四季芬芳

营业中

休息中

四季芬芳係老字號蛇王芬既副線餐廳走年輕創意新穎路線 主打燉湯、小菜、點心等我食蛇羹嘅經驗唔多真係真係好想知食到蛇骨係咪好正常嘅事？😮‍💨環境裝潢別具一格 用色大膽🤣服務⋯絕對有進步空間至於質素⋯⋯⋯不過不失嚕對碗蛇羹r晒頭🤯▪️◼️花膠太史蛇羹◼️▪️嚟到呢度冇理由唔食蛇羹！！熱焫焫拎到黎緊係襯熱食，的確啖啖都係料，但唔識分邊啲係蛇肉？邊啲係烏雞？邊啲係花膠？🤭‼️最最最令我反感係食到好多骨（圖8 ）仲要唔細條架😰😰正常唔係起晒肉處理好晒既咩？餐牌及餐廳都好似無標明小心食用！然後我有向職員查詢，比我感覺都係一知半解，得過且過咁🤔呢一點我覺得有啲怪～另外我網上見到好多人order呢個蛇羹下面都會有舊正方形嘅器皿，唔知點解我無🤔◼️▪️招牌蟹粉蟹膏撈麵▪️◼️招牌蟹膏撈麵喎😋非常吸引我！隻碗係超級巨型，面頭一埋蟹粉蟹籽，仲有甲羅燒上既海量蟹膏🥰🥰份量足、蟹鮮味濃郁又掛汁，擺到明玩中日fusion 菜，成件事好邪惡但又好鬼好味！！推～～▪️◼️原味小籠包◼️▪️最特別就係有個滴管比你注入浙江醋，乾淨衛生又盞鬼😝最緊要皮薄、夠熱焫焫又夠多湯，三者都做到！味道不過不失但唔突出，試過就ok囉～◼️▪️炙燒黑金叉燒▪️◼️鐵板上既叉

第一次試食，入坐前話用餐時間60分鐘，點了炸豬扒担担麵，等了20分鐘有多要叫侍應才送來，麵已發漲糊口，相信放了很久沒人送來，蟹粉豆腐，臘腸炒介蘭，炸豬扒全部室溫溫度，唔會再幫襯。中菜最大宗罪是唔夠熱。

沙田新開蛇王芬，新派蛇宴。環境舒服裝修有風格。🥢火燒黑金叉燒撈麵 $78叉燒超好食叉燒醬汁好入味，焦香甜蜜肉汁軟腍份量算多，我特別喜歡炸香蔥絲加強回甘蔥香，麵條軟硬度剛好有口感。👍😋🥢蛇王芬生炒糯米飯 $38糯米熱量較多，所以細細碗過下癮都不錯，糯米軟糯油潤，小食多滋味。🤤🥢原味小籠包 $26皮薄餡豐同樣是必試之選。🥢蛇王芬潤腸咸水角 $38好特別潤腸餡，雖然熱量多，不過剛炸起外脆內軟，啖啖潤腸油潤香氣，值得一試惟有飲多杯茶解膩。

食物水準幾好，大滿足，令人食過會想再食，蛇羹料十分之足可惜上菜慢得太過份，有啲菜式要等上成粒鐘，如果改善埋呢個問題，就完美，至於服務態度，我覺得都ok,員工態度都幾好，

今日我哋叫左5樣野，一碗花膠太史蛇羹，味道一般，太多軒，賽旁蟹春卷，完全食唔到入面有餡，一碗酸菜石班魚湯麵，好大碗，超出預期，麵亦都唔錯，糸石班少d，花雕醉雞，酒味濃，同埋臘味糯米飯，不錯

最近一田大減價,行到攰攰地又餓就搵返間餐廳食下,未試過呢一間無咩人排隊但見個裝修幾特別所以就不如一試然後服務唔多ok,落左單,等左35分鐘先上菜,水杯係污糟,所以我地唔敢飲,一直催佢,原來佢1點30先正式有菜,一早入去的食客都係到等等等...花膠蛇撈麵見佢出名蛇,所以就試呢個組合好似幾補咁...點知就出事,好難食,可能我食唔慣,但老人家都話唔岩口味公平d,麵條彈性係好ge蟹粉小籠包,賣相幾得意,食到蟹粉味,但係個小籠包包底同張紙痴住左,一拎起就爛左流走晒d湯,感覺晒左料

