四季日本料理 (已結業)

早前添馬艦搞國際消防賽的時候過來午膳, 這裡是自助形式的, 檯與檯之間不太迫, 又可眺望海景, 環境尚算不錯~要了芝麻三文魚魚生飯, 加$10可轉set, 多了一碗炒雜菜~取了號碼牌, 因為芝麻三文魚魚生飯制作需時~ 炒雜菜的份量遠遠超過想像, 滿了一個大飯碗, 呀姐還不斷堆上去, 像是不用錢買的~ 其實整頓午飯最好吃的就是這個~ 簡簡單單芝麻三文魚魚生飯到了, 一片片厚厚的三文魚放上飯面, 上面灑上蛋絲, 三文魚欠魚鮮味, 而且有點乾身, 魚生飯暖暖的, 很重酸味, 吃到一半, 忽然醒起問男友:「我...係咪叫左芝麻三文魚魚生飯架...有芝麻兩個字架?」, 男友答:「係呀」, 但二人同時望著飯碗, 莫說芝麻汁, 連一粒芝麻也找不到呢...可惡...

以前經常經過金鐘海滂總會見到這間餐廳﹐覺得它擁有無敵海景﹐一定會很貴了吧﹐所以一直都沒有想過要去試試。不過進來經常在附近上evening course﹐又剛巧有天日間走過﹐發現它原來分兩邊的。一邊是正式餐廳﹐套餐都要過百元。另外一邊好似快餐店形式﹐幾十元有交易﹐還是有海景那邊呢。上個星期約了朋友一起晚飯再去上course﹐就選了這裡﹐比較好坐嘛。六點它一開門我們就進去﹐選了窗邊的卡位。因為沒有人的緣故﹐很靜局﹐適合我們聊天。不過原來那個快餐counter 晚上是沒有開的﹐需要從餐牌點菜的。除了主餐牌之外﹐還有一個小食牌﹐都是幾十元一碟﹐份量不是太少。我們三個女仔叫了一個海鮮炒烏冬﹐一碟日式咖哩豬扒飯﹐和一個蛋白炒涼瓜﹐已經足夠有餘﹐埋單才$160﹐抵食呀﹗印象最深刻是那個蛋白炒涼瓜﹐濕濕地﹐涼瓜不會太苦但又帶有微微的涼瓜獨有的甘味﹐連我這個平時不碰涼瓜的人都忍不住吃個不停。另外兩碟﹐不過不失啦﹐不過真的不是“小食”份量囉﹗個人認為這是一個如果你在附近﹐又需要一個靜靜地的地方來一個“快餐”的好地方﹗

好耐無去四季餐廳個邊食飯。今日請同事去。環境好似唔同，侷促，嘈。要了稻庭冷烏冬定食，同事要了雜錦天婦羅定食。仲有兩碟$30魚生。烏冬定食有漬物，冷烏冬，天婦羅及蟹飯，烏冬及蟹飯夠味，口感不錯。天婦羅用料算新鮮，脆漿不太油不太厚，但當然比日本吃到的還差一截。特價魚生算超值，但選擇只有三文魚及鯖魚。定食平均$100，這樣的價錢，食物水準不錯。只是環境一般，似食堂多些。

Openrice聖誕聯歡之日，要去PP的Citysuper買點橄欖油，亦順手買來做當晚的聖誕禮物。一來一回，得番幾個字食飯，就來這裡匆匆的吃。呢度在這裡都唔少日子，以前還是一間不錯的日本料理店，不過現時已變成了以食堂形式經營。是全自助式，先拿托盤，排隊買食物，最後比錢再搵位食飯。在食堂，不要吃未熟的東西。是日的日替是漢堡扒，但諗起那杰杰的燒汁就怕怕，所以要了吉列豬扒定食。雖然除了主菜，個定食有菜有飯還有碗味噌湯，但感覺是相當的「港式」。味噌湯幾鹹，有幾片海帶在內的；菜是冬菇肉絲絲炒黃芽白，吃不到日本食材的味道；飯是本地米，加上薄薄的炸豬扒，只算是夠飽，不算好。埋單50蚊，以一個全自助形式的食肆來說，幾貴，無道理再來幫襯。

