四季芬芳

营业中

休息中

 你有聽過蛇王芬這個大名嗎?!🙋🏻‍♀️ 1895年開業的百年老店，開設一個新的年輕副線餐廳 • 四季芬芳🎉• ! 曾經與朋友吃過一次，覺得質素不錯，這次便帶媽媽來試試吧～ 餐廳以新派新潮的年輕中菜館做招徠，主打粵菜菜式，並加入自身招牌菜元素，希望吸引更多年輕人吃粵菜及支持粵菜文化哦🥳～ 「 膶腸咸水角🖤$38 」 用招牌潤腸代替豬肉的咸水角，比坊間的咸水角，多一份油潤甘香。底部更有一塊潤腸，有驚喜又特別! 「 蛇王芬臘腸卷❤️ $38 」 我最愛的點心，非這個造型小巧搶眼的臘腸卷莫屬啦～亮麗色澤的麵包，加入紅菜頭汁製成，口感鬆軟😍，臘腸鹹香油份足，還脆皮呢，超好吃的～ 「 川味紅油炒手🥟$48 」 還以為這個炒手會好辣，沒想到一點都不辣，還充滿醬油香☺️。炒手皮薄餡靚，值得試試。 「 賽螃蟹春卷🦀 $38 」 1客4條春卷，每條包著鮮甜蟹肉，味道不錯，不過春卷不夠脆阿～ 「 蛇王芬生炒糯米飯🍚$38 」 口感偏硬的糯米飯，飯粒煙靭，充滿嚼勁。臘腸好甘香，炒在一起好好吃。 

去開一田行街又係搵食好去處近一田果邊三樓扶手電梯位直望見到佢寫"蛇王芬"係咪老字號果間呢🤔️上網睇原來係百年老字號年輕一代接手所以加入新派菜式又保留舊時代菜式沙田真係冇咩食蛇嘅鋪頭👉🏻花膠太史蛇羹如果唔食蛇可以飲燉湯架碗羹好足料面頭已經見到花膠👍🏻👉🏻蛇王芬生炒糯米飯😋食蛇羹點少得呢個配搭呢好煙韌好香$38 抵食👍🏻👉🏻五香半筋半肉湯麵牛筋牛肋條好腍好厚身👉🏻啫啫雙腸芥蘭煲😋蛇羹糯米飯更係配埋呢個就完美雙腸好香芥蘭脆嫩👉🏻蛇王芬潤腸咸水角好攪笑黑蚊蚊做型個皮好脆👍🏻👉🏻招牌灌烏雞湯百花丸😋傳統美食蝦膠好彈牙外面脆口唔覺油膩👉🏻原味小籠包有得玩有支醋唧出嚟👉🏻苦瓜鴨屎香檸檬茶😋👍🏻好特別好清新仲有其他口味選擇真係值得一試

今天又到沙田逛街，去了新城市廣場，拾回以前逛街睇戲食飯的輕鬆心情。 太長時間在工作，希望有些娛樂節目平衡一下生活，人都會放鬆及無甘大壓力。事實上，逛街，食飯，同朋友相聚是可以有提升愉快心情指數。行完有點肚子餓，見到一間裝潢很富『中國色彩及色彩濱粉』的食店。 店內空間很寬敞，所以快步去攞位，好彩我地很快已經攞到位啦花膠百合燉水鴨：好足料的老火靚湯，湯味很濃很潤很甜，湯料靚又足，水鴨可以連骨食花膠百合燉水鴨 ：估你唔到。。。真係有厚花膠，靚豬肉……金華火腿。。。啖啖湯，啖啖肉，啖啖花膠，飲到我唔停得口，滋味又潤口。。。令人回味無窮香脆蘿蔔絲酥餅/2件 ：此點心在香港見少買少了，很少食店會有，是點心師傅手藝之名貴點心。見到餐牌上，即刻用手機自助點了。 民間有種說法 ：喜歡食蘿蔔糕唔一定喜歡食蘿蔔，可以在這裡拋下書包，唔食蘿蔔的人，一定會喜歡食這個名點心『香脆蘿蔔絲酥餅』，唔信的自己點來吃吧…。。。包你話好食香脆蘿蔔絲酥餅/2件 ：外脆鬆化，內裡蘿蔔絲一條條的軟化入口即溶的感覺，真的吃完仿如置身於大海中一樣，飄呀飄 。。蟹粉豆苗 : 豆苗翠嫩新鮮，又爽口，配上千絲萬蟹粉，食上口已經停不了，好想

