嚐囍煲仔小菜

营业中

休息中

嚐囍煲仔小菜 - 點心有驚喜，煲仔飯失望😣嚐囍嘅煲仔飯都幾出名下，今日咁岩去堅尼地城，所以順便黎試下佢🙊門口好多人排隊，我哋兩個人都排咗大概40分鐘左右先入得🤣我哋嗌咗3個點心同一個煲仔飯，點心整體質素唔錯，煲仔飯係算fail😭燒賣皇$28燒賣勁足料，啲蝦又多又大隻，幾正👍🏻小籠包$23小籠包都ok, 唔算細隻，隻隻都有唔少湯汁👍🏻蝦腸$28蝦腸都係足料，不過啲皮就唔算好滑，合格啦🤣到重頭戲腊味田雞煲仔飯啦$90都真係幾失望下，味道好淡，啲田雞嘅肉質好鞋，好似煲咗幾個鐘既雞肉咁鞋，田雞好fail。唯一叫好少少既係都有啲飯焦，但都唔算好食👎🏻總括黎講，係唔值得排咁耐既🤣味道😋：5/10價錢💰：6/10服務💁🏻‍♂️：7/10環境🪑：6.5/10

呢間餐廳出名要排隊，好彩就係門口有幾張櫈仔可以坐下晚飯時間等咗差唔多20分鐘就有得入去因為等得太耐所以有啲肚餓就叫咗個小籠包頂住肚先，小籠包皮薄多汁，而且絕對有超出酒樓嘅水準正之後過多大概10分鐘到主菜-滑雞大鱔煲仔飯終於出咗嚟，煲仔飯上菜嘅時候係連埋嗰個蓋嘅，我問店員使唔使焗多5分鐘，佢話即刻拎走個煲蓋就食得值得一讚就係啲雞嘅用料不錯，雞肉夠晒滑，豉油香甜而且濃稠不過啲大鱔就幾失望，雖然厚肉但係一啲都唔彈牙，好似蒸過龍咁，肉質冇咩味

我好鍾意食點心，好多人都叫我要試呢一間，之前黎過一次，因為疫情只做外賣，今日終於可以坐低食。一個人竟然叫了五個點心，當中最有驚喜的係個韭菜角，個樣好大舊，諗住會好滯，點知佢入面的韭菜同肉的Mix非常Balance，所以一D都唔滯，食到韭菜又食到肉，好正。第二最愛係個潮州粉果，開頭見佢上枱目測佢塊皮好厚，都打定輸數，點知食落就有另一番風味，好味，入面D沙葛好清爽，入面D材料混和得好好。跟住想講佢個蝦米腸粉，好滑好彈牙，份量算係多咗少少(可能因為我一個人食的關係)。接住到個蝦餃，我想在此聲明，佢個蝦餃都係好出色的，不過前面的三個更出色，所以蝦餃先至排第四。佢個蝦餃皮好薄，粒蝦亦新鮮彈牙，好味。最後就係鴨腳扎，芋頭同舊豬肉都好味，鴨腳無雪味，好難得。其實附近都有一D出色的點心店，不過呢一間坐得舒服D，雖然呢間的價錢大約貴30%左右，不過都係值得的。

今次黎到一間米芝蓮黃店係必比登推薦既嚐囍煲仔小菜餐廳原本由三人創立不過後尾拆夥其中一位走去開左兩間叫做嚐喜大不同一樣都係做煲仔飯小菜既最正宗既始終都係西環呢間嚐囍有晒商標注冊晒單喜果間只係為錢而生去到見唔到紅色招牌反而見到個黑色既話其實岩岩尋日先開番堂食唔知係裝修過定點樣煲仔小菜格離仲有間點心皇外賣我十一點黎到無論係堂食定外賣都已經好多人排緊緊其實門口就好混亂既因為根本就無侍應負責登記問下現場街坊大家都係得個等字乜都無終於入到去企左陣問到個阿姐佢又終於出黎登記派飛仔張飛仔全手寫就咁得個number咁我就繼續坐門口繼續等因為平時都慣左排隊真係好耐無遇到過呢種咁混亂既情況嚐囍應該係一間比較老牌既食肆由內到外都係咁既味道等左唔係好耐就有位等左唔係好耐就有位不過二人檯都真係幾細張雖然一心黎試下個煲仔飯但其實呢度應該算係一間茶樓好耐未試過餐具要自己洗久違了既點心紙岩岩公佈左2021既米芝蓮而家係連續四年米芝蓮比必登推薦了6蚊茶錢最貴最頂點32蚊標榜無落味精呢度無寫廚師推介我都係點左最大路果幾樣點心另外有火山石煲仔飯同砂鍋煲仔菜其他小菜原本都係晚市時間先有疫情之下禁晚市就全日供應呢樣野都係格離檯話

