四季芬芳

营业中

休息中

呢排係唔同中式餐廳有個清酒配中菜既Sake pairing活動，今日經過沙田新城市見到呢間個菜式幾吸引，之前又未食過，就決定試下蟹粉蝦仁 配八重垣 山田錦 特別純米 $148賣相幾靚，滿滿金黃色既蟹粉舖滿晶瑩通透既蝦仁，每隻蝦都配到蟹粉一齊食，鮮甜甘香，配埋一啖八重垣 山田錦 特別純米 ，清酒既花果香令蝦仁既鮮味更加提升灌烏雞湯百花丸 配真澄 真珠 AKA $88賣相超靚，成粒紅寶石咁，新鮮炸起十分香脆，炸蝦丸中間仲配有個洞去裝烏雞湯，外脆內juicy,配上真澄 真珠 AKA，比較辛口不過解油解膩，十分match

喺沙田行到攰，見差唔多到晚飯時間，路經呢一間店，見到唔使等位，於是走入去試吓一坐低，好快就決定咗要食啲乜嘢見到裝修都幾靚可惜一檢查啲碗碟，發現碗仔下面隻碟超級污糟好多油漬同埋污跡，見到都唔開胃不過因為隻碟唔會用嚟食嘢，所以都費事同職員反映落咗單之後，不停有店員走來問我哋到底帶咗乜嘢嘢食係咁攞唔同枱嘅單嚟問我哋係唔係落咗呢啲食物，非常混亂其實當時店內都冇坐滿人，點解落單都可以咁混亂呢跟住想問店員拎兩杯水，點知佢哋話今日唔提供水🙄我忍唔住問咁幾時會提供水呢？佢哋話星期一至五就會提供，星期六日假期就唔會提供水水一杯姐，我真係未見過有餐廳係唔會提供水🙄到到嚟咗碗牛肉麵，個碗好似洗面盤咁大真係大到好誇張，唔知嘅食客喺外面睇可能以為碗麵係超大碗但係其實兩個人食，一人一碗仔已經差唔多食完有啲理解唔到點解要用咁大個碗，成個頭塞入去洗面都OK跟住當我哋食緊牛肉麵嘅時候，個煲仔飯就嚟到但係當時朋友仲夾緊麵，個店員一句聲都冇出就隊個煲仔飯過嚟格硬將我哋個牛肉麵推向一邊而我哋喺碗麵隔離就放咗我哋支水，差啲撞跌我及時新隻手去接住支水，個店員先至求其講咗一句唔好意思其實你上菜，係咪應該要講聲呢？仲要聲都唔聲，我哋

每年都會搞既#SeafoodLovesSake 又返黎啦，由9月1日至9月30日去指定餐廳就可以食到佢地既Sake x Seafood Menu ❤️❤️ 記得上年去左好幾間餐廳都好令我回味。因為平時想飲清酒只有日本鋪頭先有，但呢個period去好多餐廳，包括中餐都有得飲🍶.今晚放工係屋企附近見到#四季芬芳 都有呢個Seafood x sake menu, 就簡單叫兩個小食配酒飲😋😋.🍴灌烏雞湯百花丸 配真澄 真珠 AKA $88 蝦膠肉打成膠，包著香濃烏雞湯再炸，口感酥脆彈牙，鮮味十足。搭配#真澄真珠AKA，呢隻清酒比較易入口，更可中和返蝦球既油膩感同提升蝦既鮮味👍🏻.🍴蟹粉蝦仁 配八重垣 山田錦 特別純米 $148蟹粉蝦仁本身較濃味，餸白飯就岩晒，搭配🍶#八重垣山田錦特別純米，可以更加提升左蟹既鮮味，又中和返蟹粉個腥味，八重垣山田錦入口感覺比真澄更濃，但又易入口，估唔到呢兩樣餸咁夾清酒👍🏻

