嚐喜大不同特色餐廳小廚

营业中

休息中

我個老友移民20年，終於等到佢回港！返嚟回港探友😎⋯⋯當然有我份啦！佢最想食嘅食物當然係中菜啦⋯⋯咕嚕肉、煲仔飯⋯⋯呢間餐廳係我朋友介紹，冰鎮咕嚕肉超正⋯⋯佢久違了打麻雀，所以喺屋企開飯！做老友嘅，我梗係買外賣返嚟同佢慢慢嘆啦！冰鎮咕嚕肉以前嘅咕嚕肉沒有冰鎮的！今次有冰鎮！咕嚕肉仲好高質添！買返嚟屋企仍然非常鬆脆！裏面保留肉汁又鮮嫩！超正！超水準！不消一陣就已經清晒！啫啫雞煲雞件非常嫩滑⋯⋯醬汁非常濃厚，味道鹹鮮！非常送飯好惹味！配菜仲有咪大蔥、木耳、豬潤香味十足！冰梅欖角骨冰梅欖角骨外脆內嫩！每一口都保留肉汁！欖角嘅行香夾埋冰梅嘅酸甜非常美味！又清新又開胃🤤⋯⋯份量仲勁多添⋯⋯小炒王蝦乾超大隻！帶點鹹香又鮮味！蒜心非常鮮嫩！爽脆蝦仁配搭惹味帶子粒非常鮮味！炸過嘅白飯魚和香脆嘅腰果😋⋯⋯鹹、香、鮮、脆、爽非常惹味⋯⋯臘腸排骨煲仔飯外型相當型仔！最正就係個飯焦好脆！啱啱就喺飯嘅面頭咁樣呢一個方法真係令到個飯焦保持焦香脆口！飯粒吸收晒排骨和臘腸嘅香氣十足！呢間飯店我嘅朋友讚口不絕！久違了香港的美食卻相當滿意！話一定要再encore！

我前幾日同朋友去咗天后水星街嘅嚐喜大不同特色餐廳小廚食飯，呢間港式餐廳位於地舖，近炮台山站A出口，行5分鐘就到。店內環境好有街坊feel，木桌同簡單嘅裝潢，坐得舒服又親切，啱晒同朋友輕鬆聚餐。餐牌主打煲仔飯同小菜，價錢親民，服務員好快手，仲會同你講解點樣焗煲仔飯最好食！😋咕嚕龍球係招牌菜，蝦球裹上薄薄嘅炸粉，炸得金黃香脆，外皮保持脆口，內裏蝦肉彈牙鮮甜。咕嚕汁酸甜得宜，帶點微辣，配上菠蘿同青椒，味道好平衡，唔會太膩。份量多，蝦球大粒，食落好滿足，係一個開胃又吸引嘅選擇！🦐芥末牛柳粒可以一試，牛柳粒切得大小均勻，煎得外焦內嫩，牛肉味濃郁，入口多汁。芥末醬汁帶點嗆鼻嘅辛香，唔會蓋過牛肉嘅鮮味，仲有少少蔥花同黑椒提味，食落好惹味。份量適中，啱晒鍾意重口味嘅朋友，配飯一流！🥩必叫既係臘腸潤腸煲仔飯，一上枱熱辣辣，飯焦香氣撲鼻。白飯焗得粒粒分明，飯焦薄薄一層，香脆可口。臘腸同潤腸切片均勻，臘腸鹹香，潤腸軟滑，油脂滲入飯粒，增添濃郁嘅肉香。加少少豉油焗多一陣，味道更香，食落好有滿足感！🍚最後係胡椒豬肚雞湯，湯底用老雞同豬肚熬製，入口有濃濃嘅胡椒香，微辣暖身。豬肚處理得乾淨，切片厚薄適中，入口軟腍有

