嚐品慕茶 (已結業)

原來已經有年幾無寫食評，今次令我有寫翻嘅衝動來自一餐失望的lunch⋯⋯☹️ 話說，此餐廳喺公司附近，由於準時兩點要開會！就拿拿林喺附近解決！平時行過已經見有個好盡責的staff在派傳單，大大聲話好抵又好食，今日就滿懷希望上去一試！沿住一條殘舊的樓梯行上一樓，裡面的裝修尚算新淨，但感覺是淘寶貨🙊地方雖然大，但我坐的二人枱同隔離距離超近，感覺似4人相識。 望住個餐牌，有3款咖哩飯只係40幾蚊，無加一。仲有D行政午市套餐，但就68元起跳。最後，我簡左天多利雞漢堡配薯條，同事簡了日式咖哩漢堡扒香煎豬肉腸飯。 個雞漢堡賣相都算正常，可惜一咬⋯😖凍嘅！Burger個包無烘過⋯軟林林，實在唔太啱口味⋯到d雞肉喇⋯對⋯⋯是一舊舊嘅雞肉，非一塊的漢堡⋯⋯佢係一舊舊硬到爭d咬唔開嘅雞肉！所謂嘅天多利汁⋯⋯酸酸辣辣咁⋯有d印度食物味🤔整體泥講個burger都幾難食。個配菜薯條份量都唔少，係有波浪文嘅幼薯，但佢本身無落鹽，要點茄汁先夠味。 同事呢個飯⋯⋯睇賣相都唔洗講味道啦下話？(敘述:條腸淡而無味，咖哩汁太少唔夠送飯，d飯好削，嗰塊所謂嘅漢堡扒⋯@@！肉餅泥嘅！仲要無味！成個飯唔知想點！

今日放lunch，同同事行咗嚟牛頭角附近餐廳。首先叫咗個地中海大啡菇牛油果漢堡配薯條，分量非常大份同抵食 ，中間有一層番茄沙律，味道非常清新 ，而且大啡菇咬落去咪唔會好乾 ，而係好多汁 ，烤得好香 ，素食人士都好適合。欖油炒鮮蝦菠菜意粉，鮮蝦好新鮮唔似急凍蝦，橄欖油加少許黑胡椒嘅香味而且意粉軟硬度啱啱好，所以食落好順口。+20 蚊既抺茶芝士蛋糕有驚喜，抹茶味好濃，值得一試。呢度座位寬闊，走文清路線，係影相呀呃下like都唔錯。

午飯時段我們來到牛頭角，聽聞工廈內有間餐廳，提供特式西餐。餐廳環境富有日式田園風格，置身其中，感覺很舒服。午市有健宜套餐，便捷午餐及行政午餐，可配合不同上班族的需要，價錢一點也貴。欖油炒鮮蝦菠菜意粉侍應奉上時熱辣辣，很有鑊氣。意粉很彈牙，全都沾上了欖油。鮮蝦很新鮮，蝦味突出。天多利雞漢堡配薯條很有印度風味，雞扒大大件，少少辣很醒胃。薯條炸得香脆，沾上茄汁味道一流。可樂以杯盛載著可樂，再添加了冰，甜甜地涼涼浸浸份外寫意。