坐低先知轉左餐牌，原本揀左既菜要重新揀過，而且選擇少左，但食落樣樣都唔錯喎！個蛇羹係同蛇王芬食既有啲唔同，呢邊真係羹，嗰邊似燉湯多啲。配料唔知點解有生菜絲 ？ 😅有蟹粉系列，食左蟹粉蟹膏撈麵同小籠包。撈麵好好味但係小籠包就一般。個個义燒好正，肥膏入口即溶。至於個個拼盤呢，全部都係酒既，最好味就係鴨舌同埋北寄貝。蟹粉蝦仁一般般。鹹蛋黃肉餅煲仔飯，有飯焦，豉油好好味，肉餅肥瘦適中。仲有臘味芥蘭煲，好入味。食完真係大滿足。不過人手不足，服務稍為不夠。

今天去了新城市廣場看平治電動車展 這商場是國內遊客必到之處 雖然現在少了 但本地客也很多 以我的經驗 晚餐要早點吃 17.30才不用等位在三期三樓 有4間食店圍在一起 應該是同一集團 採用中央厨房制 只是厨房和食店有一段距離 所以見店員捧著食物（有加蓋的）在人群中穿梭我去了其中一間的蛇王芬 裝修懷舊 除了常見的蛇菜式 還有常見的普通小菜 不過要留意是店前大大隻字寫明店內沒有任何茶水供應 亦不會收取茶位費 只有枝裝飲品 如要清水要自已去其他店購買既然以蛇為招牌 我便要了蛇肉羹凍 外表像上海肴肉 可惜內裡蛇肉不多 口感一般 椒鹽蛇碌 明白一定是急凍的 可是想不到一點肉味也沒有 而且很硬 很難咬呢櫻花蝦蟹奄仔蟹粉絲煲 配搭很好 香味也足 粉絲滿佈醬汁 好味道 只是蟹感覺不是很新鮮啫啫雙腸介蘭煲 稍嫌芥蘭有點老 潤腸多臘腸少子薑咕嚕肉 不錯 皮脆肉軟 酸酸甜甜很開胃生炒臘味糯米飯 是最滿意的 又香又大煲 煲仔白飯 足夠兩人吃 只是28元 很便宜要了2款飲品 也不錯不算很出色的一餐 只是勉強合格呢

難得同爸爸媽媽出街食飯老人家一定要食中菜就揀咗呢間試一試蒜蓉菜心炒得幾爽口而又唔會太老夠蒜蓉味呢個我個人覺得味道幾好同算抵食少少辣幾野味而且份量都算多唔會椒多過三鮮蝦帶子珊瑚蚌三種唔同嘅口感又無咩違和感呢個招牌竹絲雞百花球連老人家都大讚我個人最鍾意呢款菜口感好又夠味每粒分別有少少喼汁加入去丸入面 而粒丸中間有少少灌湯奄仔蟹土魷肉餅煲仔飯有少少太多甜豉油但味道幾好有飯焦個蟹有蟹羔好味總結而言係一餐食得開心嘅飯

以前在中環工作「蛇王芬」就聽得多但一次都未去過，現在係沙田開咗分店就去試吓。以「四季芬芳」為名，除咗以芬來代替蛇王芬之外，其他三字配上芬字，即刻感到食蛇也可以是一種升級的享受，同時也寓意黎到這𥚃四季也有得食。今次同老公黎食，當然要試吓佢出名嘅花膠太史竹絲雞羮。個羹一送到上枱巳覺得好華麗，每羮都充滿蛇肉、雞絲、花膠和冬菇絲等，口感非常飽滿同豐富，加埋一小碟既薄脆、檸檬草和蟹爪菊，既辟腥提鮮，又可囗和清熱，值得推介！而象拔蚌荷葉飯，象拔蚌好鮮甜，飯味濃厚，加埋淡淡清香撲鼻既荷葉味，吃得好飽足。而椒鹽花枝新鮮炸起，十分香囗惹味，也好有囗感，不過就較為熱氣，份量十足。

