四季芬芳

营业中

休息中

「四季芳芬」係百年老字號蛇王芬所開嘅副線，喺傳統粵菜嘅基礎上添加新元素，令人耳目一新嘅感覺！花雕醉雞雞肉嫩滑入味，酒香濃郁。五香半筋半肉湯麵一上枱，好吸睛，因為真係超級大碗！湯底濃郁，牛筋腩腍軟，非常入味，加口感脆嫩嘅酸菜，開胃醒神！招牌蟹粉蟹膏撈麵邪惡蟹膏撈麵，強烈推介！大閘蟹撈面嘅基礎上加入日本元素 - 甲羅燒。將2種蟹膏撈埋一齊，每條麵掛上啖啖香濃蟹膏，鮮味濃郁！再加入蟹籽，增加口感之餘亦將撈麵提升到另一個層次，真係好食到不得了！花膠太史蛇羹蛇羹用料十足，加入薄脆、菊花、檸檬葉，將整體美味昇華，增加不同口感層次⋯好食，又夠滋補！原味小籠包鮮嫩嘅豬肉配上秘制上湯，香濃而不膩，食之前唧上黑醋，既可調味，又可降低湯汁嘅溫度⋯蛇王芬臘腸卷卷包呈豔紅色，時尚可愛！卷包軟糯嘅卷包包裹住鹹香甜美嘅臘腸，咬落油香四濺，滋味無窮。士多卑利太白軟膏食落口感清新，口感軟糯，淡淡嘅士多啤梨味⋯Overall，食物味道好之餘價錢亦唔貴，值得推介！

呢間餐廳裝修都幾華麗，顏色配搭好豐富，係蛇王芬新開嘅副線， 但除咗蛇羹之外，仲有好多特色中菜。 而且呢度嘅茶唔係一般嘅中國茶，而係用咗伯爵茶， 飲落去有種煙燻嘅味道，真係好好飲。 ❤ 琥珀合桃沙律琥珀合桃甜甜地好好食，再加埋個沙律汁本身鹹鹹地酸酸地，各種味道充斥口腔裡，喺一個絕佳配搭。 ❤ 醬蘿蔔呢個風味醬蘿蔔砌得好薄， 有少少辣辣地，食落去仲有啲爽口添。 ❤ 蛇羹蛇羹果然係呢度嘅招牌菜🥰，比起一啲大酒店嘅中菜廳做得更加好。 蛇羹入面真係好多料， 每一啖嘅口感都好豐富。 另外，配料都好特別，有菊花瓣同檸檬葉，食落去嘅時候更加覺得清香。 ❤ 雙腸芥蘭啲芥蘭砌得好整齊， 炒得啱啱好，唔會太腍唔會太硬， 切成薄片嘅臘腸同混和左嘅潤腸都好惹味， 另外仲加咗薑片，食落真係暖暖哋咁。 ❤ 賽螃蟹春捲賽螃蟹春捲呢冇想像中咁脆，比較腍身， 入面嘅賽螃蟹係用蛋白做嘅， 味道少少鹹，清清淡淡咁，都幾特別。 ❤ 老酸菜豆腐豆腐煲真係好大份，豆腐大大塊而且係好實淨， 豆味好重。 酸菜味道好開胃， 而且仲有寬粉，口感煙煙韌韌咁。 如果嗌咗呢道菜，根本唔需要嗌其他飯或者麵，就已經好夠飽😆。 ❤ 灌烏雞湯百花丸望落

約左朋友喺沙田市中心食飯，行下行下一路都唔知食咩好，最後行到黎四季芬芳，友人未試過食蛇，咁我就建議試下啦四季芬芳係中環老店蛇王芬嘅現代版，最出名當然係蛇羹。餐單係一張過膠嘅A3紙，掃QR code落單，略嫌不夠雅致，但相對比較環保而且可以確保唔會落錯單，而且價錢顯示詳細，一落完單已經知道成餐幾錢，茶錢加一全部計晒出黎。2個人叫左3樣野，分別係蛇羹、黃魚餵麵、蟹粉蝦仁首先上枱嘅係蛇羹，依照傳統附上埋檸檬葉、菊花、薄脆、韭黃，任君選擇蛇羹濃稠度適中，食左一陣都唔會出水，蛇肉足料且有陣陣陳皮香味，冬菇絲及木耳絲份量唔會太多，整體用料充足、平均，明顯繼承到蛇王芬嘅程度第2道上嘅係蟹粉蝦仁，個蟹黃汁唔夠蟹黃香但勝在加上蟹肉顯得更有份量，採用嘅蝦仁食唔出係咪用河蝦仁，但喺香港食我諗都難D食到真正河蝦仁，食起上黎雪味唔太重已經算收貨，唯一略嫌上菜時都已經唔太夠熱，係幾好食但水準相比蛇羹就差左少少最後係黃魚餵麵，黃魚似係即炸，上枱熱辣辣，以木簽串住，相信係方便定型，同以往去上海鋪食開嘅造型有少少唔同，肉質嫰滑媲美傳統上海菜鋪頭出品，連骨都可以食埋，不過真係要食快少少，一凍左就會開始硬最估唔到係個麵，正

