四姐川菜

营业中

休息中

呢間四川菜一早已經想試，今晚決定wall in去食！(不過建議最好book定枱，因為唔係次次咁好彩有位😢)呢度係以人數去收費，我地兩個人就叫2個涼菜，3個熱菜~其實都算幾多🙈上菜啦！店員推介嘅招牌四川涼麵~雖然睇落去無咩特別，但食咗一啖後我地兩個同時都望住對方話好好食阿！涼麵拌上辣油一啲都唔油膩，加上䓤花更加爽口，呢個必食阿！(店員會幫你撈埋，咁就唔怕撈唔均啦😛)另外嗰碟涼菜就係蒜泥白肉，食得出個辣油係有再煮過，令到個汁更香，出色阿🤙🏻其餘三碟熱菜都上埋啦~糖醋里脊比起出面嘅餐廳好食得多啦，酸甜適中，好適合食川菜時加埋，作一個中和椒鹽蝦外殻炸得好香口仲可以保留到蝦汁，再加上椒鹽味道，正阿！最後重頭戲到啦，水！煮！魚！起初叫嘅時候好擔心會好辣，因為自認食辣唔叻😂但辣味適中，好香🤤魚塊亦好鮮嫩，再加上配菜，口感一啲都唔單調，另外仲有埋粉皮喺入面🙈 真係唔可以唔叫阿～唔知係咪我地無叫到菜，好好咁送咗碟油麥菜比我地，服務一流阿🤙🏻整體性價比超高der!!!!

之前係深圳食過間好出名既酸菜魚，一試難忘，於是搵下香港有冇得食啦，估唔到原來香港都有得食😳唔洗特登北上實在太好喇，仲唔洗擔心食到黑心食物🤣🤣呢間就唔係專食酸菜魚既，係食川菜，所以除左酸菜魚仲有好多選擇😆😆幅字畫好有氣勢🤣🤣我望左好耐點解冇價錢既🤣🤣後尾發現原來呢到既點餐係用套餐形式咁叫，我同朋友一共兩個人，可以叫兩款涼菜，同埋三款熱菜。白飯免費任裝，仲會送多碟油菜，即係total有成6碟野食，好誇張呀🤣🤣涼菜叫左呢款四川涼麵，好惹味，開頭食落唔太辣，點知越食越辣🤣而且份量好大兜，所以最後都冇另外叫到白飯🤣蒜泥青瓜🤤青瓜涼冰冰又酸酸地好開胃，食哂成碟都冇難度😋期待而久既酸菜魚🤤都係非常大兜，湯底好香又唔太咸，唔會食完攪到個人好口渴，相信冇落味精。至於辣度就唔算太辣，好易入口😋😋辣子雞，一送到上黎嚇親，成碟都辣椒，但其實又唔係辣到飛起，反而好香口，配涼麵一流😋

友人中意食辣 所以收工揀左中菜 依間好特別既 以人頭計方式收費 又唔駛加一我地兩個人都算大食 見2-3人可以有2個涼菜 3個熱菜 好抵食咁 就揀左一入到去 係Grand d既中菜館間局 佢D杯 擺設都好令 環境好舒服咁我地兩個女仔 放工拎住兩個包包 店員哥哥好貼 心咁加多兩張圓櫈比我地放野 等我地坐得舒服D餐牌好多選擇我地都係辣既愛好者 涼菜揀左四川涼面同重慶口水雞個涼面係真係超級好食 辣度適中 好香既花生醬味 個口感超好！而個口水雞都不錯 肉質都滑 不過不失主菜個水煮魚係最期待既菜式份量都多 平時其他餐廳係配菜多魚少 依度係魚好多 而且D魚係起哂骨 岩哂我依D唔識輪骨既人個魚又滑 配合埋個花椒 真係好完美 唔算過辣 會有少少舌頭麻痺既快感個底都有配菜 粉條 煙煙Un un之後再黎個酸辣土豆絲份量都幾大 唔會太酸 好好味 土豆絲炒到好爽 佢仲有其他款既土豆絲 可以下次再試再叫左個湯酸辣粉絲湯 個酸辣味好突出 有D胡椒味既配合係幾開胃既 個粉絲係再軟身D 口感都唔錯友人就好中意個酸菜XD仲送左碟油麥菜兩個人食左成6樣野 2個女仔咁大食都食唔哂真係好好味 會搵日再戰 首先要叫多個人先