今日同兩個朋友黎左呢間工廈cafe做偽文青，一齊嘆下lunch影下相一上到去就見到有唔少影相打卡位餐廳既牆身仲有唔少靚靚既黑板畫可以任我地影而佢地既set lunch都幾抵，A-G有7款（價錢由HKd$55-$102不等）包餐飲，仲唔洗加一我地就先每人嗌左一個餐然後再加HKd$15×2要左兩份“凱撒沙律”一齊食先黎既沙律份量都唔少，兩大碟三個人分都好足夠之後我地既主菜都好快送到上黎啦我點既係“櫻桃茄醬煙鴨胸長通粉”HKd$55長通粉唔會煮得過腍，茄醬既調味酸酸地都幾開胃，仲要有5-6塊厚切煙鴨胸！真係幾抵食朋友既“炸魚薯條(轉白飯)”HKd$62有三大塊炸魚柳呢位朋友唔食薯條，店員仲好好人咁幫佢轉左做白飯添另外一位朋友既“香酥軟殼蟹牛油果漢堡配薯菜”HKd$85賣相都好吸引啵！佢既薯菜係波浪粗薯條黎架，見到咁....我都忍唔住食左朋友仔幾條薯條餐飲方面，佢地一個加3蚊要左杯凍檸茶，另一個就加8蚊要杯cappuccino，而我就加8蚊order呢杯hot matcha latte呢杯Matcha latte好好飲呀，好濃既抹茶味，入口回甘，奶泡夠滑最後我地仲跟餐加左兩款cake一齊sha

呢間餐廳係我公司對面，每日午飯時間都會有位姐姐落力promote, 令到我都想試下， 點知食物質數同餐廳名字無關 --" (呢間餐廳名好靚)一行6人， 叫了4 個all day breakfast, 1 個魚意粉同1 個雞扒飯。雞扒飯一般， 雖然冇雞味， 夠日式醬油。幾個all day breakfast, 一個冇蘑菇， 一個冇ketchup, 一個冇番茄。。 不過相對黃咖哩魚都算正常呢碟咖哩魚意粉一係好難食， 好心佢試下感受下。。另外感覺人手唔夠，令到出餐較慢。 唯一一讚係個搽茶拿鐵， +8蚊， good ah.

今日第一次去呢間嘢lunch，原本之前有同事去過有9折食物都ok，所以介紹我去。我哋一行4人去到坐低，跟住落單時問個待應姐姐(佢超好態度又有禮貌)，佢話新嚟唔清整，所以佢去問第二個同事。跟住有個男待應話已經無做offer，除非有張9折嘅宣傳單張(1張紙仔)，然後我同事話有(因為佢上次拎咗)，但跟住個男待應行去問完之後都係話已經無做offer。咁無計喇，諗住都算啦！之後我哋落完order，個待應姐姐入完機返埋話可以有9折，叫我哋一陣去櫃面埋單俾返咗宣傳纸仔個收銀就可以。點知到埋單嘅時候個收銀員話"無做折喎，offer已經完咗"，跟手指住櫃面嗰牌話"你哋係咪呢啲公司staff，係咪有9折囉！"佢態度超差。原本開頭感覺一直好好，因為之前2位待應態度都有禮貌，呢個四眼女收銀令到我哋感覺完全差晒。唔係貪你嗰個9折，就算指定公司staff咪又係show個pass，既然你哋之前職員已經話咗有9折，我哋又有宣傳單張，識做生意咪做個9折俾客，為咗嗰$10失咗班客。之前知道無折，我哋都唔介意order個100蚊嘅lunch啦！最緊要食得開心囉！但呢個女收銀員咁差嘅態度…… 簡直係趕客，下次都唔會想再去受氣

之前同同事黎食過buffet, 5個人黎食，5個都話👎🏻最近見佢係街派紙，轉左唔係食buffet,而且食餐，林住會好d,所以博一博，點知......同事A: 你之前話黎，我已經拒絕過一次，不過知你唔心熄，所以陪你黎，無下次...同事A點左個肉醬意粉，但咁基本既野都整得唔好，仲要係一早整定，再翻熱，落左單唔夠5分鐘已經可以上枱...同事食左唔知有無三分一同意B: 佢d野食似俾小朋友食，而且係美而廉既質數，......我同同事B同樣揀左黃咖哩龍脷柳龍粉！黃咖哩得個幾滴係個幾塊無咩肉既乾真真炸漿上面。而下面就係白色既忌廉意粉......我食左唔知有無一半...我都唔好意思，叫左同事黎試！講真，依度環景都整得幾靚，但點解唔攪好d食物質數？？？

