四季‧悅 日本餐廳 (遠東金融中心)

营业中

休息中

朋友訂了晚飯放提，一心諗住食好嘢，又有靚環境 點知出哂事 最後食到不歡而散 最後有過半數都肚疴刺身 - 普通爭鮮貨色 壽司 - 舊飯幾實又大舊 帶子得一半熱食 - 咸 咸 咸炸物 - 炸到隻雞翼好似中左輻射咁 勁多粉 細雞翼炸到變大雞翼 其他炸物都麻麻地飲品 - 四洲飲品 好甜呀 提子勁甜同香料味 檸檬茶 入唔到口 朋友飲左兩啖 放棄 㗎啡 朋友話ok我就當然係飲雪碧 安全d甜品 - 泡芙 大家要小心 勁大隻入面係雪糕 冰既要比五分鐘air 下先咬到有幾樣嘢都無 你左落單 但係服務生係唔會話你聽無貨 你要問佢先答你總結 - 呢個價錢 比旺角 尖沙咀 銅鑼灣 高 但質素就比@150 既放提都不如其實唔想做放提就唔好做 做番高級既日食免得一心想食好嘢既人 不歡而散 安排既朋友又尷尬散場

我地一家五口一向喜歡食日式放題，貪佢多款式選擇又不用行出行入有人送到，所以每逢生日做節都必選日式放題，食開大x屋集團非常滿意，但今次因為奶奶👵🏻759買野有75折coupon 所以試試這間四季·悅，果然有驚喜👍🏻👍🏻👍🏻首先地點非常方便，近金鐘地鐵站，環境坐位也非常舒適淨潔，店員安排了我們坐窗囗卡位，望到幻彩詠香江架，連一向要求高嘅奶奶都非常滿意，跟住到食物方面也非常精緻，值得一讚係佢嘅自家製甜品，上面係啫喱下面係黑芝麻布甸，配合得好好，甜度適中，我地一家人都非常滿意👍🏻👍🏻👍🏻環境舒適自家甜品😋😋😋刺身十分新鮮，美中不足係無北寄貝我最愛嘅蛋類整體來說本人十分推介大家一試

成日食放題， 今次想試下一啲高質嘅放題，要差唔多400蚊，可惜失望而回...刺身都算新鮮 ，而且有魚油嘅香味， 要成差唔多400蚊一個人， 相信呢啲質數都係預咗㗎啦！呢度有海膽壽司， 普通嘅放題餐廳未必有，呢個係加分位，可惜佢嘅海膽唔鮮甜，質素普通過普通， 但為咗返本嘅緣故， 都食咗好幾件。全晚最好食嘅熟食就係燒鰻魚 ，好肥美 ，燒得好香！ 其他嘅熟食例如羊架嗰啲就一般般啦，唔差，不過都唔會好高分，其實同出面二百幾蚊嘅放題差唔多質素， 所以對四季悅有啲失望。

今日男朋友媽媽生日，加上有節所以就專登去咗金鐘食放題，先知道原來原價一位要四百幾蚊，我諗如果唔係有折扣都唔會專登嚟食嘢食種類來講比一般嘅放題算係少一啲，但應有嘅都會有齊，意思即係花款唔算多唔會話有乜嘢係未見過或者平時放題係搵唔到刺身不過不失所以冇乜點影相，但壽司來講質素確實唔錯，所有都係新鮮即整紫菜好脆，海膽賣相雖然一般但係味道都好甜，三文魚子大大粒份量都唔算少！ 帶子好薄麻麻地。值得一提嘅係牛肉薄燒，唔好睇佢賣相唔吸引，佢肥牛入邊包住燒香左嘅蒜蔥等等，所以食落去好香口好好食，值得一推上菜速度叫幾快，員工嘅數量都足夠，見其他人評語話上菜好慢份量又小，但我今日又唔覺

環境好，服務亦好，除限食5片和牛外，其他食物質量一般，不要有太大期望，尤其是刺身，完全不肥美，點了一次就已足夠了，没有興趣再加！甜品又少選擇，没有好東西岩食。服務好，環境好，座得舒適！金鐘站上蓋，方便散水！