講真，食咕嚕肉食到厭？嚐喜大不同呢間天后街坊小廚，真係將道普通菜玩到「成仙」！佢哋個「冰鎮咕嚕肉」，我敢拍心口講——全港最值得試嘅版本，無之一！點解咁爆？一上枱就「嘩！」一聲！成個水晶宮咁，咕嚕肉鋪滿碎冰，煙霧瀰漫勁有仙氣！師傅堅持即叫即炸，豬腩肉用秘製粉漿包住，炸到金黃脆卜卜，重點係——趁熱啪落冰堆！ 冷熱夾擊之下，外皮居然可以保持酥脆十分鐘以上，仲越食越爽，神奇到爆！味道？醒胃到停唔到口！醬汁唔係死甜死酸，師傅調到黃金比例，菠蘿嘅果甜+山楂嘅微酸+片糖香，仲偷偷加咗啲檸檬絲，酸甜層次爆燈！冰鎮後醬汁微微凝住黐喺肉面，一啖咬落去——「咔嚓」脆聲＋肉汁噴出＋冰涼酸甜汁，個口感真係癲㗎！夏天食直頭透心涼，油膩感？唔存在㗎！必趁冰未融快食，脆度MAX！建議加杯凍檸茶/鹹檸七，酸甜配酸甜，爽到打冷震～做到咁嘅心思同質素，真心抵到爛！食厭傳統油膩咕嚕肉？呢個「冰火版」絕對令你重新愛上！信我，試完你會想encore多碟打包走！

嚐喜大不同特色餐廳小廚餐潢以中式飯店為主調，主打街坊小菜，晚上還有馳名煲仔飯供應。豉汁蒸白鱔：白鱔擺放在長方形白色瓷盤中，擺盤美觀，肉質鮮嫩多汁，配料有黑木耳、紅辣椒圈、香菜和蔥花，增添了豐富的色彩和層次感。茄子魚腩煲味道鹹香鮮美，帶有魚腩的鮮甜和茄子的軟滑，配以蒜薑和鹹魚的香氣，是一道家常又下飯的美味煲菜。茶餐滑蛋蝦仁炒河：蝦仁鮮美彈牙，滑蛋柔軟細膩，配合河粉的爽滑口感，整體味道清淡而鮮香。熱奶茶口感順滑，香氣撲鼻。福建炒飯：炒飯的口感豐富多樣，米飯的軟糯、海鮮的彈牙、蔬菜的爽脆，都使得這道炒飯的口感令人難忘。熱華田：口感細膩、奶味濃郁、麥香四溢 ！ 瑤柱蛋白炒飯：飯炒得有鑊氣且粒粒分明、蛋白滑嫩、瑤柱鮮香，口感清爽且帶有海鮮的鮮甜。

一年四季都可以食煲仔飯啦😆「嚐喜大不同特色餐廳小廚」之前喺北角嘅時候我已經成日去食，而家搬咗去炮台山地方又大咗，餸菜款式更多樣化，仲有特製預訂菜式，下次要嗌埋屋企人過黎試下😋我同Bu兩個人梗係要嗌返一人一個煲仔飯再加咗兩款小菜，味道依舊不變，一樣咁正👍🏻臘腸排骨飯加潤腸煲仔飯即叫即制，大概需時15-20分鐘，店員送上煲仔飯後加入豉油再冚蓋焗一焗佢，咁就可以有脆卜卜嘅飯焦啦🤩我每次必點嘅臘腸潤腸排骨飯，臘腸充滿油香，潤腸外脆內軟帶點酒香，排骨每一件只係有一粒細嘅骨頭，入口啖啖肉，加埋豆豉、香蔥同薑絲令排骨更加入味，米飯香糯軟熟配上煲仔飯豉油冇得頂👍🏻北菇滑雞飯北菇滑雞亦都係必食推介，雞肉嫩滑雞味濃郁，菇香令雞嘅鮮味更加特出，雞油充分滲入米飯之中，米飯粒粒飽滿香氣四溢，底下金黃焦香嘅飯焦加上雞油香令味道更加豐富😋除咗以上兩款煲仔飯，店家提供20款以上嘅煲仔飯選擇，白鱔同肉餅都值得一試👍🏻脆皮芝麻雞特色招牌菜👍🏻兩個人嗌半隻嘅份量啱啱好，香脆嘅雞皮上灑滿芝麻更加香口，皮脆肉嫩，十分juicy，就算雞胸嘅部份都唔會乾同柴，廚師將火候控制功架十足，用黎送啤一流🍺燒腩仔炒四季豆燒腩仔果然係男人嘅最