寫寫下先發覺咁長，所以加左副標題比大家速讀。今日中秋佳節，lunch諗住同同事食好DD，叫做應下節，臨出門前落狗屎，唔緊要！面對滂沱大雨都無損我地出去食既決心。換對水鞋出發！可惜去到食開那間西餐廳閂左門無營業。好啦，思前想後，又唔想中秋咁頹食33蚊3餸飯，勉為其難過隔離上樓食呢間spoon n bowl啦。遺憾的是，最終都係敗興而返。婆婆的笑容係唯一賣點點解我話勉為其難呢？就要由佢地初開張講起，當年佢地搞左個午市自助餐，88蚊，學方東昇話齋「一試難忘，再試投降」。自此我都無再幫襯，之後聽聞易左手(同事間謠傳、未經證實)，多左位婆婆係地下熱情殷勤地拉客。有幾次大熱天時見婆婆都落足嘴頭笑容滿面咁拉客、爭D心軟想幫襯。今日又見到婆婆，佢劈頭第一句「中秋節快樂呀」真係幾窩心。雖然我地決定幫襯有99%係因為對面西餐廳無開門，但都有1%係因為婆婆既。瀨野喇！瀨野喇！出事架嘛！我份人就係咁黑仔，我地一行三人，同事A叫左日式照燒雞飯，同事B叫左焗肉醬意粉，我叫左黃咖哩龍脷柳配菠菜忌廉意粉。同事A話雞有雪味，但可接受，同事B話肉醬意唔錯，意粉同肉醬撈得幾均勻，如有芝士更好。至於龍脷柳⋯榮登「最難食龍脷柳

係觀塘返工已經好一段時間啦，經常食黎食去都係果d茶餐廳、快餐店......唔太忙既時候就會搵下d其他餐廳食下野，成個人都會開心d呢間餐廳超大，好有空間感裝潢簡單得黎卻令人有舒服既感覺完全無有個壓迫感酥香軟殻蟹牛油果漢堡新鮮熱騰騰的咬第一啖，有d論盡，牛油果醬不停咁流出黎，不過亦證明份量好足而軟殻蟹炸到好juicy, 軟殻蟹既肉汁滲出左上面果層包度我feel到突然間個包有燙手既感覺，先個肉汁滲左出黎廚師手工野菌炸飯球被個菜式名吸引左，因為有廚師手工呢幾隻字不過食落就覺得沒什麼特別，係炸飯團黎

牛頭角偉業街一岸車場工廈, 一岸商業大樓, 人跡罕至, 餐廳只好走中高檔路線。嚐品慕茶餐廳寬敞, 設計有格調, 予人輕鬆悠閒之感。午餐$55起, 份量頗大, 而且環境舒適, 係附近OL聚腳之地 。一星期左右更新menu, 有一款素食。鮮見嘅菜式~飯球炸得出色。廚師將米粒壓碎, 令飯球炸後不鬆散, 炸皮仍能見到飯粒分明, 香脆如飯焦, 而唔係厚粉漿。野菌打汁, 有少少拉絲。但可以多放菌粒, 令飯更濕潤。比起沾茄醬, 野菌汁/沙律橙汁會更清新。綿滑, 微甘。放數分鐘仍未溶化~奶綠茶粉太多喇, 以飲品嚟講太多茶渣會唔滑...呢個茶香同甘苦度同雪糕對調會更恰當。 但奶泡打得唔錯。bk場好似都幾抵😗可以ig吓spoonnbowl, 有menu同工作坊info

