坐忘 (已搬遷) 新店位置

今晚又同Mr Tea黎到天后搵食，其實天后嘅餐廳轉手轉得好快，如果你每隔兩三個月黎嘅話你一定有新嘅發現今日等位等左大約10分鐘，就睇下貼左係門口既一兩篇報道，原來係日本人開嘅，立刻心心眼呢間主打有營餐，冇味精，用多色野菜煮成嘅咖喱！今日我地叫咗番茄牛肋野菜咖喱飯，黑豚豬頸肉咖喱，野菜嘅份量好多，但係咖喱嘅味道偏酸，唔算好香嘅咖喱味，不過感覺好健康，味道唔算特別但健康取勝！除左咖喱仲有其他定食，烏東等⋯總括嚟講都值得一試既！

超肚餓，行過見呢度有人等位，唔可以即刻入，本來都想走，但係最終好彩冇走！呢度最主要係食日式咖喱同埋蔬菜，我叫左野菜烏冬，鍾意食菜嘅朋友你一定要嚟，到不得了！食之前數下究竟有幾多款唔同嘅蔬菜，都有成10款，望到餐牌原來介紹佢係有15款共350 g野菜，一日需要大概375 g蔬菜，唔怪得佢叫做「一日野菜」。賣相已經好好，咩顏色都有，好有營養，而且只係落咗少量沙律醬，所有蔬菜都有原材料嘅味道，翠玉瓜、紅蘿蔔、薯仔都又甜又諗。烏冬又彈牙又爽口，冇難食嘅酸味，真係good！咖喱牛肋條飯，咖喱就係一貫日本咖喱味道，配上很多蔬菜，當然蔬菜原味已被咖喱汁埋沒，而牛肋條牛味濃郁，而且煮得很焾！在隔離枱的先生把牛吃進口時都說，「嘩！舊牛好焾，好好味！」。佢個入面仲有雞蛋、粟米粒同栗子粒，食物製作真係好有心思。鍾意食肉嘅朋友都唔駛驚冇嘢食，因為其實餐牌都有好多唔同款式，但係當然佢會配上蔬菜！呢度的招呼直來直往，唔會多一句客氣說話，你幾多位都在外面排隊，冇人會比飛你！店內大概40座位，2：30pm都係座無虛席，可想而知呢度真係掂！我都只係食左半個鐘就走，都唔好意思阻住人哋做生意。提下你，呢度什至唔需要加一㗎！

坐忘主打日式健康料理一日野菜咖喱飯是他們主打款式打破人們多肉少菜的習慣推崇健康多菜少肉的理念！更有健康素食款式可供選擇～白灼一日野菜咖喱飯 $58這碟飯滿足你的一日分的野菜份量 用上青椒，翠玉瓜，紅蘿蔔，西芹，四季豆，蓮藕，南瓜，薯仔，西蘭花等15種野菜 配上日式咖哩汁咖哩偏甘味 不會太辣飯更由傳統白飯轉為番薯南瓜粟米珍珠米飯 健康加分豬軟骨野菜咖哩飯 $69肉食獸也不怕！極推薦這裡的豬軟骨入口即溶！軟骨已煮到啫喱狀而且非常入味 真的令人回味無窮必食之選！嚐一口已經令人感動的豬軟骨

坐忘 在鰂魚涌和天后都有分店設計風格非常像日式家庭料理兩間的堂食座位都很少 平時在繁忙時段都要等很久！餐廳推崇健康菜式 多菜少肉的理念 本人非常欣賞！ 現今餐廳的菜式大多全部都是肉類和澱粉 外食一族經常纖維量不足 一日野菜咖哩飯可謂店裡主打 但除了這款 今次介紹的是非常驚喜的豬軟骨豬軟骨野菜咖哩飯 $69上枱賣相已經非常吸引 七彩繽紛的蔬菜令人食指大開 豬軟骨煮七小時 可謂入口即溶 軟骨部位已變啫喱膠狀 吃完非常黏口！可想而知膠質是多麼的豐富！豬肉非常入味 亦又不會過咸，配上咖哩汁 可謂更上一層樓店內說明他們主打健康 是沒有添加味精～我是相信的，因為的吃完也不感到口渴！配上番薯粟米飯 感覺非常健康！真的令人回味無窮豬軟骨七小時煮胡麻湯烏冬 $68美味的豬軟骨放在湯上 令味道沖淡了還是配飯較為合適！烏冬口感幼滑 感覺是日本稻庭風烏冬的質感另外可選配拉麵～整體感覺非常好！令人回味的一餐

