坐忘 (已搬遷) 新店位置

公司樓下有間坐忘，但係未到12點已經有人排緊隊，咁耐都冇試過。今日同老公行街，佢話帶我去食間無味精嘅餐廳，原來就係天后嘅坐忘。呢間餐廳標榜嘅係冇味精，同埋每一個飯都有好多蔬菜，而最出名嘅就係咖喱。喺門口等左5分鐘到，就有得入座，以為係迫左少少。我哋叫咗個豬軟骨咖喱飯同埋牛油咖喱雞飯。豬軟骨超級極之好味牛油咖喱雞就唔係印度嗰種啦，但係味道都唔錯，全部蔬菜都好新鮮。三扒兩撥話咁快就食晒，係咪真係冇味精呢，我就覺得啲咖哩點都有少少。