今日放工約朋友食飯。係商場竟見有蛇王芬，商場都會有呢啲傳統野食?出於好奇，我地就去試下。好彩我地早少少入座，唔洗點等。 一過7點已勁多人排隊啦。 似乎真係好受歡迎。黎到更係要叫返碗花膠太史蛇羹。 睇落好精緻既碗，以為唔會好多，但出奇地個碗好深，好大碗。 然後好足料，食到好多蛇肉，好香果皮，而且仲有我細個好鍾意落開薄脆，白菊花瓣同檸檬葉絲。 呢幾樣真係傳統蛇羹既靈魂。 而且食一碗會好快飽。另外目測一定要叫既係灌烏雞湯百花丸。外型好吸引，好特別。 食落都好新奇，好好味。 真係有啲似百花蟹蚶，但佢又冇咁肥利咁。外面好爽脆，唧左湯汁入去好juice,好熱。真係好唔錯蟹粉豆苗，真係好多蟹粉黑松露小籠包，好香，唔易爛，好好味。好夠熱，好足料，勁好味。子薑麵醬魚腩煲，雖然用鯇魚有啲多骨，但條魚好入味。 條魚同子薑真係幾夾。今餐真係意外地食得好滿足。

茶 ： 伯爵茶火燒黑金叉燒撈麵 $78用五花腩肉部位，醬汁甜甜的，好入味！燒得焦香，脂肪與肉5:5比例平均，入口軟而鬆化有油香之餘，又唔會一咬成口油！撈麵蔥油味十分香濃，再加上炸香蔥絲，淨撈麵已經好食！夾埋黑金叉燒，大滿足！招牌蟹粉蟹膏撈麵 $138好正🤤 足料又大碗！有香蔥、蟹籽、金黃色蟹粉、一撮撮蟹腳肉、半熟水波狀鵪鶉蛋，再加上蒜味香濃又鹹鮮的甲羅燒蟹膏，撈麵味道好濃郁！灌烏雞湯百花丸2粒 $68打卡able！ 外形成粒荔枝咁！😻一整粒足料蝦肉球，外層脆口，內層包裹烏雞湯羮。 先試一啖爆漿口感，再用喼汁滴管吱少少，令烏雞湯味道提升！花雕醉雞 $78醉雞入味，肉質軟嫩！淨飲花雕，酒味好香、順口，唔淡唔嗆，好飲！ 賽螃蟹春捲4條 $38炸春捲有一層薄薄蝦膠，再釀入賽螃蟹，每啖咬落外層香脆、內饀足！蛇王芬臘腸卷2件 $38好搶眼！打卡able！ 以紅菜頭入色，有厚度的卷包夾埋蛇王芬招牌臘腸的油潤一齊食，互相中和，食落口唔會太乾或太油膩！士多卑利太白軟糕2件 $18草莓味糯米糕，口感煙韌，十分軟糯_______________四季芬芳 (沙田)沙田沙田正街2-8號新城市廣場三期3樓363

係新城市廣場行完街，攰攰地就入左黎呢間試吓。原條黃魚餵麵$98: 超級大碗！麵嘅質感亦都好彈牙，每條麵都掛到湯汁嘅精華，而炸過嘅黃花魚，食落去更加香脆，亦唔會覺得好油膩，魚嘅質感亦都新鮮，咬落去啖啖肉！煙燻龍井炸雞（半隻）$168: 一上菜，陣陣嘅煙燻味芬香撲鼻！而且雞皮亦得好脆口，雞肉亦都好嫩滑，上面仲落左少少炸過嘅茶葉（龍井）, 配埋隻雞一齊食，絕對可以突出雞嘅鮮味！花膠太史蛇羮$98: 蛇肉份量都充足，仲有啲百合，炸脆片落，而且有少量花膠，可以將蛇羮嘅精華更加突出！雖然夏天食蛇羮會比較奇怪，但呢碟菜式的確幾高質！賽螃蟹春卷$38: 炸得岩岩好，唔會成口油，入面都充斥住粒粒啲蟹肉，幾有口感～原味小籠包$26/2隻：師傅已經預先用一支筒入滿醋，客人可以更方便咁將醋注射入去，唔怕滿瀉，食法新奇得黎，又好貼心。棗皇糕$18/2隻：唔會太甜，有少少黏身，啖啖嘅紅棗香味，為呢頓晚飯畫上完美句號！So far, 呢間餐廳的確好高質，個人黎講，比較推薦煙燻龍井雞！因為真係好好食，而且真係限量供應，我閒日夜晚臨order前的4隻架渣！

父親節四人套餐，限時一小時，叉燒勁肥，基本上冇咩肉食，灌烏雞湯百花丸賣相好似茘枝，吱落去啲汁（其實應該係湯）味道好似怪怪的，花膠燉雞湯麵啲麵一舊舊，好長，比較硬身，紹興花雕酒糟四寶，酒味好足好重，入味，蛇羹足料，杰身，整體來講食物味道也ok，不過D叉燒實在太肥，食唔落肚，人手又嚴重不足，服務一般，限時一小時太趕，不過應該係因為果日係特別日子先係咁掛.#蛇#中式#沙田#套餐#set#中菜 #dinner