⭐️四季芬芳⭐️📍:沙田新城市廣場三期3樓363A號舖⏰:11:30am-10:00pm今日提早收工 同同事去咗公司附近食呢間四季芬芳 之前一直都想試㗎喇 但係因為太多人 今日一於試吓佢先👍🏻 呢度嘅座位非常闊落 坐得都舒服 店員服務態度都非常好 點餐係自己用QR code 方便快捷👍🏻🥚潤腸魚蓉煎蛋角呢一款係我最推介嘅😍食過嘅一定返唔到轉頭 煎蛋角裏邊加咗潤腸同魚蓉 潤腸好新鮮 每一塊蛋角裏面都有唔小 食落啖啖肉！蛋角煎得好香口 唔會過老 撈埋飯食簡直一流！🐮蔗香咖喱牛筋牛腩比我想像中更加辣🥵不過咖喱味非常之香 充滿椰香味 牛筋好軟淋 好重骨膠原 好大條食落啖啖惹味 牛腩好入味 一啲都唔鞋 用咗石鍋上 唔錯！🍜火燒黑金叉燒撈麵估唔到撈麵先係佢哋嘅靈魂😍撈麵好爽口 味道濃郁之餘一啲都唔鹹 叉燒肥瘦均勻 唔會好柴 厚身之餘啖啖肉 呢款有驚喜！🐥花雕醉雞醉雞方面就比較重花雕味 對於我呢啲好少接觸酒既可能唔係好接受到 不過佢嘅雞肉好滑嫩唔鞋口 雞皮滑溜冇咩脂肪👍🏻🦀賽螃蟹春卷友人話呢個好好食👍🏻春卷炸到脆卜卜 裏面釀左賽螃蟹同蝦肉 足料啖啖肉 好正！🐷香酥豬扒擔擔麵佢哋嘅豬扒好酥脆 一啲都唔鞋

最近嘅天氣變化好大，就會想食啲惹味嘅嘢！今晚就同朋友去食《四季芬芳》（個名真係改得好好聽！） 川味紅油抄手：本來以為會好辣，但食落好開胃🤤味道偏酸，微辣🌶咬落去啖啖肉，入面嘅蝦肉都好鮮🦐原味小籠包：小籠包最緊要係咬落去爆出嚟嘅湯🤤而呢嗰就有啦！😋味道岩岩好！皮夠薄！肉質鮮嫩！總之就好吃😋大推～（本來想試下蟹粉小籠包，但咁啱賣曬🥲）蝦醬啫羅馬生菜🥬：蝦醬好香🤤味道偏重，但絕對唔係死咸！生菜好脆口（完全沒草青味～）整體食落好惹味😋😋川色水煮牛肉麵：好大一碗！絕對可以兩個人share~味道偏麻辣～牛肉好嫩😋😋麵好彈牙😋同好索湯！係一個好開胃但又飽肚嘅麵食！會越食越上癮🤤🤤花膠百合燉水鴨：呢碗湯真係大推😋😋😋好好飲～飲落好舒服😌好温柔嘅味道🤤食𡨭辣嘢飲番啖真係好正😋椰汁芋頭紫米露：好足料嘅一款甜品！涷冰冰咁好適合夏日炎炎食🤤🤤同埋！唔會太甜！甜度係剛剛好嗰種～食完一啲都唔油膩😋餐廳除咗個名改得好聽💕裝潢都好有年代感同奢華感！好似係從前嘅上流餐館咁～

四季芬芳 沙田沙田正街2-8號新城市廣場三期3樓363A號舖—————————————————————沙田新城市廣場近帝都酒店嗰邊裝修咗一段時間呢個大翻身個設計 規劃做得幾好以前淨係知道呢邊比較多藥妝店 化妝品店一田超市同埋一個Food court依家翻新工程後 變得好行 多元化商舖GU 迪卡儂 唔同嘅食店今次要講呢間特色裝修 特色環境好有feel 因為色譜豐富 手機點影相都好 成個畫面都充滿唔同顏色撇除一啲主觀成份客觀咁睇 個中國風建築 裝修的確幾靚你會睇得出細緻嘅裝修上佢都花盡心思好食 大碗 睇到都開心 🥳蟹粉蝦仁 🍤$128士多卑利太白軟糕/2件 $18棗皇糕/2件 $18椰汁芋頭紫米露（凍）$28招牌蟹粉蟹膏撈麵 $138川色水煮牛肉麵 $78竹蔗茅根馬蹄薏米水（凍) $22黑糖三棗桂圓藍母茶（凍）$22石榴紫背天葵山楂蜜（凍）$22

