嚐囍煲仔小菜

营业中

休息中

假日去的時候，遠處便看到很多人都在門口等位，仲需要搭枱，原本有一絲想放棄，但最後系因為特登為咗佢嚟所以最後都攞咗飛，好彩有食，吾系會後悔😂我哋2個人叫咗兩三個點心同埋一個白鱔煲仔飯。先講煲仔飯，原本攞過嚟嘅時候有少少失望因為個煲偏細，打開裏面嘅料又唔算好爆。但係加豉油冚蓋後，再真系擺落口嘅時候，就無失望，因為真係好香好食，尤其是佢啲豉油今成煲飯香味生色不少。😍一煲真係一人份量，所以我哋都叫多咗幾個點心。點心就中規中矩，唔係太驚艷，不過都係足料嘅。啲姐姐雖然好忙但都有善,對我哋好有街feel.環境因為我嗰日好多人所以迫啲，唔肯定平日系點。總結係我好想去試多次佢唔同嘅煲仔飯，可以唔使叫點心,留番個肚食兩煲hahaha

估唔到係初級版嘅預約困難店當日下晝四點打電話去book位佢話只有晚上6:00有位遲半個鐘到已經冇位了，咁唯有6:00去食晚飯座位都幾迫㗎，兩個人一張枱仔我諗只可以容納到兩個煲仔飯，加多一個小菜已經唔夠位擺不過估唔到餐牌會有咁多嘢食，有唔同嘅煲仔飯，唔同嘅配搭，仲有好多小菜海鮮最後我哋每人叫咗一個煲仔飯一個係田雞加白鱔一個係臘味滑雞始終整煲仔飯都要時間，等咗25分鐘真正嘅生米煮成熟飯份量啱啱好，有機會去西環都想再食

嚐囍煲仔小菜是知名煲仔飯名店-坤記師父出來開的，並於2018年獲選米其林必比登推薦名單牆上掛著米其林貼紙。剛到門口，已經看到人好多在等位。等了大概15分鍾坐下，店裏麵幾乎都是回頭客，跟夥計都特別熟悉，也是住附近的老街坊。聽朋友說這家店香港本地人超級愛，非常有名氣。店裏的裝修非常港風，除了有各種煲仔飯，還有各式各樣的點心。我們點了最最出名的煲仔飯，因為煲仔飯現做需要30分鍾，所以我們立刻點了兩份。煲仔飯有許多不同搭配，我點了鯰魚雞煲仔飯，還有一份牛肉臘味。另外點了一份椒鹽魷魚。先說說椒鹽魷魚吧，真的非常非常的好吃，魷魚很有彈性，量很足，椒鹽味道剛剛好，配上蘸醬絕了。不到10分鍾已經清盤了。嚐囍煲仔小菜煲仔飯配了醬油，煲仔飯火喉控製得宜，有飯焦之餘，亦不會過火。豉油加入爆香的臘味，更加香口。我們按照自己的口味去加，味道很棒，但是，最最最要表揚的是，鍋巴超多，這鍋巴也太銷魂的！據說，鍋巴是這個煲仔飯的一大特色，我是那種超愛鍋巴的人！店家強調不加味精，難怪吃完無負擔，不用擔心太鹹有別於其他煲仔飯名店，另外還提供多樣粵菜和港點。嚐囍點心皇香港西環北街25號堅尼地城站走路5分鐘

上星期拜完山同屋企人飲茶，等咗20分鐘食西環呢間米芝蓮。等位期間，啲人堆晒喺出面個門口掃安心出行同入面個門口自己掃打針記錄，對自動門又成日自動關上，結果夾到啲人；負責安排入座個阿姐又燥底🤷🏻‍♀️好彩老闆好有禮貌加返分！終於有位，佢比張枱係一張二人枱同一張中間隔住條路嘅六人枱。因為而家堂食只可以坐二人，然後佢張六人枱又唔加隔板；呀哥話見到有一個呀婆獨佔六人枱tim。總之成程飯我同阿哥將啲點心搬來搬去；呢間嘢成個operation好差，好彩嘢食幾平靚正🙂🍚臘味排骨煲仔飯 $98 有齊臘腸、膶腸、臘味、排骨，非常足料；啲飯仲要一粒粒唔會黐立立，飯焦好香脆😋💛燒賣皇 $30 特別大粒，啖啖肉👍🏻👍🏻🦆鴨腳扎 $23 最入味係舊芋頭同肉👍🏻👍🏻🤎牛柏葉 $25 整體好食，但個頭有啲韌🐂香茜牛肉腸 $23 腸粉皮都幾薄，足料嘅🧡流沙千層糕 $34 必點，啲鹹蛋黃夾心好好食👍🏻👍🏻

