四季煲仔飯

营业中

休息中

廟街最出名的莫過於是蠔餅，除此之外，聽到其煲仔飯三個字亦令人垂涎三尺。兩個人到了廟街，當然係食呢度既招牌菜啦﹗本來食開興記，但見四季多人少少，便過檔四季試試。 北菇滑雞飯: 火喉唔夠好，沒有飯焦，同埋 D 煲仔飯係濕身的﹗講真果句，有少少失望。及後的煲仔飯.. 應該比我地食既好，因為在遠處傳出了飯焦味。只可以怪我地唔好彩了。至於 D 北菇唔夠爽口，D 雞就 OK 滑既。 蠔餅: 要左大.. 好似座山咁高。「上層」既蠔餅幾脆的，但佢真係太多油了... 可以講係，下面既蠔餅被油浸到淋晒。佢 D 蠔唔夠多，同埋較細粒，令到佢蠔味唔係好夠。不過佢都幾細心，知我地兩個人食，所以兩邊都有辣醬。不過，總括而言，食為鮮的水準比佢高。老實講，今次同期望有少少出入.. 但廟味風味仍是存在的。比個 OK 佢啦﹗

是晚同男友睇完戲行過來吃煲仔飯，之前食過生記，上次經過四季好多人，今晚唔知係咪下雨關係，無人排隊，直入。我地坐住廁所位，不過唔緊要。我們點了鳯爪排骨飯（＄２１）、海鮮湯（＄２５）、細鴨蛋蠔餅（＄２０）。鳯爪排骨飯：隻鳯爪好白，唔係染晒紅色個ｄ，排骨有點靭，都幾多飯焦，食落去有陣燶燶地味海鮮湯：好多料，有青口仔，魷魚仔，蝦仔，蟹柳，豆腐，小白菜，粉絲，都幾大煲，幾清甜。蠔餅：有兩細塊，好脆，不過唔係好香。唔知係咪佢用晒鴨蛋轉左雞蛋，佢寫明用晒鴨蛋就用雞蛋。本來我地想叫枝可樂飲，但原來要出去外面自己買，所以冇買到。我地好彩冇買到，因為食到好飽，最後連湯都飲唔晒。好得意，食蠔餅加湯係有優惠的，呀姐話我地因為叫左個蠔餅，所以個湯會減３元，哈哈。仲有，佢地會見你黎齊野食就收你錢，唔知係咪好多人走數呢。

擺左係食評稿件幾十世都未掂過，終於看不過眼而的起心肝打埋佢。蠔餅熱辣辣，非常鬆脆，亦勁多油，蠔仔份量不多，要靠辣醬吊味。我還是喜歡傳統的潮式蠔餅。排骨煲仔飯、滑雞煲仔飯18蚊一個煲仔飯，仲要有飯焦，很難要求高吧...排骨滑雞肉質爽滑。有飯焦，但覺得同一般煲仔飯無分別。而且檯上支豉油有色而無味，白飯全都染黑，仍然覺得很淡。八珍豆腐湯就是很簡單的雜菜湯，料多，白菜生菜豆腐粉絲樣樣都不少。沒甚麼好喝不好喝，因為就是一般人都可以在家自己煲出同樣味道來。但於孤家寡佬而言，十元八塊有個清甜滾湯，怎樣都是抵的。

友人從外地回港話想去廟街食煲仔飯,去之前已為佢做足心理輔導,(因為呢Ｄ走咗十幾廿年已經同鬼仔無分別)衛生方面果然出事.排骨雞煲仔糯米飯----等十分鐘左右就上檯,打開個煲蓋都呆一呆!排骨真係好排骨,係一排排無肉嘅骨!雞就細細粒有六粒,骨連皮!個糯米飯底真係嚇鬼!軟淋淋撈埋豉油變一劈劈!鱆魚雞粒煲仔飯----呢個好少少!雖然個飯都好燶吓但起碼雞粒入到口.生菜鯪魚球湯----鯪魚球都幾腥吓!菜就無食因為Ｄ菜葉好多窿窿.無服務唔緊要,但衛生真係好差!本來正打算如何開口想話食到一半棄權跳船,此時傳來一陣騷動,原來有隻手掌咁大的米奇在檯底進行花車巡遊!(起身逃走好時機!)因為錢一早比咗,唔駛等埋單.這裡簡直將'將貨就價'發揮得淋漓盡致、出神入化!