今日朋友帶我來到天后電氣道的美食街覓食其實一早就target左 坐忘camper~ 不過第一次行呢條美食街真係嚇一跳，間間都好似好好食咁XD差D比其他吸引左~坐忘camper係要人齊先入得去食嘅~入到去坐～比個menu 嚇一嚇XD 竟然係全用人手寫的！超有誠意～仲有埋日英文tim 太多選擇，花多眼亂。最後選左大熱招牌用左7小時煮的豬軟骨配搭湯烏冬。＄68 就有2塊大大ge 豬軟骨～ 超級淋，一咬就鬆開了味道不會太過濃 ^^ 烏冬比較淋，唔太Q彈。不過其實自己心大心細想配飯又配烏冬，因為太飽所以就選左烏冬。但係面對一塊咁好食ge肉，果然應該配飯，而且定食仲有野菜湯^^ 下次再來一定要吃飯同場加映：蜂蜜檸檬水 + $10

OK I Lose!!!!!姐真係未食過咁厲害的豬軟骨！・個樣睇落無咩特別，但只要筷子輕輕一夾就已經碎開了，仲要跟住肉的紋理而分開，入口即溶的口感深深打動了我，救命，好好味！・果然是煮了七小時的豬軟骨，軟骨位置完全溶掉成啫喱狀，即係會黏住口腔果種感覺，完全不用咀嚼，這樣才是豬軟骨呀～骨膠原呀～・胡麻湯相對地吃不出味道，可能是姐太focus於豬軟骨的關係⋯但烏冬用上扁身的稻庭烏冬，很彈牙，口感一流！重點是，這碗東東才60多元，有成3塊大軟骨，性價比也太高了吧～絶對高得點！

今日六點半，黎到尼一間餐廳，之前係openrice search到尼一間，commenr唔錯加d相都幾正，所以媽咪黎探我既第一日就簡左尼一間六點半入去果陣，坐滿一半，間舖唔大，但裝修得幾溫馨and雅緻我地叫左比較出名d既7小時豬軟骨咖哩野菜飯同埋黑芝麻牛肋咖哩野菜飯豬軟骨咖哩野菜飯： 69蚊，豬軟骨都幾大舊，很惹味又勁入味，7個鐘講豬軟骨煮得很腍，隔離仲有野菜，係脆瓜胡蘿蔔，薯仔，撈咖哩食超級正，就係豬軟骨肥肉有d多，係有d扣分的黑芝麻牛肋咖哩野菜：將黑芝麻入菜同牛肋咖哩一齊煮，係很特別，所以媽咪就叫左尼個，黑芝麻很香，淡淡咖哩味，牛肉煮得超腍超入味，同野菜混合，超級正，雖然豬軟骨係招牌，但係我鍾意尼個多dwor！兩碟份量唔少，食完超滿足，係好好既一個餐廳，值得推介喔！

同事帶我試campers，話呢度既豬軟骨好好味，點知...真係好好味！叫左個豬軟骨飯set，有飯有湯，野飲要另外加錢。配菜有沙律係側邊，而豬軟骨軟到不得了，軟骨就好似花膠咁黏，又入味，食完一塊已經飽哂！湯應該係蘿蔔湯，清清地配上'流滯'既豬軟骨，岩岩好中和到！堅讚同事食既烏冬，多隻蛋！

在電視上介紹這家日式小店，說菜式健康，而且廚師係日本人，於是同男友來試試到店已經過了晚上7點半，店裡基本坐滿，好彩位置都算闊落，坐得幾舒服我黎之前已經做左功課，決定點咖哩豬軟骨野菜飯，男友則點了牛肋彩菜定食食物一上來簡直O晒嘴，份量好大！幾塊大大夠豬軟骨佔了大半個盤，配上種類顏色豐富的蔬菜，飯裡也有南瓜蕃薯粟米，又靚又健康又好味，一次滿足你3個願望！咬一啖豬軟骨，好淋啊！而且骨膠原好多，配上口味溫和香甜的自家製咖哩同健康的澱粉，正正正！試左少少男友的牛肋飯，牛肉中間仲係粉紅的，熟度掌握好好，而且伴碟蔬菜份量也很多！好鍾意呢間店，服務員態度都好好，加水好殷勤，仲唔收加一添，下次絕對會再來

早排去坐忘食lunch點左個豬軟骨定食上枱時好驚喜 好大份有兩大舊豬軟骨 非常吸引😋仲有啲沙律菜襯托 成件事好靚慢煮七小時後既豬軟骨好入味 仲好淋啖啖骨膠原黏住個口 食落感覺好幸福😍仲有送埋碗蘿蔔湯個湯好清 一滴油都無蘿蔔又無渣 飲落好舒服物超所值😛👍