今天中午午餐，確認服務水平差勁！送錯煲仔飯，亞姐跟客人大吵架！服務員開始互相指責，期間客人加入戰團。管理層絶冇歉意，亦冇能力解決糾紛⋯⋯希望日後生意能反應管理狀況。說實話，不胡亂吹噓。

星期六去到 等左 45 分鐘左右菜湯 好好飲蠔煲好鮮甜金錢肚醬汁有小小濃白鱔煲仔飯米飯有小小糊左 不過飯焦好味道牛柏葉姜蔥清淡有味 牛柏葉爽口芋頭臘肉腸芋頭好粉！椰汁糕好QQ

元旦天氣凍，好想食期待已久嘅煲仔飯。6點後禁堂食都不用擔心沒得食，原來這間米之蓮店有原個煲仔飯外賣，只需付$20按金，吃完還回煲仔就是了。店內提供多款煲仔飯，花多眼亂。我個人覺得煲仔飯嘅精粹在於臘味油香，加上甜豉油和脆脆飯焦，所以決定要臘味煲仔飯（$80），但又為食想要吃白鱔，所以就加餸（$22）。外賣包裝企埋，有個小箱子放著煲仔飯，盒內還有一格放甜豉油，不怕倒瀉。另外，還附上一小盒油菜，好有誠意嘅外賣。煲仔飯熱辣辣，一打開香氣四溢，將甜豉油沿煲邊倒入，用羹一舀到底已感覺到煲底飯焦。臘味油香拌粒粒分明的香軟飯粒加上甜豉油蔥粒和脆香飯焦，超好吃的，非常滋味。臘味不只是要其油香，這店選用的臘味質素很好，臘腸、潤腸、臘肉軟硬適中，肥瘦剛好，甘香非常。豉汁白鱔好肥美，帶有淡淡果皮香的豉汁好惹味，跟白鱔絕配，餸飯都一流。

終於比我搵到一間有齊曬馬蹄糕，牛柏葉同埋金錢肚餐廳，通常去食點心，總係缺少呢3樣其中一樣，唔知點解唔可以共存，呢3樣都係我至愛😂😂😂馬蹄糕已經係酒樓食點心買少見少，呢間煎得唔算話好脆，但口感煙韌，甜度適中，而牛百葉同金錢肚分別取於第三同第二個胃，口感爽口，反正我就係中意食。以前來呢度通常都係夜晚，一來食小菜同埋煲仔飯，二來係可以飲夜茶，今次係第一次日頭過來食，因為食完順便可以行龍虎山。如果你係熟客，我發覺可以優先比樓面姐姐去接待或者serve，因為我係咁舉手都無人理🙈點心大件夾抵食，味道都ok，會再來。

琴晚天氣涼涼地🌬❄️☃️ 肥仔外賣係嚐囍煲仔小菜／嚐囍點心皇 外賣咗個花膠湯🍲 因為6點反冇堂食，唯有外賣，今次係第2次飲啦⋯⋯我哋一家四口（包括埋豆豆）都飲完之後暖笠笠瞓覺💤足足每人分享到2大碗，真材實料❤️花膠都大大塊，而且都有5-6塊，飲完湯都「張」住個口🤣嚐囍出品必屬佳品🍻如果覺得未夠濃味，請自行加鹽🧂呢個價錢，勝價比高到有突而家2次嘅份量都差唔多，價錢百零蚊，抵話自己煲📍嚐囍煲仔小菜 (西環)📌西環堅尼地城北街25號地下

