四季煲仔飯

营业中

休息中

等了10分鐘便有得食了!北菇滑雞飯超正! 雞滑, 茹香, 飯吸了雞油的味道, 又有焦得剛好的飯焦! 臘腸排骨飯相比來說不是太特別, 但臘腸也是很香的~~~雖然環境不是太好坐, 不過我們也趕著去看戲, 不打算坐很久廿多元吃一餐, 食肆衛生好就OK了

每次食煲仔飯都會周圍打電話問人 食四季定興記呀???問唔同既人都有唔同既答案．佢地既答案仲要係好肯定咁講"梗係 xx啦" "你又問?xx囉."問完之後都做唔到總結..算啦..最後，我地一入去最先經過四季,就係四季坐底左．首先第一件事,是去洗手間．它的洗手間很特別 "不準大便" 十個珍! 哈哈蠔餅(大) $40 - 非常美味!吃蠔餅彷彿是吃煲仔飯的指定動作．這次我們一行9人，當然叫了個大蠔餅啦!蠔餅用鴨蛋整的，特別香口且又炸得金黃色，賣相吸引！蠔餅的份量很足，有很多蔥和蠔仔！蠔又處理得好，乾淨沒有異味！加埋甜酸醬食仲正！煲仔飯 價錢$18-$22不等，加蛋就加一蚊其實每個人的飯都不錯，但唯獨是我那個煲仔飯有大陣燒焦的臭味！一打開飯蓋已覺得不對路，糯味十足！食落口，每啖飯同埋肉都充滿lone味!　　超失望呀！咁我就食朋友的煲仔飯啦，他們覺得那個鼓油好像沒味的！就算下了很多，直到整碗飯都變黑都覺得沒味！而且它的飯焦不夠香脆，黑黑的飯脆只有lone味! SOFTDRINKS 你們在圖片中見到的SOFTDRINKS是要在外面買的蠔餅是好吃，但興記也同樣好吃呀！但是煲仔飯就差天共地了，起碼興記

三十幾度，凍野唔離手既我，跟大隊黎左廟街食煲仔飯，七點黎到，人多到啦，都要等一等先有位。環境係想像到的，大牌檔feel。主打係煲仔飯，其他有蠔餅，炒菜，就只係賣呢幾款野。三十幾度，冇要"臘"字頭既煲仔飯，滑雞、排骨同埋牛肉各一，加個炒菜同埋蠔餅。十多分鐘黎到，快手。一打開有好香既飯香，三煲都較為乾身，三煲都有飯焦，唔係黑到食唔到果d，不過聞落冇咩焦味，飯黎講算係唔錯。餸黎講雞夠滑，不過d味未同飯合體，反而排骨就同d飯合左體，是最好的，牛肉就一般呢。蠔餅賣相不錯，睇落蠔多，夠脆。食落唔錯，唔油，咸味還可以，好味道。賣十八單拼，廿二雙拼，其他小菜都係十多蚊碟，蠔餅大碟都係四十蚊，真係抵食。飲品過對面士多自己攪掂，有好野食，有冷氣，三十幾度又如何呢。

間唔中都會來e間食一次煲仔飯特別係冬天既時候,因為無咁熱叫親都係食一個細炸蠔餅再加個咸魚肉餅飯xdd"同加碟通菜......2個女仔都夠食^^炸蠔餅----$20 一份要唔唔洗多,雖然佢做唔到啖啖都有蠔仔,佢起碼都叫做多,唔似其他店咁要搵先搵到粒^^咸魚肉餅飯---有飯焦,同埋加佢既煲仔飯是油間直一流*咸魚雖然得幾粒,不過佢d味分散落去下午d飯,所以食既時候都咸咸地^^唔錯菜都係普通...明白到出街食菜會覺得唔抵^^侍應ok...環境逼....不過夠wind味

因為未試過同埋見到佢都幾平所以就走去食下一去到已經見到條人龍勁長排o左半個鐘有多先有位入到去已經係即刻點野食但都要再等多大半個鐘先有野食- 炸蠔餅係就係脆, 不過得個咸字完全食唔出蠔o既味道咁濟- 北菇滑雞飯d 北菇又乾又硬咬落完全唔似食緊菇咁雞係幾滑, 不過俾豉油o既燶味蓋哂等位等野食o既時間加埋仲耐過我地食野o既時間真係好唔明其實佢又唔算特別好味但點解會有咁多人排隊黎食呢唔知其他人係咪又好似我地咁patpat痕走黎試新野?!