前排喺沙田做完嘢，之後見到呢一間野😍俾佢入面既特色menu吸引下，於是試下佢咩料先🤭花膠太史蛇羹🐟 $98一生第一次試蛇羹🐍，以前聽好多人好多講法就話佢好似碗仔翅個口感呀，又話好補呀！🤣 原來佢食落口係會有啲甘甘苦苦嘅味道嘅😜 不過，如果你接受到嗰種味道，其實係好正🥰 我第一次食我都幾鍾意哩種味道，佢有啲似係食緊苦瓜嗰種味道🤪原條黃魚餵麵🐟 $98哩款又係佢哋嘅招牌菜， 佢條黃魚🐟係另上嘅， 條魚炸得超級香脆😉魚入面好多肉食，又好鮮甜， 同埋佢炸咗之後其實唔腥😋 我daddy一向係唔食魚嘅怕腥，嗰一日佢都好鍾意食哩條魚， 因為佢覺得條魚唔腥😊招牌蟹粉蟹膏撈麵🦀 $138哩個極度推薦你哋食， 將蟹蓋嘅蟹膏撈落啲麵度，同埋打埋隻鵪鶉蛋，佢既蟹粉蟹膏🦀係超級濃味，撈麵食係好正🤩溫泉蛋陳皮和牛肉餅煲仔飯🐄🍲 $118和牛肉餅好嫩口，牛味🐄好重😉 將和牛打碎重新做成肉餅， 配上溫泉蛋🥚做煲仔飯，係秋冬食到，真係好滋味😜四色小籠包 $128四色包含四款味道嘅小籠包:黑松露小籠包- 一咬落去有好濃郁嘅黑松露味， 佢連個籠包皮都係有用到黑松露味道麻辣小籠包- 少少辛辣味， 刺激味蕾，幾惹味蟹粉小籠包-

有格調既餐廳，通常食蛇羹都係好舊嘅鋪頭先有，賣相仲好靚，但今次我無試蛇羹，如果唔食蛇，仲有燉湯，都幾吸引！講返今餐我食咗啲乜先蟹膏蟹肉撈麵（我唔記得個原名，呢個名我作）好食、好有蟹味、個醬整得幾好蘿蔔絲酥鬆脆、唔會炸到乾真真蟹粉小籠包老公一夾就穿咗，考筷子功夫味道唔錯、皮薄足料牛腩麵（因我無份食，唔知係咪牛腩）老公話味道唔錯，我就得個睇字美中不足之處係上菜有點慢，仲要限時食，但佢又唔會趕你走叫咗原味小籠包，但等咗好耐都未到，侍應就幫我哋取消，服務態度好。

蛇王芬去過無數咁多次，相信就算你冇去過都一定會聽過，佢喺沙田嘅年輕副線四季芬芳你又聽過未？ 我就聽過好多次，今次終於的起心肝去，全因有新餐牌。 當晚幸好和幾個非常有食力嘅人食飯，才可以食多幾樣野。當晚剛剛好有點涼意，乜都唔諗先食碗蛇羹先，蛇羹同蛇王芬一樣咁好，但係所有碗同裝飾都靚咗好多年青咗好多。 冇諗過呢度竟然會有點心，雖然食緊晚餐但係都好想試吓佢嘅點心，仲要難得夜晚仲有供應。 先吃佢嘅臘腸卷，造型應該係最精緻，個包用上紅菜頭令到佢色澤鮮艷紅潤又亮麗，最重要加上佢嘅招牌臘腸，一定好食。 潤腸孖寶有鹹水角同埋糯米燒賣，鹹水角大家都知係乜嘢，但係佢嘅餡料加上潤腸之後成個味道都有唔同嘅層次，而且鹹水角嘅外皮竟然係加左竹炭粉，感覺更加特別。 糯米燒賣香濃甘香，呢個絕對係向傳統致敬嘅一個點心。 食到呢度，當然係想飲杯茶，但係呢，唔係飲一杯熱茶咁簡單，女士一定會鍾意因為呢度有個counter，有個成個韓仔姜濤咁嘅靚仔即場沖茶，推介薑桃手打香水檸檬茶，用上生薑同蜜桃兩種風馬牛不相及嘅味道撞埋一齊，而且茶膽係鴨屎香嘅茶，味道令人真係非常難忘，送嗰幾個點心

