四季日本料理 (已結業)

老細在場, 中午一餐又要Delay到兩點後. 上次見到四季於2:30後, 推出半價快餐. 那當然, 乘著抵食二字, 而且亦在公司樓下. Why not.雖然是第三次進入, 兩個人傻傻地, 兩手香蕉咁去到counter落order, 親善的服務員, 非常友善地把托盤及筷子遞上. 問過要不要加咖啡, 好人的男服務員亦把價值$5的咖啡, 放進我們的托盤上.咖喱飯, 同事仔叫的, 收銀同廚房只聽到咖喱飯而只整了一個(無料)咖喱飯, (此無料非日語), 豬扒呢....職員說可補上加$5.我的薄切牛肉定食. 即叫即煎, 難得以快餐經營模式的一半, 有即場Teppanyaki表演 (kind of anyway). 到達收銀處, 盛惠$40. (原價$70 (飯) + $15 (咖啡). 真的是大出血.味道方面, 薄切牛肉, 帶點燶, 看見在Teppanyaki時, 肉汁必出黎, 再煎至收水, 肉汁精華因而滲回肉中. 加上蘿蔔, 同麵豉湯. $35一個定食, 抵. 咖喱飯, 原來個Plain咖喱都有少少肉. Plain得黎, 帶點濃滑, 吉列扒不油, 不乾, 不燶. 如此精美的日本餐, 加上呢個半價

今次是第一次來光顧，吃晚餐。進店內先是一呆，偌大的餐廳，只得三檯客。看看餐牌，選擇不少，而且都非常抵食。本來想選個 $65 的滑蛋豬扒飯，但想了想，還是要了個牛肉鍋來 SHARE。另外店員推介一個套餐，可選一杯啤酒或特式飲品，配四款小食，我們就要了這個套餐。幾款小食，都很對辦，三文魚刺身我沒吃，但另外三款都是剛做起的，熱辣辣，差極有限，而且其實也做得挺美味的。牛肉鍋的湯太甜，吃到最後真的覺得是在吃糖水鍋了，但牛肉是不錯的。離開時店員一個一個誇張地作90度躬身道別，有點難為情呢......以這個地點環境食物，實在非常抵食！有機會必再光顧。

4人來吃lunch set,全部$90多至$120不等,金鐘來說價錢不算貴,而且每個定食都大大份的,除了普通定食應有的之外,還多了一碗不算小的烏冬OR冷麵,所以份量很足夠我叫了銀雪魚西京燒+天婦羅定食,銀雪魚好鮮嫩,而且燒得好香好惹味,好吃阿飯的米也煮得不錯但是天婦羅就不好吃了,粉漿好厚,而且有點太油個烏冬就幾彈牙,湯底都幾濃味朋友叫的魚生飯,聽說也好吃,但是我試了一塊帶子刺身,覺得麻麻地,不夠鮮甜,同埋太暖,溫度不對路阿,點解刺身會是暖的呢?另外朋友叫的wasabi炒鰻魚飯聽說鰻魚不腥味道也不錯,但我沒試過總括來說食物OK,而且坐了窗口卡位,比較舒服,不過服務不好,幾個服務元說話的口氣都很凶惡,好像在罵人的樣子,我都給她們嚇了一跳

一到12點半,d人真係多到o係四方8面咁湧出黎...包括我在內~同友人叫了兩個飯:1. 蟹子沙律三文魚飯 $48 (沙律醬多左少少, 而三文魚份量剛剛好, 但奈何d飯就好硬好實)2. 牛肉飯+湯+雜菜 $40+$12 (見到都好多下, 而且都好好味~ 菜無上次咁油, 都幾新鮮下)另叫了凍檸茶一杯 $8 (不過不失啦~朋友話)可以坐到一個鐘, 因為有熱茶奉上自由斟此乃朋友的飯堂喎~ 都係既, 因為都幾抵食, 同埋你可以坐得舒舒服服無人趕你走~