嚐囍最出名係食煲仔飯，不過今次我地中午就黎到，就試左佢地嘅點心😗。Overall都唔錯，煲仔飯就留返遲啲凍啲先食啦😚！⠀🐖蜜汁叉燒腸 $21（中）（7.5/10）⠀淋左啲冇QQ地嘅口感，不過仲係可以完整夾得起的😗。入面叉燒都幾多，入口啖啖叉燒香味❤️。⠀⠀🌟鮮蝦燒賣皇 $28（特）（9/10）⠀一盎4件，燒賣唔會死實實，一粒有兩三舊蝦仔，咬落去有肉汁好驚喜😍。👧🏻超鍾意！⠀⠀🐮薑蔥牛栢葉 $23（大）（8/10）⠀懷舊嘅味道，依加好多酒樓都冇左牛牛栢葉都幾多薑絲比例1:0.5 啖啖蔥薑香味✨。⠀⠀🐓豉汁蒸鳳爪 $18（小）（6.5/10）⠀唔會醃到黑蚊蚊，味道中規中舉啦。⠀⠀🐂山竹牛肉球 $21（中）（9/10）⠀食到最尾先黎到，拳頭咁大粒又飽滿✊🏻，蒸得岩岩好入面有少少粉紅色，咬落爽口彈牙，小小喼汁又香又有鮮味，正👅。⠀⠀🦐蝦餃 （8/10）⠀食落皮薄之餘，蝦好彈牙，好味😋。⠀⠀🥟潮州蒸粉粿 $18 （小） （7.5/10）⠀粉粿餡料夠香，有花生蝦米味🥜，但個皮太易散包唔住啲餡。⠀⠀港式奶茶🥤（7.5/10）⠀冇諗過呢到會有奶茶飲😛，飲落奶味比較勁，茶味唔算好濃～⠀⠀

天氣轉涼，係時候要食個煲仔飯，今日黎到港島區其中一間人氣米芝蓮既黃店。星期六晚上約930到達，入面已坐滿哂客人，出面大約有around10個人係出面等緊，而我地都係等左15-20分鐘就可以入座。等位期間，老闆都好熱情咁派菜單同埋介紹有咩好食既菜式俾我地聽。店內環境都大，坐得舒服，不收加一。除左煲仔飯，仲有點心、小菜、炒飯等，價位都屬中等。白鱔腸煲仔飯$88飯粒分明，入口時食到臘腸既油脂已滲入飯粒之中，又夠香。白鱔嫩滑入味，啖啖肉。飯焦就太燶太硬。椒鹽九肚魚$80👍🏻份量好大，抵食。入口香脆，椒鹽既味道岩岩好，魚肉好滑，又吾會炸到爛哂！大推！最後，雖然呢間野出名食煲仔飯，但椒鹽菜式更加出色。下次會想試下佢地既點心類！

因為媽咪鐘意食煲仔飯, 今日特登去咗西營盤食嚐囍.   我地食咗腸粉, 臘腸卷, 蝦餃, 同滑雞白鱔煲仔飯. 腸粉: 腸粉又滑又彈臘腸卷: 真係好難搵到地方食.  臘腸好香 蝦餃: 見到有幾隻蝦仔, 好鮮味滑雞白鱔煲仔飯(跟湯): 成個煲底都係飯焦, 成個甩得出黎,, 好有焦香味. 可惜d 鱔係尾個部份, 無咁啖啖肉.  個湯都好足料同無味精味. 抵讚!