四姐川菜香港有大大小小唔同種類嘅川菜，朋友介紹左食間位於銅鑼灣樓上嘅四姐川菜，說味很正宗，收費係按人頭收費，點菜方式是按人數，好似我地兩位甘，就有兩款涼菜加三款熱菜，已經包左兩碗白飯同一碟炒油菜，已經夠晒兩個人食。涼菜揀左口水雞同夫妻肺片，熱菜揀左招牌水煮魚、腩肉炒菜花、肉茉炒土豆絲，油菜是蒜蓉炒油麥菜。涼菜我們都覺得比較辣，但很香夠麻，我很怕食到一些是只有辣味就沒有其他味道，但這裡的菜味道都很豐富，夠味道。口水雞很滑很嫩，辣油很香。夫妻肺片有驚喜，口感好爽，咸香味夠而已辣得黎夠麻，食完會好想再食。水煮魚好嫩滑，底菜的寬薯粉好煙韌同入味。腩肉炒菜花是因為我和朋友都想食才叫的，菜花就是椰菜花，炒到好爽口帶一點辣。土豆絲是唯一不辣的，但火喉好夠，炒到剛剛好，土豆絲還是爽脆的，雖然味道很簡單，但就是會吸引你再食一口，我自己一個人就食了半碟😋我們食到一半已經覺得飽了，還好沒有用餐張時，我們就慢慢食慢慢聊天，把菜都食完，沒有做大晒鬼。

好耐好耐冇食，期待以久嘅 - 四姐川菜 我嚟啦！咁多款辣之中，我至愛麻辣，好多人都怕個種麻味，但我會咬個D粒粒，今次三個人點咗2個涼菜同4個熱菜，四川涼麵、蒜泥白肉、水煮魚丶回鍋肉川椒油泡蝦同辣子雞，今次有D失望除咗個川椒油炮蝦同水煮魚配薯粉較有水準，其他嘅菜式都只係一般般。辣子雞🐔煮得又乾又唔夠味道；回鍋肉🐽裡面嘅配菜炒得唔生唔熟咁，搞到成碟餸草青味🌱勁重、主角豬肉片🐷又炸得太乾.. 最奇怪係食完成餐川菜，個口一啲麻/辣感覺都無乜，味道仲咸咗D。

媽媽既然不愛吃辣，為何要吃川菜？因為上次吃過後，偏偏她說這裡的菜式不論辣不辣都總能令她滿意，當然要上帶她再來品嚐。蒜蓉豬肚，不辣的菜式，卻一點也不失色，薄切豬肚肉一點也不韌，尖椒皮蛋，是我個人推崇備至的推介菜式，雖然比上次調味重了一點，但份量和味道層次之多是別處難以吃到。😍三鮮鍋巴是媽媽點的，她見我選的多是濃味菜，便點了個淡味又有蔬菜的中和一下。對我來說真的很有驚喜，一大鍋萵筍、午餐肉、肉絲、蕃茄和木耳的濃稠清湯底，成功帶出菜蔬的鮮甜味，鍋巴即製香脆厚度剛好，服務員提醒我們快點吃否則放涼便不脆了，弄得我們都急不及待快點蘸點上湯來伴吃。干扁黃鱔魚，鱔魚已炸至乾身吃不出魚肉，椒香味十足，送飯一流。椒鹽蝦，蝦肉新鮮外殻香脆可以連殻吃，椒鹽佈滿整隻蝦，惹味得令人想馬上喝杯冰涼啤酒呢！