前兩日嘅天氣又涼番少少，氣溫跌到得16、17度加上落毛毛雨，因為咁就激發咗我想食煲仔飯嘅念頭。餐牌紙上煲仔飯有N咁多款，仲可以加料添(當然要加錢啦🤣)。今次嚟主要係食煲仔飯+點心，其他煲仔小菜就食唔到喇，我個胃一次過消化唔到咁多食物😩 煲仔飯即叫即製等咗大約25分鐘先有得食。可能好耐冇食過煲仔飯嘅關係，我覺得呢鍋飯特別惹味😋😂尤其係啲飯焦呀。牛肉餅雖然厚身但都質地唔會硬。肚餓嘅話可以叫點心食住先，款色都幾多同埋上菜都幾快。▫️窩蛋牛肉餅飯 (HKD98) 加臘腸 $22▫️馬拉糕 (小點 $20）▫️鹹水角 (小點 $20）▫️沙律蝦角 (大點 $25)⭐️只收現金⭐️不設加一

很多打著米芝蓮旗號的餐廳，一向給我的感覺都是有名無實。試過一家又一家的米芝蓮，佔一半都總是失望而回。但是嚐囍，應該是我認為在試過的眾多米芝蓮餐廳有高性價比的一家。因為某日突然好想吃煲仔飯，就在網上找尋一下大家的推介，有好幾家在港島區的煲仔飯店都被外間捧得火熱，最後決定到西環的嚐囍試試。根據開X網寫的營業時間，是晚上6時開始供應煲仔飯。我們大約5:50pm到達，心想早點吃完便回家。但少年我們實在太年輕，去到餐廳附近，已經見到有幾十人在門口等待，心想：今次仆X了。我們完全少看了這家店的威力，足足等了差不多2小時才有位置。而且在場的有不少是婆婆級食客，我想應該是非常非常好吃婆婆才會等吧⋯⋯雖然餐牌內的選擇多，但因為今次只有我和另一個朋友，所以只點了一個煲仔飯和一款小菜，都是店家的招牌菜。先來的椒鹽九肚魚拼鮮魷，是朋友要求必須點的菜。其實我對九肚魚一點好感都沒有，本身我就不太喜歡很多骨的食物，而以前吃過的椒鹽九肚魚永遠都是「超•多•骨🦴」。但是，這家的真的超好吃，骨是脆的，魚肉極細滑，外層的炸粉也沒有過厚，顛覆了我對九肚魚一直的鄙視😂。鮮魷也是出色的，只是與九肚魚相比之下就失色了。等了大約30

秋風起，除咗食臘味之外，仲係食煲仔飯嘅季節，上次介紹咗新界荃灣嘅煲仔飯代表，今次就介紹港島嘅代表，其實港島有唔少好出名嘅煲仔飯，今次介紹呢間仲要有米芝蓮必比登推介，除咗煲仔飯出名，佢嘅小菜同點心都係必食。嚐囍係西環區人氣既街坊小菜館，舖頭連續三年得到米芝蓮推介，受到各大傳媒報道，晚市未開始已經見人龍，係港島煲仔飯必食嘅餐廳之一，深受街坊歡迎，同一樣攞到米芝蓮推介既坤記一樣喺西環，近排仲喺樂富開咗新分店。餐廳主打煲仔飯，因為知道香港人講求健康、少油少納，所以佢哋嘅煲仔飯同小菜標榜冇落味精，同坤記一樣係以火山石炮製煲仔飯 ，以前佢哋係用炭火，不過始終用炭嘅成本比較高，攞牌就要用好多錢同時間，而且對控制大小細火嘅技巧要求好高，而且會令到成間餐廳都係炭味，最後就用菲律賓火山石放喺特別訂造嘅爐灶，可以有穩定而且高溫嘅火力，食客都唔會成身炭味。而且師傅會混合泰國新舊米，多次嘗試邊一種米比較吸水，加上幾滴豬油，令到香味加倍。師傅一次過可以同時處理15個煲仔飯，高峰期可以一日賣300個煲仔飯。煲仔飯約有30款，好似有白鱔滑雞冬菇煲仔飯、臘味排骨煲仔飯、臘味滑雞飯、有創意既日式鰻魚煲仔飯等。因為小菜隔離