作晚Aug 12, 2017 在這裏參加了朋友包場派對，供應食品包括肉醬意粉， 水牛城雞翼， 炒菜 ，炒飯 ，炒時蔬， 沙律， 肉腸 ，少許甜品。 我可以說食物的味道及品質差到不得了， 比任何一間快餐店 或連鎖快餐店還要差， 我可以給予的comment 係四個字 超級難食 。這些年來吃過最難食的外間食物-。 由於係包場原因我知道食物的種類跟party的budhet是有關的, 但就算budget有限食物的味道也不可能是這麼的差。 雞翼完全沒有味道， 我想雞翼是一種最易煮得好味的東西但是它可以煮到完全冇味道及十分乾。 肉醬意粉又乾又沒有味道，連他的蒜蓉炒白菜白菜也可以是 又乾又老。 其他的食物也不想多提總之成晚我都沒有吃到什麼因為實在太難食。

牛頭角工業區嘅上樓Cafe，裝潢設計幾有風格，午餐都幾大眾化，選擇唔算少。蝦堡真材實料，肉眼扒都幾多肉汁，兩樣主菜嘅薯菜份量都算多，係用幼切薯條。頭拼略微少啲但呢個價錢都算合格。係附近返工嘅朋友，又多個選擇啦！---------Pan-fried shrimp burger with French fries美式蝦肉漢堡 配薯條 $82튀긴 새우 햄버거와 감자 튀김---------Pan-fried canadian rib eye of beef with onion sauce香煎加拿大肉眼牛扒 配 洋蔥汁 $99양파 소스 튀긴 쇠고기 갈비뼈에 ---------Caesar salad 凱撒沙律 +$15샐러드Soup of the day 餐湯 +$6오늘의---------Hot Maruyasu Matcha Latte 熱日本丸安抹茶奶 +$8핫 마루야스 말차 라떼---------Iced lemon coke 冰檸檬可樂 +$7아이스 레몬 콜라

日式燒雞拼煎飯餅 Japanese Roasted Chicken with Pan-fried Rice Cake $62I actually found the pan fried rice cake uniquely texture-wise! Quite crunchy to chew. Besides, the roasted chicken and sauce that complemented were luscious! Overall an inviting dish to go for lunch! Shrimp and mushroom cheese burger Served in generous portion, the burger was just average. Ordinary cheese, mushroom and shrimp meat put together. I should have tried alternative dishes. 玄米茶雪糕 Japanese Rice Tea Gelato $32玫瑰花茶雪糕 Rose Tea

想試呢間店好耐！終於都黎左試，一入到黎，成個感覺好清新，文青感覺岀哂黎，設計簡單得黎又不會沉悶首先食左--芥末吞拿魚沙律三文治 $52吞拿魚份量剛好，淡淡芥末味，吞拿魚亦不會太咸。薯條即炸夠脆黑松露煙三文魚忌廉汁意粉$88好香黑松露味😋，每條意粉都沾有忌廉，三文魚有兩大片，如果加d菇就完美。金寶蘋果撻配手工雪糕Gelato $68金寶蘋果撻好足料！好夠新鮮粒帶時焦糖味，撻底香脆而不硬，饀料豐富，配上雲尼拿Gelato雪糕口感濃稠，不會太甜!丸安抹茶奶綠$30好濃既抹茶，奶既份量剛好，差不多每枱都有杯伯爵茶朱古力$40朱古力味道非常濃郁，與伯爵茶味道很配合，偏甜，適合朱古力和甜味愛好者餐廳裝修好文青，以木色為主。仲可以眺望官塘海濱，環境優美。好岩影相，又可以同朋友慢慢吹水，好地方。

位於牛頭角的樓上cafe，精緻裝修，擺設很漂亮！可以拍出很多美照唷～ 場地很大，如果辦party的話會很適合～ 點了一份吞拿魚沙拉烤三文治，有配薯條的。味道尚可，是正常的，但是我覺得這家餐廳的賣點應該是環境，而不是食物吧。食物的質量一般般，但是以這個價格來說，有這麼漂亮的環境，算是可以接受～ 他們貌似主打手工冰淇淋，但是冰淇淋反而讓人比較失望，冰淇淋裡面有點冰沙的感覺～ 不夠滑，也沒有入口即溶的感覺～ 32元一球，不划算，下次應該不會點吧。