四姐川菜

营业中

休息中

之前已經同朋友嚟食過，超鐘意，咁梗係要再帶老細嚟食啦 ，兩位可揀2款涼菜&3款熱菜😉店仔細細，格局就似私房菜嘅大大張嘅menu，真係想將全部叫晒嚟食尖椒皮蛋，好濃嘅蒜香味，皮蛋質素好好，唔會有怪味，極速俾我食晒口水雞，大大件，好入味，就算係雞胸，啲肉都好滑清炒蒿荀絲，呢個我覺得必食架，好爽脆，其他食物都濃味，用呢個嚟中和番就啱晒辣子雞，呢個都係必食嘅，好香口，又唔會好辣，雖然雞肉細細粒，但炸到脆脆地好好咬架招牌水煮魚，好大窩呀，魚肉好嫩滑，啖啖肉，好滿足，招牌菜果然唔係浪得虛名窩入面仲有呢啲寬粉，煙煙韌韌呢碟炒菜係送架，like爆~

秋風起🌬🌬冬天驟來❄❄突然好想食辣野🌶🌶暖一暖個胃！俾啲熱力包圍自己！行血🤨滋潤保身一番😏⋯⋯所以最好食川菜🌶😋位於銅鑼灣百樂中心10樓🌶🌶四姐川菜🌶🌶嘩🤩犀利🤨今日係平日竟然全場爆滿！好在啱啱有人食完離開！我哋就啱啱有位😚唔駛等！非常好彩！所以如果大家要去呢間川菜用餐🍴記住訂位！晚上一口價😏$340我哋二人包兩種涼菜 三種熱菜夫妻肺片夫妻肺片以牛肉為主，有牛心丶牛舌丶牛肚⋯⋯配以香脆花生🥜大量紅油辣椒🌶配以大量芫荽！麻辣鮮香😋蒜泥白肉五花腩切得超薄！功夫了得！每一片都沾滿蒜香！QQ彈彈！超入味！配上辣椒油非常滋味👍招牌重慶水煮魚份量都唔少！大碗鋪滿晒滑脫脫嘅魚肉！非常鮮味！仲有煙韌嘅薯粉！沾滿湯底非常惹味！呢個仲係得獎作品👍大家一定要試下👍辣子蝦辣子蝦經油炸非常香脆！外皮酥脆內裏又能保留肉質鮮味🤩！用大量嘅四川辣椒🌶同炒！😋仲好新鮮添！糖醋里脊呢款係咁多款之中唯一唔辣嘅🤓但係都非常好味！肉質新鮮！有啲肥有啲瘦酥軟甘香！外層酥脆可口！酸酸甜甜！蒜蓉油麥菜充滿蒜香！而且油麥菜火候啱啱好非常爽脆！清清地唔會濃味！帶出油麥菜嘅甜味！

两个人6个菜，每道菜都很精致，有特色。无限量米饭茶水，再大胃口的人都能管饱的。有些菜有时可能没有，因为老板是选择新鲜食材。老板娘很热情，会细心的帮我们打包。光顾几次了，是家用心做菜的餐厅。

每次行過耀華街，都係去食甜品嘅，又或者約朋友去飲嘢，原來耀華街嘅百樂中心成幢野都好多嘢食㗎喎，所以今日就同左一位朋友去試吓呢個正宗川菜啦。之前有朋友話過原來就咁過去好難搵位，所以我哋一個禮拜之前已經打咗去約啦。六點半準時到咗，已經有其他人到左啦!! 佈置都好中式嘅，好似我哋平時去酒樓食嘢咁，每一張枱上邊都有一張紙，原來好似套餐咁嘅，可以揀兩個前菜同三個主食。我同朋友就揀咗蒜泥白肉同埋招牌四川涼麵做涼菜，熱菜方面就揀咗重慶辣子雞，干扁四季豆同埋糖醋里脊。我同朋友都唔係好食得辣嘅但係我哋都好享受麻嘅感覺，點知冇咩殺傷力先係最勁嘅......呢個四川涼麵上面嘅辣醬原來隱藏着好多辣椒粒，我哋隔離嗰台食得好滋味，但係我哋兩個辣到每人叫咗一支冰水先可以降溫。其實真係好野味架.....只不過係我哋驚影響到食唔到其他餸所以放棄左啦，蒜泥白肉雖然個樣好似好辣咁樣，同普通蒜泥白肉唔同嘅地方係表面上無咩蒜泥，但係食落去好香，而且肉本身唔會太肥，絕對係開胃之選！重慶辣子雞雖然見到有好多辣椒，但係呢道菜我最鍾意嘅地方就係用筷子了下了下先可以睇到有冇肉，唔算太辣，個種辣係會令你好想再追黎食嘅，雞都炸得好香，雖然肉

