,這間小店我定必會再過來❤

<Camper's 坐忘>🍅番茄牛肋野菜咖哩飯($64)🔻好仲2依間係主打健康野菜嘅舖頭😍超超超多蔬菜呀‼️配咖哩食🍛為簡單嘅蔬菜增添風味。💁🏻今次揀左限定嘅番茄咖哩👈🏾🌸其實番茄咖哩我以為係多左幾舊番茄，無諗過d咖哩汁係混左番茄煮製，味道酸酸地🙈幾開胃。🌸野菜超大愛❤️有翠肉瓜，薯仔，甘荀，芹菜，四季豆，西蘭花，花菜，番茄。🌸蔬菜微微烤過，保留到肉汁且爽脆👍🏾但薯仔甘荀如果可以煮腍少少就更好。🌸牛肋骨係起骨咁煮，肉質軟腍，但又不是特別好食🤔但肉嘅份量都幾慷慨😂我覺得有d多。🌸米飯混合左番薯同粟米，好飽肚☝🏾️已吃少飯。#hkeat #uhkfood #hkfood #hkfoodies #hkfoodie #hkfood #hkig #campers #坐忘

7點多和男友特意來試一試日式家庭料理👫💕叫了個岀名的🐷豬軟骨定食+🐮咖哩野菜牛腩定食🍛 ------------------------------等了十分鐘到就好快上菜😃好!いたたきます！( ＾∀＾) 開餐🍴🔝🔝🔝最上是牛腩，下面是豬軟骨😍賣相好靚!✨ 🍴食物味道: ✔️豬軟骨講到明慢煮7小時🐷所以好入味而且個軟硬到岩岩好，骨位夠哂淋，已經分不岀哪些是脂肪，哪些是骨😃 個汁(有個名，吾記得)好正，完全好配合整個飯🍛👍🏻仲有一個野菜湯,絕對不是味精湯😌⬇️⬇️⬇️⬇️⬇️✔️🐮牛腩好惹味，沒有太硬，沒腥味，個汁帶有少少辣😃最欣賞是野菜好多種類🥒🥕🌽 🍅⬇️⬇️⬇️⬇️⬇️⬇️⬇️✔️飯不夠可以加，基本上可以加仼何配菜😌有菜，有蛋，有豬軟骨，有牛腩 etc. 自由配搭! 其他:✔️價錢絕對是良心價 🤑✔️肉和菜都是對等多 😋✔️食嫌了外面的快餐，來吃一次絕對會感受到家庭式的餐飲😌

是夜跳出中環，去到天后試下呢間零負評小店。一入到去已經覺得好有日本feel，後來先知真係日本人開。食個飯六七十蚊，唔貴。不過我都係唔明，點解好地地賣日本咖哩，要賣泡菜xx韓式xx，呢個唔係日本人專注嘅作風。豬軟骨真係好腍好入味！！咖哩辣辣地，好好送飯🤘🏻個飯mix左啲蕃薯，其實食唔出蕃薯味。蕃茄牛肋野菜咖哩，野菜毫不吝嗇，有勁多！雖然望到grill過嘅痕跡，但食落只覺得係烚熟，薯仔又唔夠腍.. 牛肋夠腍但又冇乜味...一開始知佢sell野菜係有啲期望，因為喺日本食嘅野菜咖哩嗰啲菜真係唔講得笑，淨係原材料已經贏哂。不過宜家係香港，唔可以用日本standard，加上只係幾十蚊，咖哩豬軟骨飯100%要俾好評👍🏻👍🏻（牛肋就麻麻... 唔洗試）Btw，唔係想咁挑剔，不過呢隻碟真係好冇feel😅

逛了花展滿足了心靈，無意中發現坐忘的餐牌，似乎可滿足口腹，於是在附近閒逛多等個半鐘吃完才離開6:30 前到達已有8成滿座，幸好我們也不用等位，甫坐下就陸續全店滿座了，心想這小店不簡單啊！更是期待點了的定食，7小時豬軟骨定食和一日野菜白味噌汁定食每一個定食都是主食加湯，湯水是白紅蘿蔔清湯，卻充滿肉味，好有家的感覺豬軟骨名不虛傳，一層肉夾一層骨膠原，不得了，入口即化，味道適中，加上米飯又是好香，肉汁足夠配食全部份量的飯，連嘴叼的男友都讚好。我點的野菜定食，當這碟上桌時，顏色好繽紛，忘記了點算是否有15種蔬菜（坐忘是這意思嗎？）每種蔬菜都煮透入味，唯一是味噌汁太濃，可幸是跟著米飯一起吃就配搭得宜了這家小店除了是標榜食物冇添加之外，價格更是超值，份量夠一個男士飽眼福又飽口腹，所以，我會再來試試其他定食，應該不會失望

香港少見既日式咖哩店，正宗日本人開既餐廳，主打即炒咖哩，每次黎食都係食佢又甜又辣既咖哩汁，真係可以送幾碗飯蕃茄牛肋肉咖哩飯 ＆ 豬軟骨咖哩飯每款都係將蔬菜連埋咖哩汁一齊炒熟先上碟，無論係牛肋肉或者豬軟骨都炆得好稔，豬軟骨直頭係入口即化，證明係用左長時間炆煮先有依個效果，而佢既蕃薯栗米飯係呢度特色，食材切到細細粒，每次都會撈晒所有咖哩汁去配埋飯食，仲叫左個蛋，蛋黃流心，同出面食到嘅差唔多，但以＄6X一個飯可以話無得輸，絕對值得推薦。

公司樓下有間坐忘，但係未到12點已經有人排緊隊，咁耐都冇試過。今日同老公行街，佢話帶我去食間無味精嘅餐廳，原來就係天后嘅坐忘。呢間餐廳標榜嘅係冇味精，同埋每一個飯都有好多蔬菜，而最出名嘅就係咖喱。喺門口等左5分鐘到，就有得入座，以為係迫左少少。我哋叫咗個豬軟骨咖喱飯同埋牛油咖喱雞飯。豬軟骨超級極之好味牛油咖喱雞就唔係印度嗰種啦，但係味道都唔錯，全部蔬菜都好新鮮。三扒兩撥話咁快就食晒，係咪真係冇味精呢，我就覺得啲咖哩點都有少少。