踏入冬天，皮膚變得乾燥，除咗要靠護膚品之外，仲要由內調理好身體💪🏻由百年老店 #蛇王芬 主理，將傳統嘅粵菜年輕化，滋潤之餘，仲igable📸我最鍾意嘅係花膠燉雞湯麵線🍜材料十足，湯底以花膠同雞淆製而成，滋潤帶點清甜，火候啱啱好❤️潤腸糯米燒賣，都係必試點心！結合上海燒賣嘅做法，用上圓糯米，上海燒賣皮，再加上蛇王芬嘅招牌潤腸，甘香而軟韌，必食必食必食😋鹹水角裏面都加咗潤腸粒，香口又唔油膩燒黄魚都正，魚炸到脆卜卜，小朋友都會鍾意食食蛇王芬又點可以唔飲佢嘅燉湯呢！夠曬滋潤！蟹粉多滿瀉，鍾意食大閘蟹嘅就要試下啦！臘腸包

 好耐無試過放肆地食中式美食，既然是夜有人吹雞去食蛇羹與點心，一於奉陪到底，最多翌日唔食早餐咁話。中環蛇王芬食得多，其沙田的分支四季芬芳，卻是首次。其實以前在火炭工作時已想來試，但都因為長長的人龍嚇窒而卻步。幾個餓底，樣樣都想吔，你一言我一語，拼湊出滿桌子的美食，想唔爆肚而歸都幾難。冷盤的四款東西，都是酒醉系列，感覺都不錯。枝豆以花雕浸淫的做法，倒是比較特別。反觀以這方式做鴨舌與大蝦，從來穩陣。估唔到就連我最討厭的北寄貝，亦不會韌得像吃擦字膠，是個好開始。有人愛飲湯，而來到蛇王芬的主場，我就幾歹都整碗蛇羹。好足料的出品，甚至加入了花膠，多一份矜貴，吃完好暖身。當然最重要是加入薄脆同吃。飲飲下蛇羹，服務員開始執我哋張枱，因為一系列的點心馬上送來，單是小籠包已有三款不同口味。正值蟹季，自然要來兩籠鮮香又湯汁豐盈的蟹粉小籠包，黑松露口味的香氣十足，麻辣的一款，夠辣勁，不是點到即止的婆媽貨色。這裡的腊腸潤腸水準不用懷疑吧，所以幾款腊腸潤腸之點心，我也頗為期待。像米芝蓮人的腊腸卷，家陣愈來愈少地方有得食，這兒造成桃紅色的外表，將傳統的美食變得更吸引。另外，糯米燒賣加入了潤腸，肯定合拍又好食，是另

百年老店蛇王芬大家都好熟悉，原來「四季芬芳」係佢嘅年輕版，係粵菜注入創新元素。 秋季嚟到，「四季芬芳」推出一系列用大閘蟹🦀、蛇🐍、膶腸等嘅菜式，加上吸引嘅賣相，好睇又好食😋身為大閘蟹控嘅我當然要試👇🏻🦀大閘蟹粉麵食 ($138)第一眼就見到有我最鍾意嘅甲羅燒係面上😍，而旁邊就多到爆嘅蟹粉🥰 上面仲有蟹籽🤩呢道菜食極都唔嫌多🤣🦀🐟蟹粉原條黃魚煨麵（$148）炸黃魚有氣勢又震撼，仲外脆內嫩，鮮味十足！ 湯底係用雜魚熬製，而麵條亦完全吸收魚湯的鮮味🦀蟹粉蝦仁、蟹粉豆腐、蟹粉豆苗等，蟹控都必食！🥟點心方面，膶腸咸水角同膶腸糯米燒賣，其他餐廳未必食到。咸水角加竹炭粉，顏色特別，口感酥脆。糯米燒賣甜糯香濃，潤腸甘香仲有可愛桃紅色💓嘅蛇王芬臘腸卷、多款顏色同口味嘅小籠包🟠⚫️⚪️、好似荔枝嘅灌烏雞湯百花丸💝等都不容錯過！🍲想養生暖胃，亦可以點返碗花膠太史蛇羹🐍，或其他足料燉湯🍲😌🍹飲品選擇亦有手打香水檸檬茶系列，包括「薑桃」、「苦瓜」、「油柑」等🥳🥳