去完沙田廣場買野就諗住同媽咪食埋飯先回家，但大部分餐廳都食過，係得呢間一直以為得蛇羹食，所以未試。點知望一望門外餐牌，竟然有好多睇到都想食既點心，所以立即入去試下。黎到蛇王芬一定要試蛇羹，黎到不但料足，更加一條骨都無，真完講真都飽飽地，仲要好好味。除左蛇羹外，我地試埋個嚮螺湯，講真我覺得好清甜，我更加鍾意呢個。食蛇羹又點可以唔食糯米飯，不但煙韌而且味道好好，忍唔住一啖又一啖。主食仲叫左半筋半腩麵，好林好入味。跟住就集中食我地既至愛既點心，最好味一定係灌烏雞湯百花丸，香脆熱辣辣又有湯汁，好juicy，再有個dropper 滴d醋入去。第二至愛係蘿蔔絲酥餅，好酥好香。另外仲有小籠包，估唔到都有上海舖既水準。春卷又有芝士汁既味道。食左咁多野，飽到要捧住個肚，再加杯凍既恐龍美綠劃上完美的句號。最後要讚一讚侍應生服務唔錯又有禮

今日早咗收工過咗去沙田行街，知道呢排好多舖頭都做特價，尤其是一田大減價，行到差唔多六點都已經開始肚餓今日就早啲食晚飯由於時間太早好多餐廳都未需要等位所以有好多選擇行到去沙田新城市三期見到有間類似新開餐廳由出邊望入去環境舒服裝修到好有格調Menu中好有特色呢度最出名嘅蛇羹點可以唔試吓，呢間係由百年老店蛇王芬嘅主理，將以前嘅粵菜年輕化夠晒特別呢度係用QR code落單大約5分鐘到，食物就到都算好快花膠太史蛇羹 98 元蛇羹材料非常多,當然有蛇肉,花膠絲,冬菇絲,雞絲 ,果皮。另外有檸檬葉同埋白菊花提供,可以用嚟辟除蛇肉嘅腥味,雖然我冇加到落去,但係我都唔覺得蛇羹有腥味。而且味道仲係好鮮甜,加上雞絲同埋果皮吊一吊味,令到蛇羹味道更加鮮甜,估唔到花膠同蛇羹嘅配搭係非常夾, 加咗花膠嘅蛇羹無論味道同埋口感都係做得好出色。蟹粉豆腐 98 元 ,豆腐本身味道偏淡,但係加咗蟹粉上去味道非常之香,而豆腐完全將香濃嘅蟹味吸收曬,每一啖豆腐都食到好鮮甜,好香濃嘅蟹味,豆腐做得好香滑,配上一個白飯真係無敵,呢個簡直係必食之選,好好味。焦糖龍井煙燻炸雞 168 元 炸雞味道非常之香,雞肉肉質嫩滑,雞皮仲卜

第二次食就叫咗碗酸菜魚麵，湯底酸酸辣辣咁，唔好睇小佢嘅辣度，都有譚仔10小辣咁嘅level。不過酸菜魚嘅份量有啲少，大約得4 5嚿左右，不過配料有菇，呢個份量反而唔少😂如果啲魚多啲就好啦

五香半筋半肉牛肉湯麵 ($78)一黎到超大碗超誇張！😂😂😂湯底都幾濃郁同幾香牛肉味，牛筋牛腩都煮得好淋，但又唔會冇咬口嗰種，而麵都煮得ok唔會好硬好淋，沙田呢個價都算ok

同屋企人去完一田血拼後好肚餓，求其上左三樓搵野食，見呢間唔洗等好耐就揀佢啦😝我地只係叫左兩個麵同一碟小食，食到好飽好飽，食物份量不能睇少呀😲呢間茶位每人$10仲要加一。五香半筋半肉湯麵 ($78)好大碗呀！超誇張！湯底濃郁，好香牛肉味，牛筋牛腩都煮得好淋，入哂味，好食👍🏼啲麵都煮得ok唔會好硬，都有啲咬口👍🏼蛇王芬潤腸鹹水角2件 ($38)見呢個幾特別就叫左一碟試下，本身以為係有潤腸餡係咸水角入面，原來係一塊潤腸係上面🤣都有咬口咸咸地幾好食。咸水角熱辣辣炸起，外脆內軟，入面煙煙韌韌好食😋火燒黑金叉燒撈麵 ($78)叉燒同撈面係分開上，撈麵份量爆多🤣佢既撈麵係蔥油撈，蔥有爆過，撈埋麵食好香口，油唔算太多唔會食落好膩👍🏼叉燒係半肥瘦架，都煮得好淋好入味，但係感覺唔似平時食嘅叉燒口感，比較上似東坡肉嘅嗰種質感，不過佢都燒得好好👍🏼實在太香