男友收工後接我去吃銅鑼灣的四姐私房菜，因為我們兩個無辣不歡，而且我們2人常常到深圳吃川菜!首先我們叫了2位私房菜，包2個涼菜加3個熱菜!前菜我們叫了招牌四川涼麵，既然是招牌我覽得一定要叫，果然没令我失望，四川涼麵不會太辣，而且麵條加上自家制的醬汁和葱花，令人胃口大開!青椒皮蛋又香又濃，皮蛋心又軟，在口中溶化了!酸菜魚的魚片厚切又大塊，加上酸菜和湯中，其味無窮，魚片酸酸辣辣，口感一流!泡椒嫰牛肉做得很出色，辣味把牛肉的嫰滑，也帶出來另外黃燜雞炆得很入味，加上炒青菜很爽口，每碟餸火喉十足，真的值得再來吃的!

今日放工又想去食辣野啦！就約埋個fd去左銅鑼灣呢間四姐川菜度食晚餐四姐川菜呢度嘅菜式都好豐富，選擇好多!黎到食川菜梗係要叫返個立送啦!呢一個就係好川菜入面好出名既係水煮牛肉啦! 真係好好味，而且辣度係我可以接受到嘅辣味，牛肉好嫩滑!食完個辣餸之後梗係都要叫番個唔辣嘅中和下啦， 呢個都係川菜入面好出名嘅一道菜叫做酸菜魚，魚肉好嫩滑，加埋酸菜酸酸地又開胃又好食。呢道椒鹽蝦炸到卜卜脆，好入味。至於小食方面我就叫咗個紅油豬耳，同埋重慶口水雞 兩個菜嘅味道都好正 ，用嚟送飯一流呀!

Quite authentic Sichuan dishes.Steamed chicken with chili sauce 口水雞and the sliced beef and beef tribe in chili sauce 夫妻肺片both tasted quite authentic. Could be spicier ... I like them hot ...The diced chicken with chili 辣子雞was seasoned right and I liked it because the chicken was not cut into too tiny pieces. So I spent less time digging them out. They were quite juicy.The spicy fish and pickled cabbage 酸菜魚was also quite tasty. Right balance between hot and sour ....Ma po tofu was authentic and q

早排約朋友番大陸食酸菜魚但約極都約唔到，甘諗住係香港食。我發現係香港係好難揾到川菜😂隋意係上網搵下川菜見到好多人推薦呢間，所以果日就約左朋友一齊試下。一入到去感覺好唔係果D川菜好華麗的裝修，但見到已經勁多人，全場差唔多爆。佢係按人頭收費，根據人頭計番價錢，每人$340 可以選2個涼菜，3個熱菜，熱茶任飲! 涼菜都好多選擇，我地三心兩意，最後選左差唔多每桌都食既招牌四川涼麵。好快上桌，有人會幫人撈，佢地四姐醬好正，有XO醬同辣椒醬的結合，涼麵好爽口彈牙，味道極佳!!! 但D醬可以唔使甘重手，好大方甘比左大半電舖面。如果加D青瓜絲應該更加正!另外我地見到好多人食口水雞，但我朋友唔想食雞甘就食蒜泥白肉，有一半肥一半瘦，蒜泥唔會太重口味，辣就唔辣，應該都有7/8件，因為兩個人食，份量已經好多。熱菜我地挑戰人生的頂點，點左酸辣魚，水煮牛同萵荀炒肉絲，佢最後又桌送左一個炒油麥菜。肚滿腸肥甘食飽飽。酸菜魚同大陸既味精版比實在係有D唔同，呢間食既係好香港的味道，因為唔想食甘多辣，所以叫左酸菜魚。魚好滑，條魚都冇細骨，個盤雖然唔係好大但個底個深。我覺得真係有成條魚0.0 食極都食唔完。個窩入面有好多芽菜

