坐忘 (已搬遷) 新店位置

同朋友行完銅鑼，鋪頭因為遊行落哂閘，所以去咗天后果邊，佢話有間叫坐忘幾好食，咁就一齊去試下。去到都幾多人排隊，等咗三四個字先入到去。我叫咗個蕃茄牛肋野菜飯好足料，牛肋同菜比例一比一左右。菜好鮮嫩，好爽口。牛肋都幾淋，可惜咬開就冇咩味，只係食到面果層汁的味。而飯係蕃薯粟米飯，蕃薯好甜。整體黎講係好食嘅，牛肋可以有更進步空間，汁好好味。但佢坐位偏細，密質質，大隻啲都會撞黎撞去，有個有返咁上下店員重鬧我唔好坐咁後，阻住佢出入...

我一直好喜歡吃他們的七小時慢煮豬軟骨野菜咖哩飯，基本上每次去都是點這個，但最近真是越來越失望。以前野菜份量較多，現在少很多了。還有豬軟骨，今天吃的有翻煮的感覺，有部分是焦黑了，有三分一會鞋口，幸好軟骨部分還是啫喱膠原狀。除了食物之外，最重要一點是店員態度問題，我覺得餐廳食物多好都沒有用，趕客咁款還值得再去嗎？見到對面客人食完放下筷子，就馬上走過去收走碗碟，還大聲說: 多謝曬，88！(雖然不是對住我)客人還未埋單，想飲多杯水都唔得？我知道午餐繁忙時間好多人排隊等，但都唔應該咁趕人走囉⋯⋯人地又唔係無消費!?仲有店員係客人面前講 : 食咁耐(然後黑面)其實一啲都唔細聲，起碼我聽到就算你心入面咁諗，都唔應該係個客面對講...天后分店個女店員服務態度真係好有問題整張枱，整到客，一句好無誠意嘅sorry就算，都唔問下個客有無整親...短時間不會再訪了，有都會去鰂魚涌分店😐真係好少會打文講餐廳態度問題，希望能改善一下，大家食得開心，你都做得開心啲><!!

本身都算常客，好鍾意食呢間，覺得食物有水準，價錢唔太貴。但近來覺得水準差咗好多，不但有幾次豬軟骨裡面嘅骨係硬嘅，飯汁亦越來越濃得過份。今次再去食晚飯，叫咗七小時煮豬軟骨飯。一黎到，見到碟飯明顯比平時「乾」，冇咩汁；豬軟骨食落好唔新鮮同好韌，雖然之後拎多左少少汁，但本身個肉同汁既味道都頗為惡劣，同以往差得遠。明白餐廳難免有時會失準，但經過多次嘅失望，應該唔會再黎，雖然有點可惜，但金錢唔係咁樣浪費嘅🙃

呢間天后嘅坐忘，一直都受到大家嘅好評。我覺得唔可以話香港人祟日嘅，香港人鍾意食日本野係因為平均水準真係可以好高， 呢間鋪頭嘅老闆亦都係日本人，佢帶咗呢種健康美味嘅日式料理嚟到香港呢間個特色就係佢所有嘢都恰到好處，其實我覺得呢點真係難㗎， 特別係煮一啲蔬菜嘅時候，煮得啲菜太耐嘅話佢會好林，煮得唔夠時間就會有青味，但係呢間真係令我會同時食到菜嘅甜味，同時又有啲咬口咁。啲肉呢就係一咬即化，好似圖上面嘅豬軟骨咁，佢話係慢煮嘅，有感覺到每一下都係個店主嘅心血，入味得來又好好食，仲有佢個飯都唔簡單，係落咗啲南瓜蓉，唔會話隨便比一pat飯你就算佢嗰啲嘢全部都睇到係日本式嘅心血，如果有時間真係值得去試下呀😍😍😍

7月18日下午1300 ,我和兩位同事，一起去lunch, 叫了兩個豬軟骨飯和一個烤雞野菜咖哩飯，味道很好，而且侍應生很敏捷地在排隊時已經預先落單，所以一有位坐便可以有東西吃，這個安排值得一贊。但入了餐廳後，我們就中計， 餐廳內好像沒有冷氣一樣，像一個焗爐， 我們短短食了20分鐘， 全程大汗疊細汗， 對於我們在辦公室工作的人來說， 極之辛苦！ 儘管男經理和女侍應們已盡量解釋和安撫，但身為顧客真的無法接受，沒有下次了！這次消費了$210 真的不值！