冬天除咗打邊爐🍲之外，仲有係食煲仔飯嘅季節！今次同朋友仔一齊挑戰係1個鐘頭內係米芝蓮餐廳食飽還枱😆😆😆(因為我哋係walk-in,有book 到就唔使咁趕嘅)呢間出名煲仔飯，仲攞埋米芝蓮。我哋除咗叫咗個飯之外，因為朋友鍾意食點心，我哋都叫咗兩籠試試佢。兩籠一上，嘩～🤩🤩🤩size 係平時嘅加大版！！！- 臘味排骨煲仔飯 $90呢個正呀！有飯焦呀🤩啲飯粒粒分明，口感唔太淋唔太乾，啱啱好😋😋- 鮮蝦燒賣皇 $30佢喺平時XL size，諗住咁大，口感同味道可能麻麻架啦…..點知唔係！🤩🤩食到好多蝦，爽口彈牙推🙌🏻- 綿花雞 $30呢個真驚喜🤩🤩🤩啲綿花係魚肚，口感真係好似食緊綿花糖咁，好淋，吸晒啲汁，但唔咸同唔腥。呢種口感之前未試過！！！啲雞肉嫩滑嘅，但「綿花」太好食啦大推🙌🏻- 四寶紮 $30L size，入面嘅魚肚同綿花雞啲綿花一樣，好正！好足料😋

農曆新年氣溫急降，真係超想食返煲熱到岀晒煙嘅煲仔飯。今次一嚐獲米芝蓮必比登推介嘅嚐囍。晏就黎到，除左傳統煲仔飯、創意日式鰻魚煲仔飯，仲有多款點心供選擇！▪️臘味滑雞飯 加蛋 $98 +$9煲仔飯粒粒分明唔會過硬，滲透住淡淡臘味嘅油香。底部一整塊嘅飯焦超正呀！好脆身，唔會太燶，略嫌有少少唔夠焦香。臘腸一咬，油脂大爆發，唔會過鹹。臘肉肥膏位軟腍，不過人地大讚嘅潤腸就得一舊，仲要比對面個個食左。滑雞唔柴唔乾，但只有一兩塊比較滑，可以唔嗌~ 豉油偏甜，有少少奇怪嘅香味，個人就麻麻啦。整體黎講，好鍾意佢飯嘅口感，不過調味就偏清淡，重口味人士有少少唔滿足。▪️咖哩金錢肚 $25/大點金錢肚超入味！軟韌有彈性，又唔會咬唔爛。咖哩汁微辣惹味，底下仲有軟腍多汁嘅蘿蔔。▪️黃金糕 $23/中點蜂窩組織幾靚喎！煙韌控超鍾意佢個質地！好Q彈！對面嗰嗰就嫌佢太過煙韌，不過椰香味就唔算好突岀。▪️小籠包 $30/特點小籠包嘅皮唔會太厚，肉汁都算多，但味道上硬係差咁啲，唔太推薦。

近排睇到各路英雄講煲仔飯，於是同靚靚老婆，重回嗜囍幫襯，等咗10 幾分鐘就可以入座，每位姐姐服侍態度都唔錯，但係落單就求求期期，我叫咗個白鱔田雞飯加克腸，結果係白鱔滑雞加紅腸，落單嗰陣時佢問我另外一個鳳爪排骨飯加唔加，我用好正統嘅本地話話俾佢聽唔需要加，結果佢冇落個鳳爪排骨飯（圖未加番，不過要重新等多半個鐘，喂唔緊要我仲叫點心，蝦餃、牛柏葉（正）鹹水角嚟到嗰時，個呀姐話：有嘢食啦，小心熱啊，但係個鹹水角係凍㗎喂🤪，臨走我去去洗手間，我習慣望一望嗰廚房，竟然發現阿肥師父，無戴口罩仲擔住口煙做嘢，疫情呀師父！講返個煲仔飯，可能因為下晝，趕時間，冇乜心機整，啲飯唔夠乾身，飯面嘅餸亂咁放，唔美觀，整體合格，但要做煲仔飯一哥，唔好意思，輸咗少少就係輸咗少少！可能名氣大咗，本心就小咗，如果只顅商業社會⋯⋯⋯唉！淨做聞名訪客，咁樣就不如見面啦。

