四季日本料理 (已結業)

2007年6月25日星期一。四季。已是第三次來四季。第一次試canteen，第二次餐廳食過銀鱈定食不錯，今次都係餐廳。松葉蟹海膽飯定食$148有前菜、漬物、松葉蟹海膽飯、水果、烏冬（或Soba, 拉麵）個海膽飯OK，松葉蟹肉乾燥，麻麻。烏冬pass。另外叫了2個雪糕球($??)：紅豆和抹茶，兩個都有D紅豆蓉伴碟，個抹茶好味，抹茶味道夠濃郁。呢餐有人請，梗開心嗝！

2007年4月18日。是同事帶我來四季的。它分開canteen與餐廳兩邊，這次我食canteen。這裏是自助的方式，先拿食物再付款。我選了叉燒湯麵。對不起，我覺得很難吃。又鹹，D麵又唔得，真係好失望，重有咁多日本人添。可能D魚生飯好D？呢餐廳是同事請的，忘了多少錢，好像是四十多元。

一個人peak lunch hour 0係金鐘搵地方食lunch, 見呢度幾骨緻咁就試0下. 黑面店員帶我入0黎坐低, 隔0左一陣另一店員拎menu 我睇, 竟然黑住面將menu 掟(係掟, 唔係放). 咩態度?叫0左個三文魚腩蓉飯定食(配喬麥麵), serve 0個時店員又係黑面咁成個盤掟落0黎. 想點呀???三文魚腩雖然食落口口感一pat 似番梘, 但味道唔錯, 好香.喬麥麵幾有咬口, 不過味道一般, d 湯又太淡.整體0黎講一般, 成舊水一個定食, 下次去Doraya 好過!環境唔錯; service 係點, 唔使多講喇0卦? 中環/金鐘上班一族, 就好好招呼; 客人背囊學生look, 就代表你可以用惡劣0既態度0黎對待? 咩logic?而家飲食業d service 真係令人費解!(P.S. 一間日本餐廳竟然咁0既服務態度, shame! 1 分service 俾多了, 0 分就差唔多!)

又係生日飯,同事請食lunch,見呢間未試過,就訂位試0下啦等左around 5分鐘就有位,仲係卡位tim,我叫左雜錦魚生飯定食($128) d 魚生都唔錯,種類算多,有三文魚,帶子,甜蝦,吞拿魚,北寄背,另外仲配左碗烏冬, d烏秋質感唔錯,有d d 彈口呢度環境,食物,服務都唔錯,lunch黎講都食得過

朋友C和我慶祝生日。黎呢度食lunch.間唔中都黎下呢度的，因金鐘都無乜日本野食。最近改了menu, 並加了價。可能受各方吹虛話經濟復甦帶動。我點了三文魚帶子魚生飯配和烏冬，朋友點了雜錦海鮮鍋仔拉面加壽司。個前菜係苦瓜配濃芝麻醬，幾好味。三文魚帶子魚生飯，我個人都幾喜歡魚生飯，帶子都唔錯。幾好。個烏冬幾彈牙。朋友個雜錦海鮮鍋仔拉面加壽司好大鍋，其實一個人食唔硒。呢度環境都普通，午餐時好多人，所以好嘈。C二月生日，會和她去另外一處食飯。

今日同事k請我地食飯,其實之前我都有食過,但早排佢地裝修過,所以專登黎試下雜錦海鮮鍋仔拉面+ 五件sushi set lunch-- 真係成個鍋上架,個賣相好掂,好多料, sushi都算ok,由於太大碗,所以我都食唔哂,味道都好好味三文魚帶子飯-- 好新鮮,但原來佢係送埋一碗烏冬架,份量都算多架,環境好好,同埋份量都好足,招呼都唔錯多謝同事k

Shiki is different from the other Japanese restaurants. It is a place for good friend gathering. The environment is very homely and cosy. Chatting and sake drinking are the best thing to do here. The staff may not be efficient but very friendly. The food is no comparison to that of Nadaman or of Sushi Hiro but it is pleasant. I especially like grilled mackeral and salman tummy rice.

朋友先到，叫o左一個set 加o的小食，我到ｏ個時就剛上菜。個set唔知叫咩名，壽司同魚生都算新鮮，天婦羅唔會好油淋淋，不俗。但日式燒餅就真係麵粉整出o黎o既餅，好齋，俾佢塞飽曬。我o地七點幾坐到九點半到，都係得四五檯客，個場冷得好緊要，唔知係咪想間餐廳有人氣少少，所以開到個大電視勁大聲?

整個暑假因為不用上課﹐都沒有來這裡用膳﹐現在開學了﹐理所當然的又回到我們的“飯堂”﹗餐牌革新了﹐不過不是有什麼新菜式﹐只是以前的小吃都是印在一張普通的紙上﹐用得多有點又破又爛的感覺。現在他們圖文並茂還過膠了﹐企理整齊多了。幸好價錢依舊﹐沒有加價﹗因為時間緊逼﹐我們都是如以往般點了一些簡單又飽肚的烏冬/ 喬麥麵和沙律分來吃。食物的質數也保持到。要說的是第一次點的芝心薯餅﹐點的時候以為是焗的﹐怎知道來了才發現原來是炸的。雖然味道不錯﹐也炸得幾鬆﹐亦不會太油膩﹐不過好失望不是焗的囉﹗

每逄公司開會開足一日時佢o地都會叫外賣由於佢o地都係日本人食就一定係食日本野通常都唔會有我o地呢o的small potatoe 份唔知點解今日包埋我o地份因為外賣到左一段時間所以都已經凍左....但都係好味o既而且都好豐富下....除左個飯盒重有個miso soup但唔知幾銀一份....今次係外賣... 所以我唔俾分不過都係好食o既

