四季煲仔飯

营业中

休息中

星期五晚同朋友特登黎食呢間咁出名既四季煲仔飯條人龍超長, 好彩又唔係要等好耐, 唔駛半個鐘就入得去食~三個人叫左一個大蠔餅, 一個雜菜煲, 一個排骨煲飯同一個滑雞煲仔飯蠔餅先上, 用料足好多蠔, 我唔食蔥都食埋佢啲蔥因為個餅冇生蔥果陣難食既味, 反而好香~真係好好食, 個source都唔錯, 一個大蠔餅三個人都唔夠食~唯一樣drawback就係油多, 特別係底嗰度太多油整淋左個餅~至於煲仔飯就比較失望, 首先啲飯乾左少少, 肉又少, 完全冇汁, 所以啲味係靠落鼓油, 但啲鼓油都好似冇乜味咁~我落左好多先覺得夠-.- 但一個煲仔飯只係賣18蚊, 仲想點?雜菜煲...沒什麼特別, 但叫煲仔飯叫一個雜菜煲係幾好, 因為煲仔飯冇菜食~

六點鐘就走左去排隊啦~ 眼見另一邊的著名煲仔飯(興記)仲未有人排兼有table之際,我地就見到有10幾20人排緊呢一間四季!!!見未食過, 而又有咁多人排, 一定唔會難食咖喇, 咁就排一排等左大約15-20分鐘, 入到去, 好明顯係旺場旺到爆, 個個張枱一定有2-3個煲仔飯好喇, 唔洗諗喇, 一於叫佢地既18蚊系列!排骨煲仔飯($18)田雞煲仔飯($40)男朋友咀丟, 係都鐘意食田雞, 不過佢話d田雞好似熟過頭, 有d鞋口喎~而我個排骨飯就好似少左d排骨喎~ 而飯好似唔係好夠豉油味, d豉油問題!食到最後, d飯焦好難整佢出黎食, 而且有好多都幾燶下, 唔係好敢食喇...煲仔飯都好有煲仔味既...

飯實在太淋！未食過煲仔飯咁濕？失望

和幾個朋友到廟街附近的四季煲仔飯，那天下大雨，店內冷清清的，入座率大約只有一半。我們點了兩個蠔餅，一碟菜，一人一個煲仔飯，因為店內不供應酒水，伙記說我們可以到外面士多買，於是我們買了幾支啤酒。我們七點半開始吃，八點幾吃完，阿姐來收了部份的碗筷，之後大家拿著酒杯聊天，大約八點九，阿姐再走過來，情況如下：「你地都食飽喇」「？」（大家環顧四周，店內有一半座位是吉的，店外下著大雨，人影都冇隻）「阻住做生意呀」（阿姐面有難色，似乎是被遠處的老闆強迫來趕我們走的）「．．．」（我們真的不知如何反應）「你地大學生，應該明白呀」「我地唔係大學生，仲有，我地未飲完杯野」（之後三分鐘，我們用我們自己的語言討論究竟在發生什麼事）最後，我們飲完手上的啤酒，離開這七不思義之地，到了門口，貌似老闆的男人還懶有禮貌的叫大家記得執齊野。我們到了門外，A爺拿出手機拍下他們的招牌，大家決定一定要替他們好好宣傳。事後我們一邊吃糖水，一邊研究究竟剛才發生什麼事，我們想過的可能性如下：我們樣衰，影響他們生意（他們的伙記的賣相不比我們好）我們阻著他們做生意（可是他們有一半的座位是沒有人的，而且因為下大雨，街上也沒有人）我們傾計太大

全家人都黎過尼到食因我尼個大鄉里未試過專程黎陪我食今次唔洗等位叫左：我：排骨滑雞煲 - 排骨有肉汁,唔似冷鮮貨！滑雞好滑媽：白鱔煲 - 白鱔新鮮 , 好味爸：蠟腸滑雞煲 - 我無試 , 但我眼見好多人叫蠟腸xx煲大蠔餅 - 好香蛋味 ,唔知係咪用鴨蛋關系呢 蠔都ok大隻！但真係好多油魚肉豆腐湯 - 真係好普通 , 普通既魚肉, 豆腐,生菜同湯用料係幾新鮮,但我唔太鐘意佢地煲仔飯既豉油豉油一D甜味都無食飽飽後,電話到,陪友人要食多餐