見雑誌和評論有不少人讚過，心想一定有水準，試過後才知並不是我杯茶。今天是星期六早上11:45左右，約了友人12點末到，諗著入去等等，佳因炎炎夏日三十幾度，誰知某位店員跟我說要人齊才可入座，當時整間店只有一個客人，如果是平日上班午餐時段可以理解，勁無奈在門外等友人到來。地方太細，枱與枱太近，坐得辛苦。咖哩飯聽講是人氣之選，要了一份豬軟骨雑菜咖哩飯。賣相並不討好，碟頭飯一碟。豬軟骨軟腍，但醬汁過於太濃太膩，蓋過了咖哩汁的味道。整體水準和印象麻麻，試了一次己經足夠不會再來了。

發唔發覺人大左食野就會注重多左健康🧐細個乜都可以放落口 總之越香口越重味就越好味 但大左就不了 食少啲菜飲少啲水都💩❌🤫🥴.今次推介嘅呢間就岩晒追求健康同味蕾享受嘅我地 小店主張每款食物都配多款蔬菜🥬 (有一款係15款蔬菜🤣)無味精 同埋用自家製醬汁😍😍 仲要味道係好好食 真係不得了 所以成日都要排隊 如食飯時間去就要等一陣啦😎.我地點左豬軟骨野菜咖哩飯(HK$69)&牛油雞塊咖喱配烏冬(HK$62+10轉烏冬) 真係有好多款菜🥬🥬 我地嘗試數 有翠玉瓜 紅蘿蔔🥕 粟米🌽 洋蔥 西蘭花🥦椰菜 秋葵 薯仔🥔 四季豆 仲要配埋啲咖喱係好好味🤤 雞扒有成4大舊 好味得黎份量十足 大推👍🏻👍🏻

知道呢間日式咖哩店🍛好耐，但始終無乜機會去食，早前午飯時間路經天后，當然把握機會試一吓！😊.餐廳標榜無味精、多菜🙆🏻‍♂️少肉🙅🏻‍♂️嘅健康飲食，其中以 #豬軟骨野菜咖哩飯 ($65)最受歡迎。點解咁受大家歡迎？原因係...........首先，慢煮7個鐘頭嘅豬軟骨🐷非常入味，件件入口即溶，而且有少少黏口感，証明好多膠原蛋白，女士們👩🏻一定鐘意；第二，咖哩是傳統日式咖哩，甜甜地又少少辣，好惹味🤤；最後，當然唔少得「15種一日野菜飯🥦」，當中包括15種不同蔬菜，有藕片、薯條、翠玉瓜、洋蔥、西蘭花、椰菜花、紅蘿蔔、車厘茄、南瓜等(15種野菜資料來源自Ulifestyle，謝謝#ulifestylehk )。健康💪🏼成咁，價錢😄又相宜，難怪午飯時成日大排長龍！👫👫👫👫

🐖 豬軟骨野菜咖哩飯 HK$65.豬軟骨真係超淋，佢標榜佢豬軟骨係煮足7個鍾。唔會好肥，下面有好多雜菜意，難得有咁多配菜。😋 佢個汁都算多，撈飯正，有少少咖哩味。另外，佢個飯雖然有顏色，但係唔係好食到係咩味。

I always manage to sqeeze a little time for the curry here at camper's for its curry and its generous portion of veggies. I particularly like the miso sauce with cooked veggie as well in case I can't eat curry because of health reason, but they don't offer cooked veggies no more, just a salad if you don't get the curry. I think that can be improved? As an Asian I think cooked veggies are so much more tastier than raw salad, and I hope they can consider it if they are developing new items. "Warm