有朋友十幾年無番過黎香港... 諗左好耐都唔知帶佢去食咩好.... 最後就決定去廟街啦. 不過去到又唔知邊間好食, 我哋去得早, 又無人群比我哋跟. 結果係OPENRICE見到呢間人氣唔錯, 所以就決定黎呢間... 點知原來條人龍咁鬼長..... 不過都唔知食咩好, 人龍長起碼都係一個保証黎既, 反正幾個人, 傾下傾下D時間好快過.好彩佢舖頭都幾大, D人流都去得好快, 所以就算我哋排隊時係前面既人唔少, 我哋都好似唔係等左好耐就有位坐. 我哋五個人, 就點左一個大蠔餅, 一個粉絲什菜煲, 八珍豆付湯, 同埋四個煲仔飯. 先黎蠔餅~~~~ 個蠔餅幾得喎. 炸到好香口, 但係食落口時又唔會油淋淋, 好似有啖油係個口到咁. 但係我就覺得跟蠔餅嗰個辣醬,好咸但又唔係好辣... 如果可以辣D就好.粉絲什菜煲同埋個八珍豆付湯都係清淡之選. 唔會比好多油落去滾嗰D野餸, 味道亦都較清淡, 係健康家庭菜FEEL, 我就覺得好好味~~~ 尤其今晚既MAIN COURSE係煲仔飯等左好耐4煲煲仔飯終於都上枱. 一打開個蓋就D熱氣就係咁噴出黎, 我哋落完鼓油校校佢之後即刻蓋番個蓋驚佢會吹到凍晒. 呢個原本

從Openrice搜刮到油蔴地此店甚有好評，今天有空即管一試。經過了透明膠簾進店後，隨即見到一些像排檔的椅桌，客人還是不少，坐下不久便叫了兩個煲仔飯及一款湯。不得不提，此店相金先惠上菜收錢，雖然在香港較為少有，卻可免除走數之虞，不過如要追加點菜，便有再次計數收錢之煩了。先來潤腸排骨煲仔飯，灼熱的瓦煲放在枱上，傳來一陣陣飯焦味，用上的是上等絲苗、一大條鮮潤腸及大量廋骨排，淋上老抽，入口甘香味濃，個人認為如用上肉排則更豐滿可口。再來北菰滑雞煲仔飯，雖然北菰非十分香那種，但總算用料不少，配上了啖啖肉無骨的雞腿塊，肉香四溢加上甜豉油，難怪友人連飯焦也不放過。最後是咸疍白菜肉片豆腐湯，湯很清料很多，惟銻煲底異常凹凸，可見戰跡彪炳。兩人享受此餐只$65算是益街坊價錢，而衛生程度以地踎鋪及大量人流來說亦稱得上合格。

冬天時緊係會捧下煲仔飯場, 但夏天有時也忍唔住去食! 比起新翠華茶餐廳 (銅鑼灣總店或北角新店): - 四季的米飯香得多. - 餸的味也比較入到啲飯度, 唔怕餸還餸.- 一煲有幾多飯焦, 一煲無乜, 但也挺乾身. - 但全無炭香味, 我特地拿起兩個煲, 聞完出面再聞入面都無炭香味! 有飯焦嗰個香得多, 因有飯底燒焦起時的化學 reaction 味 (但不是炭香味). 另外嗰個無咩飯焦嘅, 當然乜香味都無. * 新翠華系啲餸真係新奇好多, 餸也好像睇黎高級啲但好唔好食就真係反而無這裡咁原汁原味咁? 但貴一倍, 雖然大煲啲. 聞個煲外面輕微香啲.* 新翠華啲甜醬油好味好多, 杰啲!* 話時話, 發覺北角新翠華少飯焦過但可能平均過銅鑼灣店. 可能因為北角店齌用炭起火? 銅鑼灣新翠華給我偷師時看到有些是用爐灶起火(夠快!), 再用炭完成的. 如去看看銅鑼灣新翠華最近的食評, 為何有人飯焦過黑, 就知why 了!比起上環永合成:- 近本完全兩回事, 無乜嘢好比!? 永合成無飯焦的, 是用麵包爐焗出嚟, 為何點解那裡叫"永合成餐廳餅店" 也不需要畫出腸了! 真係想要飯焦聽講可

一口氣看完「援膠女郎」「天生不是寶貝」「寡佬飛行日記」還未到晚飯時間 走進四季煲仔飯店入面雖然個個都係阿姐 但佢地手腳一d都唔慢仲多一份溫暖感 叫了 牛肉滑雞飯跟以前光顧時沒有太大分別 飯軟硬適中 很足料而且有好多飯焦 (可惜唔係我杯茶)二十二元 食到飽又暖 一到寒冷天 就有一股衝動走到這裡 不知是否星期六的緣故 六點半已有人龍出現 想唔駛等咁耐 ?都係早d黎好

油麻地近廟街, 鴉打街的 . 今晚朋友帶我去. 星期日, 6 pm 入坐. 咁大間舖, 當時巳全場爆滿.好墟'碪' !!!2 人叫左~1. 排骨煲仔飯: 單拼$18. ok 的. 呢個價, 飯質素算高, 反而排骨唔得, 無味, 同硬. 2. 啫啫雞煲: $25. 切到雞好細粒, 容易熟d同入味. 用蔥同洋蔥煎底. 我好鍾意食蔥同洋蔥 ga. 雞有味. 調既味道好好. 唯一是太多油了. 煲底d 油好赫人. 食完凈番的, 煲底d 油, 足有 2 湯匙有多!3. 抄清菜: $15 唔清ga. 反而好濃味. 啱我. 但又是太多油了 . 面頭 d 油好厚! 4. 咸蛋煎蠔餅: 細$20. 似炸多d. 佢強調用咸蛋煎, 我覺得脆口d 同咸左d.