一直聽聞嚐囍煲仔飯好出名，大概5:50分去到已經見到好多人等緊位！原來第一輪6點開始放人入去，如果第一輪排唔到起碼要到7點先有位！到左6點鐘開始放人入去，我地兩個人好好彩最後一張檯比我地入到，入到去我地點做一個滑雞膳煲仔飯$88+1個韭菜花炒蝦乾兩個人share！ 煲仔飯可以加配料，大概$20可以加滑雞啊，膳，雞蛋或者田雞等等但係我地唔係好肚餓所以無加！最後由唔肚餓等到肚餓，等左差唔多50分鐘個煲仔飯終於上檯！個滑雞唔多肉，個膳幾好食，好多飯焦！絕大部分客人都係點煲仔飯或者湯同點心，點小菜既人唔多！我地點既韭菜花味道都唔錯好有鍋氣好足料！臨走前問個waiter如果book臺要幾耐之前book，佢話weekend既話大概一個禮拜前，平日2-3日前終結：鍾意煲仔飯既話呢個價錢都值得去，但係最好提前book位就可以避免排隊或者去到無位！

嚐囍煲仔小菜久仰大名嘅米芝連推介煲仔飯💛 重要係撐學生既良心小店💛💛人均消費$84一到秋冬呢個涼陣陣嘅日子🥶，就一定要去食煲仔飯！我特登去到堅尼地城試呢一間米芝連推介嘅餐廳，一試佢嘅煲仔飯到底有幾出色！大概7:40pm到餐廳，門口已經好多人排隊啦！不過勝在餐廳嘅座位唔少，等左20分鐘左右就入得啦！😆聽講呢間嘅煲仔飯每一隻都咁出色，而煲仔飯嘅精髓就在於臘味果啲油香，所以一定要叫有臘味嘅煲仔飯！今次就叫左一個臘腸滑雞煲仔飯($88），果然油香十足，一打開就聞到超香嘅臘腸味，未食已經知道冇黎錯！味道方面，臘腸不負所望，而滑雞就略厭多骨左少少🤏，而飯焦則係我暫時食過最出色嘅一間，可以原塊輕易舀起，加上唔會太咸偏甜既煲仔飯豉油，簡直係絕配！🤤另外仲叫左一個啫啫芥蘭煲($65)。竟然有大量嘅蝦乾，每條芥蘭都沾上蝦乾嘅咸香味，非常驚喜，當時好想叫多個白飯黎食呢個菜！😍而其實除左佢嘅煲仔飯外，佢嘅點心都係米芝連推介架！我地就淨係叫左一籠小籠包試試($21)。味道的確唔錯，皮簿餡靚，真係要好小心咁夾，唔係就好易流哂啲湯出黎！整體黎講，超好味 好滿意，下次會試下窩蛋牛肉煲仔飯！💛💛

星期六晚上7點walk in 去拎飛仔，門口已經有好多已訂座或walk in的食客係度等候，足足等左一個鐘先入座！好彩附近有幾個超級市場行下，每半個鐘我地就番舖睇下進度。啫啫雞煲 $75一上檯，煲內嘅醬汁仲滾緊，望住佢聽到「咋咋」聲好治療！啫啫雞煲份量相當多，雞嘅比例佔大多數，唔會用豬潤濫竽充數！蔥頭、蒜頭預先爆香。大大塊雞件有煎香，啖啖肉，豬潤薄薄地口感有少少爽脆，平時唔好豬潤嘅我都食左幾塊。冬菇都算入味。白鱔煲仔飯$88 另加臘腸+$20可能一直都煮緊煲仔飯…個煲仔飯15分鐘左右就上到檯，唔算等好耐。一黎到梗係淋鼓油整色整水，再用熱力焗多一陣整飯焦，正！飯粒乾濕度剛好，粒粒分明，5塊鱔片都肥美厚肉，豉汁令白鱔生色不少。加$20有5塊臘腸，好香！每次添完飯就蓋番煲飯，食到最後仲係熱熱地。煲底一啲都唔痴飯粒，唔知關唔關四季火山石煲事呢！？蒜蓉粉絲蒸茹子$72 上檯時不禁「嘩」一大聲！因為好！大！份！蒜蓉粉絲呢對孖寶可以有好多組合，唔一定下下跟海鮮嘅，清清地跟蔬菜類都幾有新鮮感。茹子用左好多油以令紫色保持鮮艷，食到底下會見到明顯底層冇沾到油… 個人prefer 少油，都明白餐廳要令菜式外