又到了年底，很多時都會想想今年自己做過什麼，明年的計劃又是什麼… 原來轉眼間，和男友一起已經快五年了，時間真的太快，從學生走到現在出來工作，自己感覺也確實不容易。整理照片時發現，在10月的時候，我們去吃了一家很不錯的日本餐廳慶祝生日，現在和大家分享一下喔~當天我們去吃的是高質放題，主題是原條的黃鰭tuna的開魚儀式哦。我一早就訂好位了，每位的價錢是$950，雖然聽起來是有點貴，開始的時候我也會有點心痛，但吃過之後才知道真的是物有所值。在開魚儀式過後，每位即場就可以吃到大拖羅及中拖羅刺身! 拖羅吃起來油香味重，豐腴細滑，重點是筋少而脂肪多，魚味極濃，味道更會一直縈繞心頭!除此之外，還會有現場製作的吞拿魚他他配法包，香濃的味道配脆口的法包，好吃。為什麼說這裡是高質放題？因為他們家的刺身、壽司和和牛都好好吃!刺身方面，雖然選擇不算超級多，但是每一款質量都很高。我們主要吃的是三文魚、油甘魚、牡丹蝦、帶子等等。裡面我最喜歡的就是牡丹蝦和帶子了! 牡丹蝦吃起來甜且清 ，而且肉質沒有甜蝦那麼「 削 身 」 ， 好好吃。至於帶子，每一片都有有個五蚊銀那麼大，而且還是切得很厚身。吃起來帶子味濃郁，爽口又

工作關係，偶然會到金鐘一帶食晏，其中令我最苦惱的莫過於 - 等! 想食完飯再响附近商場行下嘅時間都用哂黎等位，真係浪費生命! 好彩記得呢一間餐廳 - 《四季·悅》!其實我係第二次幫襯呢間餐廳，上次同朋友食，已經覺得質素唔錯，今次再同同事食，個個都讚好，係時候同大家分享。坐位以快餐店模式，不過食物同服務就有日本餐廳質素，今次我選擇$140牛仔骨飯，有7件，塊塊有手板咁上下大，超出預期!(唔知係咪我手機有問題，上載唔到張相)而其他日式定食都係大約$100，相信好快會再食!

返工lunch time行左去金鐘搵野食，見到呢間個門口幾吸引就入左去。佢lunch set既野食都貴少少，差唔多100＄一個lunch。而我就叫左個沙律同個咖哩豬排飯。野食都上得幾快，而且職員都好有禮貌。而個沙律就好正常既日式麻醬，冇咩特別。而個咖哩豬排飯，d咖哩都幾甜，係我鐘意既日本咖哩，唔算太辣，個豬排都係即炸，都幾脆口。但整體上只係一般，可能我冇叫魚生，如果只係以lunch既話就有少少貴，而水平只係一般。

今次同屋企人慶祝生日，特意嚟依度食放題，有即開吞拿魚刺身，仲有拖羅食添。原條吞拿魚，師傅即場開被客人睇，手法俐落，仲即場解釋埋各個吞拿魚嘅部位。表演完之後師傅會將吞拿魚切開，再分給每一位客人。每位客人都會獲得一份拖羅、拖羅法包同湯，拖羅食落味道都幾鮮甜，脂肪分布都幾好，所以食落都幾油潤。第一次食拖羅嘅法包，以為會唔係好夾啦，但係食落感覺都幾新鮮。依度嘅刺身種類唔算太多，但係樣樣都非常好食新鮮同埋肥美，有吞拿魚、三文魚、牡丹蝦、榮螺、馬刀貝同埋帶子等等，我比較鍾意食帶子，食落口感厚實，味道鮮甜，感覺好滿足。壽司方面非常鍾意佢嘅海膽壽司，見我叫咗咁多就知啦。海膽壽司食落味道鮮甜絕對唔似用啲平價嘅海膽去做。一定要叫嘅食物方面有浦燒鰻魚、銀雪魚西京燒、鐵板一口和牛粒。鋪燒鰻魚味道香濃，鰻魚肥美，食落好香嘅買你一同事醬汁燒得又好返嘅焦香味。牛柳粒口感香嫩，仲有好多得添，食完一碟再叫一碟呀。