好友原來未去過蛇王芬的年輕線四季芬芳 Four Seasons Fun Fong，得知廳廳有新Menu一於吹雞去吃頓豐富晚餐。人未齊先點杯手打香水檸檬茶系列中的苦瓜鴨屎香水檸檬茶＄30，茶底用上鴨屎香大家別誤會此鴨屎非彼鴨屎喔！名字雖不雅但此茶卻是難得的好茶，它是鳳凰單樅的名種茶味道清香口感醇厚回甘，配襯帶上香矛味的香水檸檬及甘味苦瓜，這杯走甜的特飲非常清熱解膩絕對是我杯茶。人齊了大家一起選自己喜歡的心水美食，蛇王芬出名靚燉湯當然要點一盅來品嚐！我選了花膠百合燉水鴨＄88。花膠百合也有提氣滋陰的功效，配襯滋補肝腎的水鴨食療功效一流，呷上一口燉湯清甜芳香還很滋補。天氣開始微涼懂養生的好友就選了補身的花膠太史蛇羹＄98來品嚐，內裡有蛇絲、花膠絲、雞絲、冬菇絲、木耳絲、薑絲及果皮絲，另附上白菊花、菜絲和薄脆等配料供享用。我們一行六人選了多款美食來分享，滿滿一檯的點心真的十分宏觀，大家也不用客氣一同起筷啦。首先品嚐前菜招牌紹興花雕酒四寶＄98，內裏包括有毛豆、醉蝦、北寄貝及鴨舌，盛載於精美的四格木盤中賣相已經相當吸引。醉毛豆和北寄貝真的第一次品嚐，後者索盡酒香味道很有驚喜，醉蝦和醉鴨舌亦有水

百年老字號食府「蛇王芬」🐍開設咗走年輕線新品牌「四季芬芳」🌸，除咗秉承舊有「食不厭精、膾不厭細」嘅蛇人饌的佳餚，仲融會不同的粵菜其精粹，打造各式新造美饌，尤如一道道粵式 tapas，將廣府菜重新包裝🤩！ 首先上枱嘅有首創招牌膶腸點心🧆，包括膶腸咸水角、膶腸糯米燒賣、蛇王芬臘腸卷，三樣都選用傳統嘅餡料保留咗原有嘅風味之餘，採用招牌臘腸同膶腸製作，口感脆而不韌，令傳統美食變得更時尚😎。 佢嘅季節蟹粉伴麵有三種🍜，我就食咗蟹粉原條黃魚煨麵，聽講係上海著名麵食，先用雜魚熬制一小時奶白的魚湯🐠，麵條直接用魚湯煨煮，吸收魚湯的鮮味，香味四溢，外脆內嫩，鮮味十足。 至於「薑桃」手打香水檸檬茶🧉，靚仔職員即場製作，仲引來好多途人拍攝📸，差啲以為係明星🤪。講返杯飲品，生薑的辛辣與蜜桃的甜蜜，兩種極致的味道刺激味蕾帶來新的味覺體驗。有一種名字獨特的茶，名叫鴨屎香🦆！入口清香，口感醇厚回甘。 除此之外，當日仲食咗好多唔同美食，例如灌烏雞湯百花丸、蟹粉蝦仁🍤、麻辣小籠包。不得不提嘅係花膠太史蛇羹🐍，相當滋補😍。甜品就試咗滋補潤喉露，有清甜嘅李子味，推薦！ 📍四季芬芳 - 沙田新城市廣場三期3樓363

首推季節蟹粉伴麵・首創招牌膶腸點心・「薑桃」手打香水檸檬茶仲有秋季必吃!大閘蟹粉麵食 ($138) 招牌蟹粉蟹膏撈面採用傳統蟹粉拌面的做 法，卻加入一點點日本元素:飛魚子和原 個甲羅燒!三者結合，別有一番風味!花膠燉鷄湯麵線( $98) 是麵食類的養生代表，將 1895 年始蛇王 芬第一代創辦人吳桂芬，以食療養生保健 同源的心願延續，融入新配搭嘅緊貼年輕 人喜好，味道火喉精準，採用深海黃魚花 膠，新食制、好營、滋養、新姿彩，務求 養生湯麵這種潮，令新一代每試愛上、爭 鋒成為養生新教主。膶腸咸水角($38 兩件)傳統鹹水角內裏 餡料有豬肉碎、韭菜、蝦米、冬菇、沙葛 等。四季芬芳用上蛇王芬招牌潤腸代替豬肉，將甘香味道推上另一層次。鹹水角皮 則加入竹炭粉呼應膶腸的深邃色澤，口感 脆而不韌，無論視覺和味道，均煥然一 新!膶腸糯米燒賣($38 兩件)結合上海燒賣做 法，用上是圓糯米、上海燒賣皮，再蓋上 蛇王芬招牌潤腸，特別甜糯香濃，一啖甘 香、一啖軟韌，令人回味無窮。蛇王芬臘腸卷($38 兩件)造型小巧精 緻，麵包加入紅菜頭令色澤亮麗，清新健 康元素融合並採用蛇王芬的招牌臘腸製作，將傳統的美味點