上次嚟，早得滯，未開舖。今次就遲咗啲，要等位。雖則幾多人，但安排都叫有條理，唔駛等好耐就有位。叫咗鳳爪排骨飯同臘腸滑雞飯，鳳爪個樣唔係幾得，冇乜色水喎！不過食落原來好入味，質地仲keep得幾爽口。排骨真係好骨，唔肥，不過細舊咗啲。最重要啲肉汁，唔單單響面一層，更加滲晒入啲飯中間。依家已經好難食到咁鮮味o既肉汁煲仔飯，旺角好多食肆都做唔到，快餐店(大家x同大快x)更加唔駛諗！臘腸滑雞飯都幾得，雞唔係剩得啲骨頭，仲幾滑！臘腸唔算肥，味道唔錯。8蚊加咗個腐乳通菜，普普通通。好迫，好多人！不過仲keep到幾乾淨。舊區食肆，算係咁啦！

四季真係又平又抵食~~臘味煲仔飯同牛肉排骨飯都very good~ 牛肉好滑~ 又有飯焦~ 正!!蠔餅麻麻, 脆就脆, 但得個幾粒小蠔仔.... 油菜, good~ 以四季咁gei 價錢, 其實真係唔可以要求咁高~有咁gei 質素, 我已經覺得very good 啦~

朋友想試廟街 的 煲仔飯, 在 openrice search 到四季煲仔飯 的 comment 吾錯, 於是 一試. 蠔餅~ 好香脆 又夠 熱, 但 食了 幾口 便好 滯, 太油膩了.咸魚肉餅滑雞飯~ 其實本人 不懂欣賞 煲仔飯, 又不愛食飯蕉…………..朋友都覺得 d 飯有d 硬………….好 一般.虾醬炒通葉~ 虾醬 太 咸 了!豆腐什菜煲~ 豆腐 幾好味, 不過 成個什菜煲 的 味道 又是 太 咸 了!其實, 到 廟街 都是想食下 大排擋風情….. 至於好吾好食, 視乎 個人口味 多d, 價錢有貴有平………最好一班人來食, 氣氛會熱鬧& 開心d !

又到星期五, 同密友B仔又出街, 本來打算食夀司, 不過依排駛多左$$, 大家都想慳D...我就提議再戰廟街...."再戰" 係因為上次我地唔知係短街入左邊間食煲仔飯難食到震....個炒蜆我仲整得好食過佢...又貴!!! 今次去左四季....因為佢最多人....一去就咁好彩有位....不過都好多人呀....差唔多全埸爆滿....我地叫左咸魚滑雞飯($21) + 臘味煲仔飯($18) 同細蠔餅 ($20) 蠔餅好味呀....脆 + 熱 + 多蠔仔 + 點D辣椒醬 = 85分....係油D 咸魚滑雞飯....咸魚唔係梅香...死實冇咸魚味....下次唔會加....或者叫第樣....雞, 一個字 -->正!! 又滑又入味....飯OK....底有D 濃...臘味煲仔飯....依個我唔知呀....冇試...唔"好"臘腸果D...不過B仔話麻麻地, 又冇佢想食既臘鴨....下次唔叫依個wor....去得廟街唔好要求有咩環境衛生啦....不過lee間都算光光猛猛, 老細有禮貌既...臨走都提d客唔好賴底野呀咁...不過打大赤膊架....有d客人都係咁....and 可能要搭枱囉....