係香港想搵一間四川菜唔難，但要搵一間有水準既就非常之難，唔係一味辣就叫四川菜，要準確咁將辣椒既色香味攞出黎放入食材到先一道好既四川菜，而位於銅鑼灣既四姐川菜就唔會令你失望。四姐川菜叫菜方式按人頭計，340一位，2人可選3熱菜2涼菜，如想試多幾款唔同菜式最好就帶多幾個朋友。首先講下涼菜，揀了比較簡單的酸辣青瓜同青椒皮蛋。愈簡單既野就愈難整好，個青瓜係處理得非常好，唔會太辣之餘仲好清新，即叫即拍唔會太過酸。青椒皮蛋配白飯一流，少少辣同時品嘗到皮蛋嘅味道。其次到熱菜，招牌重慶水煮魚、辣子雞軟骨同川式椒鹽蝦。水煮魚香辣麻但又不會嗆喉，同時又食到魚味，高平時食個D港式水煮魚幾班，非常正，個底仲有薯粉入曬味。就算怕辣既朋友都應該要試下。辣子雞軟骨好足料，滿滿既辣椒，雞軟骨裡面有花椒嘅麻同乾辣椒嘅辛辣，絕對唔係就咁將兩樣食材放埋一齊。至於個川式椒鹽蝦，炸得好香，口直頭可以連埋個殼食，唔怕D椒鹽淨係係個殼到，一試難忘。呢間川菜我都會推薦任何人去食，食開川菜既朋友可以去試下咩叫好食既川菜，未食過既朋友去試下又可能搵到一個新既口味！

經常都會約好辣的朋友一起去食盡各方辣菜。要數最喜歡可能係麻辣雞煲，或者四川菜喇。上星期先吃了雞煲，朋友話想試下這間四川私房菜，因聽聞常常爆場，所以立即訂位先。7點去到已經8成滿坐，而稍後walk in客人都要等等了。和一般私房菜類似，價錢是以每位計，人數較多可以選更多的菜式。我地兩位就可選兩涼菜三熱菜。涼菜先選招牌四川涼麵：麵質爽口彈牙，伴麵的只有麻辣醬和蔥花，但一點也單調，香麻辣俱備，不愧是招牌麵。夫妻肺片：牛腱牛肚薄薄一片很爽口，調味咸香惹味加上芫茜香味，係前菜的好選擇。熱菜選了水煮田雞：滿滿一大鍋紅油，田雞肉非常多，味道鮮甜，我覺得整體唔太辣，有少少麻，十分過癮，裡面還有大豆芽和寬粉，吸收了辣湯汁十分入味好味。川式椒鹽蝦：蝦處理得十分乾淨，蝦殻都炸得酥脆，可以連殻都食埋，椒鹽加上蝦膏非常甘香滋味👍干煸鱔魚片：好多乾🌶🌶，但食落唔太辣，鱔片係炸過的，肉質結實，非常新鮮！以後又多一個食辣好去處了。

自從返過大陸食川菜之後，一直都好想再食，上網見到有間叫四姐川菜，晚餐都係$340一位，兩個人可以叫兩個涼菜同三個熱菜，價錢都幾ok，所以就決定試下。 涼菜叫咗招牌涼麵同木耳，熱菜嘅選擇都幾多，水煮魚，酸菜魚都有，爭扎咗一陣之後就叫咗水煮魚，辣子肥腸同川式椒鹽蝦，因為唔想全部都係辣😂招牌四川涼麵，招牌涼麵真係好好食，啲麵麵質好，上面啲醬好香，好好味😋😋👍涼拌木耳，酸酸辣辣好開胃😋木耳都幾爽口個蝦份量都唔少，三個熱菜，兩個人食一定夠飽水煮魚，佢一放低已經覺得好香，個啲辣味同啲花椒八角味真係好香，可能因為我本身中意食辣，我就覺得唔係好辣，不過都夠👍為咗身體著想，食太辣都唔好😂😂肥腸酸酸辣辣，幾好食，唔會臭👍唔知係咪餐廳見我地無菜食，所以佢送咗個炒油麥菜，食咗咁多濃味嘢，食而個清清地，幾好食☺️

無食辣幾日﹐川菜癮起 今次就去左銅鑼灣試試這間四姐川菜一入門口就見到書法寫招牌﹐有一種古色古香荼座的感覺入座時間尚早﹐已見很多桌已被留座﹐環境清幽﹐座位間保留足夠距離﹐舒適非常基本上整頓飯都不會被旁邊食客的聲波影響﹐適合邊吃邊談天邊喝酒！用具也蔟新﹐為迎合裝潢設計﹐也使用中國風的茶具茶應該是鐵觀音﹐不是普通的茶水﹐味帶甘甜﹐食辣配甜荼解辣一流！餐牌都很具中國古色格調我點的是二人餐﹐每人費用$340﹐包含 2涼菜 3-4熱菜先來一個招牌四川涼麵﹐有職員會幫忙撈麵﹐這種服務在香港實屬鮮見麵條入口先湧出一鼓淅醋香﹐其後香蔥和香辣味慢慢滲出﹐充斥整個口腔 對味覺造成衝擊﹐使我們食慾大增！接著的涼菜是重慶口水雞外面的口水雞一般較多油﹐而四姐的口水雞油並不多也不會有油膩感覺雞件很滑溜﹐在雞肉肉絲間夾著口水汁﹐使味道散發得更均勻更值得一提就是四姐使用芹菜作伴菜﹐芹菜味較重﹐芹味和口水雞味沒想到是那麼配！清新﹐不油膩﹐也有點田園的感覺第一道熱菜是酸菜魚魚肉和酸菜比例和分佈平均﹐不會有一勺全魚肉﹐一勺全酸菜的情況發生魚肉很滑溜﹐酸菜酸中帶點蔬菜的甜﹐令整體變得有層次也有黃辣椒提供少許辣味﹐這個不算太辣﹐