呢間餐廳係行日式放題, 大部野都有, 比較特別係有塘心蛋食!好少放題有得食, 基本上無咩見過~大廚會係所有人面前將一條新鮮吞拿魚切開, 即時享用最新鮮既吞拿魚刺身!基本上手法好熟, 幾下就將一條勁大條既吞拿搞定左! 之後條魚會進一步拎去俾廚房做野,整成刺身俾我地食, 廚師都會有講解邊個部位係腩, 邊D係瘦D既肉, 如果有問題可以走去問佢嫁!刺身出來後係每人有3件既! 可唔可以再加就忘記左問 因為我只食左3件, 我咩都想試D 試試下已經好飽~和牛粒係呢到最正既菜之一, 入口就已經覺得口感同一般牛不同, 偏軟同溶,有小小入口即溶既感覺, 不過脂肪比未去到話即溶個隻肥度, 太肥其實我覺得會太油, 佢呢隻反而比較岩我, 因為好多人追求比較肥個隻,食落去好似食雪糕咁, 我反而唔太中意!基本上呢到D刺身都好新鮮, 主打刺身為主都OK,鮮味比較重, 質素比較高上,服務水平都好高一定要黎試下!

踏入秋季，蟹便變得大受歡迎，很多餐館都以蟹入饌，製作不同以蟹為主的菜色。得知這裡新推出一系列的蟹宴，便帶著友人來到這裡一試究竟!和風蟹宴共有八道菜，必少看它啊，吃著吃著真的很飽呢! 看到餐牌的菜色，已令我急不及待想品嚐!先付--蟹肉沙律已拆肉的松葉蟹與蟹籽份量十足，鋪於沙律菜之上。蟹肉的鮮甜配上原先無味的新鮮爽脆沙律菜，相當合宜；如嫌乏味，可淋上柚子汁，但味道大有我想像的清甜，鹹味較為突出，個人認為不用淋汁，吃原始的味道已相當鮮味。刺身--油甘魚，帶子，牡丹蝦吃日本菜，刺身怎能缺席呢? 這碟刺身相當重本，三片帶子，兩大片油甘魚，一大隻牡丹蝦，看上去全都十分光滑肥厚。由於不吃刺身，品味則留給與我的友人。佢表示油甘魚滑嫰，入口順滑；帶子新鮮清甜；牡丹蝦嫰身之餘亦頗爽彈，在友人的鼓勵下亦咬了一口，一向怕生的食物的我亦感覺不錯，起碼不抗拒。蒸物--三文魚籽海膽蟹肉蒸蛋蒸蛋是很普通的食物，可是這裡的做法卻頗特別。一開蓋已能令你嘩然! 不單止有主角蟹肉，還有大大粒三文魚籽和一大匙的海膽! 絕對是豪華版的蒸蛋! 可惜我不吃海膽的，但看見友人吃得津津有味的樣子就知道其鮮甜度。三文魚籽和蟹肉的鹹香和甜美

蟹真係我最愛食既海鮮黎, 一聽到有蟹宴就馬上流哂口水仲要係日式既蟹宴, 質素同味道都同港式既食法不一樣 燒鱈魚蟹腳神級蟹腳, 廚師細心的已經將呢個長蟹腳最礙事個d骨拆走, 我地只需要用快子輕輕咁將d蟹肉起出黎就已經可以享受到呢個燒蟹腳既味道, 我超鐘意呢道菜係因為d蟹肉係超級多, 只有蟹肉做主角所以可以盡情享受個蟹肉既鮮甜口感 鱈魚火鍋配烏冬呢個應該算係主食, 估唔到都幾好味, 鍋入面包含左好多不同既材料, 有菇有蟹有紅薯粉, 最後仲可以落埋個烏冬, 吸哂成個煲既精華!! 黑糖蕨餅呢個係日本好出名既蕨餅, 口感軟熟而且味道好香甜, 但又未到甜到漏, 所以一客4個既蕨餅都可以輕鬆食哂, 完全唔覺得過甜既味道!!