餐廳有唔少外國遊客到訪, 連日本人都識黎到搵食。記得預早book枱, 因為都幾full如果食少辣或唔辣既朋友, 四姐係有一系列唔辣既菜式, 非常細心菜式種類多，份量十足。兩個人餐每人$340包加一, 包咗兩個涼菜、三個熱菜, 食到抱住個肚清炒油麥菜, 餐廳送碟菜, 好清甜四川涼麵有辣椒醬 辣油 蔥花，凍食。食落好有層次, 麵身較彈牙, 值得推薦糖醋里脊, 每一塊肉上面都平均掛上一層酸甜既糖醋汁，食落酸味比甜味出，豬里脊係無骨, 啖啖肉。蒜泥青瓜, 好重蒜, 青瓜,Fresh 下口腔再食辣野干煸鱔魚上面鋪咗好多辣椒，一片片炸得非常酥脆入口香口。清炒篙筍絲相較之下屬清淡口味了，但篙筍絲清爽脆口可中和一下辣味

口淡淡 食下辣野開胃就最岩呢間位於銅鑼灣旺區既一間 四姐川菜有唔少外國遊客到訪 作為本地薑 緊係要試下。兩個人, set餐每人$340包加一, 包好多款菜式 食到嘴lam lam 。😋<清炒油麥菜>餐廳送碟菜, 炒得一d都唔油, 清甜！<四川涼麵>同一般的擔擔面唔同 無麻醬 無肉碎。有辣椒醬 辣油 蔥花，凍食。食落好有層次 值得推薦。👍🏻<蒜泥白肉>同一般出面既白肉唔同。佢有少少似口水白肉咁。食落好有層次。師傅刀功都好好 塊塊都切到好薄。肥瘦適中。 呢款係本人最愛的菜式。<四川重慶水煮牛肉>好有重慶辣粉香料既風味 ，配上滑牛，芽菜，份量十足，好惹味<酸菜魚>點左咁多款都係辣野 緊係要試下其他款式。呢個酸菜魚 超多魚塊，又大件又滑口，唔會太過淋，同酸菜一齊 的確係絕配。<辣子雞>辣椒多。雞件一口份量。食落唔會有碎骨同太乾。味道香濃。如果配多少少花椒會更好。總結：菜式種類多，份量十足。唔會過份辣同嗆喉，地方舒適乾淨，難怪深受外國人的歡迎，相信唔太食得辣既香港人 都應該接受到。

算係第一次正式食川菜，同想像中好唔同，原來都唔係樣樣都辣到飛起同重口味嘅呢度個食法係涼菜同熱菜配搭蒜茸肚絲入味又彈牙，雖然有麻油係面低食落都唔膩五香鹵牛肉面個d五香粉提昇左d牛肉，無咁齋招牌重慶水煮魚望落又油又辣，但原來只係麻辣，而唔係辛辣個種，而且d魚好滑好滑，食唔停口，底部仲有芽菜tim！川式椒鹽蝦炸得好香好香，d蝦殼脆卜卜，直接咬就ok，食左好多隻都唔覺油膩，炸個火喉控制得好好酸菜粉絲湯粉絲原來係我最愛ge薯粉，份量好多，兩個人食唔曬每枱仲會送個菜，平衡番飲食，正呀！

四姐收費用人頭計算，菜式分涼菜和主菜，兩人用餐的話，有兩個涼菜和三款主菜，份量是非常多的。這裏裝修較為簡約，個桌子數目不多，坐位亦幾闊落，中菜來說環境非常靜。涼菜選了麻辣撈麵，店員會在你面前即撈，很有心思,麵非常有口感，配上麻辣汁，又酸又辣，非常醒胃。主菜叫了酸菜魚，魚份量很多，肉質很滑，店家用上大量酸菜，令湯底又酸又香，底部有大量粉絲，吸引湯底精華，味道一流。另一款是三鮮鍋巴，有蝦仁，蔬菜，肉片，口感非常豐富，鍋巴是即炸，整晚菜式水準非常高。