花雕醉雞 $78必點！！酒味好香好濃，好味到忍唔住飲埋啲酒雞件都幾嫩滑，重點係非常入味，每一啖都係濃濃嘅花雕味。火燒黑金叉燒 $88厚切嘅半肥瘦叉燒，睇個樣都知正。食落外層焦香、肉質軟腍，加埋香甜嘅蜜汁，啖啖肉好銷魂蟹粉原條黃魚餵麵 $148碗麵本身都大大碗，再加埋大大條嘅原條黃魚，食完呢個set都幾飽～蟹粉份量大方，鮮味濃郁，就咁食個蟹粉餵麵已經好好食；黃魚外皮炸得非常香脆，魚肉肉質嫩滑，冇乜細骨，食落都方便，啱曬我呢啲懶得吐細骨嘅人。花膠太史蛇羹 $98蛇肉嘅份量都多，每一啖都一定會食到蛇絲我自己就鍾意撈埋啲南乳薄脆一齊食，味道同口感都好豐富。麻辣小籠包 $36造型好盞鬼，自己吱啲湯汁入去食落皮夠薄，唔算好辣，比一般嘅小籠包多咗幾分香口。

今日同fd喺沙田行街，路過呢間裝修幾特別嘅餐廳於是就入去一試。佢呢度嘅環境都唔錯，座位坐得都幾舒服。咁我哋前菜就點咗呢一個灌烏雞絲百花丸同賽螃蟹春卷，個百花丸造型好特別，食落好彈牙爽口，入面啲雞絲同湯都好夾，而個春卷就炸得好香脆，食得出啲蟹肉好新鮮，又唔會炸得太油。我哋叫個炙燒黑金淺燒，呢個燒到啲叉燒好入味，食落好香口，佢又有少少焦邊，有啲半肥燒咁，食落啲油脂好香，用嚟送飯一流。我哋另外都叫左兩份主食，一個係川式水煮牛肉麵，呢個好夠麻香，食落好開胃，辣得夠過癮！而佢嘅麵嘅份量都唔少，湯底好濃香。另外一個係招牌蟹粉蟹膏撈麵，呢個真係鮮到不得了，啲蟹粉蟹膏撈埋一齊食，啖啖蟹香留係口到！真係必試。

新界人平時最鍾意行新城市廣場，貪佢呢度多嘢行同埋多嘢食。今日嚟到四季芬芳食晚飯，呢度最出名係食蛇羹，不過因為我同朋友都唔識蛇所以都叫咗其他嘢食。總括來講今餐所有食物都係中上，性價比亦都算中上👍🏼當中我哋叫咗花雕醉雞，花雕醉雞好夠酒味，同埋啲雞好滑，而且個份量都唔少。只係$78，真係抵。另外叫咗立味炒芥蘭，呢一個係出乎意料地好食，一放落口就食得出好有鑊氣，同埋啲臘腸同潤腸一啲都唔少。最推介嘅一個食物就係招牌蟹粉蟹膏撈麵，只係$138….其他地方食關於蟹粉蟹膏嘅嘢食，都一定二百幾三百蚊，呢個蟹粉蟹膏撈麵只係百零蚊，而且個份量係極之多。兩個人食到有多。🤯另外叫咗黑松露小籠包就正常貨，對比起其他來講就冇乜特別。最後我哋都叫咗一個冬瓜瑤柱燉響螺湯$78，不過個份量就唔算多，但勝在佢真係好足料同埋好好味。

上周晚市時段，光顧這間裝修有特色的餐廳。特別外觀和餐牌很吸引，於是第一次試吃火燒黑金叉燒撈麵 （$78）叉燒和面分開上。油六大件叉燒。每件叉燒都有香甜蜜汁包裹，質感並非軟淋，但十分實在，亦帶有豬肉香。撈麵則有乾蔥和新鮮蔥作點綴，配搭蔥油和醬油。但醬料比較少，拌起來比較乾。如果有多點蔥油醬會更香。招牌蟹粉蟹膏撈麵（$138）外表十分吸引，但夾羅燒蟹膏的味道偏鹹。蟹粉味道正常，但有碎骨，吃起來不太方便。而且吃起來也是比較乾，而且這個價錢來說不太抵吃。