佢一邊係食料理,一邊係快餐食堂,料理果邊lunch既價錢要過百,而快餐就會平d我地兩個人叫左牛油果三文魚卷,腐皮壽司,薯仔沙律,煙三文魚沙律,同埋野飲野食ok啦,不過份量唔算多,女仔食都夠飽既上圖係我同個fd share既,下圖係另外個fd既set lunch,好似係燒銀鱈魚飯

午休時份，跟女友約在這兒吃午餐。預先訂枱，還是在門外等了十分鐘安排入座。有衝動改往同店的快餐部或隔鄰「大x樂」…。收銀帶位一腳踢的男店長，忙到東奔西跑，額上冒著大粒汗珠，真替他辛苦！甫坐下，先來兩碗芝麻拌涼瓜，味甘，幾好！定食由$109 起，蓋飯湯麵等單品約$70 起，偏貴。一場來到，就點好些少！我要「雜錦魚生飯定食」（$129），女友要「雜錦壽司定食」（$139），附漬物、湯烏冬、水果、熱茶。加一後，共$295，不便宜的一頓午餐！漬物是來貨質素的醃小黃瓜。湯烏冬是有一小薄片魚板、海苔湯、天婦羅碎屑、烏冬麵。湯略油，但味道幾好，味精湯嘛！雜錦魚生飯：有甜蝦、鮭魚、鮪魚、魷魚、帶子、北寄貝、蟹籽、雞蛋幼絲。味道尚算OK，無法啦！呢個價錢，係食呢D 貨色。魚生刺身唔係鮮到爆，但比超市貨色好些少，亦比連鎖迴轉寿司店好。雜錦壽司：有八件。是甜蝦、鮭魚、鮪魚、魷魚、帶子、蟹籽、加手鮭魚反卷…。女友說只比迴轉好而已！水果是三粒西瓜。整體味道一般而已，但幸好食得飽。講真果句，近百五蚊一個寿司午餐，吃得飽，唔會話難以下嚥，仲要係位於商業區，算係咁。但下次應該唔會再來這兒。因為呢個價錢，我估我有其他選擇

又去四季﹐是因為上evening course 附近要又平又好坐又好食的地方只有這裡。這次只有兩個人﹐所以不能吃太多東西﹐而且時間趕逼﹐只簡簡單單的點了三個菜。不過既然常常來﹐有些東西都吃過好幾次啦﹐這次一定要有點新意才行﹗同行的想要吃沙律﹐我是有點不想的﹐因為總覺得日本沙律都是平平無奇﹐而且都要$58 有點兒貴(這裡的小吃通常都是$40 以下的)﹐不過拗不過她﹐就要了一個“燒牛肉脆脆沙律”。好奇怪的名字﹐什麼脆脆﹖心想是脆脆的菜﹐表明他們沙律的新鮮吧﹗不錯那些菜很新鮮很脆﹐不過原來“脆脆”是指一些撒在沙律面的腰果碎﹗燒牛肉的嫩滑(大大片的﹐有4﹐5 片﹐好好味)﹐沙律菜的爽脆﹐腰果碎的香脆﹐加上酸中帶少少甜的沙律汁﹐口感豐富﹐以這價錢來說實在超值﹗新意嘛﹐在日本居酒屋吃韓國薄餅囉﹗有點意料不到原來這薄餅的餡料是薯仔絲﹐軟身得來又有咬口﹐做得不錯﹗薯仔略帶甜味﹐緩沖了汁料中蔥粒和辣椒的辣﹐讓人有種吃得不能停口的感覺。最普通的是天婦羅蕎麥麵(soba)。份量是十足的﹐麵條還可以﹐不過太“淋”﹐不過天婦羅不夠熱﹐脆漿不夠脆。有點anti-climax 的感覺囉﹗下個星期放假﹐再上課還是會再

(24/4/06)好耐無黎lu,食lunch時係快餐店形式,而家夜晚雖然變成餐廳,仲有大"營幕"播日本concert。同朋友order左,三文魚沙律卷,三文魚卷飯,內有牛油果,蟹籽,蟹柳,雖然一般都係呢d料,但依然同以前一樣,咁好水準,仲有份親切感添!唔記得咩名既小鍋湯烏冬,有鮮菇,金菇,一隻蝦天婦羅,雞件,仲有隻半熟蛋!太好味喇,而烏冬又煙un。夜晚黎食,靜靜地,知道好多日本人都來食,就知好味啦。

又到金鐘上課﹐不過這次是在放學後才來醫肚。餐廳那邊的套餐那麼貴﹐當然不會去了﹐那就去另外那個像飯堂那邊囉﹗平時黃昏去晚飯他們從來沒有以居酒屋自居的﹐這天(可能是比較晚的緣故吧) 卻變成了居酒屋﹐呵呵﹗一樣啦﹗其實都不見其他人喝酒了﹐大部分都是快快的點了菜﹐吃完就走的一族。我們也不例外。照例要了那個涼瓜炒蛋白﹐差了很多﹐涼瓜再沒有涼瓜應有的苦澀味。另外要了﹕1/ 牛肉烏冬的牛肉比較韌﹐但是那個湯底好特別﹐好像有些煙熏的味道﹐烏冬也很煙韌﹐不會在湯裡浸多了時候會變得太軟﹐幾好﹗2/ 鍋燒拉麵就沒有什麼特別﹐ok 咁啦﹗3/ 鹽燒花魚的魚肉還算鮮味﹐不過肉質比較削﹐我不太喜歡。但以$38 一條燒魚來說﹐是非常吃得過得了﹗因為時間不早﹐不想吃得太飽去睡覺﹐所以三個人就點了這麼4 樣東西﹐但是對我來說還是太飽了﹗p.s. 環境扣了分因為那個大電視太嘈了﹗