四季‧悅 日本餐廳 (遠東金融中心)

营业中

休息中

呢度系咗位於金鐘嘅四季•悅日本餐廳，由B出口去到只需唔夠五分鐘我哋就已經到咗喺今次嘅試食活動當中我哋俾邀請入到去佢哋嘅廂位， 環境十分寧靜而且有日本古典特色音樂配合至於禮貌方面職員都十分友善 而且佢哋會好細心咁自動地添荼頭盤係一碟蟹肉沙律， 顏色十分鮮豔，令人胃口大開， 蟹肉裏面充滿著海水味， 十分新鮮， 而且佢哋特製嘅醬汁令到 整道菜式都添色不少在菜式裏面還有刺身 油甘魚牡丹蝦帶子蒸物 三文魚子海膽蒸蛋吸物 松茸蟹土瓶湯燒物 燒鱈場蟹腳 甜品黑糖蕨餅值得留意的是 炸物 炸軟殼蟹配天婦羅以及食事 鱈場蟹腳火鍋配烏冬喺系呢個菜色佢配有特製嘅醬汁，食用時要將個醬汁淋上去， 蟹嘅鮮味加上 特製 醬汁嘅道，調製好的天婦羅漿， 既不會搶走天婦 羅口感，又帶出咗蟹同醬汁嘅鮮味。係食完炸物之後其實都感到略為飽感， 約六成飽左右。鱈場蟹火鍋配烏冬， 佢嘅湯底係以 鱈場蟹腳煮製而成，而烏冬是來自讚岐出產烏冬既添， 喺火鍋裏面佢仲有，冬菇 ， 少量的韓式 粉絲，燒豆腐， 小棠菜，白菜 鱈場蟹等等配料， 豐富嘅菜式以及完善嘅 一對一 服務態度 都係值得我再來四季•悅嘅原因

和味蟹逅🦀「同咩人就食咩野😜」最近偽文青同同樣愛食蟹既朋友仔即興去左食蟹宴！鱈場蟹 刺身 海膽 都係我最愛😍.先付 鱈場蟹肉沙律新鮮沙律菜加埋豐富雪場蟹肉同蟹籽，非常清新既一個前菜，配埋個和風柚子汁勁醒胃。.刺身 油甘魚腩，帶子，牡丹蝦食日本野點少得刺身呢？依個Set 就有三款好鮮味既刺身，油甘魚腩非常新鮮，肥厚嫩滑，食入口甘甘甜甜，滑嫩多膠，成個口都充滿油花。帶子就細粒小小，不過都非常鮮甜，入口爽口彈牙。最後隻牡丹蝦又肥又大隻好甘甜，蝦肉緊實中充滿彈性，不錯。.蒸物 三文魚籽海膽蟹肉蒸蛋 依個蒸蛋真係不得不讚，好好味，一打開個蓋已經見到有一片海膽同好多三文魚籽，非常吸引，即刻舉起匙羹食野，點知一插隻羹入去，直接跌落底，個蛋係超．嫩滑，蒸到岩岩好，好似d 奶凍咁，好嫩口，配埋海膽三文魚籽入口鮮味到不得了，好好味，個底仲有小小年糕，好煙軔既收尾。.吸物 松茸蟹土瓶湯 食完d 頭盤啦，我地就飲左個湯，清清個口準備食主食。依個湯好特別咁用個茶壺裝住，好有特色。個壺入面有兩條蟹腳，同一d 菇，清清甜甜咁幾好飲，另外佢跟一粒既青檸加少少落去d 湯度好fresh😂.炸物 天婦羅軟殼蟹天婦羅，外層炸

四季悅唔單止晚市有放題食之外，最近仲係seasonal食蟹既好時機，見價錢唔算貴""所以襯新鮮就要食左先啦蟹肉沙律~已經清除所有殼，一絲一絲既松葉蟹肉mix埋新鮮既沙律菜，加上旁邊既醋醬汁加持！效果食出更惹味。又有蟹籽，口感食落天豐富！！order左幾款刺身， 牡丹蝦size大大隻，無雪藏到超冰凍既感覺亦無雪氣味，食出膠質地感覺非常好鮮甜就係咁簡單帶子細緻綿綿，入口順滑松茸蟹土瓶湯，瓶身非常熱~吃時候小心整親！！加上點點既青檸汁入湯內，更感鮮味，散發出獨一無二既味道！內有松茸，豆腐，蟹腳等，湯頭好清甜帶點青檸味！加上放入杯仔飲用，更有特式 三文魚子海膽蟹肉蒸蛋，看上來已經非常吸引了吧！？？食落更驚喜蟹既鮮味全完融入白滑既蛋內，蛋一 d都唔老火喉控制得好嗎toping加左三文魚籽，海膽！更矜貴海膽份量大大片，應屬加拿大海膽~甜味甘香！正呀炸軟殼蟹天婦羅，粉漿非常薄，而且唔會食到食口油膩感蟹帶少少膏，食起黎更好味 天婦羅汁加上蘿蔔蓉作調味，無得輸！