好日都唔入一次天后，今日做完野，喺街頭覓食，發現依間人氣小店，即刻試食！⬇️ 豬軟骨經過七個鐘既烹調，煮得超淋超入味🤤係啖啖既骨膠原呀～～～🤤🤤得兩大舊完全係唔夠喉🤤⬇️碟中既蔬菜亦好豐富，有紅蘿蔔🥕、薯仔🥔、蕃茄🍅、西蘭花🥦、椰菜花、洋蔥、豆角、翠玉瓜😱切紋仲係波浪紋添，令到賣相更加加分👍🏻而且蔬菜仲事先炒香左，絕對係誠意之作💯⬇️ 飯入面混有啲南瓜同蕃薯粒🍠感覺特別健康，仲整成奄列形，好有心思👍🏻溝埋甜甜地既日式咖喱汁，完全係食唔停口😌📍OMG真係好好食呀，愛麗絲差啲成個碟都食埋落肚啦😋😋有機會我一定會再encore架‼️‼️

放工約左朋友 試試想食好耐嘅坐忘友人六點多到坐忘門口排隊我地其餘兩人一到就即刻入座餐廳內座無虛席 充滿咖哩香氣我點了雜菇茄子牛肋咖哩飯送來的時候不覺有異但waiter姐姐突然跑來收回咖哩飯話師父放漏左野原來係茄子飯係南瓜飯 雖然冇咩南瓜味拌埋咖哩汁 好好味不過食到最後覺得咖哩汁有點多因為雜菇好掛汁每一啖都有滿滿嘅汁朋友叫左豬軟骨野菜咖哩飯好鍾意拌碟嘅野菜有薯仔 紅蘿蔔 翠肉瓜同西芹豬軟骨好入味下次黎會再叫呢個!

平時經過呢間舖頭見咁多人排隊，覺得點都要試一次啦，今日放假就去排下隊，今日排左10分鐘左右，舖頭細細地，坐都算舒服。點左個豬軟骨野菜咖哩飯，豬軟骨好“林”好入味，啲咖哩味道剛剛好，唔會太辣唔會太甜，果然係日本仔開嘅舖頭呢~ 又唔駛收加一，啲食物價錢又唔貴，見到隔離枱食緊個烏冬都好吸引呀！而且個經理(Kenny)態度好好，雖然好多人好忙，但都有好禮貌喎，唔似人地講到似澳牛咁嘅態度呀! 下次都會再排隊試其他嘢!

夜晚要去維園比賽，當然要食飽先落場啦。係電器道一路行一路搵食，行行下見到門面有d日系風格ge坐忘，以為行左去表參道，再望下餐牌，食物以健康為賣點，岩晒啦，唔驚食錯野比唔到賽。食物選擇都幾多，第一次幫襯就試下招牌菜慢煮7小時豬軟骨，豬軟骨有兩大舊，非常入味，軟骨入口即溶，而肉質亦唔會淋到散晒，食完肉當然要食返d菜先稱得上健康，靚ge沙律菜唔洗咁多搞咁多花臣，新鮮爽口就夠！坐忘老闆係日本人，主張無味精、無食物添加劑ge天然健康料理，連醬汁都係自己調製，除左食到食材純粹ge美味，亦食得出老闆ge堅持同心意，短短一餐飯ge時間，猶如置身日本當地食店，一試難忘！唔想忘記呢種味道最有效ge方法，當然係搵日再黎回味啦！下次試第二款！

星期三晚上九點一入餐廳。未坐定男經理(Kenny?) 已經提醒餐廳十點關門。冇問題，仲有好多時間。發覺之後每一客人入門都被如此大大聲提醒。用了一點時間看餐牌，食物很吸引，下不到決定。轉頭一看，經理已站在面前趕我落單。點了黑芝麻牛肋咖哩飯。好食，真材實料。64蚊，唔貴。一百分。享受食物未到一半已被經理一聲不響收晒未用過的餐具。三分鐘後,準時九點二十九分，又大大聲向全餐廳宣布last order. 再不過2分鐘，已將賬單放到每一台上，請你提醒未食完要先埋單。隔離枱有三個女仔，啱啱開始食，冇攞銀包出嚟，被再次提醒要立刻埋單。時間只係9:35。點解收工要咁趕？看過媒體的報道，老闆是日本人，出發點很好，想經營一間好味又有營養的餐廳。街坊小店，食物有心機，冇味精，有菜有肉，價錢合理，應該多多支持。但今晚遇到的服務態度，十分趕客，很可惜。日本餐廳，澳牛服務態度The Japanese boss should look into how they rush customer out of the restaurant at 2130 and made all the diners to pay the