好耐之前食過一次灣仔既四姐川菜而對於水煮魚既形象都係由果次而黎,今日同朋友出銅鑼灣朋友突然想食川菜就諗起銅鑼灣都有分店就一於去試試.同灣仔分店相似既係都係商業大廈內以私房菜形式經營,有少少分別既係銅鑼灣多少少位地方較大.菜單都係一樣同樣價錢根據人數去選擇涼菜同熱菜既數目.重慶口水雞辣紅油浸住雞切件有大蔥做配料辣油唔太辣之餘又有麻既感覺麻而不過辣帶香雞件經紅油浸過後唔會鞋口作為水煮魚既熱身不錯.五香鹵牛肉附送一碟五香粉淨食會比較清淡但沾過五香粉後味道即刻提升帶少少咸香之餘後勁帶微辣.招牌重慶水煮魚2人份一大盤面頭鋪滿左辣椒,花椒,胡椒粒一撈起底十分足料有好多魚肉而魚肉十分鮮嫩同滑外層掛上紅油又吸左辣味越食越麻,豆芽份量都好多而最吸引既當然係寬粉.寬粉食落好煙靭外皮又好滑溜好有口感沾上水煮湯味食唔停口.重慶辣子雞一大盤乾辣椒上枱雞件切得好細炸得鬆脆香口食落唔會好辣慢慢食好滋味.清炒萵筍絲切得細而幼炒完後好通透又爽口,食完咁多辣野後食一啖清一清口腔內辣味.

平時食晏喺銅鑼灣，想搵日本料理餐廳就好容易，但係想食中菜，要諗去邊一間就好頭痛，一般都係去幫襯大商場裏面嘅酒樓，食吓點心，如果要食中菜最少都要搵四至六個同事一齊，咁先可以叫得多d款式，而價錢又合理。不過下下都要隔四至六個同事，有時都幾煩，最近同事介紹呢間四姐川菜，以碟頭小菜形式點餐，中午有單點嘅麵食，如擔擔麵、炸醬麵，都係$58,湯底味道都有誠意烹調，性價比很高，比較茶餐廳真係抵好多。今日點了口水雞、糖醋里脊，加白飯，兩個人食到超飽，好満足！令我最回味係個口水雞，香辣又惹味，調味汁料毫不吝嗇，配上小茜芹，爽口又沾溢濃濃的醬汁，超級醒胃，一流的開胃菜！另外糖醋里脊，酸甜味配合得恰到好處，酸味刺激食慾，甜度安慰返味蕾，新鲜熱辣出爐，實在係送飯绝配！

小時候不太能吃辣，所以一直以為自己會討厭川菜，後來機緣巧合之下吃過一次之後就完全迷上了，之後就時不時會去吃。原來川菜沒有想像中那麼辣啊，反而有種吃起來很爽的感覺XD四姐川菜只提供套餐，不能散叫，每位$340。和朋友叫了2人餐，總共可以叫2個涼菜、3個熱菜，對於食量大的我們來說是剛剛好（笑）涼菜：招牌四川涼麵、重慶口水雞熱菜：招牌重慶水煮魚、土豆絲和（忘了叫甚麼名字的）牛肉酸辣青瓜好吃！！辣辣的爽脆青瓜，根本下飯好物！！（雖然沒有飯）招牌四川涼麵（就是）好吃。招牌重慶水煮魚最推就是這個了！！！魚塊泡在辣湯裡，很入味，會忍不住一口接一口。底下還有很多寬粉，無飯／麵（＝澱粉質）不歡的我很是開心。配上飯的話感覺會更好吃，不過其實真給我飯的話我也吃不下了……2涼菜＋3熱菜份量太足了哈哈。吃得很飽很滿足的一餐，應該會再回來吃～