點咗兩個燉湯試吓：淮杞圓肉燉竹絲雞 $78 冬瓜瑤柱燉響螺 $88 兩盅都幾足料，火候都好夠，一個燉盅size ，以價錢來講，覺得可以再大碗啲，依家還可以接受嘅。焦糖龍井煙燻炸雞 $168一上枱，大家都感覺到有一陣燒燶味😂 仲以為有咩着咗火咁，點知先發現係碟雞嘅味道，雞皮都炸得幾好，外皮的確有少少焦糖嘅甜味，好薄好脆口；雞肉方面都算滑嫩，唔錯。灌湯竹絲雞百花丸 $38 一粒 👍🏻👍🏻 超讚😍😍 顏色好靚，賣相好好，而且有gimmick , 因為佢有一個汁可以自己整落粒丸到🤩 幾得意！食落都幾香口，裏面中間係流心嘅灌湯竹絲雞，要小心辣嘴😂 整體來講都唔錯，但一粒$38比較貴。竹絲雞湯豆苗 $98豆苗並唔係傳統嗰種冬天食嘅豆苗，佢係嗰種有青草菜味，一條條幼條嘅豆苗….. 我本身就唔太喜歡食呢種，所以唔方便評論。黑松露滑雞北菇煲仔飯 $98如果一個豆苗都要$98嘅話，咁我覺得呢個煲仔飯係幾抵食嘅😂 黑松露已經混合埋雞件裏面，所以一大開飯蓋就好香，份量大概都有四至五碗，好夠食👍🏻飲品方面：竹蔗茅根馬蹄薏米水 $28桃膠菊花桂花雪梨茶 $28 原來係塑膠樽上枱嘅，唔係親自調嘅一杯，裏面係好足料嘅

服務極差，極差極極極差。服務如果有負分想俾負分。menu 入面乜都冇，落單唔講，跟住就話呢樣冇嗰樣冇。一落單就話做緊。 真係重未試過這情況。落單咁樣，野食味道係點都冇意義。如果想挑戰自己忍耐力，可以一試

📍#四季芬芳🇭🇰香港沙田沙田正街2-8號新城市廣場三期3樓363A號舖#MFJ沙田 #MFJ中菜人均消費: HKD330味道: 👅👅👅👅賣相: 👀👀👀👀價格: 💰💰💰💰環境: 🌹🌹🌹🌹服務: 👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆山長水遠到沙田，就是要為要是蛇王芬旗下的中菜四季芬芳本以為是獨立店舖，誰不知竟像美食廣場搬在商場的正中間！雖則是這樣，但環境裝修等都十分有特色，亦是打卡之選！餐牌選擇都算多，可惜很多菜式都說售罄😢⭐️子薑糖心皮蛋🥚$48賣相十分靚！我不覺得糖心皮蛋特別出色，反而比較欣賞他的子薑非常的香！但$48只有隻皮蛋就有點兒貴💯薑蔥焗生蠔🦪$128比我想像中出色的薑蔥焗生蠔！生蠔起碼有11至12隻，份量算好多！ 蠔拉過油香脆可口，而裏面是剛剛熟，口感非常的好！茨汁很好味，連蔥都食清光💯油浸筍殻魚🐟$188有油浸筍殻魚都頗為驚訝！肉質超嫩超滑，炸得好靚，香口好味！大概11至12両左右，四個人都夠食！⭐️灌湯竹絲雞百花丸🦐$38/粒大家都被餐牌的百花丸所吸引，起初以為是雞肉丸，誰不知原來真的是蝦球 ！$38/粒，超級大粒！食的時候要小心因為真的超級熱！每粒蝦球都有一支醋