經過幾個月前在上海對吃辣的磨鍊後，我對川菜或其他辣的菜式也開始抱有興趣今次便選擇了一間在香港出名的川菜餐廳🍴四姐川菜雖然這間餐廳是點小菜的形式，但收費是以人頭計算。比如二人枱建議點兩個涼菜和三個熱菜值得一讚的是他們精美具富有中國瓷器特色的餐具，川菜比其他菜式油，但他們的餐具清潔得非常乾淨，沒有油油的感覺，可見十分衛生率先上菜的是口水雞肉質鮮美，充分吸收了辣油和醬汁，不會過辣，十分開胃然後蒜泥白肉上菜份量比想像中的多，大概有十片左右，肉質十分嫩滑，肥瘦分佈得宜每一片肉都切得非常薄，充分吸收了醬汁，十分惹味第一個熱菜上菜了份量也是十分大，酸菜非常多，帶點微辣。魚質十分鮮嫩，入口即化。有少量的粉絲在底下，吸收了全鍋的精華然後到毛血旺有很多配料如豬紅、土豆、午餐肉、黑木耳等等。所有材料都十分入味川式五花肉炒菜花也是一個出色之作花菜十分爽口鮮甜另外餐廳還附送了一碟油麥菜總括而言，四姐川菜是一間水準十分高的川菜餐廳在香港能找到一間以高水準川菜為主的餐廳是十分難得

約咗舊同事食飯，見係銅鑼灣就揀咗一輪去咗百樂中心，因為多唔同既餐廳。平時食開好多日本菜、韓國菜，今日決定轉轉訓口味，試下川菜先。四姐係百樂中心既十樓,一出lift左手邊直入。一入去迎黎既係店員好親切既笑容，而佢地好快手送上熱茶,仲叫我慢慢menu。心大心細既我同朋友叫咗兩個涼菜、三個熱菜。分別係四川涼面、重慶口水雞、酸菜魚、辣子雞、糖醋里脊，幾乎都係肉啊。後尾佢地仲送咗一碟蒜香油麥菜。四川涼面：比較重口味，一入口係好霸道既蒜頭味，味蕾既盡頭係後勁既辣度，作為一道前菜為呢餐飯帶畫龍點眼既感覺。重慶口水雞:口水雞個人建議要連皮食，皮涼涼凍凍的連雞肉食更加突顯到雞肉既爽脆、滑口，食呢個既時候我好想要白飯哈哈哈。酸菜魚:因為係屋企有嘗試整過,出黎食一定知要點呢個功夫菜。個魚肉用蛋白、醃料浸到好滑,個湯底有泡椒、酸菜既味道，成件事係好清爽，跟埋底既幼身粉絲一齊食真係無得頂。糖醋里脊:每一塊肉上面都平均咁掛上咗一層酸甜既糖醋汁，食落酸味比甜味出，個人好酸所以幾中意。辣子雞:一上台已經好驚嚇，因為上面鋪咗好多層辣椒，點知雞粒原來唔係好辣，一粒粒好易入口又香口，美中不足可能有碎骨，食落有少少麻煩。最後

