四季煲仔飯

营业中

休息中

未去過廟街食煲仔飯咖, 見天氣凍凍地, 同朋友去食下! 行到去已經好驚.....條龍太長喇......間嘢又唔係大, 個 friend 又未到, 等囉.....心想, 唔好食就打死我個 friend!!! 等左都有 20 分鐘, 有位喇!!!!!開飯!!!!!!!!叫左個蠔餅, 雞煲同埋一個煲仔飯. 蠔餅, 好似炸既咁....好油, 不過d蠔都幾大隻, ok!雞煲, 好好味, 好香, 雞又滑, good!!!煲仔飯, 好小嘢.....又無飯焦.......一般!!!!不過係天氣咁凍既日子食都幾正!!! 下天有無咁多人??

成日聽班friends講四季煲仔飯好好食,終於今晚襯凍凍哋一家三口走去試,諗夜啲去(八點鐘)唔使等,點知去到門口條人龍嚇死人,唯有照等等啲時侯見到炸檔阿姐手不停咁炸蠔餅,聞到都幾香坐底叫咗三個煲仔飯,啲飯唔係咁多飯焦兼冇乜香味,普通貨色但不得不讚蠔餅,非常脆口,真係外脆內軟,非常好味,所以我諗啲人等咁耐都係為咗蠔餅九點半走時條人龍依然咁長,真係為乜?

因為有exchange 朋友就快走所以我地相約去食煲仔飯!我地星期5仲要夜晚8點左右去..注定預左有排等...我地等左1個鍾45分鐘.....-_-1人1個煲仔飯我要左滑雞, 都ok geee.但講真又唔係話好值得排咁耐去食......而且我個個又未見有飯焦..食落好似普通盅飯咁geee..但蠔餅就有驚喜我地要左x-large!!哈哈但x-large都好似唔係好夠我地6個人食......食落夠哂脆口! 而且蠔仔都ok多...呢個就值得encore!btw未必再返黎食...只是ok吧..

8:30去到有好多人排隊, 但係都照等, 因為好似好多人讚好味。20分後終於可以入座, 叫咗:$20 細鴨蛋蠔餅 - OK, 炸得好脆, 食完即刻覺得喉嚨有啲痛$8 生菜 - 幾好, 全晚我覺得最好, 不過呢個好難整得唔好食$23 鳯爪排骨飯 - 排骨幾好味, 但係個飯冇乜味, 即使落咗豉油都係麻麻, 而且冇飯焦真係令人好失望$35 白鱔牛肉飯 - 唔洗落豉油都已經好鹹, 一樣係冇飯焦一個冇飯焦嘅煲仔飯, 完全係一個唔合格嘅煲仔飯, 我唔會再花時間去排隊食囉!

成日聽到班friend講四季煲仔飯點好食,點好食,但始終未有機會一試,今日終於決定一早去試差不多6點半到達,但係條人龍好似水蛇春咁長,唯有耐心等候等了差不多半個鐘終於有位,即刻叫了蚝餅,腊腸排骨和潤腸排骨飯,又等了三個字蚝餅同煲仔飯終於有得食蚝餅........................真係好脆好好味煲仔飯....................夠香同有飯焦雖然排咗咁耐隊都係值得嘅

是日天氣轉冷，除左打邊爐食蛇羹，就係煲仔飯細蠔餅香口，炸到脆卜卜不過實在太油，我同朋友仔不停咁用鋪底張紙索油蠔仔亦唔多，主要食個蛋漿灼生菜份量太少喇而且生菜太早黎煲仔飯太遲黎同朋友仔各自食左3.4條就食曬臘味煲仔飯臘腸潤腸臘肉各一一黎到，即刻用筷子將臘腸潤腸分一半既係俾尐朋友仔食，更重要係流返尐油出黎撈落飯度果然一撈就飯香臘香四溢明明唔肚餓都可以KO成煲飯可惜既係，臘肉肥到救命，得十分一係肉最後咬開尐肉同膏，再開半俾朋友仔估唔到每人分得丁屎咁大粒既臘肉咸到我要連續食幾啖白飯最後食到底都有尐尐飯焦，不過唔多牛肉煲仔飯食到係鮮牛肉，份量不多雖然面頭有幾條薑絲，不過食落完全無薑味

開始食評之前先講少少題外話之前一支公諗住黎試下「四季」點知我太早去 原來唔做午市 (2:XXPM)死死氣去左附近有間以「雞什粥」出名既小店食不過自己又唔敢食雞什 叫左個叉鵝飯($23)D燒鵝好靚好好食 食得出真系鵝 唔系鴨可惜既系好似冇得就咁要燒味外賣入番正題友人8點半開始排隊 我黎到果陣9點1 先排到去條隊既中間 大約9點半左右先入得-.-叫左以下食物蠔餅細($20)2個煲仔飯($18+$23)八珍豆腐湯($25)落完單出去買完牛雜番到黎 已經見到蠔餅到左超級脆口 味道岩岩好 唔洗落魚露點完隔離個豆瓣醬反而好似仲咸左-.-其實興記果種蠔餅都唔差 不過口感唔同之後個湯黎左 入面都幾多料味道幾清甜 又唔系好味精(有少少都難免-.-)幾有住家菜feel最尾2個煲仔飯一齊黎幾多餸 不過興記好似好食d-.-臨尾再加多個細蠔餅^^埋單3個人每人都系$3x-.-計埋出面買既野飲同牛雜 都系$5x-.-但系已經食到好飽=0= 系坐得迫D姐-.-