裝修左，價錢貴左，foodcourt變左食燒物居酒屋，冇左d好抵食既set dinner，之後... 我都冇入去食啦。而餐廳d價錢亦mark up 晒，一份餐要成$300up...... 又小左一間飯堂。

之前女友在金鐘上班, 所以晚上常在此晚飯. 簡單來說:快餐部--抵吃, 平, 魚生飯以同樣價錢出面找不到同樣質素! 壽司也不錯! 天婦羅飯只是$35, 已有三件天婦羅, 其中一件是蝦, 成本高! 天婦羅粉漿算薄. 餐廳部--雖然是同一個廚房, 但食物選擇較多, 推薦手卷及牛肉鍋, 牛肉鍋用料足, 甜豉油湯底不太甜, 味道適中. 曾和朋友8人豪叫, 埋單不過每人一舊鬆, 抵!!p.s. 比起元氣, 正宗及抵食得多, 至少不用排餐死!!

朋友話呢間野幾好味就黎試下, 都ok喎!三文魚魚蓉飯- 未落豉油及wasabi前, 試左啖, 有d魚腥味, 但其後落左野撈均食就唔覺, 都幾足料又大碗, ok!炸豬扒飯- 幾香, 又多飯.牛肉薯仔- 好好味, 個賣相唔掂, 見到其實唔多想食, 但一食就停唔到口, 叫飯+ hk$10 就可以食到佢, 的確抵呀!面豉湯- 超難飲.總括黎講, 值得一去, 但環境似飯堂, 夜晚去, 佢地熄左好多燈, 望落以為好浪漫, 但近窗位黑到食緊咩都好睇唔, 如下次路過, 我都會再幫襯既, 但好似今次專登去就唔會呀!

四季係我向全香港食咁耐日本野之中最喜愛既其中一間，你點都估唔到向金鐘區會有間咁經濟既日本料理。佢分開食堂(food court) 同餐廳，通常我都只去食堂。係當年向PP返工時個個星期去買外賣既地方。因近期個個星期向個頭上night course，所以又成為我每星期夜晚既飯堂。食堂有趣既地方係佢係自助形式，令人回想起細個食d平價自助餐都係羅住個tray，見岩既dish 就羅，好親切。叫一客魚生飯set 都只係$40-50，仲有超濃而唔係開粉沖既Miso soup。魚生佈滿成個碗，而且仲好新鮮。我特別鍾意Tuna容客飯，新鮮半肥Tuna搞到好似肉碎咁，好特別既口感。要套餐記住+雜荼，3揀1我次次都食佢既potato羅白，勁正。其實我覺得佢最特別係宗於傳統日本料理，好少地方食到真係向日本到食魚生既味道同感覺。正！！！Suggest大家weekday 既lunch 唔好去，好多返工既人去食lunch，反而dinner 時間好少人，而且靜好多。夜晚少人仲有window view同無敵海景，幾十蚊你想點。我亦去過旁邊既四季餐廳，野食會多好多，但同一個廚房唔同價錢此終都講唔通，不過都坐得舒服。

今日男朋友咁岩得閒可以同我食晏, 就揀左四季, 貪唔駛搭枱又唔駛逼. 一坐低隔黎個"架"佬食飽係度飲咖啡, 冇幾耐仲食煙添, 一陣陣煙吹埋黎, 幾唔高興, 好彩佢食完一支冇幾耐就走左, 之後都冇人食.我揀咗今日個set lunch 三文魚&三文魚子飯配烏冬, 前菜同生果. 男朋友要左個好大既便當, 我唔知叫乜, 不過樣樣都有d咁.我個三文魚親子飯好好食, 因為魚同魚子都好新鮮, 烏冬我就覺得腍咗d, apm間赤丸$10果碗都好食過佢. 沙律用咗日本既沙律醬, 我覺得配咩料都係一樣味, 唔會難食.男朋友個便當有好多野, 又有吞拿魚魚生, 我食咗一件都幾新鮮. 有兩件雞肉, 入面釀咗條蔥同紅蘿蔔, 都幾好食. 仲有個日式煎蛋, 入面包住片燒鰻魚, 男朋友話ok. 另外仲有吉烈蝦同蠔, 我食左一隻蠔, 都係外脆內軟, good呀.$100蚊一個人食個呢個水準既晏晝飯算係咁上下囉, 話哂都係金鐘喎, 租都貴d啦.

