影片
更多
2017-10-19
1279 浏览
早前跟朋友黎呢度食飯留底左電話俾餐廳，話有新菜式或食材時可以得到最新嘅消息。估唔到咁快就有了，仲要係原條黃鰭吞拿魚即開即食，不過人數限定只有４０人咁當然即時答應，並約埋朋友一齊過黎飽餐一頓啦。開魚之前當然把握時間，幫呢條重達３０ＫＧ嘅肥大黃鰭吞拿魚影返輯沙龍先。正式劏魚時，兩位師傅合作無間快速地將吞拿魚去頭，開邊，反轉再拆解。整個過程乾淨俐落仿如黑潮市場嘅現場表演咁，仲詳細講解魚嘅各部位同結構，等大家食之前已經有一個滿足嘅視聽享受。師傅呢邊一劏完，店員就立即將切好嘅魚肉送到面。每碟都有三大片厚切赤身及一片拖羅。拖羅肥美非常，油脂豐富入口油香突出而赤身入口綿實甘甜，新鮮切出黎就係咁值回票價。最緊要係可以不停REFILL唔食多幾碟真係對唔住條吞拿魚。除左吞拿魚之外呢度魚生同壽司例如三文魚／牡丹蝦／帶子／海膽壽司等嘅質素都幾唔錯同新鮮，一樣可以食返夠本。但因為我地目標明確一心主攻吞拿魚。其中吞拿魚軍艦更係以即劏黃鰭吞拿魚嘅骨邊肉製成，鮮甜味美值得再三品嚐。食嘅時候記得配上呢度嘅梅酒，入口甘甜順喉梅香濃郁，同魚生刺身好夾。加上無限添飲真係令人不醉無歸。而熟食方面選擇都幾多，銀鱈魚西京燒煎得焦香
開魚之前當然把握時間，幫呢條重達３０ＫＧ嘅肥大黃鰭吞拿魚影返輯沙龍先。
正式劏魚時，兩位師傅合作無間快速地將吞拿魚去頭，開邊，反轉再拆解。整個過程乾淨俐落仿如黑潮市場嘅現場表演咁，仲詳細講解魚嘅各部位同結構，等大家食之前已經有一個滿足嘅視聽享受。
師傅呢邊一劏完，店員就立即將切好嘅魚肉送到面。每碟都有三大片厚切赤身及一片拖羅。
拖羅肥美非常，油脂豐富入口油香突出而赤身入口綿實甘甜，新鮮切出黎就係咁值回票價。最緊要係可以不停REFILL唔食多幾碟真係對唔住條吞拿魚。
除左吞拿魚之外呢度魚生同壽司例如三文魚／牡丹蝦／帶子／海膽壽司等嘅質素都幾唔錯同新鮮，一樣可以食返夠本。但因為我地目標明確一心主攻吞拿魚。
其中吞拿魚軍艦更係以即劏黃鰭吞拿魚嘅骨邊肉製成，鮮甜味美值得再三品嚐。
食嘅時候記得配上呢度嘅梅酒，入口甘甜順喉梅香濃郁，同魚生刺身好夾。加上無限添飲真係令人不醉無歸。
而熟食方面選擇都幾多，銀鱈魚西京燒煎得焦香軟滑，作為下酒小食非常合適。兩款牛舌各具特色，調味唔錯。汁煮牛肉同埋炸軟殼蟹我地都柯打左兩轉，作為食吞拿魚刺身嘅調和恰如其分。
茶碗蒸同蒲燒鰻魚都十分有水準，前者細腻嫩滑，入口即化。後者魚肉軟熟醬汁香甜可口，仲有少少焦脆。
最後食埋個自家製甜品，今晚真係同朋友捧住個肚走。呢度無論刺身壽司或者熟食嘅水準都唔錯，可以約埋三五知己過黎食返夠本。聽店員講吞拿魚極尚放題黎緊係17/10以及27/10都會再舉行，有興趣嘅朋友記得訂位喇。
张贴