成日經過沙田都留意到呢間餐廳，裝修都幾華麗，之前一直都想試呢日行完一田就特意過黎試下座位非常闊落 坐得都舒服 用QR code點餐 方便又快捷火燒黑金叉燒撈麵叉燒肥瘦均勻 ，調味比例剛好，而且好入味撈麵軟硬度適中，配上超香口蔥油，重點食落唔會好油膩好岩我口味蛇王芬潤腸鹹水角咸水角熱辣辣炸起，外脆內軟，再配埋咸香潤腸估唔到又幾特別！糯米飯煙煙韌韌，而且味道好好原味小籠包最特別就係有個滴管比你注入浙江醋，賣相已好加分皮夠薄，裡面又多汁，不錯！蘿蔔絲酥餅鬆化又香口

沙田行完一田想醫下肚仔。見到呢間🐍logo忍唔住望兩望。原來係中環蛇王芬嘅姊妹店😲。餐牌圖文並茂。最鍾意睇相揀食乜😬。招牌菜係燉湯同埋蛇羹。一場黎到點都要試吓🤩。海底椰雪梨蘋果燉豬展 冬瓜瑤柱燉響螺兩款燉湯落足料。飲得出好鮮甜。女仕們係要滋潤一下🥰。✨蛇王芬臘腸卷紅菜頭汁臘腸卷。健康得黎又帶點邪惡😛。✨蛇王芬潤腸糯米燒賣其實我鍾意食潤腸多過臘腸😋糯米燒賣唔係度度有😌。✨蛇王芬潤腸鹹水角黑蚊蚊係竹炭。第一次食黑色嘅鹹水角好特別😲。

「四季芳芬」係百年老字號蛇王芬所開嘅副線，喺傳統粵菜嘅基礎上添加新元素，令人耳目一新嘅感覺！花雕醉雞雞肉嫩滑入味，酒香濃郁。五香半筋半肉湯麵一上枱，好吸睛，因為真係超級大碗！湯底濃郁，牛筋腩腍軟，非常入味，加口感脆嫩嘅酸菜，開胃醒神！招牌蟹粉蟹膏撈麵邪惡蟹膏撈麵，強烈推介！大閘蟹撈面嘅基礎上加入日本元素 - 甲羅燒。將2種蟹膏撈埋一齊，每條麵掛上啖啖香濃蟹膏，鮮味濃郁！再加入蟹籽，增加口感之餘亦將撈麵提升到另一個層次，真係好食到不得了！花膠太史蛇羹蛇羹用料十足，加入薄脆、菊花、檸檬葉，將整體美味昇華，增加不同口感層次⋯好食，又夠滋補！原味小籠包鮮嫩嘅豬肉配上秘制上湯，香濃而不膩，食之前唧上黑醋，既可調味，又可降低湯汁嘅溫度⋯蛇王芬臘腸卷卷包呈豔紅色，時尚可愛！卷包軟糯嘅卷包包裹住鹹香甜美嘅臘腸，咬落油香四濺，滋味無窮。士多卑利太白軟膏食落口感清新，口感軟糯，淡淡嘅士多啤梨味⋯Overall，食物味道好之餘價錢亦唔貴，值得推介！

呢間餐廳裝修都幾華麗，顏色配搭好豐富，係蛇王芬新開嘅副線， 但除咗蛇羹之外，仲有好多特色中菜。 而且呢度嘅茶唔係一般嘅中國茶，而係用咗伯爵茶， 飲落去有種煙燻嘅味道，真係好好飲。 ❤ 琥珀合桃沙律琥珀合桃甜甜地好好食，再加埋個沙律汁本身鹹鹹地酸酸地，各種味道充斥口腔裡，喺一個絕佳配搭。 ❤ 醬蘿蔔呢個風味醬蘿蔔砌得好薄， 有少少辣辣地，食落去仲有啲爽口添。 ❤ 蛇羹蛇羹果然係呢度嘅招牌菜🥰，比起一啲大酒店嘅中菜廳做得更加好。 蛇羹入面真係好多料， 每一啖嘅口感都好豐富。 另外，配料都好特別，有菊花瓣同檸檬葉，食落去嘅時候更加覺得清香。 ❤ 雙腸芥蘭啲芥蘭砌得好整齊， 炒得啱啱好，唔會太腍唔會太硬， 切成薄片嘅臘腸同混和左嘅潤腸都好惹味， 另外仲加咗薑片，食落真係暖暖哋咁。 ❤ 賽螃蟹春捲賽螃蟹春捲呢冇想像中咁脆，比較腍身， 入面嘅賽螃蟹係用蛋白做嘅， 味道少少鹹，清清淡淡咁，都幾特別。 ❤ 老酸菜豆腐豆腐煲真係好大份，豆腐大大塊而且係好實淨， 豆味好重。 酸菜味道好開胃， 而且仲有寬粉，口感煙煙韌韌咁。 如果嗌咗呢道菜，根本唔需要嗌其他飯或者麵，就已經好夠飽😆。 ❤ 灌烏雞湯百花丸望落