一個人. 成2:30pm 先食lunch. lunchtime人潮過左. 自己靜靜地嘆左個三文魚腩蓉飯. 腩蓉鋪滿個面. 選用的應該日本的蔥同魚蓉配合得好. 中和了個種"滯"的感覺. 幾好!

上星期四中午一枝公來呢度的食堂食lunch，呢度係分餐廳同食堂，我以前兩度都幫趁過，都唔錯，有好多日本人係呢度食野，應該有番咁上下水準既。今次就試下個牛肉烏冬set啦，好彩時間尚早（未夠1點），等左一陣就有得食。起初覺得一個人在呢種食堂食一個$50既set都好似幾破費，但係到我一啖咬落d烏冬度，再來一口牛肉，就覺得物有所值。烏冬又彈牙又爽滑，牛肉切得好薄，份量亦好足夠，再加埋8件壽司仔，中間d魚生應該係三文魚生，真係飽到唔郁得，灌左兩杯熱茶再透一透才走人。環境唔錯，非常開陽，嫌佢有d「殘」眼tim，食到成頭大汗，最好開大d冷氣。D阿姐亦好服務。

上回因閉關練功不能欣賞日本「愛的魔幻」，而期待已久今天的耳油會，有幸一星期前訂票擠一席位。相約友人在此吃過晚飯再赴會，選擇了炸豆腐、日式炒麵、四季膳。炸豆腐：四小格的豆腐，話雖「炸」，感覺上並不那麼「熱氣」（因考慮到四季膳也有炸物），只有薄薄一層炸粉，淡寡的豆腐泡浸在日本醬油中，味道尚好；日式炒麵：日式麵條配上肉和菜（看似黃芽白）的一道菜，跟友人一致認為略為鹹了一點，但總算合胃口，帶些少酸甜味，日式醬應記一功；四季膳：一頓豐富和風晚餐；有刺身－三文魚、甜蝦、還有一種我不知名的魚，口感較爽口，整體上稱得上新鮮；壽司　－　離不開三文魚、帶子、加州卷．．．不錯；個人喜好香口，所以較欣賞她們的炸物、冷盤、燒物。炸蝦及這個煙肉粿著露荀炸物，真的很想吃多回；至於那幾大塊牛肉及燒魚，我也很喜歡，尤愛這片肥美的魚皮，一口油真爽；蒸蛋　－　欠奉，老是覺得日式跟家常便飯的蒸蛋差天共地，總是怪怪的，還是讓給友人吃罷。甜品：綠茶及紅豆雪糕，我倆一致愛綠茶雪糕，未知是否「現成」貨式，確實很濃綠茶味；反觀紅豆給綠茶味蓋過了，但勝在紅豆粒有「咬」感，不失為一個次選。後話：確實有兩廂，快餐及料理，如大家所言，吃的東西

香係好香,但係蛋炒得有d老,牛肉就ok,但係明顯唔係好好質素個隻,好在一d都唔韌,最唔好既係飯只係普通飯,而唔係珍珠米!好普通…

我覺得水準keep 得住, 天婦羅漿嫌厚了些, 烏冬好好味, o向金鐘黎講都算係咁..... 如果平番d 更加好啦!

昨日同個姊妹黎食lunch. 我叫了一客Toro 飯+ 烏冬定食. 個飯好正. 厚厚的toro 肉舖面. Very good. 不過如果個飯底好似松屋可以選擇壽司飯或熱飯就好d 囉. 因為佢係跟熱飯的.溫度又冷又熱唔知點咁. 姊妹就叫了天婦羅+壽司( 三文魚加洲反卷+ toro 小卷) 表現OK. 服務算係咁.不過不失啦.