今天和朋友去北角行街，再向炮台山方向行過去。 不經不覺到吃晚餐的時候， 一於揾間食店醫肚！見到一間黃色閃亮的大招牌，叫大不同冰室特色小菜館，。 它在天后水星街5-7 號地舖。炮台山地鐵站A出口行過來就到，十分方便！ 餐廳環境十分寬敞、整潔乾淨、光猛舒服。 它是港式傳統中式冰室： 特色粥粉麵飯、海鮮、鑊氣小炒和精選預訂菜式！ 還有時令和廚師推介，十分貼心的！🐮黃金脆皮牛腩是一道融合了酥脆外皮與軟嫩牛腩的創意菜，風味層次豐富，外皮酥香焦脆，黃色脆殼帶有焦香；牛腩內層味道濃郁，軟嫩多汁，能保留筋膜膠質的黏糯感！ 大大件非常有口感，真的係招牌菜！🐷沙薑猪手是一道經典的粤式小食！ ，以沙薑的辛香和猪手的膠質口感结合而聞名。猪手煮得很腍滑，皮彈肉嫩，膠原蛋白融化后形成黏糯的口感，用上沙薑調料烹調后更美味！🦑椒鹽鱿魚是一道非常受歡迎的粤式小炒，味道咸香鮮醇，新鮮的魷魚厚切夠大件，爽甜又有口感！ 椒鹽係經典搭配，帶來微麻咸香，更能突出魷魚本身的鲜甜的滋味！加上镬氣十足，風味更濃郁；超正！🦪蠔仔煎蛋餅是一道經典美食小吃，结合了鲜蠔仔的肥美和蛋饼的香軟，口感丰富、味道鲜美。 蠔仔很新鮮又大粒，自帶海洋的咸

朋友想食煲仔飯，今次試吓都幾多人討論位於天后呢間嚐喜大不同特色餐廳小廚上網睇到呢間餐廳都唔少劣評今次我地試吓係咪真係咁伏先～✨冰鎮脆皮咕嚕肉 我認為呢度嘅咕嚕肉比起煲仔飯更出色佢個份量仲要好多個皮幾脆口，肉都幾嫩，幾好口感呢一個最推介👍👍✨北菇滑雞煲仔飯 即叫即整，一上枱聞到已經好香但食落覺得唔太夠味同埋煲仔飯偏乾冇乜飯焦，有啲失望。滑雞食落反而有驚喜，因為真係好幾滑嫩😋總結嚟講，味道就中規中矩唔算特別驚艷✨滾豬肚胡椒雞湯 幾香胡椒味，湯都清甜而湯渣超多😝✨金銀蛋浸白菜 幾唔錯湯都夠濃味，配埋炸蒜幾好食🧄一句總括小炒小菜係唔錯，出色過煲仔飯😂

今天行過天后入來食早餐，食物味道真心吾掂，嘩D筷子嚇死人對對好笠，D鐵匙羹隻隻有污漬豬扒好難食，又吾開冷氣，今天天氣又潮濕，嘩真的未去過一間食早餐咁差。唯一最好食片方包好新鮮。凳又污糟。