第一次來食，星期六都預人多，但佢地人手嚴重不足，果晚有間VIP房坐滿人，已經專人招呼，樓面得番一、兩個人。如果唔係下張枱到我，應該走咗，因為4張枱走晒都無執枱，足足等15分鐘都入唔到。中間有人想攞飛都話唔再派，當時只係7:30。入到場，叫咩無咩！7點幾就無野食，坐我隔離枱4人，睇住嬲嬲豬走人，因為咩都無等食。食物方面，用精緻形容，好細碟。但最唔好係因為佢本身無內置廚房，所有野要員工去隔離唔知邊度攞，碟餸就向商場走廊行個圈先入舖再上菜，雖然有蓋，都覺得唔多衛生

昨晚同家人去食晚飯，由於家中長者從未食過蛇羹，而佢又想食，所以就嚟呢間試吓。我哋晚上6點前已經到達，首先，門口有位女侍應接待時的態度實在麻麻，我哋想「寫紙仔」但當時見唔到放紙的箱，但該位侍應回應的語氣比較差…..入座後，想叫籠仔蒸飯但話賣晒（重點係當時只係6點都未夠），想叫臘腸又冇，陳村粉又話冇（後尾知道原來係其中兩版menu入面嘅菜成版都冇😓）而大約半個鐘之後，見到有其他客想叫叉燒同雞都話冇，要知道呢日唔係咩節日，只係平時嘅周六晚，都好多菜式話冇，心諗咁做咩晚市呢？另外，呢間舖亦非常唔夠人手，佢哋嘅侍應似乎要同時serve埋後面間天天，所以成日都搵唔到人或要等一輪先有人嚟serve

食過四季芬芳好幾次，啲嘢基本上都係好食，煲仔飯好食（有時係油咗啲），啲湯好飲...以前。只能夠說間嘢愈做愈令人失望，愈等愈慢，明顯樓面人手唔夠，個廚房又兼顧唔切啲單...今日外賣自取一個排骨白鱔煲仔飯($108)及冬瓜瑤柱燉響螺湯（$88），一早落定單都等咗40分鐘...其實等都算，明白食飯時間人多，係急都急咗堂食先...最失望同無言係外賣自取就算買滿$100有折，但個湯半個碗都唔夠我覺得點都講唔過去囉。有折扣就要比你扣減返啲量？咁你地個折不如唔好做。失望！

【入座個陣已經話得60分鐘用膳時間。】同屋企人2個人去左呢度食Lunch，叫左2個set。黎個蛇羹個陣，問我洗唔洗幫手倒上去個麵到，我話唔洗。點知佢一手就幫我倒左上去。咁我都算，最離譜嘅係叫個蒸飯餐，等左45分鐘都仲未有，咪催下佢囉。之後個侍應話係要耐D架，就冇理過我地。好啦，轉個頭另一個侍應見夠鐘就催我地埋單走人，佢先發現我地個餐冇黎到，幫我地問廚房。點知原來廚房係無煮過我地個餐，仲要叫我地等多15分鐘，有冇離譜左D呀！其實要個老人家餓成個鐘，仲要冇野食，會唔會過分左少少呀！😡

今次行完街試吓廣東中菜油浸荀殼魚個魚肉好爽口同埋啲魚油好香口 依款嘅魚油油份好高 魚肉肉質唔鬆散 一絲一絲咁好靚👍🏻👍🏻薑蔥焗生蠔上枱個陣出哂煙同仲滾緊👏🏻 薑蔥炒蠔得好香 但記住趁機食☺️豉椒排骨白鱔煲仔飯依個煲仔飯好濃味 基本上落少少豉油就夠 煲仔飯飯底上枱後用煲嘅餘溫去整飯焦 經理話如果太早刮個煲底會令到個煲仔飯少咗飯焦 同埋會無咁香灌湯竹絲雞百花丸成粒百花丸炸得好香脆 咬開係由啲蝦滑包住啲竹絲雞汁同雞絲 大大啖食好滋味😎我哋本身今次想食奄仔蟹土魷肉餅煲仔飯同文昌雞鍋 但前者因為唔啱時令食 同後者原來要預訂 所以最後都無得食😔😔 建議大家可以打電話去問下有咩係時令菜同預訂埋先