近來去了電影中心看電影 兩年前都黎過一次... 當然戲院附近最好有很多餐廳飯店 知道大家去過，而我第一次食... 通常大排檔及飯店 大家首選蠔餅....之後係炒蜆、炸大腸、炒蟹等等.... 當然點了蠔餅..脆得黎好食... 最重要落蠔份量足夠... 什菜豆腐煲 好健康...有粉絲， 豆腐 臘腸排骨煲仔飯 都是為了臘腸 北菇雞煲仔飯 我好喜歡，但只是食左個冬菇，一件雞都冇食過 我最愛的白膳煲仔飯 白膳好食，平時一條都要50-60元 另外還有蛋牛煲仔飯，發現沒有影... 我喜歡個牛肉.........

這個星期天氣凍了一些，想了一想去食煲仔飯都是一個好的選擇，聽人家說油麻地有一間做煲仔飯幾好的食店在油麻地的橫街窄巷的，立即行動去試一試。其實都不是在橫街窄巷的，在地鐵站一出轉彎就到，以為六時去到是很早去到，點知已經有人在排隊了，雖然只得五六個人我都覺得驚訝，等了五分鐘就有位了。自己拿了一個餐牌看了一看之後，見單併是$18，雙併是$23，如果想叫油鴨、田雞和白鱔就要貴一些，其他的煲仔小菜都是二十多至三十元的價錢，價錢都十分便宜，想了一想就叫了牛肉飯、北菇滑雞飯、蠔餅和粉絲什菜煲。蠔餅(細)($20)第一個來的食物就是這一個，由於得兩個人去食只是叫了一個細的，見白板上介紹這裡的蠔餅是用鴨蛋做的，來到的時間見外表是炸得鬆化似蜂巢一樣的，立即拿來試了一試，味道十分濃郁，可能是用鴨蛋做的關係，蛋味比用雞蛋濃好多，外表就十分爽脆，炸得好像一咬即脆開的感覺來，內裡的蠔仔數量不少加上十分之入味，蠔和蛋的份量十分之配合，加上少少的辣椒醬，是一味十分香口的食物，見這裡每一台的食客都必叫的一樣食物來。 牛肉飯 & 北菇滑雞飯($18)+蛋($1)主角終於到了，來到的時候是一個細細的煲仔，聞一聞是一種少少的炭

尋日(22-10-2010 Fri)放工,知道打唔成風,打電話畀男友,突然又想出街食飯,咁佢又o係油麻地做o緊o野,咁就去o個邊搵佢啦.我坐地鐵途中,男友打o黎話決定o黎食煲仔飯.啊,我15分鐘後到,咁佢先去等位.其實三年前同女友人CK o黎食過,(當時食評: http://www.openrice.com/restaurant/commentdetail.htm?commentid=1866753)都記得位置o既.到油麻地地鐵站上到大堂未出閘,男友已經話到佢喇,我問係咪o係文明里出口出?佢答係.好,我飛快咁o黎到,果然佢排第一lu,o岩o岩亞姐問佢幾多個?佢答兩個,示意我o地等最出o個兩位走後,我o地就坐o個o度.好吖.客人走lu,我o地坐埋去,男友話一定要食蠔餅,我知道,而且得兩個人食,叫個$20.00細o既已經夠啦.之後我o地揀o左雙拼煲仔飯,要田雞同白鱔,落單時,亞姐話要$55.00,我答冇問題.佢問我o地要唔要湯?我問有咩湯?佢答海鮮湯同金銀蛋芥菜湯,我o地叫呢個雙拼飯可以減$3.00,即係$22.00.啊好啦,要後者.(呢排都冇乜湯水)我o地等o左好耐好耐,至有一碟兩件細蠔

一個放工的晚上,正想獨個兒逛逛,看到什麼就吃什麼,不須問理由. 是夜見人流不多,至少拉開膠帶門,隨意坐在什麼地方都可以,自己就是喜歡這種不經意的感覺. 看看四周掛了多年的餐牌,還是那幾款出品,改不了. 一個人吃不了這麼多,簡簡單單的一湯一飯就已經夠了. 滑雞飯 : 先將豉油沿煲蓋流入煲內,再焗多幾分鐘睇睇,一打開蓋,一朕飯香夾雜有雞肉的香氣湧出,看看雞肉份量其實不多,而且斬得有點碎,骨多肉少,但飯粒處理時間非常好,粒粒都是飽滿濕潤,到最後,更加少許牛肉湯,挖起飯焦食,真是人間美味. 白菜牛肉湯 : 即是滾湯,牛肉不用醃得過份,湯內加有少許豆腐,再用豉油混和胡椒粉蘸點牛肉食,可惜湯面見有菜蟲,相信是洗得不乾淨,但相反即是無農藥.湯是清清地,味精出奇地不多,食食下已經見底. 雖然門面有點破,但店內燈火通明,上菜速度又快,想坐多一陣無可能.