情人節, 今日一心拉大隊, 成班毒男黎食煲仔飯. 一睇咁多人排隊就知係哩間o係出面等左3個字左右.見到d 煲仔飯咁平都打左個凸. 其實都知平既, 但太耐冇黎仲一直到聞到佢地煲仔飯d 糯味因為之前去興記食過, 都知佢地會煲過火哩間野冇野飲賣, 佢點我地過士多買汽水 $7支大既, ok啦.叫左個蠔餅$40唔知佢地點炸架呢, 炸完出黎之後都唔係好脆.底下好油其實都預左, 周圍d 蠔餅都係勁多油架啦.叫左5個煲仔飯雞飯冇食, 因為離我太遠梅菜肉片, d 梅菜ok, 都幾夠味, 撈埋d飯唔錯臘腸排骨都冇食, 因為我唔食排骨田雞, 哩個飯要$40, 可能田雞難整d 掛. 太耐冇食啦, 好食!最正田雞脾, 大大隻, 又多肉又滑窩蛋牛, d 牛ok林. 幾好味佢哩度d 飯焦比較少, 不過都好過興記成個接近煲底既地方都燶晒食唔到哩個只係一層. 岩岩好, 不過當然唔咁燶好啦同埋d 煲邊好易刮d 飯出黎, 唔知佢係咪未煲得夠有d 位黑晒燶晒但都係林架囉. 又唔似係豉油既色. 因為佢d 豉油都唔係好深色每人都係$34, 食咁多野, 算係咁.反而覺得係茶餐廳o個d 好食d, 火喉可以岩岩好, 有少少金黃而脆太燶

凍凍地食咩好呢?煲仔飯真係個唔錯嘅選擇!收工九點幾, 好彩男友識做, 排定隊等位, 啱啱好我一黎到就有位, 仲響電話度問定我食咩, 幫我叫埋...醒目仔咗播!潤腸排骨煲$21 未食過潤腸, 貪玩試下, 真係唔啱我口味, 比哂男友食, so評價嘅係排骨, 數量多, but得骨冇肉, 飯濕咗d, 飯焦硬同實, 懷疑係煮好飯再放餸再煲@@, 唔係點解d飯焦會咁實?一d都唔脆牛肉滑雞煲$21 牛肉唔會醃到淋哂, 仲有得咬, 焗完嘅雞仲係好滑, 剛剛好, 個飯都差唔多, 除咗飯焦以外, 都大煲同好味嘅~P.S. $42兩個人食咁大煲飯, 去茶記都唔得啦, 飽到暈, 再加埋買咗$20牛雜過黎食, 呢餐好滿足呀!(之後仲去埋食甜品.....)

因為返工呢頭, 間唔中都會黎呢度食煲仔飯, 今次同女友黎, 又係叫窩旦牛肉煲飯+肉片煲飯, 女友鍾意滑旦撈飯, 但我就唔係太鍾意一舊舊牛肉, 個人覺得如果可以改免牛肉餅仲正肉片飯既肉, 要求唔高都OK, 嫰滑就唔使諗架啦,飯蕉又係燶得滯，唔夠食太多．．．老實講, 呢度既野味道唔係好食, 只係一般而矣,但係天寒地凍, 有野飽肚暖胃, 仲要$18個煲, 仲可以有咩要求, 唯一強列不滿既係，D人似好等錢使咁囉，唔係黎齊野收錢，只係黎一個煲就伸手囉錢，收完錢後，有野要追咩? 就冇人理你，結果我食完啦，女友個煲都未黎！！我已經儘量慢慢食，期間追左幾次都仲係冇料到，我地火都滾哂　就同佢地講；『再唔黎退錢啦唔該！』要咁樣，先會幫你跟單，然後唔使兩分鐘就拎個煲黎．．．今時今日咁既服務真係唔掂囉，收左錢就冇左SERVICE, 睬你都生滋，他朝君體也相同丫, 祝你好運

星期日同左男友去左依間食飯其實之前去過一次,不過因為實在太多人排隊所以都冇法子去食今日終於有機會去啦叫左 : 臘腸排骨飯, 牛肉滑雞飯 細蠔餅實在感覺到好得, 因為天氣關係天時凍食煲仔飯真係好正d肉又唔un, 臘腸好食, 加上醬油實在係妙絕不防再去都ok 呀~

之前途經呢度，見呢間野大排長龍。恰巧阿爸琴晚唔番屋企食，阿媽就會費事煮，於是琴日放學之後就同阿媽去試。由於阿媽話我地係大食之人，兩人一煲未必夠食，於是就每人一煲；加個細蠔餅同一碟通菜。阿媽要北菇雞飯 ($21)。我要的是排骨滑雞飯 ($21)。好多料，鋪滿成個飯面。排骨滑雞數量均等。排骨唔會淨係得d骨，幾有肉，已醃咸；滑雞只連著少少皮，多肉，的而且確係"滑"雞，但味道太咸。到煲飯喇，我煲帶點味，不是太濃，可接受。豉油成枝擺度，任你落。整體味道不錯，一人一煲會食剩少許。鴨蛋蠔餅：味道是得香口的，炸到脆pokpok，不過真係太肥太油；蠔仔唔多，似食緊蔥油餅多d，實在太多蔥、太少蛋同太少蠔。通菜唔當做，有點老都預。笑臉係齋俾個飯。下次會試d湯，好似好大煲又足料。