每日要諗食咩真係好辛苦....食得多飯盒又好似好唔健康, 下下食好野又貴.......但難得出糧就對自己個胃好D啦~今次就行遠小小, 行到去銅鑼灣街市附近一間專食咖哩既餐廳~ 點解食咖哩朕會話係健康???原因係佢肉同菜既份量都幾成正比~同埋佢地既飯唔係淨白飯, 係帶有南瓜蓉~ 所以食落係飽肚得黎唔會淨得澱粉質~朕依個係叫左小飯, 所以份量係比較小~佢D蔬菜係多到係D肉下面都有, 唔止菜, 仲會有瓜, 姐蘿蔔同薯仔等~講返重點先~ 就係個飯朕係叫左日式炸雞野菜咖哩飯~大家可以見到佢炸雞既份量係多到霸左大半隻碟, 仲要遮返D菜, 直頸將我D 飯變左做配菜 LOL而佢D咖哩汁係日本咖哩, 所以一D都唔辣, 但味道都幾濃, 食完都唔會太頸渴~不過今次對佢個炸雞有小小失望, 雖然佢係好大塊, 炸粉唔係厚, 但雞扒既肥肉好多, 好似得30%係瘦肉70%係肥肉咁但朕另外位同事仔叫個塊就完全冇問題仲有另一位同事仔就叫左照燒雞扒賣相當然冇咁靚, 但同樣見到蔬菜既份量都好多, 因為唔洗炸, 所以都冇咁厚同肥~ 怕肥既女仔就記住唔好食炸喇~總結係~雖然佢係食咖哩, 大家都會覺得好似好濃咁, 但camper主

番工除左帶飯，係出面食飯基本上都好難同健康扯上關系，不過今日黎Camper's Lunch就係少有既健康之選喇。望住個餐牌，你已經見到十居其九都有個菜字。我點既係烤雞野菜咖哩飯，基本上成碟飯真係接近3：2：1比例，最多既係野菜，而且種類有好多，有薯仔，翠肉瓜，紅蘿蔔等等～而且佢個飯都混左粟米，南瓜，真係好健康。至於烤雞都好嫩滑，配埋日式咖哩一流。至於朋友點既炸雞野菜咖哩飯炸雞都好錯，炸雞皮脆得黎薄，冇多餘既雞油，而且雞肉都係咁嫩滑，不過我就怕熱氣，所以都係鍾情烤雞，哈Overall黎講，Camper's既日式咖哩都唔錯，而且真係好健康，不過一個Lunch＄6x都唔平，所以一個月一次半次就夠喇！

佢哋個經濟Lunch set Menu包羅萬有，最少都有七至八個選擇. 都係50至＄60左右, 同中環比真係好抵。同事食lunch兩個帶咗8小時豬軟骨飯（類似咁嘅名），另外一個就叫咗炸雞飯。豬軟骨溫度好林好入味，連骨位都炆至軟林林個汁亦都調得好好。加分位係每碟飯都配一大咋新鮮嘅蔬菜，絕對唔係平時快餐嗰啲霉蔬菜。有翠玉瓜，蘿蔔，西蘭花，椰菜花等等等等。同事碟炸雞飯亦比遇料中出色！香脆入味, Juicy ! 係正嘅唯獨係食完之後罪惡咁會好重，要瘋狂做gym。。以50-$60 食到咁嘅水準可以算係平到笑。喺中環係絕對冇可能的。正因為咁，建議lunch Time諗辦法早啲嚟，因為都幾多人，要等下位是常識。

同事們愛上行到老遠的天后食飯, 雖然遠一點, 但都是一個不錯的選擇啊。今天選上坐忘。名字非常特別, 風格也有點像西餐, 又像日式西餐。鋪頭細細, 整理美觀, 吃得舒服。餐牌上中英對照, 看過中文不明可看英文。西方人看英文也不是問題。好了, 我點了個黑胡椒牛筋井....個黑胡椒....好黑胡椒, 加埋黑胡椒汁, 成件事真係好....黑胡椒....牛筋好淋, 非常好, 但黑胡椒....好黑胡椒.....再講埋個沙律先....我唔記得叫佢走沙律醬呀.....要走, 下次記得要走.....本來好清新的沙律....因為個沙律醬......不如你另上俾我仲好啦.......其實佢可以加幾蚊加特飲, 我最終都無加到, 感覺好似好唔抵.....最終出去買野食。成餐真係黑胡椒和黑胡椒....聽同事講, 個豬軟骨都幾ok....下次可以一試...但記住....走沙律醬....仲有咩走? 自己law~XD

在一個週日下午兩點一兩個字的時間，餐廳不太多人。太太為我和囝囝找了個近門的位置，並為我點了菜，等我泊好車來吃。飯很快就送到，而我亦剛好來到。我記起在鰂魚涌店加幾元可以有杯小飲品，大膽地向來到我身邊的女侍應借問一聲是否加幾錢就可以有杯飲品...誰知背後一名不知是老闆還是收銀的男人理直壯地說：「睇餐牌。」回頭一看...很驚，問吓啫...女侍應好像見慣了一樣，馬上拿出餐牌打開該頁，我亦馬上指著五元一小杯的果汁下order。內心只想來吃過慢活的午飯，十分鐘未吃完，心想還想替兒子也一杯小小的果汁。張單閃電間送來...又是那個男人...last order如果無野叫麻煩埋埋張單。說話是沒有東西叫才埋單，但行動是張單已放在桌上。真不敢同佢講話要多杯小果汁呀唔該。真不敢，也不敢下次再來。第一次來的時間，可能是繁忙時間，餐廳較多人，以為上一次的面色今天不用看，看來大家到店要小心一點。