影片
营业时间
今日营业
06:00 - 23:00
星期一至日
06:00 - 23:00
以上资料只供参考，请与餐厅确认详情
我个老友移民20年，终于等到佢回港！返嚟回港探友😎⋯⋯当然有我份啦！佢最想食嘅食物当然系中菜啦⋯⋯咕噜肉、煲仔饭⋯⋯呢间餐厅系我朋友介绍，冰镇咕噜肉超正⋯⋯佢久违了打麻雀，所以喺屋企开饭！做老友嘅，我梗系买外卖返嚟同佢慢慢叹啦！冰镇咕噜肉以前嘅咕噜肉没有冰镇的！今次有冰镇！咕噜肉仲好高质添！买返嚟屋企仍然非常松脆！里面保留肉汁又鲜嫩！超正！超水准！不消一阵就已经清晒！啫啫鸡煲鸡件非常嫩滑⋯⋯酱汁非常浓厚，味道咸鲜！非常送饭好惹味！配菜仲有咪大葱、木耳、猪润香味十足！冰梅榄角骨冰梅榄角骨外脆内嫩！每一口都保留肉汁！榄角嘅行香夹埋冰梅嘅酸甜非常美味！又清新又开胃🤤⋯⋯份量仲劲多添⋯⋯小炒王虾干超大只！带点咸香又鲜味！蒜心非常鲜嫩！爽脆虾仁配搭惹味带子粒非常鲜味！炸过嘅白饭鱼和香脆嘅腰果😋⋯⋯咸、香、鲜、脆、爽非常惹味⋯⋯腊肠排骨煲仔饭外型相当型仔！最正就系个饭焦好脆！啱啱就喺饭嘅面头咁样呢一个方法真系令到个饭焦保持焦香脆口！饭粒吸收晒排骨和腊肠嘅香气十足！呢间饭店我嘅朋友赞口不绝！久违了香港的美食却相当满意！话一定要再encore！
继续阅读
我前几日同朋友去咗天后水星街嘅尝喜大不同特色餐厅小厨食饭，呢间港式餐厅位于地舖，近炮台山站A出口，行5分钟就到。店内环境好有街坊feel，木桌同简单嘅装潢，坐得舒服又亲切，啱晒同朋友轻松聚餐。餐牌主打煲仔饭同小菜，价钱亲民，服务员好快手，仲会同你讲解点样焗煲仔饭最好食！😋咕噜龙球系招牌菜，虾球裹上薄薄嘅炸粉，炸得金黄香脆，外皮保持脆口，内里虾肉弹牙鲜甜。咕噜汁酸甜得宜，带点微辣，配上菠萝同青椒，味道好平衡，唔会太腻。份量多，虾球大粒，食落好满足，系一个开胃又吸引嘅选择！🦐芥末牛柳粒可以一试，牛柳粒切得大小均匀，煎得外焦内嫩，牛肉味浓郁，入口多汁。芥末酱汁带点呛鼻嘅辛香，唔会盖过牛肉嘅鲜味，仲有少少葱花同黑椒提味，食落好惹味。份量适中，啱晒钟意重口味嘅朋友，配饭一流！🥩必叫既系腊肠润肠煲仔饭，一上枱热辣辣，饭焦香气扑鼻。白饭焗得粒粒分明，饭焦薄薄一层，香脆可口。腊肠同润肠切片均匀，腊肠咸香，润肠软滑，油脂渗入饭粒，增添浓郁嘅肉香。加少少豉油焗多一阵，味道更香，食落好有满足感！🍚最后系胡椒猪肚鸡汤，汤底用老鸡同猪肚熬制，入口有浓浓嘅胡椒香，微辣暖身。猪肚处理得干净，切片厚薄适中，入口软腍有嚼劲；鸡肉嫩滑，吸满汤汁，味道好丰富。汤入面仲有少少杞子同姜片，增添养生feel！🍲
继续阅读