今日lunch有Vendor請食飯, 係公司樓下既呢間四季(料理, 唔係快餐個邊) .. 做左幾年都未食過, 因為佢出名貴. 一心念住有好野食又唔使錢, 好期待．去到發覺好嘈，自己叫左個魚生飯 + 拉麵 set ($148), 有同事叫左鰻魚飯 + 拉麵 set。 一食就知衰左 .. 個拉麵好"林", 基本上同"林"左既公仔麵差唔多，唔係講笑，其他同事都係咁話. 到食魚生飯，好少魚生，飯多多．個魚生一般 (上星期食過大吉，魚生飯都係$98，但好食好多).唉，好失望．

今次同朋友a黎食, 12點9時, 真係好多人~叫了一個滑蛋鰻魚飯+炒雜菜+味噌湯($67)滑蛋鰻魚飯好大碗, 叫做抵食之選呢~炒雜菜真係好一般!朋友叫了當日快餐-意粉餐, 包3片蒜蓉包,但意粉太淋及太酸了! 而蒜蓉包又唔脆又油!

又是另一天要當夜更的晚上，如常在六時左右出外覓食，今天工作至有點過累，想了一會便過來這裡靜靜的吃個晚飯。這店的居酒屋部門，客人比較冷清，面對著維港吃著晚飯，以這裡的價錢絕對超值。要了個吉列豬扒滑蛋飯套餐，<<味噌湯>>味道有點淡，該是加水太多了。而前菜<<味噌涼瓜>>，味道帶點甘苦，是不錯的。 再過了一會，<<卡芝當>>(吉列豬扒滑蛋飯)便來了。不過從賣相上已經有點問題，因為吉列的外層炸漿明顯地已"吸飽了"水份。米飯方面是用長身的絲笛米，口感當然比珍珠米差一點，但也味道仍是可以的。 再往碗底看一下，發現了一個"醬汁池塘"。呢這個丼而有一點點醬汁是無可厚非的，亦算是正常的﹔但是也不至於如上圖般，醬汁多至如此地步........ 這跟我之前吃過的水準，真是相差甚遠呢......

本來原意不是來這裡, 行錯路, 找不到地方, 看見這裡比較少人排隊, 再次進來, 食個日式快餐.上次食了魚生飯, 今次, 當然要食熱野啦, 一個丼, 方便食完, 乾手淨腳. 滑蛋牛肉飯, 果然是半熟蛋, 滑滑, 配上牛肉, 而且肉汁, 蛋汁滲入飯中, 這就是丼的好處, 飯混了餸菜的汁, 更是好味.一個飯, 好快食完, 亦要跑回公司.行試金鐘廊, 發現想去食的小店, 原來在遠東另一邊樓下. 明天Target. 下星期離開PP3後, 要暫別金鐘食肆.

食過佢午餐同晚飯，都係食平果邊，午餐其實係快餐，冇咩特別，值得提係佢個晚餐．第一次食佢個特上魚生飯，好正！！有吞拿魚腩ｘ２，海膽ｘ３，牡丹蝦，帶子ｘ２，三文魚腩ｘ２，鱆紅魚腩ｘ２，劍魚腩ｘ２，蟹籽，赤吞拿魚ｘ２．．．好新鮮又大件～　不過可能圍唔到皮ｏ既關係，而家已經冇得食勒～太可惜．．＞＜不過，其實其他食物都唔錯，好似牛肉鍋咁．．環境方面，我就鍾意佢夠靜，座位又寬闊，可以同朋友傾好耐都冇人趕，好ｇｏｏｄ！！

又同舊同事約食午餐, 今次找一個中間位, 不怕有人遲到早退.第一次來, 其實早知是快餐格局, 沒有細看其他食物, 二人都選了魚生飯, 我後來再加餃子同將個魚生飯加$變定食.碎三文魚, 加上少少醬油, 少少少Wasabi. 自己好少咁樣食魚生, 但$55, 換來一個不錯的丼.餃子普通, 自己豪食再加定食. $95大元走人........都係不便宜........不過有next time, 要食熱野.