位置方便易揾,入到餐廳環境寬敞舒適,每枱亦有非常足夠的空間放置每碟食物;除酒精飲品其他是任飲,雖選擇不多但夠精,尤其一款飲的提子啫喱飲品,口感特別又好味;食物方面壽司及魚生都新鮮精緻,亦包括海膽及三文魚籽壽司,亦另送上一盤長蟹脚(約十隻);熟食方面最滿意係炒牛粒(肉嫩多汁),燒鰻魚,燒銀鱈魚,燒牛舌,茶碗蛋;至於甜品芝士鯛魚餅最好味(其他麻麻)。最重最重要係不會食到趕頭趕命,因為係4小時放題(不過我的一枱大約兩個半鐘就走,夠哂時間,今次放題都滿意呀(三個人去,每人連加一約$500)

四季悅放題最吸引到我既地方一定係佢既MENU, 食物既種類不但止多, 而且有好多都係高級食品, 而家一個價竟然可以包哂可以任食, 我一定要襯呢個機會試多D唔同既野食!! 牡丹蝦我從來都冇見過咁大隻既牡丹蝦, 有成隻手掌咁大!! 一食落去D汁多到好似爆哂出黎咁多!! 我原本以為得第一輪會係比D咁大隻既蝦比我地, 點知原來質素係唔會降的!! 真心正 和牛粒一口和牛粒呢D好普通姐, 但呢個就真係一D都唔普通!!! 我建議和牛FANS一定要叫呢個黎食, 因為佢真係和牛黎!!! 入口即溶不是說笑!!! 我地叫左起碼4,5碟, 牛香味超重!!! 燒物呢度既燒物係即叫即燒, 有D好特別既例如燒菠蘿都有係度!! 而我覺得蔬菜黎講最好食既一定係呢個燒栗米, 佢唔會燒到好DRY!! KEEP到粒粒栗米都爆水咁, 而且佢成條去燒, 一定唔會係好似其他放題店咁買盒裝栗米粒黎食!!

今次食既呢間放題係位於金鐘既, 價錢上唔算係好平, 但係我食完之後既結論係物有所值, 食物既質素同價錢係成正比既 有好多放題餐廳都冇既食物可以選擇, 我個人既必食推介一定係呢個鰻魚!! 無論壽司定係燒鰻魚我都係勁推介, 因為真係好好味, 出去食都唔會平得去邊, 呢度竟然有得任食, 仲要叫幾多上幾多 另一樣我推薦既就係茶碗蒸, 呢度既茶碗蒸材料足, 入面真係有隻蝦係入面, 超級鮮甜 拖羅壽司當然唔少得啦, 真係入口即溶既感覺唔係度度都食到, 更何況係送題餐廳!! 厚厚既拖羅超滿足!!

前排睇到好多人都PO去食放題影條大拖羅, 我即刻上網搵下係邊間餐廳原來就係呢間, 我都慕名而來試下呢個豪華盛宴 地點都幾易去, 金鐘站一出過對面就已經到左餐廳既裝潢同格局都好日系, 店員都好熱情好似真係去左日本食野一樣 呢度既MENU食物選擇超多, 淨係刺身都已經有好多款仲有熟食, 湯等等, 都係無限任揀 到左吉時(好似係哈哈), 就有個主持走出黎叫我地一齊埋黎欣賞師父切拖羅都幾好睇, 對我地食客黎講最正都係佢會即場切大拖羅同細拖羅比我地食 大小拖羅平時出去食呢碟個價錢都起碼OVER80蚊, 可能仲冇咁新鮮TIM食落既口感真係與別不同, 大拖羅有少少入口即溶既感覺, 兩隻都好鮮甜, 可惜每人只分到一碟, 好想再回味!!! 甜品方面係呢隻雪糕, 我建議大家留肚食, 因為真係超YUMMY, 好RICH既口感!!