一行4人想食煲仔飯，今次揀咗呢間，朋友於8:45pm先到達餐廳，知道煲仔飯都要等得比較耐，所以佢哋一坐低已經先叫咗兩個煲仔飯先。到9:00pm左右齊人，我哋點咗三個餸食住等，到三個餸都食晒，見等左有45分鐘，9:30pm左右開始想吹下個煲仔飯，侍應叫極冇人理，舉手就扮睇唔到，一個企收銀位疑似老闆，佢見到你舉手呀，示意左一下，但從來冇行過埋嚟，到另外一個矮d嘅男人經過我地張枱，同佢講佢又話唔係佢負責，要問其他人，淨係想搵人跟吓個煲仔飯者，都要等一大輪，最終有個女人終於睬我地，佢去問下廚房覆返話等多10分鐘，咁我哋就再叫多一個餸，繼續食住等。等到9:50左右見唔對路，又話10分鐘？同埋點解另外兩枱遲過我哋入席嘅客人，都已經有飯上枱？一枱最少10個人已經有6個煲仔飯上枱，另外一枱2人亦已經有一個飯，我朋友即刻問企收銀位個男人，點解佢哋遲過我哋到，已經有六個煲仔飯？佢居然回答話：人哋係預訂。唔係化，就算係預訂，都要平均分配呀？我哋早咁多叫，就算預訂都冇可能上哂比人先囉，可以先分一個我哋食住先都冇咁嬲，係咪熟客有預訂就有得食，生客又冇預訂，你就慢慢等成1小時都唔會有得食呀？最終結果到我哋10:1

叫咗兩個煲仔飯，好食，飯焦香，啲飯夠靚，豉油唔會有色冇味，火侯好，滑雞仲好嫩。冰鎮咕嚕肉，掂，上嚟熱辣辣，放一陣外面嘅糖變咗冰糖外殼，有啲似冰糖葫蘆。豉汁炒大蜆拼煎米粉餅底，外脆內軟，跟個豉椒汁點，唔咸，好夾。多人嘅時候建議提早訂位，因為都多人排平安夜好忙，等得耐少少但員工都好盡力跟單，老細對老人家nice👍🏻

我是肉餅控⋯在餐廳廳吃飯通常都會點肉餅自問對肉餅有點講究只想講這裏的剁椒肉餅真大癲！！肉嫰多汁 輕微的辣味非常刺激食慾這是一種特別的配搭令人留下深刻印象❤️非常好送飯！！煲仔飯也不錯其他小菜一般般餐廳太大 服務員未能照顧所以食客有被忽略的感覺🥲但我仍會因為這肉餅再來光顧！

🇭🇰嚐喜大不同特色餐廳小廚·冰鎮咕嚕肉(大)$210呢間我好耐之前食過佢個北角分店 不過今次再食我就覺得野食差左🫢🫢最好味都係個咕嚕肉 佢呢個份量仲係好多 而且咕嚕肉肉質好好 冰鎮完之後個皮好脆 食落口感好好🐷🤤·鹹魚肉餅煲仔飯$85 l 紅燒野菌豆腐煲$80 l 懷舊蝦多士(5件)$78佢個鹹魚肉餅唔錯既 不過個煲仔飯偏乾 而且無咩飯焦🫢個野菌豆腐煲就正正常常 不過個蝦多士就真係麻麻 佢個多士好油 而且個蝦都比較細隻🙊🙊·#rbyeat#rby港式#rby天后 #rby炮台山·📍天后水星街5-7號地舖