天氣凍最啱食煲仔飯，米芝蓮嘅煲仔飯今日終於特登嚟試吓鱔片臘腸煲仔飯一打開就好香臘腸味😌落完豉油要再焗一焗，之後就食得啦！鱔片略嫌唔夠彈牙，臘腸就好香好好味😋白飯粒粒分明！煲仔飯重點在飯焦！佢既飯焦真係無得頂👍🏼👍🏼👍🏼完全冇焦黑，香脆又唔硬，係我食過最好食既飯焦，真係食過番尋味🤤椒鹽肉排原本諗住試下椒鹽九肚魚，可惜賣哂，所以就叫左份椒鹽肉排。不過味道就一般，椒鹽味唔夠，而且上枱時唔夠熱，大打折扣。

Openrice外賣落單，顯示30分鐘後可以拿餐。最後一個鐘才成功拿到餐，途中多次和店家交涉，不停催餐，等夠50分鐘之後要求店家退款，店家唔肯，態度唔負責任。不會再來幫襯，差評

嚐囍煲仔小菜@西環前排去左西環一間有米芝蓮評級嘅嚐囍煲仔小菜，餐廳以各式煲仔飯出名，食飯時間經常要大排長龍，果日同朋友提早等佢5點晚市開舖先唔洗等😂白鱔臘腸煲仔飯十分出色，煲仔飯火候做得好好，好多金黃色嘅飯焦，亦都十分香脆，食得十分過癮！😍白鱔新鮮肥美，睇落十分吸引，食落肉質彈牙，臘腸都幾香酒味，亦唔會太肥。總體係一款十分出色嘅煲仔飯。😋😋😋蝦餃都唔錯，大大粒，入面見到大大隻蝦肉，蝦肉都幾新鮮彈牙，如果蝦餃皮薄少少就更好啦🤣黃金馬拉糕相當有水準，金黃嘅色澤十分吸引，麵粉發酵十分充分，新鮮出爐食落相當鬆軟，而且食到好香雞蛋味，甜度適中，唔會好漏，一個人都食到半份😘總體黎講，係一間十分值得試嘅餐廳，唔怪得見到咁多人特登揸車入黎排成個鐘都願意，鍾意食煲仔飯嘅朋友絕對不能錯過啦🥰

We spent an entire hour waiting to try their Michelin-recommended claypot rice and it was worth it, although the lady guarding the door giving out queue tickets to patrons was a bit intimidating. The portion is big and I’m quite impressed with their “lap mei”, particularly the duck liver Chinese sausage. Their deep fried dice fish balls are also surprisingly delirious. Freshly made dim sum dishes are also available during dinner time and we came back a few days later for breakfast. Once again, t

聽說堅尼地城有數家味道出眾的老牌點心店，今天有幸試了其中一間，排隊等了20分鐘，應該算是幸運吧。以下是我們點了的點心︰此店的水晶鮮蝦餃雖然不是外間的巨型鮮蝦蝦餃，不過性價比極高，蝦肉新鮮爽甜，整隻蝦餃一粒一口，比起外間流行的巨型蝦餃更適合我的胃口。她的香煎韭菜棵中的韭菜味很香，雖然是煎棵但不太油膩，棵的皮很薄，咬口乃脆與煙韌之間，味道很好。沙律明蝦角的蝦亦非常新鮮，因為皮夠薄，所以油炸後不會太硬，可惜這款點心有點油，不過這點對於炸物而言是正常的事。黃金炸鮮奶做得很好，內裡的炸鮮奶非常香滑Q彈，是一非常出色的甜點。