讲真，食咕噜肉食到厌？尝喜大不同呢间天后街坊小厨，真系将道普通菜玩到「成仙」！佢哋个「冰镇咕噜肉」，我敢拍心口讲——全港最值得试嘅版本，无之一！点解咁爆？一上枱就「哗！」一声！成个水晶宫咁，咕噜肉铺满碎冰，烟雾弥漫劲有仙气！师傅坚持即叫即炸，猪腩肉用秘制粉浆包住，炸到金黄脆卜卜，重点系——趁热啪落冰堆！ 冷热夹击之下，外皮居然可以保持酥脆十分钟以上，仲越食越爽，神奇到爆！味道？醒胃到停唔到口！酱汁唔系死甜死酸，师傅调到黄金比例，菠萝嘅果甜+山楂嘅微酸+片糖香，仲偷偷加咗啲柠檬丝，酸甜层次爆灯！冰镇后酱汁微微凝住黐喺肉面，一啖咬落去——「咔嚓」脆声＋肉汁喷出＋冰凉酸甜汁，个口感真系癫㗎！夏天食直头透心凉，油腻感？唔存在㗎！必趁冰未融快食，脆度MAX！建议加杯冻柠茶/咸柠七，酸甜配酸甜，爽到打冷震～做到咁嘅心思同质素，真心抵到烂！食厌传统油腻咕噜肉？呢个「冰火版」绝对令你重新爱上！信我，试完你会想encore多碟打包走！
继续阅读
尝喜大不同特色餐厅小厨餐潢以中式饭店为主调，主打街坊小菜，晚上还有驰名煲仔饭供应。豉汁蒸白鳝：白鳝摆放在长方形白色瓷盘中，摆盘美观，肉质鲜嫩多汁，配料有黑木耳、红辣椒圈、香菜和葱花，增添了丰富的色彩和层次感。茄子鱼腩煲味道咸香鲜美，带有鱼腩的鲜甜和茄子的软滑，配以蒜姜和咸鱼的香气，是一道家常又下饭的美味煲菜。茶餐滑蛋虾仁炒河：虾仁鲜美弹牙，滑蛋柔软细腻，配合河粉的爽滑口感，整体味道清淡而鲜香。热奶茶口感顺滑，香气扑鼻。福建炒饭：炒饭的口感丰富多样，米饭的软糯、海鲜的弹牙、蔬菜的爽脆，都使得这道炒饭的口感令人难忘。热华田：口感细腻、奶味浓郁、麦香四溢 ！ 瑶柱蛋白炒饭：饭炒得有镬气且粒粒分明、蛋白滑嫩、瑶柱鲜香，口感清爽且带有海鲜的鲜甜。
继续阅读
一年四季都可以食煲仔饭啦😆「尝喜大不同特色餐厅小厨」之前喺北角嘅时候我已经成日去食，而家搬咗去炮台山地方又大咗，𩠌菜款式更多样化，仲有特制预订菜式，下次要嗌埋屋企人过黎试下😋我同Bu两个人梗系要嗌返一人一个煲仔饭再加咗两款小菜，味道依旧不变，一样咁正👍🏻腊肠排骨饭加润肠煲仔饭即叫即制，大概需时15-20分钟，店员送上煲仔饭后加入豉油再冚盖焗一焗佢，咁就可以有脆卜卜嘅饭焦啦🤩我每次必点嘅腊肠润肠排骨饭，腊肠充满油香，润肠外脆内软带点酒香，排骨每一件只系有一粒细嘅骨头，入口啖啖肉，加埋豆豉、香葱同姜丝令排骨更加入味，米饭香糯软熟配上煲仔饭豉油冇得顶👍🏻北菇滑鸡饭北菇滑鸡亦都系必食推介，鸡肉嫩滑鸡味浓郁，菇香令鸡嘅鲜味更加特出，鸡油充分渗入米饭之中，米饭粒粒饱满香气四溢，底下金黄焦香嘅饭焦加上鸡油香令味道更加丰富😋除咗以上两款煲仔饭，店家提供20款以上嘅煲仔饭选择，白鳝同肉饼都值得一试👍🏻脆皮芝麻鸡特色招牌菜👍🏻两个人嗌半只嘅份量啱啱好，香脆嘅鸡皮上洒满芝麻更加香口，皮脆肉嫩，十分juicy，就算鸡胸嘅部份都唔会干同柴，厨师将火候控制功架十足，用黎送啤一流🍺烧腩仔炒四季豆烧腩仔果然系男人嘅最爱😆Bu点名要嗌呢个𩠌，肥瘦相间嘅五花腩以大火炸过后将油份逼出，食起上黎完全唔会觉得肥腻，四季豆软腍入味除咗本身蔬菜自带嘅清甜味更多了一份肉嘅香味，味道一绝👍🏻📍尝喜大不同特色餐厅小厨 (天后)天后水星街5-7号地舖人均消费：$100-200食物：⭐️⭐️⭐️⭐️⭐️环境：⭐️⭐️⭐️⭐️服务：⭐️⭐️⭐️⭐️⭐️回头率：⭐️⭐️⭐️⭐️⭐️
继续阅读
您可能会有兴趣的...