影片
更多
2021-11-13
1541 浏览
踏入初冬，呢幾日開始有寒意，又係食煲仔飯嘅時候啦！個人非常喜歡食煲仔飯，皆因凍冰冰時，每一口暖笠笠嘅飯真係溫暖到身心☀️。「嚐囍」喺煲仔飯界係人氣王之一，連續兩年獲得米芝蓮推介，主打炭烤煲仔飯，據聞長期滿座要排隊，所以今次第一次試，已經做定哂功課，6點前到咗入座，入座後鋪頭員工都有講：「6點後就無位㗎啦！」果然，6點鬆啲就全場滿座，門口仲有人開始等緊，非常旺。而鋪頭裝修同一般舊式茶樓差唔多，燈光非常光猛，枱與枱之間距離都相當足夠。餐牌選擇好多，分別叫咗三個煲仔飯同三個小菜，煲仔飯方面等咗大約30分鐘至45分鐘左右，其實三個煲仔飯係喺配料上有所唔同，最緊要嘅「飯」，水準係差唔多，同樣係粒粒分明，而且無過硬嘅情況出現，煲底飯焦亦係非常完美，可以成塊起，帶金黃之餘亦好脆口，豉油亦唔會過咸偏甜。🔹臘味排骨飯($𝟗𝟎)：個人而言，覺得有臘味嘅煲仔飯相對其他配料嘅煲仔飯一定係更美味，因為夠哂香，呢度都唔例外，臘腸味道濃郁，軟硬適中，飯粒會帶有臘腸嘅油香味，更香口更惹味，連埋無敵飯焦，必叫👍🏻🔹鹹鮮魚(馬友)肉餅飯($𝟗𝟔)：雖然肉餅蒸得啱啱好熟度，唔會過嚡，但肉味唔重之餘，馬友味亦比較淡，成煲飯比較
「嚐囍」喺煲仔飯界係人氣王之一，連續兩年獲得米芝蓮推介，主打炭烤煲仔飯，據聞長期滿座要排隊，所以今次第一次試，已經做定哂功課，6點前到咗入座，入座後鋪頭員工都有講：「6點後就無位㗎啦！」果然，6點鬆啲就全場滿座，門口仲有人開始等緊，非常旺。而鋪頭裝修同一般舊式茶樓差唔多，燈光非常光猛，枱與枱之間距離都相當足夠。
餐牌選擇好多，分別叫咗三個煲仔飯同三個小菜，煲仔飯方面等咗大約30分鐘至45分鐘左右，其實三個煲仔飯係喺配料上有所唔同，最緊要嘅「飯」，水準係差唔多，同樣係粒粒分明，而且無過硬嘅情況出現，煲底飯焦亦係非常完美，可以成塊起，帶金黃之餘亦好脆口，豉油亦唔會過咸偏甜。
🔹臘味排骨飯($𝟗𝟎)：
個人而言，覺得有臘味嘅煲仔飯相對其他配料嘅煲仔飯一定係更美味，因為夠哂香，呢度都唔例外，臘腸味道濃郁，軟硬適中，飯粒會帶有臘腸嘅油香味，更香口更惹味，連埋無敵飯焦，必叫👍🏻
臘味排骨飯
91 浏览
2 赞好
0 留言
🔹鹹鮮魚(馬友)肉餅飯($𝟗𝟔)：
雖然肉餅蒸得啱啱好熟度，唔會過嚡，但肉味唔重之餘，馬友味亦比較淡，成煲飯比較淡而無味，而中間位置亦比較濕潤。
鹹鮮魚(馬友)肉餅飯
79 浏览
2 赞好
0 留言
🔹白鱔滑雞飯($𝟗𝟎)：
係呢間鋪頭嘅人氣煲仔飯之一，個人覺得啲雞夠嫩滑，雞味幾濃，但白鱔唔夠新鮮，有啲「梅」，厚肉但係唔彈牙，而且無鱔味，係有啲失望。
白鱔滑雞飯
60 浏览
1 赞好
0 留言
🔹椒鹽九肚魚($𝟖𝟓)：
相當出色，炸粉好薄，脆得嚟蒜香味重，裡面嘅魚肉好滑溜，大大舊之餘唔會一夾就斷，食到停唔到口。
椒鹽九肚魚
81 浏览
1 赞好
0 留言
🔹黃金酥炸生蠔($𝟏𝟕𝟖)：
有啲辣椒同埋炸蒜做調味，外皮好酥脆，裡面嘅蠔肉好濕潤，一咬落去就有汁水，唔會炸到好乾身，亦好味。
黃金酥炸生蠔
117 浏览
2 赞好
0 留言
黃金酥炸生蠔
65 浏览
1 赞好
0 留言
🔹梅菜扣肉煲($𝟖𝟖)：
梅菜偏咸，扣肉嘅肥肉好大舊，而且成個煲都好多汁，送飯一流，就咁食就會非常漏。
梅菜扣肉煲
57 浏览
1 赞好
0 留言
當日離開時大約都係7點20分左右，門口已經滿佈人龍，所以如果要嚟建議6點前嚟到入座或有心理準備要等一段時間，同埋要留意返佢嘅煲仔飯係晚上6點後先開始供應。呢度嘅臘味煲仔飯絕對係好高質，其他配料嘅就可以更好，而且幾款小菜都幾好食，所以會有下次。
张贴