煲仔飯超普通, 豉油又冇味, 雖然$21(2味)$18(1味)好平,但係我覺得好難食囉..=_=""煲仔飯個煲同d飯都超級燶, 啖啖燶味...蠔餅(細$20)應該係炸...得太勁, 好似食油渣咁要食煲仔飯唔會再嚟環境方面逼之餘台又細賣點只係一個"平"字

天寒地凍, 最好就係去邊邊or去吃煲仔飯, 打邊邊已經打得太多同埋有d膩喇開始, 唯有去下廟街行下, 見天色都黑到咁上下, 六點鐘就走左去搵地方排隊歎一煲熱辣辣的煲仔飯啦~ 以我所知, 煲仔飯流行於香港、廣東及澳門一帶, 人們把白飯及餸菜混在瓦煲內, 利用火爐慢慢把飯菜加熱煮熟; 在烹調過程中, 貼在煲底的飯會被燒焦, 成為飯焦, 這些飯焦香脆可口、味道一流, 是煲仔飯其中一個吸引之處。一邊行, 一邊看到一堆人向同一方向進發及手指指,咁好8卦既我, 當然要走去8埋一份啦! 嘩! 原來係排煲仔飯咖!心知人多一定唔洗死, 拿拿聲拉埋男朋友去排左先算啦!係門口已經見到有十幾廿人排緊「四季」由於排隊位置於佛堂隔離, 我地唔好意思成日望入去, 唔知做咩,咁唯有望下左、望下右、望下前前後後啦!嘩, 一望之下, 見到對面有檔賣牛雜既, 死咯! 又一餐前小食先!等左大約廿分鐘, 牛雜更一早入左腸消化緊終於叫到我地入去喇! 平日都旺場旺到爆, 人人張枱都一定有兩個煲仔飯做膽真係好, 唔洗點諗, 叫18蚊系列既我, 就問了問男朋友的意思啦!點知, 男朋友極咀叼, 一定要食佢地至貴既煲仔飯喎! 真係難養!因

平安夜唔食西餐食煲仔飯嘩好多人排隊!!!等左半個鐘終於有得食叫左排骨飯, 白膳飯, 蠔餅排骨飯-6舊排骨, 有肉味, 唔多肥膏, 好滑, 加埋鼓油熱辣辣好味白膳飯-5舊白膳, 新鮮唔梅彈口蠔餅-炸得好脆口, 粉唔多, 唔會食到成口油, 啖啖蠔仔, 加埋辣醬又係正冬天食煲仔飯, 人生一樂也

同fd過Christmas...一早話o左要食煲仔飯..咁就黎呢到喇...見到好多人排隊~但都唔洗等好耐...煲仔飯18蚊係真係抵得有點兒那個...唔係話難食..但就冇咩特別囉...18蚊就唔需要太多要求啦....so...不過不失啦....=]

星期五晚同朋友特登黎食呢間咁出名既四季煲仔飯條人龍超長, 好彩又唔係要等好耐, 唔駛半個鐘就入得去食~三個人叫左一個大蠔餅, 一個雜菜煲, 一個排骨煲飯同一個滑雞煲仔飯蠔餅先上, 用料足好多蠔, 我唔食蔥都食埋佢啲蔥因為個餅冇生蔥果陣難食既味, 反而好香~真係好好食, 個source都唔錯, 一個大蠔餅三個人都唔夠食~唯一樣drawback就係油多, 特別係底嗰度太多油整淋左個餅~至於煲仔飯就比較失望, 首先啲飯乾左少少, 肉又少, 完全冇汁, 所以啲味係靠落鼓油, 但啲鼓油都好似冇乜味咁~我落左好多先覺得夠-.- 但一個煲仔飯只係賣18蚊, 仲想點?雜菜煲...沒什麼特別, 但叫煲仔飯叫一個雜菜煲係幾好, 因為煲仔飯冇菜食~

六點鐘就走左去排隊啦~ 眼見另一邊的著名煲仔飯(興記)仲未有人排兼有table之際,我地就見到有10幾20人排緊呢一間四季!!!見未食過, 而又有咁多人排, 一定唔會難食咖喇, 咁就排一排等左大約15-20分鐘, 入到去, 好明顯係旺場旺到爆, 個個張枱一定有2-3個煲仔飯好喇, 唔洗諗喇, 一於叫佢地既18蚊系列!排骨煲仔飯($18)田雞煲仔飯($40)男朋友咀丟, 係都鐘意食田雞, 不過佢話d田雞好似熟過頭, 有d鞋口喎~而我個排骨飯就好似少左d排骨喎~ 而飯好似唔係好夠豉油味, d豉油問題!食到最後, d飯焦好難整佢出黎食, 而且有好多都幾燶下, 唔係好敢食喇...煲仔飯都好有煲仔味既...