如果在金鐘不知道要吃什麼，選擇這家肯定不會失望！這裡的午餐是我的最愛！有2年的生日都來了這裡過。生魚片：每次都要吃，好吃！新鮮！天婦羅：超脆，口味正！鰻魚飯：不會太甜，鰻魚烤到恰到好處！牛肉飯：牛肉是高級的，很嫩！調味可取！鱈魚：一句話，嫩到爆！總體，非常喜歡的餐廳！

呢一餐除左因為地點係金鐘之外我完全諗唔到點解會值4百幾蚊⋯牛肉鍋-完全無Sukiyaki味，牛肉老、連冬菇都無味、仲要加白菜做底，成件事錯晒⋯甜蝦-唔夠新鮮，帶有苦味⋯海膽-無海膽味，質感奇怪⋯蔥吞拿魚蓉卷-點解無蔥架？名不符實⋯茶碗蒸-無蛋味，仲加左唔好味的雞肉係底⋯魚生-乾「珍珍」，無魚味⋯薄燒牛肉卷-熟牛肉包生牛肉係賣點？！入面d肉係生既，完全唔熟⋯牛舌-好乾，好韌⋯鯛魚燒-好多粉，仲要唔熟，紅豆極少，難食與其用$500黎呢度食放題，不如去搵間酒店食自助餐把啦⋯完。

同事慶生來到食午飯！不錯不錯！餐牌都算選擇多！我揀左個煎魚飯餐！送上枱時見到份量都多！個個好香！味道偏甜，如果可以的話做到個皮係脆身嘅話就就一流啦！天婦羅個粉漿夠薄！香脆可口！最鍾意食係南瓜！身為互動愛好者，呢碗烏冬一般般，唔夠爽口彈牙！價錢嘅關係對佢要求會比較高！個蒸蛋好滑，係超級滑，都好香蛋味！不過我竟然覺得八海山個蒸蛋好食啲！個餐個有個少甜品，忌廉泡芙！呢個都幾好食，我覺得佢好特別係因為我食完成個餐先食佢，佢都仲係凍凍的👍🏻不太甜！

朋友收到消息 四季‧悅,因週年慶典, 特別推出原條黃鰭吞拿魚極尚放題 , 有得觀賞及食原條黃鰭呑拿魚, 所以朋友一早預訂與我大擦一番美食。 開魚儀式 : 7:00~7:30pm開始 這黃鰭吞拿魚重35kg,十分大形壯觀。 師傅切開黃鰭吞拿魚頭先。 接著利落刀法剖開吞拿魚背,並講解這部份是赤身; 而剖開魚腩部份,就是最肥美的拖羅,分別有中及大之分。 本人是首次睇開原條黃鰭吞拿魚,簡直大開眼界呢!每人有中拖羅及大拖羅, 魚肉口感油潤而軟滑,魚味濃郁豐腴。 當然大拖羅特別肥美油脂豐富, 入口充滿油香呢! 特別送上每人一件吞拿魚西多士, 香脆多士上有吞拿魚蓉及香甜洋蔥, 十分美味可口。 也特別送上吞拿魚湯,揉合海帶及豆腐等材料, 以吞拿魚熬出鮮香帶甘甜的湯。 點了任食的食物 指定動作點了多款剌身中, 特別牡丹蝦肉質晶瑩剔透,口感鮮甜彈牙,而帶子清甜厚肉,三文魚、油甘魚、劍魚腩、馬刀貝,全部都鮮甜肥美十足。壽司點了甘甜海膽壽司、香甜的蔥吞拿魚蓉壽司及幼滑的鰻魚壽司 ,全味道不錯。 銀鱈魚西京燒,魚肉質鮮嫩滑,帶甜甜地沒魚腥味,令人回味無窮。 蒲燒鰻魚肉質幼滑油脂豐富,甜味醬汁十分合襯確,實

這次是以媽咪生日理由去食這間餐廳食放題的, 因為媽咪喜歡三文魚刺身。可惜, 它連出面$288的放題也不如, 何況佢收我$428 加一!食物: 食物是新1鮮的, 但人地出面X屋呀, XX屋呀咁刺身都厚切架啦, 佢薄到死, 款式已經唔夠人多, 仲要咁孤寒。是要厚才ENJOY呀!送: 因為我們不是買COUPON的, 所以有翡翠螺送, 這個是很好啦, 但出面人地加多版海膽呀!坐位: 我們一行六人, 3男3女, 但安排坐在沙發, 我們要求可否分開拼枱坐在椅子, 答案是NO.........畢竟要2個男人脾貼脾......我們又有2個很大件的......飲品: 很少選擇呢, 只有一個門口CORNER, 就莫講話要渴酒了.....服務: 很好, 有一次想要綠茶, 出面沒有了, 待應生立即從裡面拿了好幾罐出來, 收碟都好快, 但張枱都係唔夠大呀, 放不了很多碟時間: 是的, 6-10PM 4小時任食, 但又有誰可以食足4小時唔走? 如果有, 你就認了吧.....我們因為很少選擇, 食了1.5 小時就走了, 就當食餐飯算了......其實以我知道, 它前身是一間日本餐廳, 不做放題的。現在改做放題就要出