話說上星期五，風雨交加、雷聲不絕，不過依然無左我覓食的決心。話說自從上次吃完興記煲仔飯，大失所望之後，一直想試一試聲名甚盛的四季煲仔飯。叫了一個細蠔仔餅、一個滑雞牛肉雙拚煲仔飯，再去士多買了枝可樂，真係飽到上心口。蠔餅炸得好脆口，不過最重要係用鴨蛋製成，現在市面上好多都轉曬用雞蛋喇！本來係叫雙拼煲仔飯，但係唔知點解黎到變左做三拼，有埋排骨，不過價錢無變，照吃，好鐘意ｄ牛肉，真係好爽口。不過煲仔飯的精髓係在於飯，飯並未燒到乾憎憎，濕潤度岩岩好，無令我失望！今次係自己一個單挑四季，下次一定要帶埋成班ｆｄ黎開飯！

雖然夏天流流﹐但都好想食個煲仔飯~~ 拿拿淋落四季~去到8點半﹐不過唔洗等位~預先買埋飲品去送飯~~兩個人叫左﹕蠔餅﹕正﹗ 蠔仔夠多﹐又無腥味~唔會只吃到粉漿~新鮮炸起脆卜卜~ 唔油膩﹐甜酸醬配合得非常好~~~~ 排骨飯﹕飯較濕﹐未完全收乾水。無飯焦。味道一般。 (豉油較咸)臘味飯﹕潤腸+臘腸+臘肉。好寡的一個飯。呢煲就有少少飯焦﹐但係臘腸就好硬同埋無咩肉味菜﹕唔會難食的。清清地。整體來說都算不錯﹐落單姐姐們都算有禮貌。D野黎曬後會先收錢﹐食完拍拍屁股就可以走啦~~~

有一排筆者有鋪煲仔飯癮！當時適逢天氣凍簡直比哂籍口自己山長水又遠去增肥儲糧於是OPENRICE一下! 就決定左四季由於由季同興記條隊非常近 其實都幾易搞錯結果搞左一大輪 終於排岩隊 食住對面牛雜咁等入座入到座 發現左四季既兩大特色 1 自備野飲 2 平到笑事不宜遲 立刻上菜雜菜粉絲煲 (?)雜菜粉絲煲非常辣 雖然筆者完全係辣既絕緣體 但都非常願意係天氣凍既時間嘗辣其實除左粉絲爽 個湯底辣之外 實在無咩特別牛肉雞肉雙兩併(19)筆者喜歡雞肉又喜歡牛肉 於是出現左兩者混合體因為筆者住港島 去廟街諗住可一不再可 所以自然豁出去個飯既米香都唔錯…不過牛肉同雞肉只屬於咬口型以及飽肚型實在無乜味道…又無乜特別蠔餅 (20)蠔餅非常利害! 除左墊底張紙油到嚇親女友之外我地都非常喜歡呢個蠔餅既脆…聽到全間餐廳大家都咬到卡卡聲 真係好過癮而且味道十分好…蠔仔數量亦夠多實在是鎮店之寶 台台一碟無走雞!蠔餅有大有細 20元算細既 只有一層 如果點大既 可以有三層視乎大家人數及胃口而定作選擇寫完食評肚都餓埋…又開始心思思諗住四季!

4月9日, 呀比又黎到油麻地等呀菲放學, 仲提議食煲仔飯~ 雖然已經係春尾夏至, 但係唯獨呢一間煲仔飯咁多人, 店如其名, 四季都咁多人排隊~ 可再我可以一路等放學一路排隊, 就唔會o徙時間. 排緊隊時, 都見到好多外國人慕名而來, 廟街煲仔飯出名不在話下, 不過呢一度我地都係第一次食~::: 臘腸滑雞飯 ::: $22講明即叫即做, 等20分鐘都無怨言~ 等呀等, 終於都到, 黎到都仲要焗佢5分鐘, 真係有種急不及待嘅心情~ 一打開, 好香嘅味道, 臘腸, 雞同飯味混在一起. 豉油支放喺枱面任落, 可以隨個人喜好, 又唔會孤寒~ 雖然應該都係用冰鮮雞, 不過食落肉地嫩滑, 同新鮮雞冇乜分別, 蒸得剛剛好~ 臘腸只有一條略為唔夠, 太過乾身同硬, 就唔建議叫臘腸… 飯都唔錯, 可能焗得唔夠耐, 飯焦唔算太多. 整體而言, 當然唔及登龍街好食, 亦唔夠惹味, 不過咁樣嘅價錢又真係食到風味, 喺香港島食店係搵唔到的.::: 蠔餅 ::: $20鍾意廟街d蠔餅夠晒脆, 同埋會俾一大pat辣椒醬~ 用上鴨蛋煎, 蠔同蛋嘅比例預咗差好遠, 不過好彩呢次都搵到唔少蠔, size都幾大, 而且幾鮮味