大家都知係香港食海鮮一係就唔新鮮一係就食唔飽今次竟然比我食到間好味得黎又食得飽既蟹宴!! 蟹肉沙律呢度既蟹肉沙律唔係用蟹柳當蟹肉, 係真係有蟹肉架, 仲要係鋪滿左係沙律上面, 本身既蟹肉味道已經係最佳既調味料, 呢個蟹肉口感上係好鮮甜, 同埋蟹味都幾重下 松茸蟹湯呢個既飲法都比較特別, 係將d湯倒落去個碗仔度, 好似沖茶一樣, 幾特別既體驗, 而入面既材料都好多同埋好新鮮, 我食到既有蟹肉, 菇同埋雞肉, 所以湯既味道都好濃同埋好出下!! 軟殼蟹天婦羅天婦羅配沙律醬真係一個超級夾的組合, 甜甜的口感令到炸物減少左個油膩味道既口感, 取而代之既係好清新既甜味, 呢個軟殼蟹份量唔算多, 不過因為個殼都食得, 所以基本上係成舊可以食落肚

因公司在附近，所以我有時也會與同事到四季悦吃午市套餐，晩餐則是放題。得知最近它們晩市有個和味蟹逅餐，聽到我心動，下班後便約了寶寶來試試。以蟹為主題的八道菜，正價是 $860/位，但如果先預訂及付訂金就只需 $680/位，相對下更掋食，記著要預訂唷！第一道菜是蟹肉沙律，用了鮮甜的蟹腳肉，還有脆卜卜的蟹籽做成日清爽沙律，再配上和風柚子汁，酸酸的又帶果味，非常開胃。第二道菜是刺身，因之後的菜也全是蟹，所以先吃令口腔有清新感，味道較為清淡的刺身。有爽口彈雅的牡丹蝦、帶子和油甘魚腩。魚生厚肉、肥美、鮮甜，相當高質。第三道菜是有趣的松茸蟹士瓶湯，把湯用日式茶壺盛上，另外有個碗子讓你把湯倒進，一口一啖湯，好讓食客可以慢慢細緻地品嚐湯。湯底鮮甜好味，有蟹腳和雞肉。餐廳還奉上青檸，加點青檸汁更能把湯裡的鮮味更特岀。第四道菜是三文魚籽蟹肉蒸蛋。蒸蛋非常嫩滑，還有海膽的鹹香、鮮甜的蟹肉和脆口的大粒魚籽，味道豐富。原來底下還驚喜，竟然有日本年糕在底唷！因年糕無味，所以沒有搶去蒸蛋的味道，但煙煙韌韌的口感令蒸蛋更有層次感，很有創意。第五道菜是軟殼蟹天婦羅。粉漿的份量下得恰到好處，所以脆粉薄身，令軟殼蟹能保留其鮮

秋風起, 除了是三蛇肥外, 蟹亦開始肥美了, 所謂不時不食, 吃時令的食材, 就是吃它的最佳狀態, 準沒錯的, 所以知道四季悅推出蟹宴後, 朋友就訂位來吃, 原價$860, 落訂訂座後有折每人$680, 每次去日本都食蟹, 省回機票在香港食, 也是不錯的選擇。蟹肉沙律由松葉蟹腳拆肉出來, 皇帝級的食蟹享受, 啖啖蟹肉鮮味十足, 口感一流, 沙律菜亦很新鮮爽脆, 和蟹籽粒粒一起食, 多了一重鮮味, 配上和風柚子汁酸微微的很開胃, 也有很日本風味。油甘魚腩、牡丹蝦、日本帶子油甘魚腩淺紅色帶半通透, 入口爽甜, 肉質有緊緻彈性, 鮮味細緻, 魚油豐富; 日本帶子雖然不算很大隻, 但質素有保証, 食出鮮味無雪味; 牡丹蝦是當中我最喜歡的, 蝦肉雪白有光澤, 且很有肉感, 味道鮮甜, 肉質爽彈, 膠質重, 蝦的鮮香在口腔中徘徊。松茸蟹肉土瓶湯以茶壺來盛載湯和湯料, 是日本的傳統做法, 據說蟹用來煮湯會有少少腥味(其實我不覺得), 所以配上青檸, 加入湯內去腥, 湯滿滿是鮮味, 加了青檸更能提鮮, 松茸和鴻喜菇都是用靚貨, 蟹肉是用上連殼的鱈場蟹, 很矜貴, 怪不得湯頭這麼好喝了, 基本上全部湯