影片
更多
2022-06-11
98 浏览
約左朋友喺沙田市中心食飯，行下行下一路都唔知食咩好，最後行到黎四季芬芳，友人未試過食蛇，咁我就建議試下啦四季芬芳係中環老店蛇王芬嘅現代版，最出名當然係蛇羹。餐單係一張過膠嘅A3紙，掃QR code落單，略嫌不夠雅致，但相對比較環保而且可以確保唔會落錯單，而且價錢顯示詳細，一落完單已經知道成餐幾錢，茶錢加一全部計晒出黎。2個人叫左3樣野，分別係蛇羹、黃魚餵麵、蟹粉蝦仁首先上枱嘅係蛇羹，依照傳統附上埋檸檬葉、菊花、薄脆、韭黃，任君選擇蛇羹濃稠度適中，食左一陣都唔會出水，蛇肉足料且有陣陣陳皮香味，冬菇絲及木耳絲份量唔會太多，整體用料充足、平均，明顯繼承到蛇王芬嘅程度第2道上嘅係蟹粉蝦仁，個蟹黃汁唔夠蟹黃香但勝在加上蟹肉顯得更有份量，採用嘅蝦仁食唔出係咪用河蝦仁，但喺香港食我諗都難D食到真正河蝦仁，食起上黎雪味唔太重已經算收貨，唯一略嫌上菜時都已經唔太夠熱，係幾好食但水準相比蛇羹就差左少少最後係黃魚餵麵，黃魚似係即炸，上枱熱辣辣，以木簽串住，相信係方便定型，同以往去上海鋪食開嘅造型有少少唔同，肉質嫰滑媲美傳統上海菜鋪頭出品，連骨都可以食埋，不過真係要食快少少，一凍左就會開始硬最估唔到係個麵，正
四季芬芳係中環老店蛇王芬嘅現代版，最出名當然係蛇羹。
餐單係一張過膠嘅A3紙，掃QR code落單，略嫌不夠雅致，但相對比較環保而且可以確保唔會落錯單，而且價錢顯示詳細，一落完單已經知道成餐幾錢，茶錢加一全部計晒出黎。
2個人叫左3樣野，分別係蛇羹、黃魚餵麵、蟹粉蝦仁
首先上枱嘅係蛇羹，依照傳統附上埋檸檬葉、菊花、薄脆、韭黃，任君選擇
蛇羹濃稠度適中，食左一陣都唔會出水，蛇肉足料且有陣陣陳皮香味，冬菇絲及木耳絲份量唔會太多，整體用料充足、平均，明顯繼承到蛇王芬嘅程度
第2道上嘅係蟹粉蝦仁，個蟹黃汁唔夠蟹黃香但勝在加上蟹肉顯得更有份量，採用嘅蝦仁食唔出係咪用河蝦仁，但喺香港食我諗都難D食到真正河蝦仁，食起上黎雪味唔太重已經算收貨，唯一略嫌上菜時都已經唔太夠熱，係幾好食但水準相比蛇羹就差左少少
最後係黃魚餵麵，黃魚似係即炸，上枱熱辣辣，以木簽串住，相信係方便定型，同以往去上海鋪食開嘅造型有少少唔同，肉質嫰滑媲美傳統上海菜鋪頭出品，連骨都可以食埋，不過真係要食快少少，一凍左就會開始硬
最估唔到係個麵，正常餵麵本身冇乜期望，不過依大碗首先羸在夠大份，隻碗夠搶眼，第二係好入味，加上雪菜同蔥撈勻黎食，其實唔使食餸都完全可以食晒成碗，而且價錢相宜，喺出面叫條黃魚普遍都要68蚊條起跳，依度98已經連埋個麵
總結，質素出品勝預期，環境比起蛇王芬本店要好太多，又唔使過海又係商場，價錢唔貴得黎夠晒足料大份，基本上枱枱都有至少叫碗麵，隔離枱更加3個人叫3碗麵，抵過去食日本拉麵啦，至少唔會得2塊薄薄叉燒。之後都應該會再黎食，下次趁冬天過埋黎食煲仔飯先。
张贴