今日同bb睇完好好睇的wall-E, 特登去油麻地食煲仔飯~ 世界上最殘忍o既飯!!haha入去之前見到附近其實好多店賣煲仔飯, 不過呢間最多人一入到去見到勁平wor!!我地叫左兩個煲仔飯, 一個潤腸滑雞, 一個排骨牛肉~wooooo~ 排骨同滑雞好入味同好滑架~ 牛肉okay啦~ 潤腸正常唔太硬, 令到成煲飯都好香!!d飯焦仲唔係好黐個煲, 好好好好味呀, 最緊要夠平, 廿幾蚊咋!!我地仲叫埋生菜($8) 同蠔餅~ 個細蠔餅都幾大架, 兩個人食有淨添架~~~~~蠔就唔係好多, 都幾油, 不過都係果句, 抵丫麻!總之好味得黎又好抵啦, 唔怪得咁多人架喎!不過果度冇汽水架, bb想飲不過飲唔到, 下次要自己帶過去呢~~~~bb 有再一次好有心機咁搵邊度有好野食, 再一次令到我又好完美o既一日啦!!果度好得意架, d送上檯就要比$架啦, 唔好嚇親~ 同埋d食具幾dirty, 大家記住洗一洗呀!!

2008年7月12號 - 四季煲仔飯油麻地鴉打街46-58號昨天飲醉了，下午才起床，唉，小明打來問我有沒有興趣去試一試煲仔飯，當然馬上答應啦。 5點已經來到油麻地了，有些餐廳還沒開門，但由於我由起床到現在一直都沒吃東西，肚子真的很餓，本來想去興記的，但興記還沒開，於是便去了格離的四季。入到去給我的感覺是這裡不像餐廳，像工廠的飯堂，不過唔理咁多啦，叫左野食先講，我叫了一個白鱔排骨飯，小明叫了一個北菇蒸雞飯，再另外叫了一份蠔餅，呀姐推介用鴨蛋煎，但我接受不了，所以還是叫了雞蛋。等了半個多小時才有得食，可能因為時間尚早沒什麼人吧，平時要等差不多一小時才有得吃的。白鱔排骨飯 - 一黎到，沐d豉油再焗一焗佢，打開個蓋，勁香呀，白鱔好滑，飯蕉很香，不過入邊有d橋頭，我唔係咁鍾意。蠔餅 - 炸得好脆，勁香口，蠔都算幾多下，點埋個辣醬，真係幾夾喎，雖則熱氣，但係間唔中一次無所謂啦。不過細份真係唔多夠兩個人食，下次都係叫份大既先得。小明個北菇蒸雞飯，佢食到一粒飯都無剩，仲要係一個女仔，可想而知應該都有番一定水準。

本來諗住再食橫綱拉麵但原來晚飯時段真係好多人排隊 !於是轉戰廟街煲仔飯 !男朋友食過四季咁今次就試下啦叫左牛肉排骨飯同細蠔餅同腐乳炒通菜煲仔飯唔記得左加蛋 ,即刻冇咁好食添個蠔餅雖然好脆 ,但成塊得10分1位置有幾粒蠔仔 ....蠔餅真係有D失望 .. :<我覺得都係隔離好食D咁 ..不過真係好抵 , 60幾蚊兩個人既晚餐 , 真係好耐冇試過啦 !

同朋友睇完戲，即到四季試試~滑雞煲仔飯和滑牛飯都果然又香又滑，而且飯都煮得剛剛好~最後再加d熱水連飯焦都finish~絶對係抵食好味之選~~(p.s.今次冇相,下次補返)

4月18日，21:00吃過麻辣王的魚蛋後，漫步到老廟無飯引的我，竟想吃煲仔飯店外不見人等位，便進店要了煲牛肉飯加蛋。十多分鐘後飯才到位。馬上開蓋，放入生蛋，實行攪攪陣。飯香、蛋香、肉香，再加點豉油，便成了完美組合。敗筆之處是飯焦不夠香。同檯有兩位小妹妹，叫了牛腩煲、煲仔飯外，還在外面買來一碟牛雜，衹可說嘆句，青春無敵，後生可畏。

今日6點幾放左學..由阿Ling帶我與一個朋友一齊去食煲仔飯e間鋪既阿姐話e度開左幾十年....好出名..所以我地就入去試下!!!我地3個人叫左好多野食- 梅菜肉片飯 (佢d肉好滑..好好味!!)- 鳳爪排骨飯 (唔算太特別!!!)- 細蠔餅 (真係好值得去食,脆卜卜...Good!!)- 者者雞煲 (雞好滑口,但就勁多油!!!)- 生菜我地3個人食...但都係食唔晒d野....食到好飽!!total加埋$98..好抵食!!!!!每人$30幾度