好凍好凍，好想食煲仔飯🥶就咁睇個名，唔知佢哋同西環嗰間嚐喜有冇關係㗎呢？🤔餐廳都幾full，大家都係食煲仔飯～不過注重乾淨衛生人士可能未必適合嚟，因為總會有1,2隻曱甴仔係你視線範圍中遊走，唔介意就OK🙈✴️冰鎮咕嚕肉✴️雖然放耐咗都仲係好脆，但都係普通嘅咕嚕肉好食啲～依個肉嘅油味較重，甚少甜酸汁，欠缺咗咕嚕肉應有嘅開胃酸甜感覺☹️✴️金銀蛋白菜✴️好食！湯夠濃味，炸蒜係隱藏嘅主角，識食一定食炸蒜🧄✴️芥末香煎牛扒✴️同預期中有出入，芥末沙律醬質地濃杰，食落都幾攻鼻👃🏻但沙律醬太多又太杰，如果凍咗更會漿住一pat pat，有點太膩～抵讚係牛扒份量幾多，而且唔係醃到軟冧冧無口感嘅肉👍🏻✴️冬菇滑雞煲仔飯✴️等咗有30分鐘，話係用炭爐燒🔥雞肉多但冬菇得中間一粒🥲所以飯係無仼何冬菇味的，可惜～飯焦好易刮起，飯粒亦夠乾爽分明，再多啲豉油會更好食！

趁住早兩日天氣又凍返🌀梗係要捉緊食煲仔飯🍲嘅機會啦，今次就來到位於天后嘅小菜餐廳《嚐喜大不同特式餐廳小廚》，聽聞呢度嘅煲仔飯係用炭燒，之前都有朋友來過，飯後都一致好評👍另外，餐廳除左煲仔飯出名之外，仲會有各式各樣大排檔嘅小炒。提提大家，來呢度食飯最好預先book枱，因為當晚我地六點坐低之後，隔左一陣已經差唔多坐滿曬。同埋餐廳要預留食材，有啲餸菜需要前一日打電話去留定。~🤩梅菜肉餅飯(HKD85) & 白鱔排骨飯(HKD90)煲仔飯嘅份量唔係好大，唔大食嘅話，一煲夠一個人食。我同女朋友兩個人就決定一人叫一煲再另外叫個小菜試下。先講下煲仔飯上面嘅餸先，調味恰好，唔會掩蓋到食材本身嘅鮮味，相信係餐廳對自己挑選新鮮食材嘅信心。到主角煲仔飯，我覺得廚房師傅係有用心去烹調，因為用炭燒嘅情況下，啲米飯粒粒分明，唔會太多水一「pat」亦唔會太乾身。當然，煲仔飯其中一個主角「飯焦」都非常出色，咬落香脆可口，但又唔會太燶。我地兩個眨下眼就食曬兩煲飯。🤩大不同小炒皇(HKD108)我地驚唔夠飽所以就叫多碟小炒皇試下。用料豐富，蝦仁同蝦乾size都唔細，調味略厭重味左些少，不過用來送啤酒嘅話重味些少亦無不可。

凍冰冰除左打邊爐，仲要可以揀食煲仔飯！諗左好耐食邊間，因為九龍同港島都有選擇！朋友提議去港島，佢話一定要食嚐喜，不過6點去唔到西環，基本上係等2個鐘先食到，所以，我地決定去北角，6點半到，運氣好好，我地有位坐🥹🥹🥹 Lucky us!!言歸正傳，即刻叫左個滾豬肚胡椒雞湯，冰鎮咕嚕肉，2個煲仔飯，滑雞臘腸飯，另一個係鱔魚飯，最好加多個椒鹽豆腐😛豬肚胡椒雞湯不得了，暖笠笠，簡直係救命恩物之後上嘅係冰鎮咕嚕肉係我真係食過最好味嘅咕嚕肉！內脆外軟，真係人世間的美食🥹🥹🥹我食左半碟！個人推薦大家一定要食！之後就係主菜煲仔食飯！記得黎到要焗一焗，自己加豉油，咁先可以食到飯焦🥹🥹🥹真係好正呀！個人喜愛滑雞臘腸多過鱔魚多啲因為我真係好唔鍾愛咁多細骨😂😂😂但味道是不錯的！全晚失色之最就係呢個，唔夠脆，唔夠滑 大家食2舊就放低左筷子。除左呢個唔係太岩我地口味，其實所野都好好！