去金鐘既話, 十次有八次都會黎左呢度, lunch time真係好多人呢間同好多日式定食店好吳同, 佢係用一個快餐既形式運作, 但係野食絕不馬虎叫左個春之山菜五色飯。先食佢既前菜, 係煮蘿蔔, 香濃既汁配上肉, 煮到個蘿蔔非常入味, 係平時食定食比較少食倒既。再黎就係麵豉湯, 淡淡地吳會太鹹同過濃 到個飯啦, 呢個係一個素食飯, 飯底混合左蓮偶, 芋絲, 冬菇等等, 上面灑上紫菜, 野菜, 薑絲, 蛋絲, 淨係睇個樣都夠吸引啦。用上珍珠米, 份量十足, 一定夠飽。最後就係炸雞啦, deep fry既, 雞肉嫩口, 食落吳膩但炸得耐左少少相同其他食評歡迎去我個blog度睇睇http://hk.myblog.yahoo.com/food_talk2008/

一整天都好忙，忙得連午飯時間都奉獻給會議，一頭煙的會議令人心煩忙完，已經兩點，還好下午一個會議也沒有，就抽一頭半個鐘去吃好的不想去什麼酒店，已經夠累了，不想在那些五星酒店內扮淑女有儀態吃飯來這邊，吃碟咖哩豬扒飯，其實已經好足夠，豬扒炸的不錯，而且汁也很多，拌飯吃最好，當然，要比較的話，當然及不上老銅那間日本定食啦埋單不過百，相比之下，有美景當前，還算便宜的

上次食完金鐘新開間o的香口膠咖哩飯, 今晚去返以前喜歡吃 Lunch 的四季日本料理. 還是頭一次來吃晚餐, 原來晚餐是沒有快餐供應, 像餐廳一樣是有人招待的.7時多入到去, 只有兩枱客, 我們坐在窗邊的卡位, 十分舒適. 點了兩個 set, 一個是咖哩豬扒飯, 另一份是燒魚飯, 再叫多一個牛肉燒餅.今餐好滿足呀, 條魚燒得好香, 豬扒保持水準, 加上大量的咖哩汁, 仲有意想唔到咁好食的燒餅. 兩個人食到好飽好飽, 下次叫一個定食, 一個燒餅, 一個串燒就夠了.

首先大家應該攪分清楚，四季其實分開左、右，左方是快餐，右方是高級日菜，很不幸，我和朋友今次去的是右邊那家。我們二人點選的已經是相對便宜的「四季便當席餐」以及「鰻魚套餐」，但也要$220和$180，即平均每人$200以上的消費額。一份套餐已包括多款不同食物，有前菜、燒物、漬物、刺身、壽司及甜品等，份量充足。但可惜價錢不代表高質素，我認為它的料埋只是普通至中上水準，壽司刺身等也未見特別出色，可謂是乏善可陳。當然啦，價錢貴，人流自然少，我們於平日晚飯時間到來，只有三數座檯有客。我和友人選了窗住卡座，很舒服又可看到街景，氣氛不俗，情侶談心則可以考慮考慮。

今日又落雨, 大家都唔想行咁遠, 於是又去咗四季的快餐部。本來平時我只會叫魚生飯, 但上次見個同事食咗個薄燒牛肉飯好似好好味咁, 今日想試下。有6舊牛肉卷, 睇落好少, 但食落都幾滯~味道都唔錯啦, 牛肉有少少靱, 薄燒牛肉飯跟餐(炒椰菜同麵豉湯)+$12, 我覺得女仔食的話, 可以不要餐, 份量太大了, 反正佢哋都有茶提供, 慳返$12。