星期五夜晚突然想食煲仔飯於是同男朋友上黎搵下邊間正見到呢間以大比數拋離所以決定星期六試呢間六點去到要等一陣先有位叫左蠔餅、八珍豆腐湯同牛肉滑雞飯蠔餅-好好食，連平時唔鍾意食蠔餅既我都不停食八珍豆腐湯-好多菜，岩曬我牛肉滑雞飯-有d失望，無咩飯焦整體上都唔錯

brought my friend here for a cheap meal out, after accidently walking into a expensive restaurant in mongkok...go here around 8pm and queued for about 15 minutes...which is very quick considering there was about 16 people in front of us...as we queued we looked at the menu and decided to order a salted fish chciken claypot, a spare rib with preserved sausage claypot and a small oyster cakeyou have to buy your own drinks and bring it inalthough its tight to sit down, the atmosphere is good, and t

在鴉打街及廟街都有主打褒仔飯的食店﹐這兩家的鋪位還開在附近﹐好有一種霸地頭的感覺。排隊其間﹐見到這店旁邊便是其開放式廚房﹐內裡有兩三位廚師開著紅紅火光的炭爐燒著一個又一個的褒仔。再過少許﹐便是其店炸蠔餅的開放式廚房﹐幸是晚時間尚早﹐所以不是等了很久便可進內入座﹐因而不用站在蠔餅廚房前被油煙不停地燻製。這處大部份的褒仔飯都是大概$18-$22﹐價錢大眾化﹐怪不得內裡堂吃滿座之餘﹐店外還排著一條長長的人龍。因全場滿座的關係﹐所以等了一段時間才有得食﹐是晚叫了鹹魚滑雞飯及肉片飯。鹹魚滑雞飯 - $22 – 鹹魚味道很鮮很香﹐肉質不是梅香那種﹐而是實肉那種。褒仔飯飯質剛好﹐上臺時看落好像濕了一點﹐但蓋上蓋後等一兩分鐘﹐飯質剛好﹐不會太硬﹐質素很好。肉片飯 - $18 – 飯質同樣上臺時看像過濕﹐但等一兩分鐘後軟硬適中。肉片是半化學肉片﹐但因沒有完全化學化﹐所以肉質還有些咬口。總括來說以這價錢來評論﹐雖然料不算太多﹐但飯質軟硬適中﹐得到如此質素已很不錯。這店還有些特式褒仔飯﹐列如田雞及白鱔﹐價錢在$30-$40左右﹐如下次再路經此地﹐必定一試或到訪鄰鋪試試以作比較。

五點半去到已經得番五、六個位,以為好好味啦...點知...落左ORDER等左35分鐘先有煲仔飯食。但係有個亞叔等得唔耐煩已經走左。有個人客仲等左一個鐘添。叫左一個鳳爪排骨飯: 普通排骨、鳳爪唔入味。冇乜飯焦、鼓油又唔見得好特別。食完好口渴。另外叫左一個牛肉滑蛋飯: 可能加左雞蛋,冇飯焦。見隔離枱個鴨蛋蠔餅超多油...都唔敢試。地方一啲裝修都冇...只係用普通嘅枱擺埋一推就算。六點半門口已經出現人龍。

一入冬, 我四圍食我最愛的煲仔飯, 廟街當然要去la, 因為炭燒煲仔飯得廟街先有得食... 有一天經過四季煲仔飯, 條隊長到不得了... 咁唯有去第二間食... 我係廟街找了一間細鋪便坐下.... 仲食左個好好味的煲仔飯(唔記得左個名)... 心想, 下次一定要去四季試下結果, 四季令我好suprise, 我真係未食過咁難食既煲仔飯 冇飯香, 飯焦又唔香又小, 飯心d飯係濕身既...唔駛講, 就連炭香都冇.... 點可能叫煲仔飯呀???!! 好彩既係, 我果日未夠6點就到, 唔駛排隊, 唔係真係要揾刀仔插大脾~~~ 果時人咁小, 個飯的質素都咁低... 唔知8點來食既人會食D 乜?? 點解咁多人讚呢??? 我10年前都成日去四季, 當時真係水準高好多... 但為左四季我地仲用左HKD50泊佢間黎個停車場, 直頭係浪費金錢又浪費時間!!!