較早前曾與友人來過食日式晚上放題，價錢是 $428 一位聽友人講今次有即劏原條黃鰭吞拿魚表演，會在10月10日舉行，都吸引了我們來觀看及再食放題，而價錢會有不同，這個【原條黃鰭吞拿魚極尚放題】價錢是$1188 ，但是預早訂購可有8折優惠，即是每位是 $950.4，用餐時間都是一樣由6pm-10pm內 4小時任食。而開魚儀式時間由19:00pm至19:30pm，每位可以享用到大拖羅及中拖羅各三件，而且任食赤身及拖羅壽司!之後分別在10月17日及10月27日都會再有即劏原條黃鰭吞拿魚表演，真是不好錯過。解魚表演時間到了，解魚師傅馬上手起刀落，即場解魚，把重30公斤原條黃鰭吞拿魚解剖，讓我們稍後有鮮味的吞拿魚刺身品嚐。先來有大拖羅一片及中拖羅三片，中拖羅油分比大拖羅較少，口感軟嫩細滑，筋也少，有魚味口感十足。而大拖羅呈粉嫩的色澤，雖然未算是好肥美，味道尚算甘香，但都有入口即溶的感覺。放題點菜紙有4張， 有前菜、甜品、飲品、刺身、壽司、卷物、燒物、炸物、煮物、飯、麵及湯。刺身方面先點了三文魚、牡丹蝦、帶子、劍魚腩等，劍魚腩入口即溶之外，油香味重，讓我吃得津津有味，牡丹蝦口感黏身爽滑，蝦肉軟嫩香

早前跟朋友黎呢度食飯留底左電話俾餐廳，話有新菜式或食材時可以得到最新嘅消息。估唔到咁快就有了，仲要係原條黃鰭吞拿魚即開即食，不過人數限定只有４０人咁當然即時答應，並約埋朋友一齊過黎飽餐一頓啦。開魚之前當然把握時間，幫呢條重達３０ＫＧ嘅肥大黃鰭吞拿魚影返輯沙龍先。正式劏魚時，兩位師傅合作無間快速地將吞拿魚去頭，開邊，反轉再拆解。整個過程乾淨俐落仿如黑潮市場嘅現場表演咁，仲詳細講解魚嘅各部位同結構，等大家食之前已經有一個滿足嘅視聽享受。師傅呢邊一劏完，店員就立即將切好嘅魚肉送到面。每碟都有三大片厚切赤身及一片拖羅。拖羅肥美非常，油脂豐富入口油香突出而赤身入口綿實甘甜，新鮮切出黎就係咁值回票價。最緊要係可以不停REFILL唔食多幾碟真係對唔住條吞拿魚。除左吞拿魚之外呢度魚生同壽司例如三文魚／牡丹蝦／帶子／海膽壽司等嘅質素都幾唔錯同新鮮，一樣可以食返夠本。但因為我地目標明確一心主攻吞拿魚。其中吞拿魚軍艦更係以即劏黃鰭吞拿魚嘅骨邊肉製成，鮮甜味美值得再三品嚐。食嘅時候記得配上呢度嘅梅酒，入口甘甜順喉梅香濃郁，同魚生刺身好夾。加上無限添飲真係令人不醉無歸。而熟食方面選擇都幾多，銀鱈魚西京燒煎得焦香

今次係第2次嚟四季‧悅放題！上次食完已經對佢Ｄ任食海膽軍艦念念不忘，估唔到上次留左CONTACT，佢今次有吞拿魚之夜竟然會邀請我去食，雖然第一下聽到要成$950係有啲卻步，但FOLLOW UP服務加上海膽軍艦、仲要吞拿魚之夜只係招待40人，咁多理由係度召喚我，最終緊係忍唔住去左啦！當晚，日本師傅已經準備好一條成30KG的吞拿魚比大家影相！條吞拿魚真係超！巨！型！大家可以一路食放題，一路等齊其他食客。齊人之後仲可以現場睇到日本師傅吞拿魚的表演！放題當然唔少得我最愛的海膽啦！海膽依舊超甜超creamy，紫菜脆卜卜，一食就知新鮮！！呢度的任食海膽真係冇得輸！其他刺身就一如概往，夠鮮甜啦！一口牛燒得好好食，好淋，一咬好多汁，係個人覺得咸左少少。當晚主角吞拿魚出場！每客會有３片吞拿魚及一片吞拿魚腩！不得不說，魚腩真係好滑、油脂比較多所以好淋，成啖魚腩入口好好好香！最緊要係，吞拿魚真係新鮮係你面前劏出嚟，唔係咩次等雪藏貨。話得吞拿魚之夜緊係可以無限ENCORE啦！其他放題必食嘅野唔逐一講，臨走前，佢地仲話17號同27號會再搞吞拿魚之夜添！講真，淨係任食海膽、超新鮮吞拿魚，加上專人劏吞拿魚表演，都已