▪️花膠太史蛇羹 $98▪️灌烏雞湯百花丸 $68/2粒▪️牛腩花菇煲仔飯 $108想起蛇羹，年輕一輩應該只聯想起六七十年代、欠缺裝修的老舖頭。原來蛇王芬開舖頭開到入商場……四季芬芳的蛇羹很足料，有滿滿的蛇肉及花膠，啖啖滿足，為寒冷的天氣帶來溫馨的暖流。烏雞湯百花丸玩味十足，客人可以自己唧唧醋汁，亦同流心的特濃烏雞湯十分合配。📍四季芬芳@ 沙田沙田正街2-8號新城市廣場三期3樓363A號舖💰💰👅👅👅👅

百年老店蛇王芬口碑載道。以家仲開埋年輕副線「四季芬芳」，憑藉心思及創意，不斷為粵菜注入新元素。天氣又開始轉涼，馬上約咗成大班朋友一齊嚟大飽口福食返D暖笠笠嘅特式粵菜🥰 紹興花雕酒槽四寶 $98酒醉冷盤系列分別有毛豆、醉蝦、北寄貝同鴨舌。每款都酒香馥郁，夠晒入味花膠太史蛇羹 $98冬天食返碗蛇羹超補身🐍🐍內裡有蛇絲、花膠絲、雞絲、冬菇絲、木耳絲、薑絲﹑果皮絲﹑菜絲同薄脆等等，用料真係非常豐富！豉椒排骨白鱔煲仔飯 $98 天氣凍冰冰又係食煲仔飯嘅好日子！打開煲蓋鋪滿晒排骨同白鱔，落足火力夠晒飯香粒粒分明，食到最後仲有最正嘅飯焦！非常香脆可口蟹粉豆腐 $98蟹粉蝦仁 $128蟹粉原條黃魚煨麵 $148招牌蟹粉蟹膏撈麵 $138蟹粉系列又係我最愛嘅菜式！每道蟹粉都落足料絕不馬虎，每一啖都係濃郁嘅蟹香。重點推介招牌蟹粉蟹膏撈面採用傳統蟹粉拌面的做法，卻加入一點點日本元素：飛魚子和原個甲羅燒，別有一番風味！ 而上海著名麵食黃魚煨面， 原條椒鹽小黃魚外脆內嫩，鮮味十足。湯底係用雜魚熬製，麵條直接用魚湯煨煮，完全吸收魚湯的鮮味，再搭配用油炸的雪菜，及蓋上蟹粉，香味四溢！點心方面我地叫咗一大枱，真係花多

上網睇呢間係食新派蛇羹糯米飯點心咁，但piggy一睇menu就比呢個原條黃魚餵麵吸引，雖然網上面呢個比較少人食，但piggy都決定一試🤭好彩有試，一試不得了，黃魚固然唔係新鮮，但都好鮮甜，而且炸到有少少酥炸好正，但最正係個餵麵，平時piggy麻麻地麵，但呢個……真係好好食，入哂味，而且好上海😅連咖啡都好飲，piggy一定會再去😬

話說有一日睇報紙見到佢介紹四季芬芳，係蛇王芬第三代開設，所以就約埋同事一齊黎試下😊黎到先知道，原來舖頭係同天天海南雞共租分開為二邊，最搞笑係員工同廚房都共用😂見嗰員工走黎走去舖頭用QR Code落單，當然係先點佢既臘腸卷這款比較別緻，粉紅色既外層包住臘腸真係幾靚既，臘腸好好食比較瘦但覺得份量細左少少紅油炒手只能簡單講係5粒大雲吞有比較甜既辣油浸住，真心無咩特別，完全不辣而且偏甜，比較失望黑金义燒撈麵超邪惡之選😌义燒大約有8件左右，係用五花腩整成，三分一係脂肪，但做得很好脂肪入口不膩唯獨又係偏甜🥲撈麵麻麻地，太軟身而且又係偏甜臘味糯米飯加雙腸雙腸好好食👍糯米飯口感幾好但份量比較細※整體覺得名過於實，食物大部份偏甜，幸好有熱茶供應，可以解下😅一試無妨但無興趣再黎