由於太鍾意食辣野，間唔時就會返內地食辣野，無奈假日嘅時間返內地動輒都要幾個鐘，車費同時間都曬咗...所以一直都好想係香港度搵到啲出色既四川/重慶菜既店，最後終於搵到四姐川菜！*今次我地order中辣*蒜泥白肉切得好薄，肥肉同瘦肉分布均勻，入口亦唔會覺得肥，但就食到豬既濃味。加上個汁香而不辣，非常之夾。夫妻肺片有牛肚，牛展，牛舌等等。呢味餸開始有啲辣，辣汁帶酸加有香麻，非常開胃。不得不提，連啲花生都做得好出色！炸到極香脆，浸左係汁到既花生食到尾都一d淋都冇！招牌重慶水煮魚二人份量但勁多魚肉。肉嫩滑冇骨亦唔會夾散。一上枱已經好香，愈食愈麻辣，花椒落到足！墊底既薯粉出奇地唔淋仲要非常煙韌重好入味添！辣子雞軟骨食左幾款辣餸，出乎意料每一道既辣都有唔同。呢個辣子雞軟骨就辣得黎帶孜然味，炒得乾身食起黎唔會油淋淋！川式椒鹽蝦開左邊，炸到勁香脆，絕對可以食埋啲蝦殼，我連蝦頭都唔放過，有香濃嘅蝦膏！蝦肉結實鮮甜。食到尾上左碟油麥菜，清清地清返岩岩食既重口味野平衡返，好細心另外呢度係劃一收費按人頭計，今次我地2個人食左咁多野就每位$340。覺得係銅鑼灣食到私房菜，份量同質素都👍🏻👍🏻👍🏻，價錢算合理。

呢度叫野食唔洗睇價錢，一口價人頭計。每位$340，不收加一服務費，點涼菜和熱菜碟數視乎你人數而定。甫到達已感到其私房菜格局，馬上提升了我對食物質素的期待。有別於一般川菜餐廳，場內沒有揚溢任何刺鼻辛辣的味道。這裡的食物辣得來不嗆喉，是我這種愛辛又吃不了極辛的人的福音！青椒皮蛋，是必點前菜！不辣卻很惹味，醬油加青椒調味辟去皮蛋本身的鉛的口感和味道一流。惹得我一口接一口停不了的吃！蒜泥白肉，蒜泥末很香，白肉透薄但不失口感，辣油和香蔥混和了蒜泥令味道充滿層次。干扁四季豆，店員說這道菜也挺受歡迎，推薦我們點，雖然這道菜很多地方都吃得到，可這裡吃的還真有意思，味道比平常吃到的好多了，四季豆依然爽脆，惹味得很，拌飯最好不過。招牌水煮魚是今晚我最期待，也是每一桌食客不容錯過的招牌菜式，用上頂級龍脷魚柳，比平常的淡水魚更厚肉而肉質更嫩滑，花椒的香氣四溢，辣油掛在紅薯粉上，滑不溜口，辣得過癮。川式椒鹽蝦，椒鹽油泡帶點港式風味，開背把腸已清乾淨，引得我把蝦肉連香脆蝦殻也一起吃了。餐廳更送上一道一大碟清炒油麥菜清清胃口。

今日同朋友兩個人去左銅鑼灣百樂中心食四川私房菜，百樂中心真係好多人等𨋢， 排到去出面，但係都唔係排太耐。私房菜都係計人頭咁， 每位340， 多人啲就食多啲唔同款，今日我地2個人， 食左兩款涼菜，三款熱菜， 份量都幾多，食到好飽， 好滿足。已經諗定下次約多啲人再衝擊其他菜。Menu 好簡單咁， 寫左幾多個人可以叫幾多款。揀岩就可以圈。飲品另計， 但都唔算貴， 隔離啲大枱好多都開白酒同啤酒。十二位仲有蟹食。 好似好正咁。杯茶都幾香， 唔係平時啲酒樓茶葉。兩個涼菜， 揀左一個皮蛋， 一個口水雞。 其實唔係真係好涼，冇雪過， 只不過係唔會好熱。皮蛋超好食，好香， 上面啲蓉都係皮蛋， 好正。唔會太辣。 口水雞都好香， 啲雞好滑，冇乜骨， 啖啖肉。熱菜， 第一個叫左牛肉， 都唔會太辣， 啲牛好嫩， 好香好味。因為想食啲菜， 叫左個川式魚香茄子。 啲茄子好淋， 唔太辣，酸酸地， 幾開胃。配飯一流。招牌菜， 水煮魚， 好香， 好多魚， 啲魚好滑，下面啲薯粉都好正， 好彈， 夠入味。無啦啦仲送左碟油麥菜。 送既都炒得好好， 好有誠意。